PRET A MANGER (Closed)

多謝朋友轉贈咗張百特文治嘅換領券俾小弟，雖然時間有點急，仍能夠趁限期前最後一天去換領，最就腳就喺公司附近嘅置地廣場分店。講開百特文治都唔喺第一次幫襯，大部份人嘅心目中，都知佢主打喺賣形形式式嘅三文治，不過，依家嘅百特文治豈止三文治咁單一，產品變得多元化，有湯、有生果杯、沙律、乳酪、甜品……等等。而且，定期又有新產品推出，不斷推陳出新。今次嘅換領券就喺新出嘅沙律超級杯，其實，唔喺太明點解唔叫「超級碗」 ？因為一來個外型一望就喺成個碗咁款，二來佢個英文名都用上Super Bowl啦，順理成章用超級碗都好自然！再者，佢哋又真喺有另一款營養杯，猶如迷你版嘅沙律超級杯，嗰款叫杯就貼切啲 。 蘇格蘭三文魚藜麥沙律超級杯 $65 是日嚟到，見有3款沙律超級杯：芝麻雞麵（$58）、韓式豬肉麵（$58）及蘇格蘭三文魚藜麥（$65）。咁講求有營養、有特色，就梗喺揀最後者「蘇格蘭三文魚藜麥沙律超級杯」啦，最夠「營營色色」 ！點解咁講，成份有三文魚、菠菜、藜麥、毛豆、青豆、青瓜及一啲什錦籽仁，如南瓜籽、松子仁，全部都屬於有營健康嘅材料 :) 。每碗沙律仲附有檸角及法式沙律汁，將所有材料撈勻，混和醬汁，味道清新，口感多變帶有不同層次，而且，三文魚並唔喺煙三文，而喺煮熟嘅三文，厚身又大件，食落油潤，怕生嘅人都唔使驚。咪睇佢份量好似唔多咁，女生一個人食絕對夠一餐，況且，對女生而言，夏日食一道沙律當午餐，既健康，又輕怡，順便可以踢走悶熱 。 有機鮮奶咖啡 $31 諗嚟諗去，都喺要杯鮮奶咖啡，原來咖啡喺有機嘅，感覺會喺更健康。咖啡嘅味道都香醇，不過，奶泡打得較粗，而且撞入啲濃縮咖啡時都稍為「求其」咗，所以，口感唔夠平均 :( 。雖然杯咖啡對小弟而言喺欠缺咗少少，但對百特文治嘅其他出品依然有信心，期待下一次嘅新出品！…Read More

This is a review for the falafel salad. This salad option is a bit cheaper than the others, presumeably both because of its size (it's smaller), and it's lack of meat. The flavour of each component (barring the chemically tomatoes) was good and it was lightly filling but I'm not sure I would order it again. I had to buy extra food later to see me through the afternoon. I also ordered a cappuccino which was fine. One weird thing I've noticed here recently, (this branch is closest to my office so I go kind of regularly), there is a weird smell like melting plastic near the paying area. The first time I smelt it I thought someone must have accidentally melted a stack of cup lids but it has been there on multiple visits. …Read More

