152
27
15
3-min walk from Exit D, Prince Edward MTR Station continue reading
Telephone
26488911
Opening Hours
Today
10:00 - 02:00
Mon - Sun
10:00 - 02:00
Payment Method
Cash
Other Info
Wi-Fi
Open Till Late
Alcoholic Drinks
Parking
10% Service Charge
Review (212)
Level4 2018-04-28
2790 views
老公突然提起好耐冇去酒樓飲茶了,平時就要返工,假期等位等到傻,女兒聽到就說:而家飲茶邊洗甘麻煩,之前和同事去太子的籠太子點心專門店食,果度在營業時間內,都有點心食,而且味道不錯呢!我和老公今晚就專程前往試試!點心專門店整體雅潔,環境比酒樓清静。當中不乏年青人光顧,長者還是一貫作風,邊食邊睇報紙。鮮蝦燒賣皇:餡料是鮮蝦和豬肉,口感彈牙味道鮮甜,好味!古法糯米雞:用荷葉包住糯米,中間放有火腿、鵪鶉蛋、還有肉碎和獻汁,上枱時熱騰騰的,一打開香氣四溢,荷葉的香味滲入了軟硬適中的糯米飯,而且還有獻汁撈匀食,相當惹味!原隻鮮蝦腸:腸粉好滑,原隻鮮蝦爽口,加埋已調味的豉油,好好味!雪山义燒包:這個西式做法的义燒包,我第一次食,包皮的脆有點像我小時候食的墨西哥包,個包面香脆,入面义燒餡料惹味多汁有口感。籠太子蝦餃皇:晶瑩剔透的蝦餃皮,包住爽口的蝦,一口一隻,好味得食不停口。潮州蒸粉果:餡料夠味又爽口,粉果皮滑中帶口感,最好點些辣椒油食,份外好味!金蒜蒸排骨:排骨都好入味,蒜味香,在排骨下的烏冬吸收了排骨的精華,美味可口! continue reading
(The above review is the personal opinion of an user which does not represent OpenRice's point of view.)
Level4 2018-04-11
2018 views
早排應承過媽咪得閒帶佢飲茶食一盎兩件, 奈何平日要返工, 假日媽咪又唔想我破費食貴價點心。上網搵到間點心專門店, 唔洗等早茶至下午茶時段, 就連夜晚至凌晨時段都有即叫即蒸點心食。今晚放工就帶媽咪去飲餐茶, 店面不大, 整潔衛生, 打破傳統非一般酒樓格調既裝修。一看menu, 一般平時飲茶食到既點心種類都很齊, 當中更加入了新派款式點心吸引我地呢批年輕一派, 而且更是平民價, 全日仲免收加一tim~!飲茶必叫既當然係蝦餃燒賣, 【籠太子蝦餃皇】 HK$13 (2隻)蝦餃晶瑩剔透, 不會太厚, 接駁位既口感不會太硬, 亦不至於一夾即穿。入面有原隻既蝦肉, 鮮甜爽口。【原隻鮑魚燒賣】 HK$27豪氣一點食點心都要加隻鮑魚, 超迷你鮑魚不只是點驟, 不只是賣相貴氣一點, 迷你鮑魚還是帶點鮮甜味, 更有點點飽汁, 燒賣大大粒又飽滿, 除了豬肉, 同樣都是有鮮甜爽口既蝦肉。不喜歡食鮑魚既亦有傳統燒賣可以order 【鮮蝦燒賣皇】 HK$13 (2隻)【黑椒金錢肚】 HK$23金錢肚帶微辣, 很爽, 而且冇渣, 底下竟然是少量烏冬, 第一次見用烏冬墊底, 烏冬不會過份索油份, 所以食落都唔覺油膩。【雪山叉燒包】 HK$18近似菠蘿包皮既表面, 甜甜的, 麵包鬆軟, 入面既叉燒幾林, 叉燒汁既甜度跟面層外皮相呼應, 味道很夾。【流沙奶黃包】 HK$21奶黃包同樣鬆軟, 一撕開果然是流心, 不過流沙不算太多, 所以整體不會過甜.【煎蝦膠釀茄子】 HK$17茄子林而且入味, 個茨汁甜甜地幾惹味, 蝦膠幾彈牙, 點心黎講份量正常 【海皇芝士千絲卷】 HK$21很出色既一個點心, 外層一絲絲卷著的外皮超酥脆, 不帶半點油膩, 口感層次豐富, 內裡有隻鮮甜彈牙既蝦肉, 雖然唔太食得出芝士味, 但外皮既酥脆加上內裡既鮮甜, 絕對食得出師傅既用心!整體價錢不貴, 比一般酒樓味道更上一層樓, 用料新鮮, 食得出師傅既用心, 值得再來! continue reading
(The above review is the personal opinion of an user which does not represent OpenRice's point of view.)
