Pret A Manger

Open Now

Now Closed

因為每星期都會有一日去中環上堂，放學後都經常會去呢間買嘢食，但今次用咗個剩餘食物應用程式app買，就當你乞兒，早到咗未夠鐘唔攞得，明明個架得返最後一份餐，隊到入一入，有個人問佢要，但佢又唔賣得畀人，不過就係唔畀你，罰你好似傻仔咁企喺度望住份餐。用嗰個app係平，但無得揀食物，之前都買開，朋友介紹個app，因為想惜食先用app買，結果就罰企，當我乞兒，嘥我時間。以後唔會再用個app，亦都唔會再幫襯呢間公司。

Pret A Manger📍中環港鐵中環站大堂W6號鋪🥄火腿芝士早餐牛角酥 $25返工前經過中環站想食熱辣辣既包，簡左呢個，芝士熱辣辣流晒出黎，外面個包都好脆脆，口感十足，做早餐黎講己經超飽，中午己經個肚無位置容納其他野食，所以都幾抵食

working in central for 3+ yrs and I grabbed a coffee from here every working day.until recently it takes 5+, sometimes 10 mins to make me one.is it crowded? 1/3 crowded as usual.are they busy? not at all.funny thing: if you come later than I do, you have your drink earlier than I do.not on 1 day, not on 2 days but in all recent mornings when I look confused of where the hell my drink is.so I will never, NEVER visit this placr again.F you and the 3-years customer loyalty.

Pret a manger 有款product 好「chinese 」，那就是wrap Peking duck。🔶Wrap Peking 🦆duck 顧名思義，即係北京填鴨。一般北京填鴨主要食鴨皮，而呢個係健康、方便版北京填鴨。個卷用rye wrap 包住滿滿的材料，有鴨肉（冇皮全瘦肉）、baby spinach 、cucumber 、red online、填鴨醬。其實個wrap 有齊北京填鴨既源素，有紅蔥既辣、刺鼻感覺，亦有蔬菜清爽口感，所以比較中意呢款改良版

買左佢既熱焦糖咖啡，我覺得咖啡味唔夠香，焦糖味都唔夠，似飲緊普通嘅咖啡，所以就算杯咖啡唔貴都會覺得唔抵飲。但PRET員工既服務態度唔錯，加上食物都好食，出咖啡都出得快。所以都會keep住買。😚

每一日嘅早餐，對我來講都非常之重要，要打開新嘅一日，當然要配一個滿足感爆燈嘅早餐啦，今個月我喺中環呢邊返工，樓下就有Pret，呢間店入面有一款早餐，每一次去都會食，就係三文魚雞蛋芝士堡，熱辣辣嘅芝士堡，配一杯味道香濃嘅咖啡，真係令人難以忘懷。三文魚雞蛋芝士堡，起初我會擔心佢件三文魚會好鯹，點知食咗第一啖之後佢入嘅醬料、芝士、雞蛋仲有鮮嫩香軟既三文魚，無論係口感‼️味道‼️都渾然天成‼️😍令到我再三回味，雖然價錢偏貴，但營養價值真係好豐富，朝頭早就食到三文魚堡，每食一啖都感到無比幸福☺️🤤

大熱天時，有時唔知道lunch食咩好，食件三文治加個沙律咁又一餐。加埋有時做gym，要控制啲卡路里同蛋白質嘅攝取量，喺度買午餐就最適合不過👏🏻👏🏻煙三文魚雞蛋營養杯。主要有菠菜，雞蛋，煙三文魚同埋有檸檬角。蛋白質好豐富。菠菜雖然唔多，加上有一隻雞蛋同幾片煙三文魚，滴幾滴檸檬汁，即使冇醬料都覺得好夠，好新鮮蘇格蘭煙三文魚三文治🥪。我會叫佢做半份，因為得一片麵包嘅三文治，雖然得一片，但佢嘅餡料都足，所以食完都會覺得滿足。個包有幾片煙三文魚同埋火箭菜，味道幾好。

天氣熱熱地又冇咩胃口，就食啲酸酸甜甜開胃嘅沙律，等自己嘅心情都開心下，唔好好似咁鬱悶大蝦青芒柚子沙律。蝦仁爽口，沙律入邊有火箭菜，係我杯茶。柚子無苦澀味之餘仲帶點香甜，撈好個沙律之後加上黃芥末沙律醬，然後再加2滴青檸汁，成個沙律即刻唔同晒，好fresh既感覺。酸酸甜甜好開胃烤甜薯紫薯杯。依個薯杯就比較普通，甜薯同紫薯都係切到一粒粒，啱啱好一啖一粒，即是烤焗完都好，唔會太乾，依然可以保持到番薯嘅口感

