146
27
14
3-min walk from Exit D, Prince Edward MTR Station continue reading
Telephone
26488911
Opening Hours
Today
10:00 - 02:00
Mon - Sun
10:00 - 02:00
Payment Method
Cash
Other Info
Wi-Fi
Open Till Late
Alcoholic Drinks
Parking
10% Service Charge
Review (204)
Level4 2018-04-11
112 views
早排應承過媽咪得閒帶佢飲茶食一盎兩件, 奈何平日要返工, 假日媽咪又唔想我破費食貴價點心。上網搵到間點心專門店, 唔洗等早茶至下午茶時段, 就連夜晚至凌晨時段都有即叫即蒸點心食。今晚放工就帶媽咪去飲餐茶, 店面不大, 整潔衛生, 打破傳統非一般酒樓格調既裝修。一看menu, 一般平時飲茶食到既點心種類都很齊, 當中更加入了新派款式點心吸引我地呢批年輕一派, 而且更是平民價, 全日仲免收加一tim~!飲茶必叫既當然係蝦餃燒賣, 【籠太子蝦餃皇】 HK$13 (2隻)蝦餃晶瑩剔透, 不會太厚, 接駁位既口感不會太硬, 亦不至於一夾即穿。入面有原隻既蝦肉, 鮮甜爽口。【原隻鮑魚燒賣】 HK$27豪氣一點食點心都要加隻鮑魚, 超迷你鮑魚不只是點驟, 不只是賣相貴氣一點, 迷你鮑魚還是帶點鮮甜味, 更有點點飽汁, 燒賣大大粒又飽滿, 除了豬肉, 同樣都是有鮮甜爽口既蝦肉。不喜歡食鮑魚既亦有傳統燒賣可以order 【鮮蝦燒賣皇】 HK$13 (2隻)【黑椒金錢肚】 HK$23金錢肚帶微辣, 很爽, 而且冇渣, 底下竟然是少量烏冬, 第一次見用烏冬墊底, 烏冬不會過份索油份, 所以食落都唔覺油膩。【雪山叉燒包】 HK$18近似菠蘿包皮既表面, 甜甜的, 麵包鬆軟, 入面既叉燒幾林, 叉燒汁既甜度跟面層外皮相呼應, 味道很夾。【流沙奶黃包】 HK$21奶黃包同樣鬆軟, 一撕開果然是流心, 不過流沙不算太多, 所以整體不會過甜.【煎蝦膠釀茄子】 HK$17茄子林而且入味, 個茨汁甜甜地幾惹味, 蝦膠幾彈牙, 點心黎講份量正常 【海皇芝士千絲卷】 HK$21很出色既一個點心, 外層一絲絲卷著的外皮超酥脆, 不帶半點油膩, 口感層次豐富, 內裡有隻鮮甜彈牙既蝦肉, 雖然唔太食得出芝士味, 但外皮既酥脆加上內裡既鮮甜, 絕對食得出師傅既用心!整體價錢不貴, 比一般酒樓味道更上一層樓, 用料新鮮, 食得出師傅既用心, 值得再來! continue reading
(The above review is the personal opinion of an user which does not represent OpenRice's point of view.)
抵食夜茶點心 Featured Review
Level4 2017-10-25
3449 views
嗰日十一點幾諗住搵嘢食,咁啱喺太子嗰頭,朋友話有間點心專門店開到好夜,話帶我去。太子站D出口出發,行一陣就到。入到去發現環境非常闊落,樓底好高天花板掛滿雀籠,座位非常寬敞。點心有好多款式,而且仲有啲特色點心。 XO醬非常野味。皮蛋牛肉腸腸粉皮薄而且嫩滑,加咗皮蛋嘅牛肉腸,提升咗味道嘅層次。流沙奶黃包熱辣辣,包非常鬆軟。一咬開奶黃即刻湧出來,奶黃甜度適中充滿鹹蛋香味。魚肚水餃魚肚厚身因此吸收左大量湯汁,湯汁鮮甜,水餃餡料充足。 籠太子蝦餃皇蝦餃皮厚薄適中,好多蝦,啲蝦仲爽口彈牙。鮮蝦燒賣皇豬肉肥瘦適中,配合新鮮嘅鮮蝦,味道非常配合,加上蟹子賣相亦吸引。鳳爪排骨飯好大份,飯粒分明,排骨肉嫩滑,鳳爪醬汁出色,而且炆到好林,離曬骨。金蒜蒸排骨,排骨大嚿啖啖肉,而且蒜味香濃。整體而言點心絕對比茶樓做得出色,大家記得來試下。 continue reading
(The above review is the personal opinion of an user which does not represent OpenRice's point of view.)
