4
0
0
Telephone
29189007
29189008
Opening Hours
*Last Order: Lunch 14:30;Dinner 21:30
Mon - Sun
12:00 - 15:00
18:00 - 22:00
Payment Methods
Visa Master Cash AE UnionPay WeChat Pay
Number of Seats
94
Other Info
Wi-Fi
Alcoholic Drinks
May Bring Your Own Wine
Cake-cutting
Parking
Phone Reservation
Delivery
10% Service Charge
TV Broadcast
Review (4)
聽說,整個南灣就只有一間中菜館,那就是「大師屋」,餐廳在淺水灣The Pulse,有點難找,因為商場分東西翼,只在L2相通,而大師屋在L3,而且好多Lift都關閉,走來走去,終於找到,幸好不負厚望,這裡的環境叫我嘩嘩聲,食物更加嘩嘩聲,最後埋單,是有點淆淆聲,不過仍是很值得。 餐廳的景觀很好,落地玻璃窗都是望著淺水灣,叫人心曠神怡。這裡有好多房間,私密度高,聽說鄭伊健、吳君如、肯亞徐等都是座上客。 沿途已嘩嘩聲,但未算,直至走入尾房才是終極。這裡有一張大圓桌,可以坐24人,枱上的圓形轉盤是自動的,兩個遙控器可控制旋轉速度;房間的另一邊設置了自動麻雀枱,大人可以麻雀耍樂,小朋友也不愁寂寞,可以打機、唱K,甚至是借用滑浪板到樓下衝浪去。此房的最低消費為2.6萬元,看來無我的事,我還是返回大廳吃東西。 鮑魚燒賣 ($90/三件) 餐廳的點心比較精緻和高檔,像這籠燒賣,上面是煮得十分入味的鮑魚,鮮而不靭;燒賣亦食到大大粒鮮蝦,爽口彈牙。 蟹粉小籠包 ($98) 正值秋季,餐廳都紛紛推出蟹粉菜式,像這蟹粉小籠包,湯汁充滿了蟹鮮,很好吃。 崧子燒鵝鍋貼 ($78/三件) 鍋貼吃得多,但加了燒鵝的你又吃過味?燒鵝皮很香,令鍋貼生色不少。 招牌網通脆腸粉 ($156)喜歡吃香口食物的,不要錯過這款招牌點心,腸粉皮裡面是一層脆網,包著粒粒鮮蝦,鮮甜、脆口,蘸一下甜豉油,很好吃。 洋蔥和牛酥 ($90/三件)這個有點像台灣的胡椒餅,裡面的醬汁有濃重的黑椒辣味,配上惹味的洋蔥及和牛,無得輸。 脆皮叉燒包 ($78/三件) 叉燒是這裡的招牌菜,可以點燒味,也可以像我們般吃叉燒包。菠蘿皮十分香脆,一咬即碎,充滿牛油香,叉燒也軟腍味美,小朋友最愛。 花雕焗飛天雞 ($740) 不過說到整頓飯最滿意的,一定是這鍋飛天雞,製作需要一小時,所以必須一坐下就先點。一打開砂鍋蓋,雞香、酒香即撲鼻而來,雞件超滑,無論是雞脾或雞胸都那麼軟嫰;雖然我怕肥,但也放棄不了這些雞皮,十分入味,吃時黏著嘴巴,滿分,我會因為這鍋雞而再來。 豉椒苦瓜炒肚尖 ($350) 這道也是餐廳的招牌菜,席上有二人不吃苦瓜,啱晒,無人爭食!苦瓜沒有煮爛,十分爽脆,肚尖的火候也掌握得好,爽而不靭。 焦糖桃膠銀耳露 ($80) 一揭開即有好香的紅棗味,裡面還有桃膠和雪耳,吃完靚靚,女士必點。 continue reading
(The above review is the personal opinion of a user which does not represent OpenRice's point of view.)