Level3 2018-09-07
89 views
係油尖旺想搵中式點心 除左茶樓就只能外賣店。籠太子點心專門店都令我幾喜出望外! 唔單只質素高 價錢相廉 份量仲十足!今日我友人去食的時候 餐廳位置唔算係正地鐵站隔離 但係地點唔難搵 好易到達。食品款式唔花巧 較傳統的中式點心應有盡有,都值得一試!籠太子蝦餃皇 粒粒蝦餃漲噗噗好飽滿 餡料足料香滑反斗糕原本點呢籠點心純粹覺得名字新奇有趣 反斗糕上檯的時候 賣相破格 有別於傳統點心賣相的統一,為整個點心添加了趣味多汁小籠包小籠包餡料肉汁飽滿 小籠包皮濕度程度適中流沙奶黃包奶黃包流沙餡的味道 令我不禁懷緬到兒時曾經食過的奶黃包味道 證明奶黃包做法正宗 而且傳統蜜味叉燒腸叉燒腸的擺碟十分有趣 長長的碟令到整體觀感提升 腸粉晶瑩通透 厚度適中 可以隱約見到餡料 幾乎每啖腸粉都食到叉燒 皮蛋瘦肉粥粥底非常入味 皮蛋和瘦肉的份量唔會過多或過少海皇芝士千絲卷炸到酥脆的外層 內裏係蝦粒 而且賣相非常吸引椰汁桂花糕茶位$3沒有加一 淨係計茶位 埋單好划算!!值得讚揚!!餐廳職員好nice 服務態度非常好 和藹友善 成個用餐體驗非常好 係香港 仲能夠體驗到咁好的用餐體驗機會真係少之又少呀!實屬難得! continue reading
(The above review is the personal opinion of an user which does not represent OpenRice's point of view.)
Level3 2018-08-26
133 views
有一段時間無回來~忍唔住要食籠太子了~門口依然咁多人...排隊都排死人~餐牌好似無咩變呢~都唔記得有無加價了~又飲湯了~今次係菜乾湯~住家味道~不是炸兩~其實我都覺得係炸兩好脆好熱好新鮮~唔錯唔錯~牛柏葉~無咩特別.....茶樓水準~"多汁"小籠包....睇相都睇得出啦?d皮縮晒水....入面1滴湯汁都無~唔知蒸左幾耐...十級難食...未食過咁難食既小籠包......................伏!浸湯餃....宜家仲有邊度有得食正宗既灌湯餃呢?有無食家話我知T_T 浸湯餃都是伏呢~最後必食既2樣~但都無以前咁驚為天人了...總結:愈做愈衰...食物水準慢慢下降~對我黎講呢間野已失去吸引力~估唔到衰退得快過添好運~期待後起之秀啦~ continue reading
(The above review is the personal opinion of an user which does not represent OpenRice's point of view.)
Level1 2018-06-29
136 views
great dimsum place with excellent service and very friendly staff. worth every dollar you pay, very affordable and surely will make you full for less than 80hkd. we dont even speak any local language but staff was very friendly and accomodating. definitely recommended for a nice casual dining experience :-D continue reading
(The above review is the personal opinion of an user which does not represent OpenRice's point of view.)