深得民心的籠太子 Featured Review
Level4 2017-10-19
815 views
早前有段日子經常到這類新式點心店吃早餐。沒吃一排,有點懷念。所以昨晚見到籠太子,二話不說就決定進去拜見這位太子了。它的佈置簡約又新潮。座位算寛躺。最意想不到是價錢比我吃開的那間還要便宜!而且種類更多!要是有一間在我家附近,我應該會轉而投入它的懷抱。當然,食物質素也很重要,就來看看這個籠太子懂不懂民情了。不是炸兩。原本不打算點的,因為已經點了七樣,兩個人怕吃不下,但朋友堅持要有腸粉才稱得上叫飲茶,所以最終也要了這個。還好叫了,要不然就錯過了這麼創新又好味的"炸兩"。這裏所有點心上枱時都是滾熱辣的。腸粉很滑又不厚身,內裏的米網紙鬆脆香口,還有蝦肉和西芹做餡料,配撘著吃口感一流。這是海皇芝士千絲卷。雖然我只吃到淡淡的芝士味,但它的千絲真的無得頂。細看餐枱紙上的介紹,這個千絲即是芝士,炸到香脆金黃而成,口感讓我想起龍鬚糖,每咬一口都感到它的幼細,分別在於它每一條都是鬆脆香口和內裏是鮮蝦和冬菇。這麼富貴的原隻鮑魚燒賣我也是第一次吃。鮑魚煮得很稔但仍有嚼勁,而且很鮮美,咬下去感到好juicy 。而燒賣本身也很大粒新鮮。煎蝦膠釀茄子。蝦膠煎到脆卜卜好好味,而茄子又沒有煮過稔,好好味。就是碟面上多了點油,放久了吸油多了底部就油膩了。所以要盡快吃啊!蝦餃是必點的。這個籠太子蝦餃皇的皮厚度適中,餡料好靚,口感好煙勒,賣相一看就感到它的晶瑩通透了。而且有個好處是它可以只點兩隻,可以留肚多吃幾款點心呢。流沙奶黃包堅流沙。咬開少少奶黃就湧出來了,好濃好好味。魚肚水餃,魚肚大件算厚身,吸晒湯汁好入味。水餃皮薄餡靚。入面應該有木耳,因為感覺幾爽口。香滑反斗糕。其實是馬拉糕,造型得意。平時我不喜歡吃,因為大件又覺得乾身,但這個算香滑,沒有那種乾涸感,細細的吃一件不錯。有兩件我打包回家弄熱給老爸吃。當初我猜他只吃一件,但家姐話說不定呢。最後他兩件都吃掉,證明是好吃的。最後茶價是每位$3。因為第一次來,我們點的都是點餐紙上有手指在旁,心想推介得也不會差到哪裏去。而事實也真的很好味。另外看見別人都點粥品和湯,很大碗,相信我吃一碗都差不多吃不下其他了。店員也很有樂意助人。我見隔鄰枱的客人吃完還要外賣。店員一開始是一包過打包的,聽到他們要撘車,就幫他們分開兩袋免得撘車時會弄瀉,好細心。 continue reading
(The above review is the personal opinion of an user which does not represent OpenRice's point of view.)
