PP Cafe (Closed)

水牛雞翼味道是特別的， 喜歡的人會喜歡，不喜歡的人會不喜歡🤷🏻‍♀️菠菜煙肉芝士焗蠔呢個係冇得輸嘅菜式， 好香口😍😍白汁香草忌廉煮蜆我唔會見意大家叫哩個🤷🏻‍♀️ 咁明啦🤷🏻‍♀️龍蝦湯鋪頭主打嘅湯, 一定要飲一飲😁野菌湯香濃嘅松露味😋南瓜焗千層麵本來我唔你太中意食南瓜，但同枱有人中意食，點左....咁我就順理成章試吓食啦，呢度有不錯，南瓜蓉甜甜的👍🏻👍🏻最重要的是南瓜對眼睛很好，大人小朋友都啱食🤔香煎北海道帶子伴美國肉眼扒半熟嘅帶子，其實冇乜技巧都可以好好食👍🏻至於肉眼方面......🤦🏻‍♀️好難咬不過佢做伴底碟既紫薯蓉不得了👍🏻反而伴碟的我都食光了😂😂芝麻凍餅Cheesecake*甜品唔可以話好好甜， 但差既蛋糕我食過， 真係好難放到入口食第二啖....所以哩個....合格👌🏻最好的是鋪頭位置夾攝，所以好少要等位👍🏻👍🏻…Read More

個frd話幾好就試下 點知頭盤焗蠔就食左一口沙 之後黎左兩個小食 一個水牛城雞翼 一個雜腸 雞翼正常普通 稍乾身 雜腸還好 之後先上返餐湯同包 主菜叫左黑松露汁牛扒 牛扒冇味 伴碟既唔係薯蓉 係紫番薯蓉 但都係冇咩味既 甜品芝士蛋糕唔洗期待 有中學上家政堂既感覺最後杯檸茶都冇點郁過已經唔想再食 整體而言啲小食普通 主食麻麻唯獨係待應個姐姐幾好人💁🏻‍♀️見我地兩個人一個湯 主動拎碗比我地 間餐廳裝潢麻麻 杯碟有茶餐廳感覺 燈光昏暗下次應該唔會黎了…Read More

打工仔星期五邊會有心機做野，最好就係去搵好野食。朋友介紹搵到哩間隱世既Cafe，真係幾難搵既。如果唔太熟路既朋友，可以由APM行去港貿中心，落電梯之後轉左，再轉入橫街就見到了。如果揸車，可以泊係 年運工業大廈， 不過就得好少車位。今次我地一行10人，叫左兩個4人餐。有得揀 龍蝦湯， 鮮蠔湯。 我自己就揀左鮮蠔湯。湯底好鮮甜，仲有隻蠔係碗湯入面，絕對係足料，太好飲到唔記得影相。 龍蝦湯就有隻小龍蝦，朋友話唔會濃到咸。跟住就入正題了，大！生！蠔！今次有老闆請客，於是我地叫多左生蠔，實係要食窮老闆。叫左2打，我自己一下子就食左足足四左隻！！之後仲有餐包，配橄欖油同義大利黑醋。第一次食，幾有新意。主菜黎喇！！必食斧頭扒、6成熟羊架、仲有德國雜腸配沙律！仲要有紫薯蓉！有個同事仲要一個人食曬兩條斧頭扒條骨，食到津津有味！最後，有同事唔食牛，所以加左2份 豬肉眼扒，成寸厚！我自己覺得仲好食過斧頭扒，好爽彈牙！最後，仲有每人一件Cheese Cake。我就打包左俾我個餵食女朋友，氹下個傻b開心喇😘附上卡片一張，記得夜晚去想食4人餐，一定要book枱前講定先呀！…Read More

同同事食開年飯，有同事話想試好耐，成日經過見到佢不過無機會食。門口算係企理，始終係巷仔，小小亂係正常。我地算早出黎，未有好多人，環境大致都ok，唔算大油煙味。似乎佢每日都會更新餐牌，上面會寫明星期幾嘅餐牌，我個日係星期三。湯有忌廉或羅宋，正常味道，加咗啲麵包粒，令個湯有啲口感。餐包烘過，都ok。我叫嘅係咖喱雞飯，餐廳好好，有男同事想加飯，都加俾佢地（對我嚟緊啱啱好）。咖喱有飯撈先正㗎嘛。咖喱汁唔錯，都幾惹味。可惜雞少咗啲，得3件，仲要得小小肉。薯仔唔錯，睇得出有烘過，反而份量同雞比例多好多，一定飽。奶茶都夠滑。整體都ok嘅，係雞少啲就爭啲。…Read More