忙裡偷閒係香港人成日想做到既事，如果可以飲杯咖啡、食件餅、睇下書你話幾好呢！下午茶時間到啦，有少少口痕添！隨手就喺架上面攞個沙律同喺counter簡個包先。今日我簡左個新薯煙三文魚沙律。好野好野煙三文魚大大片架，仲唔止一片添！唔係食碎濕濕的魚片片特別開心。而且仲可以加檸檬汁落去，即刻醒神曬><!大家有冇食過新薯呢？知唔知新薯係咩？我估係未長大的bb薯仔。之前食芝士火鍋都有新薯架，爽爽脆脆但又唔會冇曬薯仔味，相當得意。但唔係度度的新薯都好味，例如有一次我去「姨媽傢C」小食部，啲新薯有一陣苦味，仲辣辣地，可能太嫩仲未適合食啦…時間已經下午6點幾，估唔到所有蔬菜居然仲青綠，所以可以推斷啲蔬菜應該非常新鮮。坊間好難有好味的牛角包，所以我對呢度的牛角包都抱不大期望，點知又有驚喜wo;)!餐廳會幫我地翻熱個包包，好彩翻熱完包包唔會淋曬。呢度係有賣朱古力味牛角包呀，16蚊大大個！面頭有少少朱古力碎，份量剛好，算係light，唔會大舊大舊朱古力咁甜膩死人。驚喜地方黎啦！！！翻熱後的包包竟然變左流心！熱辣辣的朱古力漿好香濃，真係好sweet><!我一定一定會再食架。 …Read More

On the 3rd level of the Landmark, in its corner, there are quite a few fastfood style outlets offering seating too, all with big names. Pret a Manger stands proud and firm among the competition nad in fact leads in terms of offering healthy and fresh salads. Their selling point is "Lovingly Handmade in this Shop" and "Made today, Gone Today".Had a skipjack tuna salad for (part of) my afternoon snack. The lettuce is fresh and crunchy, the cucumber as well. A couple of tomatos and a slice of raw onion to garnish, there is hard boiled egg halved, plus plenty of tuna which is very delicious, not briny, but fresh and firm. A very healthy and wholesome salad.Only drawback is the dressing. Not sure what it is supposed to be, but it is awfully awful. Either you have your salad without dressing, or just with a squeeze of lemon (there is a small wedge) or else ask or another small tub (they will probably provide) or have your own.…Read More

