2
6
9
Telephone
3484 3750
Opening Hours
Mon-Sat
12:00-22:30
Sun
Closed
Payment Method
Cash
Review (18)
Level4 2012-09-30
早前在團講買了coupon,今日尊登嚟試試。我點了招牌王子拉麵,玉子拉麵和牛骨湯拉麵。拉麵的賣相差不多,只是湯底不同,招牌麵有蛋,叉燒和海帶。麵質不錯,有點咬口,但老公就不太欣賞,因他喜歡吃偏稔的麵,但招牌麵的湯底偏淡,玉子麵的湯底又偏鹹,牛骨湯底比較香濃。叉燒賣相一般,但味道不錯,很稔仲有少少煙燻味。溫泉蛋不過不失吧。團購價$29+ $6.5一碗,都算抵食。 continue reading
(The above review is the personal opinion of an user which does not represent OpenRice's point of view.)
因尖沙咀赫德道才有牛骨湯麵,最後一天(九月十四日)趕來換領。 赫德道真真複雜,小店子外雖掛滿紅燈籠,仍要落足眼力才找到。正值下午四時,店內一片清閒的氣氛,我當然要了碗牛骨湯底的八王子拉麵。 原來牛骨湯比豬骨湯清,比豬骨湯寡,碗中少了旺角店的餃子,卻多子數片日式义燒,Shirley 說得對,這裡的义燒的確較乾身,味道亦較濃;那隻溫泉蛋少了蛋黃卻又夠味又突出; 生蒜似乎用多了一點....... 不是不好味而是不太合我的口味,我和大眾一樣較喜歡豬骨濃湯拉麵。有幸與師傅對話,他似乎很緊張食客的觀感,主動和我交談。 他解釋: 麵上的油是味油,因麵裡沒有放味精及鹽,才會加多了一點味油調味。 我老實跟他說 Shirley 曾投訴义燒不熱,他提議食客如再遇此情況時可通知店員作補救,顧客不說,他們很難知道那碗麵會有問題的..... 讚! 他又教曉我: 雞湯較肥,牛骨湯工序繁複又難煮得好,豬骨湯才大行其道..... 這次花$26便“有麵食,有堂上”, 師傅才是鎮店之寳呢!温馨提示: 下午茶的份量一樣,多了汽水,少了加一,比團購更優惠呢! continue reading
(The above review is the personal opinion of an user which does not represent OpenRice's point of view.)
Level2 2012-09-08
我朋友之前上網買左呢間個團購,咁諗住早d行去食啦~點知去到門口俾我地見到午市有個$36包拉麵+飲品+小食 免加一下午茶$28拉麵包飲品 免加一即係用團購仲貴過就咁中入去食-__-"好啦~既然都黎到門口廢事搵另一間食,咁就入去食個下午茶$28間鋪好細間,好似得十幾個坐位我叫左個八王子拉麵,我朋友叫左個乜乜辛乜乜拉麵,唔記得個名喇~總之碗麵一樣樣係個湯底唔同味其實味道就真係無咩特別~係尖沙咀$28食碗麵仲想點?不過我覺得去茶餐廳食會更好...選擇更多...食到一半我同朋友吹緊水果下有個師父定店員行過黎問好唔好食....「ok丫」我地當時係咁答...見佢服務又唔算差,入得口就算啦...之後我同朋友係咁吹水,佢都有問我地要唔要杯水,之後都加左兩次水俾我地...兩個人埋單$56睇番上幾個食評都話野食唔得服務又差,我反而係覺得食物入得口(真係唔算好食)但服務好好啵 continue reading
(The above review is the personal opinion of an user which does not represent OpenRice's point of view.)
Level3 2012-08-26
午市 35 蚊有拉面小食同汽水, 仲要食夠十二碗送一碗添, 尖沙咀黎講都好抵架喇 面食得出係手打, 驚喜; 小食揀左炸雞, 但係粉太多, 差 d 食唔出係件雞 下個禮拜轉餐牌, 會有冷面揀, 不過就加多一蚊, 點講都仲係抵食既 continue reading
(The above review is the personal opinion of an user which does not represent OpenRice's point of view.)
跟據過往經驗,買團購前會睇下大家的食評先決定。但呢次團購冇睇,就出事啦...今次同男友用2張coupon,$29+正價加一。黎之前上黎呢度睇左食評,都有少少心理準備。入到去環境ok乾淨,個侍應(估計係老細/經理級)好快就擺低menu介紹左各款拉麵的唔同之處。我一心黎食的胡椒拉麵賣哂,最後男友揀左白骨拉麵,我揀左蟹柳拉麵。個麵黎到,外觀一般,有3條蟹柳半隻蛋。一食落去,下?!唔係應該熱辣辣架咩?冇霧煙,係暖既!最基本野食要夠熱都做唔到!到個麵,咬落去d麵條係完全冇味(冇小麥味),睇落去發脹了,唔似食緊麵,完全唔彈牙仲係稔的!跟住飲左啖湯,只飲到咸味!之後試埋蟹柳同蛋,係正常味道。試左男友個湯一啖比我的更咸,真係頂唔順!食左塊豬肉(豬頸肉?),不過不失。呢店只有餸比較能入口。我地食左幾啖,果個侍應問我地覺得d野食點?男友答了ok! 我心諗好難食喎!但冇出聲。(後來先知男友係輔衍佢)跟住個侍應同男友講:'我諗你會覺得你(白骨麵)會好食過佢果個(我的蟹柳麵)。其實呢,入到餐廳應該問下個侍應邊樣野食係出名囉!' 嘩,侍應言下之意係怨我冇問佢?!定佢都覺得我個麵唔好食係唔應該叫呢?咁你間鋪淨係賣出名果款就得啦!佢講完男友冇答佢就走開左。跟住男友話我知佢話ok好食只係想打發佢走,都懶得同侍應討論,我揀左個'唔出名'拉麵同男友揀左個'出名'拉麵,結果都係一樣。男友都覺得難食都係不夠熱同麵稔的問題!之後我地一路食一路飲水因為好口渴,最後我食左一半就走啦!埋完單衝去7仔買左2枝水飲,返到屋企條俐仲係有野漿住咁,究竟間鋪落左咩落去整個麵架?!肯定唔會有下一次!以團購的價錢都不值得去! continue reading
(The above review is the personal opinion of an user which does not represent OpenRice's point of view.)