聽日就生日喇 😍媽咪同我提早慶祝係觀塘行街經過pp cafe 見到menu幾吸引同抵食 就決定咗依到食生日飯叫咗2個餐 其中一個+40蚊做餐有湯 香草麵包 生蠔 龍蝦飯同肉眼扒 加咗3隻焗蠔2杯野飲 仲有甜品 埋單6百幾 真係唔差 侍應同大廚都好好傾 好warm 超大隻西班牙生蠔 好肥美 好鮮 菠菜煙肉芝士焗蠔 平時食既焗蠔好細粒 過份熟但依隻焗完之後仲大粒 又唔會overcook 仲好有蠔味 唔會俾配料搶味野菌湯超正 好濃郁 好滑 另外普通既忌廉湯就一般 覺得咸咗少少個包值得一讚 一睇就知唔係求其整熱騰騰 又軟熟 仲有好香既香草味 超愛食帶子肉眼5成有少少失望 熟咗少少 根部肥膏多咗少少 但個帶子超大粒 好香 仲有紫薯做配菜 好味龍蝦意大利飯 飯淋咗少少 不過有3色椒 有返d咬口有好大舊龍蝦肉 不過味道一般 但食到依到真係飽 但大家都知女人食甜品係有第2個胃好有心機既朱古力字 雖然侍應自己話畫得唔靚但知道你係好有心去寫 😬另外個蝴蝶係紙😂我仲咬咗落去 咖啡味既芝士蛋糕我覺得好香好好食 唔太甜另外芝士蛋糕 我覺得酸咗少少 但都接受到既不過如果甜品依方面可以更進步 就更好好好既服務態度 但感受到廚師既心機 決定下次再去😍試佢個$888 4人餐先 好抵…Read More

經住觀塘的朋友介紹，來到這間隱蔽的餐廳，裝修平實，但食品卻有很驚喜。餐前小吃我們選了生蠔和沙律。生蠔頗新鮮，沙律也是用心做的雞肉沙律。餐湯選了蠔湯及龍蝦湯……蠔湯鮮甜，龍蝦湯較濃味。無論外觀、味道也是十分吸引。主菜:牛扒拼鵝干……份量頗大而且牛肉不需任何調味亦十分有肉味，合哂喜歡吃牛肉的我。'龍蝦羊架……羊架即使涼了也沒有so味，龍蝦也很好肉。甜品:一般但看得出有用心製作。下次再去觀塘，也會試試其他菜色。美中不足是……價錢並不算便宜。…Read More

今日一家人 有老有嫩 聽聞呢間西餐廳好有水準 又唔貴 設在觀塘嘅工業區內 就去試一試 兩位小朋友食得非常開心 最like buffalo chicken wings 仲有個炸芝士 條 食完仲要encore，兩位老人家 就鍾意飲個 蘑菇湯 同埋個鹿兒島 豬扒 及煎老虎斑 而我最like 海虎蝦加羊架 最後老闆娘 仲送咗四件蛋糕 全部食清光 有甜品 真係完美的一餐 地方 環境一般 但論食物質素 有高級西餐廳的水準 他們仲有 斧頭扒餐 非常吸引 今次因為有小朋友同老人家 所以冇嗌到 下次要搵三五知己一齊去食…Read More

約朋友在官塘食飯，又唔知食乜，朋友介紹下去咗呢間門口唔太靚及比較難找嘅餐廳，果然其貌不揚！朋友訂咗個斧頭扒餐，-有頭咁大嘅斧頭牛扒，真係份量十足！頭盆有生蠔，好鮮甜好味美主角來到，真係驚牙～～好大，仲有徳國什腸，仲有羊架，仲有日本紫薯，仲有什菜沙律！好豐富😋😋😋估唔到食下食下我哋三個大食精食德晒！套餐仲包甜品👍👍👍冇得彈仲可以飲cappuccino正Yummy Yummy Yummy Yeah✌️✌️…Read More