小妹自問不是追求健康的人，不過由冬季轉夏季的轉變，背心短褲仔又係時候出動，唔趁機減磅隨時比人笑到面黃，所以這兩星期天氣漸暖還涼時，還須做做運動、修修身。運動減肥固然重要，但飲食上也須配合一下。Pret a Manger堅持用料新鮮，每天即製，＂日日新鮮日日清＂，確實是追求健康飲食人士的不二之選。再加上每天賣不完的食物，當晚便會運送到慈善團體，把新鮮的食材繼續延續下去，給予更多有需要的人，Pret a Manger的精神真的十分有意義。小妹通常趁下午返工時間，早上去做運動，中午便順便到這裡吃lunch set，既能飽肚，又可清清腸胃。這裡的lunch set十分多樣化，前菜、主菜及餐飲的套餐，價錢由$58-79不等。前菜可選細裝沙律、乳酪/甜品，細裝熱湯，鮮果沙律；主菜可選雙份三文治、長法包、熱烤卷、薄餅卷、即烘三文治及大裝沙律套餐；至於飲品方面，可選咖啡/茶。以下是我這兩星期吃過又想推介的美食：主廚沙律($50)主廚沙律是眾多沙律的至愛，皆因小妹貪它材料數目最多，包括片狀薄身濃香的馬巴臣芝士、清新翠綠爽口的沙律菜，微酸中帶甜的車厘茄，原隻煮熟的雞蛋，表面再灑上黑椒碎粉，濃濃的蛋黄香中帶點微辛的刺激感；嫩滑不嚡口的雞肉，是啖啖肉的滿足；火腿片大片豐厚，咸香獨特。再附上一小瓶胡麻醬，多少任君添加，令所有食材都添上胡麻的清甜香氣，無論在視覺和味覺上得到滿足，清而不寡。北京烤鴨薄餅卷（$39）扁片鴨一向是小妹最愛吃的中菜之一，不過來到西式餐廳，扁片鴨當然沒有，但以中式的烤鴨肉混上西式的薄餅的配搭亦可過一過癮。薄餅皮大而薄身，雖雪藏後亦沒帶點乾身。表面還有點黑色的全麥粒子，麥香撲鼻。咬下去十分鬆軟，薄餅皮跟內藏饀料包得十分緊密。生菜、青瓜、紫洋蔥、烤鴨肉被填得滿滿，拿上手十分重砰，烤鴨肉絲肉嫩不嚡口，混上中式甜醬口感真的很像在吃扁片鴨般惹味。醬料不多，多吃亦不帶滯膩，拌著清新爽口的生菜和青瓜，清清自己的味蕾，吃罷基本完成了對吃扁片鴨的心癮。芥末牛肉即烘三文治（$40）因一天做完運動，肚子餓得響起警號，連續吃了幾天沙律做午饍，還須想攝取一些澱粉質，即烘三文治Size有一手掌之大，價錢更與沙律類相若，感覺更超值，食肉獸的我最終點芥末牛肉味。用牛皮紙袋包裹著的即烘三文治，看不到內藏的餡料，只能靠想像力。不過職員協助返熱後端上，兩片像多士般厚的三文治夾著滿滿芝士絲及大大片的咸牛肉，饀料堆得十分厚身，沒有因價錢較低而偷工減料。略略烤過，微煙薰的味道令人垂涎三尺，三文治烤得十分香脆，邊位雖然烘得有點乾硬，但中間部份密度高。不至鬆軟，但感覺有嚼勁實在。芥末醬辣度點到即止，為沉睡的胃子再度被喚醒，牛肉片肉味濃郁，咸香豐富，芝士絲味道誘人，芥末醬再為牛肉的咸香帶來提吊效果。吃了半份，胃子已相當滿足了。蜜糖香蕉乾果乳酪（$23）小妹一向對乳酪感覺很一般，記得家姐以前常拿了一些原味乳酪回家，但單純吃著乳酪口感太寡。不過這裡的乳酪配搭十分多樣化，花心的小妹又有衝動想每款口味試勻。率先試了蜜糖香蕉乾果乳酪，底層的蜜糖浸著切片香蕉，中間放有原味乳酪，表層則有密麻麻的堅果碎粒。小妹初時很怕蜜糖混入香蕉會有出水的情況，所以未吃咸點就要吃乳酪醫肚。香蕉固然熟成，味道香甜，混入蜜糖更是甜蜜滋潤。中間厚厚的乳酪，沒有添加多餘糖份。每啖吃起來均有乳酪的奶滑及微酸，兩者的甜和酸融合在一起，相當美味。表層的堅果脆粒並沒有因為舖在乳酪上的濕度而變淋，脆口十足，加上混入更多小妹最喜愛吃的葡萄乾，煙煙韌韌，更討人喜愛。小妹一下子被迷倒了。蘋果脆脆甜心乳酪（$22）杯子是長幼身的，比起其他一般的平闊杯子細小，價錢只相差$1，有點不合理。回到正題，層次擺放一式一樣，很豐富。底層的蘋果蓉清甜怡人，我的外甥女剛剛六個月大都是經常在吃這樣的蘋果蓉。中層是焦糖乳酪，焦糖香甜得來又沒有蓋過乳酪的酸奶味，質地順滑。面層則是麥片乾果，可惜麥片這一類水溶性的穀物，浸在乳酪之中，一早已溶掉，完全破壞了質感，下次可以選擇不吃這款了。藍莓蘋果乾果乳酪（$23）乳酪的饀料只是轉為藍莓蘋果，藍莓並非新鮮原粒，只是後天加糖調製而成的藍莓醬，酸度自然被調整過，微酸中帶甜，但甜度又不太高，亦能接受。當中咬到一點點的蘋果粒，皆因味道清淡，自然被藍莓醬蓋過，但仍吃到當中的爽口。不過始終覺得藍莓添加糖去調製，吃得多都不健康，還是覺得香蕉蜜糖味較天然美味。香芒熱情果乾果乳酪（$23）這次饀料轉為芒果和熱情果，雖然口感上有點像吃罐頭裝的蜜桃，甜度較前一個藍莓蘋果饀為高。