Level1 2018-09-04
1180 views
淺水灣是真正傳統豪宅區,加上張愛玲的《傾城之戀》作為歷史背景,添上不少浪漫氣氛,更可令人發思古之幽情⋯⋯。故此,約朋友一行六人,訂了8月26號禮拜日去了淺水灣海灘旁的「大師屋」吃了一頓不一樣的點心午餐。首先要讚揚替我做訂位的女職員,忘了她的名字,她聲調有禮貌之餘,辦事還具高效率,運用電話、WhatsApp 和顧客聯絡,很快傳送了餐牌給本人。入座後,望著外面的沙灘,加上我們的房間窗邊有些怡人青綠樹木,構成一幅怡人美景。我們被推薦叫了當天的蕃茄薯仔例湯,每人一碗,味道似家庭湯,不覺有昧精。叫了一些招牌點心如脆皮义燒包、燕窩蛋撻、和牛酥、蝦餃、網通脆蒸腸粉等等,再加燒乳鴿、招牌炒飯和甜品。各人均覺得食物水準不錯。招呼算OK, 六人共吃了三千多元,剛好遇上有9折優惠,結賬$2,900.00, 每人約$500。五星級酒店的價格。不過那裡車位有限,假日則有點麻煩,是有點美中不足。 continue reading
(The above review is the personal opinion of a user which does not represent OpenRice's point of view.)
Level1 2018-07-29
1190 views
假期特登入淺水灣行下食個飯本身想食西餐 但好多都冇做午市得返地下果幾間啲酒吧餐廳 但天氣太熱想坐冷氣地方同朋友行行下見到有間貌似西餐門面但實質係中菜嘅餐廳感覺都幾好地就決定入去試下帶位姐姐帶我地坐果個位係望到海都未試過食點心望海景Menu唔算多點心種類 但2個人都唔會嗌好多嘅價錢都偏高都啱嘅 淺水灣嘛 又有靚景睇其他內容冇影到 都仲有其他小菜嘅落完order 經理請咗杯welcome drink好surprise 傾完一陣計 影下靚相就有嘢食lu湯好正 好入味 完全唔係味精味好清夏天食得熱氣嘢多 湯水下火呢個不得了完全想嗌多碟入面腸粉入面係脆網通 再包住其他材料最重要係腸粉表皮係熱 包住脆嘅嘢 仲要淋埋豉油 理論上入面會林咗但擺咗一陣 食落去都係脆架呢個真係大大推薦叉燒包真係飲茶必嗌嘅點心呢間又係好好食 喺我地好專心研究個網通腸粉我地遺留個叉燒包咗一段時間但食落去依然熱辣辣 上面脆皮都係好脆完全係新鮮出爐嘅菠蘿包咁最後食埋個叉燒件叉燒好好肉地唔會好肥或者偏瘦剛剛好非常滿足嘅一餐佢地仲有好多其他嘢都想試 可惜我地得2個人食唔晒咁多 唯有下次先再帶多啲朋友黎食 continue reading
(The above review is the personal opinion of a user which does not represent OpenRice's point of view.)
女朋友超想去Hidden Planet 影相,所以同佢入咗勁多年都無去過既淺水灣,估唔到由銅鑼灣入嚟又幾快同方便wor.The Pulse 商場話大又唔係好大, 真心有去咗外國既感覺, 又多狗仔, 又多BB仔,餐廳真係每一間都好有特式同裝修都幾靚. 最後拺左試女朋友最鍾意食既中菜,好開心安排坐窗邊位置, 有得咁近距離睇海景既中菜真係好少見到.食物方面, 試咗部長推介既招牌花雕焗雞,好重酒香, 但食完唔會醉, 雞肉嫩滑多汁, 女朋友都話招牌得幾實至名歸古法蒸龍𧄌片最主要都係想試餐廳海鮮既新鮮程度,無令我失望wor,龍𧄌片同冬菇絲一齊蒸, 令到龍𧄌片既味道更有深度.蟹肉炒米粉味道幾好既, 米粉炒得乾身唔油,但學女朋友話齋如果可以再多D蟹肉就更正啦.總括而言, 環境, 服務, 食物都絕對有一定水準,係會再返轉頭幫襯既一間景觀中菜餐廳, 真心不騙 continue reading
(The above review is the personal opinion of a user which does not represent OpenRice's point of view.)