上次朋友開party試過之後已經覺得好正，今次特登帶個好朋友去食，好朋友話有冇攪錯，有冇咁平，又好貢食？我叫佢食咗先講，地方比較難揾，要行入後巷，坐落先來個頭盆有生蠔，沙律可選擇，當然每款一個，湯要咗待應介紹一個龍蝦湯有隻龍蝦仔扒出來可我求救，鮮蠔湯有泡泡好有酒店feel，main course 要咗龍蝦羊架，鵝干配肉眼六成，朋友仔已經•ᴗ• 正，真心話冇介紹錯飲品要咗荔枝乳酪及雜莓乳酪，原來沙冰，最後當然仲有甜品，雖然唔係好特別，但芝士蛋糕及朱古力奶凍都有劃花，都算有心思其實最唔好就係難揾，走過咗都唔知…Read More

相約三位朋友，一行四人，到官塘工廠區一間意大利餐廳試試好友推介的斧頭扒餐! 先有黑松露忌廉湯+鬆軟麵包，新鮮大生蠔，主菜當然係斧頭扒，羊架，三種特色烤腸及沙律菜。5成熟就最好味。最後有4款甜品及飲品。豐富的一個晚餐! 強力推介給好友…Read More

昨晚好友相聚㨂了這間觀塘隱蔽西餐廳談談天～～我們二人揀了龍蝦湯、黑松露忌廉湯, 我的龍蝦湯竟然有龍蝦仔伴碟呢😱😍～～湯味夠香又夠濃，配埋熱辣辣麵包，真的無揀錯地方😋😋😋主菜有大蝦配牛柳及豬鞍二款，烹煮得剛剛好，肉質夠juicy👍🏼👍🏼👍🏼又另一驚喜😄唯一係份量大左D, 女仔食會太多😉後來仲發現有新登場4人餐，包括有重量級斧頭扒、羊鞍、生蠔等都只係$888😱😱😱咁抵❗️下次要約齊人腳再食過😋😋😋呢間餐廳雖然無豪華裝修，但勝在食物有水準，環境算得上寧靜舒服，在擠迫都市裏都不失為一個聚餐好地方👍🏼👍🏼👍🏼😊…Read More

一間隱世的餐廳，在鬧市中真是令人不敢相信竟然會有一份咁好味嘅餐廳，一行13人老闆特別訂製斧頭扒套餐，簡直令人回味不論是中午還是夜晚也是朋友聚會的好地方！老闆的廚藝，老闆娘貼心的服務，簡直令人想一去再去！…Read More

一天行過觀塘工業區一間隠世餐廳，一於去試一試，第一感覺是搞小型party絕好地方，看看餐牌內容，價錢不貴，選擇都可以，由於不太肚餓，食欲不高，猶豫不決，經店員介紹牛扒，就試一試，唔敢講世界上最好，但呢個價位，冇得輸，全家三人一人一份加前菜，湯，甜品，飲品，開心滿足離開，可以返食，環境不豪華，但好舒服。唯一不好是隱世，但可能亦係好處希望有機會結婚25周年，包場搞一個小型party，不過唔知可唔可以及多少錢:)…Read More

與幾個知己点了4人份set, 斧頭扒餐，頭盤炭燒生蠔，好juicy, 蘑菇湯已經好好味，跟著斧頭扒，超有牛肉味，我第一次食，朋友叫了5成，因我不吃太生，waitiess好细心，問我哋需5需整熟D，特意'整左部份给我，好窩心，還有薯菜用了紫薯，好特別，好好味，睇得出廚師對'食物嘅熱情，下次都會再試。…Read More

斧頭扒！牛肉味濃！伴菜有三款不同味道腸，細心！黑松露菌磨菇湯12人要叫15碗，大人細路都愛！麵包都encore!羊架！滑，嫩，juicy ，5夠食，叫左三碟！德國咸豬手！皮脆肉滑！牛柳！ 兩碟，清哂豬肩肉，今次就比啲牛扒斧頭扒搶哂鏡！美式拼盤，薯條，洋蔥圏，雞翼，好味！仲叫左白酒煑蜆，意粉，pizza, 薯蓉，甜品…大人細路都食到想食既野，食得開心，捧住個肚走！嚴格啲講，一個set既扒尺吋都大份，今次配菜用紫薯〇K！生𧐢新鮮鮮甜！環境不錯！乾淨企理！ …Read More