新派點心店 Featured Review
Level4 2017-10-09
2561 views
上個月去柏樹街吃泰菜時,就已經留意到同街有間門面以蘋果綠為主調的食肆,走近門外往內望,裝修具創意,樓底很高,天花掛滿白色雀籠,但格局十足十西式 Café。抬頭望吓招牌,原來是間中式懷舊點心專門店,感覺特別,所以就把店名記下來,趁這天要來附近出差,就順便過嚟飲夜茶。按門而入,店面呈長方形,地方不大,甫進店已一眼見曬,檯與檯之間有點逼狹,不過環境整潔光鮮,而且裝潢有心思,打破一般點心店格局,走年輕摩登路線,牆身以綠色為主調,配上柔和的燈光和天花的白色鳥籠,為四周添上一抹閒適。拿起點心紙,款式選擇頗多,粗略估計,應該有成 40 多項,既有傳統嘅大路貨色 ,亦有新派自創款式,而且全部即叫即蒸 ,另外亦有是日精選老火靚湯。點心價目由  $13 至 $27 不等,而茗茶就每位 $3,加上全日唔收加一,相當經濟。兩個人一共叫咗 8 款點心,蝦餃燒賣當然唔少得,平日去茶樓食蝦餃燒賣,通常都係一籠 4 粒,不過呢度就可以揀 2 粒或 4 粒,啱曬我呢挺心多多,樣樣都想試,但又眼闊肚窄嘅麻煩友。籠太子蝦餃皇 ($13)  率先送上,蝦餃皮包得幾靚仔,雖然外皮唔算話好薄,但咬下煙韌彈牙,而餡料入面嘅蝦肉亦爽口有鮮味。接著上桌嘅鮮蝦燒賣皇 ($13)  亦很有水準,燒賣選用了肥瘦豬肉,豬肉的油香再加埋蝦仁,食落嫩滑有嚼勁,鮮中帶爽甜,入口鹹淡得宜,加上面頭以蟹籽作裝飾,賣相美觀。之後是鮮蝦腐皮卷 ($20),薄薄的腐皮卷新鲜即炸,送上檯時仍熱騰騰。一口咬下,腐皮雖然唔算好脆口,但就十分鬆化,加上入面爽口彈牙的蝦肉餡,沾上微酸的喼汁,好吃又開胃。藥膳雞腳 ($19),成品用料十足,一共有 4 隻雞腳,食落非常腍滑、好入味,而且湯底的藥材味不太重,清甜滋補,大人細路都啱飲。接著是紅油抄手 ($22),餛飩個子非常大,隻隻外形都飽滿厚實,而且餡料下得勁重手,雖然只是以豬肉為主,但就分量十足,入口啖啖肉,唯一就是稍嫌墊底的紅油,唔夠麻辣,略欠風味。之後是一碟三個嘅雪山叉燒包 ($18),叉燒包外形像墨西哥包,外皮好香脆,包身鬆軟,不過就稍嫌內裡的叉燒餡略少,幸好廚師選用了偏瘦的新鮮脢頭肉,配上惹味的叉燒醬,吃起來亦甘香不膩。鳳爪排骨飯 ($23)  上桌時飯還是熱呼呼,入面嘅鳳爪非常大隻,食落香濃惹味,而排骨亦夠曬鬆化,配淋上豉汁的米飯吃,軟綿可口。壓軸這客是名字搞鬼嘅不是炸兩 ($23),腸粉用長碟盛上,腸粉皮很薄,入口好滑溜,而內層的米網紙亦非常輕巧鬆脆,加上用咗蝦肉和西芹做餡料,口感唔錯。食到飽飽,埋單每人都只係幾十蚊,食物質素唔錯,經濟抵食。 continue reading
(The above review is the personal opinion of an user which does not represent OpenRice's point of view.)
巧.出色 Featured Review
Level4 2017-09-17
2253 views
已經好耐無去茶樓飲茶,今晚突然想食點心,即刻上網找找邊度有點心食,發現平時搭公司車附近有間點心專門店,就一於今晚去試一試。餐廳位置方便,在太子地鐵站D出口行過去都不用5分鐘,店內裝潢精緻,天花吊住好多籠子做裝飾,同餐廳名字相當配合。點心款式選擇多籠太子蝦餃皇蝦餃皮軟滑,餡料蝦肉爽口彈牙,真材實料。名醬蒸鳳爪醬汁甜甜的,鳳爪已經炆到軟淋,入口輕輕一咬,骨肉分離。魚肚水餃湯汁清甜,魚肚吸收咗湯汁又軟又香甜,水餃新鮮。原隻鮑魚燒賣鮑魚雖然細細隻但口入軟嫩入味,燒賣蝦肉加上豬肉口感爽甜,好好味喔四寶滑雞扎餡料十足又豐盛,雞肉嫩滑,魚肚軟綿。原隻鮮蝦腸腸粉滑溜溜,鮮蝦大隻又爽甜不是炸兩用米紙包住鮮蝦蔬菜炸成,外層再包上鮮嫰腸粉,外軟內脆,好滋味喔!古法糯米雞份量十足,餡料有雞件,鵪鶉蛋,火腿,豬肉等等,糯米軟嫩又入味,各款配料都好滋味。估唔到餐廳點心水準超出色,又正宗,比很多酒樓做得好好多,下次要帶屋企人試試其他款式。 continue reading
(The above review is the personal opinion of an user which does not represent OpenRice's point of view.)