不過芒果肉質柔軟，多汁豐富，甘甜濃郁，與酸奶味的乳酪作出很好的調整。表面舖上小妹較為喜愛的堅果穀類，再混合少許蜜糖，帶點黏牙脆卜卜的口感，加倍滋味。因第一次不為意，到回家才發現把吃完的乳酪杯也帶同回來。不過這些杯子其實留下來也有很大用途。起碼給予小妹有空時製作甜品用作盛載的杯子，而且膠質特韌，相信可多次使用，對環境也好一點吧！結果每次一吃乳酪，也都收藏多一個杯子。飲品方面，午餐套餐可選咖啡/茶，另可加$10升級至Latte、Cappuccino、Mocha、Chocolate。雖則每次落單時職員都會問堂食定外賣，但無論答案什麼都好，最後我也是拿到外賣紙杯裝。始終覺得別人坐在喝著印有星星圖案的高身白瓷杯，感覺別具一格。而且小妹最近中了＂美國隊長＂的毒，星星狀的徽章令人印象深刻，凡是星星狀的都令小妹特別鍾情。凍檸茶做完運動後，不想喝得太甜，所以選擇了少甜。紅茶色底不夠濃，檸檬片亦只有薄薄兩片，不過"吉"幾下，酸度已經足夠，微酸微甜效果十分醒胃。Mocha(+$10)基本上，小妹很少主動點Mocha，不過這天放假訓飽的關係，才叫了杯少咖啡因比例的Mocha。從來也怕飲Mocha是以朱古力為主，咖啡為客，等同淨飲Chocolate無分別。不過這杯的比例調較相當恰宜，朱古力的甜和咖啡的回韻甘香互相輝映，絕不蓋過彼此的風采。不過口感上未夠順滑細膩，還喝到少許朱古力粉，如能在製作中調勻多一段時間，效果會更理想。Latte(+$10)跟餐加$10才有的咖啡，聽落有點昂貴，不過拿上手，size比起一般的大些少，感覺又頗公道。溫度剛好，奶泡不多且打得細密，入口順暢不澀喉，滑滑的奶香透出絲絲咖啡甘香。呷一口已有回魂的效果，精神為之一振，為下午返工的時間打好支強心針。P.S|| 做運動不是為了減肥，而是為了吃更多美食。         夏天，我來了，你在哪？利申：有人可能會發現小妹與前一篇的食評內容完全一致，有騙多一篇之疑。其實，小妹只是尚未打完篇食評，但錯手地按錯掣完成遞交了，而遞交後食評不能刪除，結果小妹唯有重新地打多一次。如果相關部門能把我前一篇＂健康主義者＂刪掉就好了，不然，大家就當從沒看過我上一篇食評吧。…Read More

上班日，一向都有晌屋企食完早餐先返工嘅習慣，無他嘅，實為慳家一族，況且，老婆鍾意食屋企嘢多過出街食。今早就有少少例外，因為收到店方公關一份「香芒雞肉三文治配檸檬薑味礦泉水」的換領券，就讓小弟改改晌公司食番一次高檔啲嘅早餐。嚟自英國嘅百特文治（Pret A Manger）晌中環都幾多分店，最就腳就喺置地廣場店，而且，貪佢一朝早人流較少，方便慢慢睇、慢慢揀，講明送指定三文治及礦泉水，仲要慢慢揀？睇埋下文你就知。以往都有幫襯過百特文治，其實，依家連店方都好似唔多再用依個中文，都唔知仲有無人知佢其實有個中文名。唔好以為佢淨得三文治賣，查實產品都幾多元化：三文治、法式長麵包、薄餅卷、沙律、乳酪、熱湯、烤焗法式酥點、甜品、天然乾果包、小食、蛋糕、曲奇……等等，當然果汁、特色飲品亦唔少得。並且，大部份產品都以用料新鮮，食材天然為賣點，更以「日日新鮮．日日清」為口號，期望讓每位客人所品嚐到嘅都喺健康而美味嘅出品:)。講開佢啲三文治，不時研製新產品，款式上確喺幾有特色，如雞肉牛油果、小龍蝦辣菠菜、健康鷹嘴豆醬、脆味煙生番……等等，而最新搞作就喺全新呈獻嘅「Best Sellers from around the world」，即喺晌世界各地嘅百特文治店搜羅最受歡迎嘅產品，打頭陣自不然喺佢老家英國嘅香芒雞肉三文治（Coronation Chicken）作為春季限定啦。香芒雞肉三文治（Coronation Chicken）$25:):):)百特文治嘅三文治有啲只供應單份，有啲則供應雙份份量，而香芒雞肉三文治屬前者，因為餡料甚多，作為早餐已經卓卓有餘。