今日約咗個friend喺中環見，趕得滯連早餐都冇食就衝左出街。去到中環地鐵站一出閘見有PRET, 即刻沖左入去買早餐，估唔到有意外驚喜。買咗個脆煙肉雞蛋法式軟包Crispy Bacon and Egg Brioche 同一支健康飲品叫做 Flu fighter。顧名思義，Flu Fighter就係有好多維他命C，幫助增強抵抗力，打擊感冒。入邊有橙，蘋果，蘿蔔同薑嘅成份，飲落去其實幾好味，鮮甜醒胃，即刻成個人醒晒個包呢就$14蚊個，唔係話太特別，唔夠支飲品出眾。總括嚟講，店舖地理位置方便，一出地鐵閘口就有嘢食。方便快捷，下次經過又趕時間嘅話不妨入去買個健康快餐

喺中環番工口淡淡想食甜嘢，但又想食得健康啲，Pret啲Yogurt的確係不二次選周圍左右基本上都有Pret分店，一出中環地鐵就已經有一間今次買左杯藍莓蘋果蜜糖香脆麥片乳酪顏色好靚，亦有大量既topping，口感豐富，食落口好fresh，呢杯yogurt有藍莓蘋果乳酪、紅石榴、藍莓乾、蜜糖香脆麥片，紅石榴mix埋乳酪酸酸甜甜好開胃Pret有好多唔同口味既yogurt，款款既生果topping都唔同，細細杯一定食得唒，份量剛剛好，當snack一流!!

今日覆診後，餓到肚咕咕声。但我正進行低碳，本來諗住呢度無食物啱我，點知見到椰奶奇亞籽果仁椰子片（有少量香蕉。。。有一點點碳水吧）。。。味道不甜，是椰奶和香蕉的香氣帶來氣味的甜。配上果仁，很好吃，有點咬口。十分有9分喔。個人超喜歡。36元，我覺得可以呀。。。質量很好

從前的我唔太喜歡奶類製品！ 但自從拍拖之後，女朋友好鍾意食, 仲要成日食；但佢又唔鍾意獨食。所以變相我都食埋一份。 😆佢又好識搵好西吃，所以我都慢慢由接受變為喜歡奶類製品。就好似依間Pret A manger, 其中一間女朋友喜歡既餐廳。 特別係香蕉🍌蜜糖乳酪， 乳酪質感好滑，奶味唔算重，甜度適中；加入新鮮軟熟香蕉片及nuts, 增口感！ 底部還有清香既蜜糖，混和一起吃，口感層次豐富！一星期幾次，每次經過地鐵站，都會買來過下口癮呢

剛剛黃雨趕返屋企，周地濕，完全無心情食嘢，只想求其買啲嘢食填肚。路經地鐵站嘅pret a manger, 就買一條wrap 食。揀咗呢個「哈羅米芝士素丸子熱烤卷」，拿到返屋企食，仲熱嘅。因為紅椒醬少少辣，都幾開胃，而且有素丸子幾好咬口，食落都好飽肚，快速填飽肚，可以瞓個午覺

Pret A Manger (中環)中環港鐵中環站大堂W6號舖-----京式烤鴨薄餅卷（$42）- 🦆烤鴨卷材料有 烤鴨 青瓜 紅洋蔥 同沙律菜 ～材料無咩特別新意 都係類似平時食北京填鴨ge配搭 雖然我無期望過佢ge烤鴨會有北京樓個種現烤ge水準..但都無諗過佢冰鮮到 一d烤鴨味都無 唔講都唔知呢個係烤鴨卷🙈～醬料方面 同時有海鮮醬同蛋黃醬 本身兩者混合ge味道都夾ge 可惜 實在太多太多醬 多到淨係食到醬ge味道～而最外層ge薄餅皮一樣係failed..仲厚過B仔塊面皮～😂so sad～下次都係食返真ge北京填鴨開心d-----B仔整體評價：1/10個👍🏻B仔抵食程度：3/10個👍🏻B仔環境評分：外賣B仔味道評分：1/10個👍🏻B仔回頭機會：0/10個👍🏻-----#swallowhongkong跟住我一齊吞食香港啦！#swallowcentral

約左朋友係港鐵，又有少少餓，所以去左Pret a Manger食輕食。叫左French rose tea latte$36，Iced Coconut latte$38，Cookies @$7 (Chocolate orange x2)，咖哩扁豆甜薯藜麥湯$36天氣涼咗，想飲返D熱嘢，所以就買咗個湯嚟試試，咖哩扁豆甜薯藜麥湯$36（素食），我屋企一般都唔會用咖喱嚟煲湯，湯內有好多豆類，好似鸚咀豆，扁豆之類，感覺好似食緊地中海菜式，好飽肚，唔錯。至於杯玫瑰LATTE, 我見ORGANIC, 就點嚟試吓，飲落都有玫瑰花香，杯茶打咗好多奶泡，飲落去暖暖的，味道一般。另外一杯COCONUT LATTE, 又真係唔覺加咗COCONUT, 就是一杯凍啡。加左兩件曲奇🍪，香口鬆化。