但男生要想當午餐，應該要兩個單份先夠飽，同個店員講，想飽啲要打孖，當然要收你雙份錢啦，哈哈！其實，香芒雞肉依組配搭都唔喺咩新鮮嘢，不過，晌餡料上若花啲心思，一樣可以做得好出色。首先，麵包採用多穀麥方包，口感已經有所分別，鬆軟嘅全麥包中，穀麥、粿粒令麵包更有咬口:)；而餡心配菜有沙律菜、新鮮蕃茄及最意想不到嘅香脆杏仁片，令口感更富層次，選材更見心思；而主材料芒果及雞肉，亦都做得唔馬虎，尤其個醬汁，幼滑得嚟，又帶點咖喱粉、薑黃粉嘅香味，又有芒果蓉嘅清甜，偶爾仲咬到啲提子乾，配以軟熟嘅雞肉，味道複雜多變，真喺令人回味。檸檬薑味礦泉水（Lemon & Ginger Pure Pret Still） $24:)天寒地凍之時，久唔久就自家煲製檸樂煲薑，所以，個人而言，對檸檬加薑依個組合，絕對唔抗拒。入口先嚟喺檸檬嘅微酸，而且有種涼涼爽爽嘅感覺，跟住就會有一陣陣薑味隨之滲出，唔嗆喉，感覺不俗，幾有趣嘅產品。當然，無化學添加、無防腐劑，亦喺佢優點之一。自己試咗啲新嘢，就順便買多一件芝士餅及一杯乳酪，返屋企同老婆作飯後甜品吖嘛，正所謂獨食難肥。故此，咪要慢慢睇、慢慢揀囉！藍莓芝士蛋糕（Blueberry Cheesecake） $27:)手製盒裝蛋糕有好幾款，例以甘筍合桃蛋糕、法式朱古力咖啡蛋糕、橘子罌粟籽牛油蛋糕……等等，結果揀上藍莓芝士，純粹喺老婆嘅偏好。消化餅底都幾夠薄身，而中間嘅芝士蛋糕，既軟滑，又香濃，加上面層有大量藍莓果醬及果肉，鮮味入心:)。蘋果曲奇甜心乳酪（Apple Crumble Yoghurt Dessert Pot） $22:):)由於成份牌標明有蘋果金寶、焦糖，所以就一心揀佢，因為兩樣素材都喺小弟心水。下層喺焦糖乳酪，所以，取名「甜心」乳酪，酸滑嘅乳酪混有香甜嘅焦糖，既酸香醒神，又濃甜焦香:)。再配合埋蘋果金寶碎、燕麥、提子乾、曲奇餅碎，真喺軟硬鬆脆兼備，就算唔當為飯後甜品，買番去公司，下午茶時段作個小休，嘆番杯就足以悶氣全消。試過百特文治幾款產品，無論喺三文治定飲品，抑或蛋糕、乳酪，都感受到佢哋配搭有心思，用料不賴有質素，值得繼續支持。…Read More

今天早上，經過置地廣場大堂，見到有聖誕裝飾！  趁星期六早上人流稀少，這是影相的最佳時機！我當然不忘以多角度影相！樂在其中！  快樂的時間總是過得很快！  打著鼓的肚子向我投訴了！我起初打算走到置地廣場3樓 Urban Bakery Works 食早餐！ :)  發現對面 Pret A Manger 可望到聖誕裝飾及掛飾上的保齡球碌來碌去！  真是有趣！即時轉軚幫襯 Pret A Manger！ 其實！每間 Pret A Manger 賣的食物大致上相同！可望到聖誕裝飾食早餐，感覺更完美！  :) 可望到聖誕裝飾食早餐，感覺更完美！走到食物架，見到三文治盒貼上 $1 捐給樂餉社！ 食三文治可以做善事，何樂而不為？另外，見到食物架上的薑餅人餅乾也同樣是$1 捐給樂餉社！如果，我兩樣都買齊的話，那麼！便捐了 $2 給樂餉社！ :) 薑餅人餅乾 $14我不捨得送給同事的小女兒，還是送入自己的口中！ 硬脆！有玉桂香！:)法式紅莓芝士三文治 $24一份多穀物三文治，內裡的餡料包括酸甜的紅莓，味道及形態有點似洛神花！  兩塊略帶鹹香的芝士，起碼半 cm 厚度！食起來幾軟身！還有熱量低的新鮮菠菜，含有磷、鉀、鈣、鐵質、等礦物質、維生素E及膳食纖維等，供給人體多種營養！  驚喜發現有 Chia Seed 奇異子及鬆脆的鬆子！  除了多款健康餡料之外，整體營養亦豐富！ 荔枝柑桔飲品 $24 (250ml)一擰開樽蓋，荔枝的香甜味散發出來！  混合了柑桔，入口酸中帶微澀！仍不失荔枝帶來的香甜！醫飽肚之餘，又可以做善事，相當有意義！值得支持！ :)…Read More