110
12
5
2-min walk from Exit C2, Prince Edward MTR Station continue reading
All Branches (1)
Telephone
23922968
Opening Hours
Today
18:00 - 03:00
Mon - Sun
18:00 - 03:00
Payment Methods
Visa Master AlipayHK Alipay Cash UnionPay
Number of Seats
60
Other Info
Online Reservation
Open Till Late
Alcoholic Drinks
May Bring Your Own Wine
Phone Reservation
Reward Dining Points
10% Service Charge
Spot payment
About Reward Scheme
Review (133)
今日同朋友去太子買花,行到攰,決定係太子食埋嘢先走。朋友話有間雞煲好出名,叫寶寶雞煲。間舖有兩層,我哋坐樓下,雖然店舖唔大,但坐得都算舒服~店員服務唔錯,一坐低就介紹佢地個招牌雞煲比我們。寶寶奇味雞煲($178半隻走地雞)雞煲可以揀半隻/全隻嘅冰鮮雞/走地新鮮雞,有得揀超微辣、微辣、小辣、中辣、大辣。我們2個人就叫左半隻走地雞小辣,之後就俾咗個秘製醬汁俾我哋。雞煲上枱前已經整好,之後再炒幾下,等芫茜、京蔥,洋蔥完全入曬味。個店員炒嗰時,聞到個香味已經流哂口水🤤🤤可能我們揀左走地雞,所以佢好彈牙,好有口感,而且肉質依然嫩滑🐔本身走地雞佢行得多,少d肉,所以雞煲愛好者絕對要叫全隻!秘製醬料($6)不得不提佢個秘製醬油,辣椒蒜蓉豉油,佢個分量調配得好好,幾惹味!食完雞煲之後,店員就幫我哋加入清湯,開始打邊爐喇!🍲✔️炸響鈴($18/半碟)炸響鈴好大條,同真心即炸,唔係係個盒拎出來嗰d! 浸得幾秒完全吸曬d雞味,好好食!✔️手切雪花肥牛($108)雪花肥牛牛肉味濃,肉質鮮嫩,淥10秒就食得👌必點✔️手打三寶丸($48)每款2粒,有牛丸,墨魚丸,錂魚球,佢真係手打,因為好彈牙,最重要佢咬入去係勁鬆軟,只有手牙先有呢種口感。✔️韮菜餃 ($22)有4隻揀,隻隻飽滿,真皮薄焰靚!✔️火腿午餐肉$35食雞煲一定要食午餐肉,煲到佢好林,接近入口即溶,再配上公仔麵😍雖然好邪惡,但絕對係人生美食。打邊爐都未必可以做到,只有雞煲先有呢個效果。✔️雜菜$32/碟雜菜居然可以自選兩款菜,其實真係好少見,甘就可以揀自己中意的菜,大讚!👍🏻我哋揀咗唐生菜同油墨菜,兩款都非常新鮮爽口😊✔️雜茹$32😊😊😊😊食完就明白點解甘多人推介,佢個雞煲好出色,熱辣辣,好惹味,仲有得揀走地雞,好難得。火鍋配料又多選擇同相對上較便宜,又高質;仲要全日免收加一服務費添。我一定會返check 👍🏻👍🏻👍🏻 continue reading
(The above review is the personal opinion of a user which does not represent OpenRice's point of view.)
Level4 2019-09-25
50 views
呢晚約咗朋友去太子,事後食飯,嚟咗呢間寶寶雞煲。雞煲熱辣辣,好惹味;餸菜相對上較便宜,又高質;仲要全日免收加一服務費添。大家為各樣嘢付出之餘都要不忘醫肚呀🥺雖然店方仲有海鮮粥底火鍋提供,但店名叫得做「雞煲」,梗係要試下佢啲雞煲啦。寶寶奇味雞煲($270/全隻冰鮮雞)因為本人唔食得辣嘅關係,我哋只好嗌超微辣⋯😂 對我嚟講已經好惹味架喇。雞隻可以選擇冰鮮雞或走地新鮮雞,我哋想平啲食冰鮮雞,但質素都唔錯呀!雞煲上枱前已經整好,店員會喺你面前揭起蓋再炒,「咋咋」聲不絕於耳,超香🤤雞肉都幾多,肉質頗嫩滑🐔最鍾意就係一齊炒嘅嗰啲洋蔥🤤秘製醬料($6)一開始每人都已經有兜秘製醬料,$6/位,幾惹味,對我嚟講就有啲辣喇🤣食完雞煲之後,店員就幫我哋加入清湯,開始打邊爐喇!🍲手切新鮮牛肉($108)牛肉係本地新鮮牛肉,肉味濃,肉質鮮嫩,淥一陣就食得👌日本黑豚肉($65)黑豚肉嚟自日本,應該唔使咁擔心豬瘟嘅問題😂$65有咁大碟都算抵,仲要好食,好有豬味,而且仲唔肥😛手打墨魚滑($78)墨魚滑夠新鮮彈牙,不過用膠碗同生菜盛載住就比較stupid😂😂😂 會好容易痴住,不唔到出嚟🤭魚腐大王($38/碟)打呢篇食評先發現我哋叫錯咗,一碟有成八粒,應該嗌一份(四粒),唔怪得知食到咁飽-.-但係魚腐好好味,大大粒,富蛋香,唔油膩😛酥炸魚皮($22/半碟)半碟分量都好大,好香脆,抵食!炸響鈴($18/半碟)炸響鈴好大條😝不過略嫌唔夠脆(?),浸得幾秒就淋曬,可能浸一秒就應該拎返起🤣粟米($18/份)最愛嘅粟米!鮮甜無比!😍🌽🌽🌽雜菜($32/碟)雜菜可以自選兩款菜,我哋揀咗唐生菜同娃娃菜,兩款都非常新鮮爽口😊韓國薯仔麵($28)見個麵用薯仔整咁有趣,就叫咗一個嚟試下。不過同普通嘅即食麵好似差唔多,係口感會有少少較煙韌(?) 🤣跟嗰包味粉係辣嘅~ continue reading
(The above review is the personal opinion of a user which does not represent OpenRice's point of view.)
Level4 2019-09-23
66 views
之前已經黎食過一次,上次食完雞煲,今次一早已經諗住試下個海鮮粥底火鍋,前一日去open rice 睇下有咩配料,就見到原來想食粥要提前預約,即刻打去預留好彩趕得切。我地兩個人配環球海鮮盤6款,有蝦、魚、象拔蚌、蜆、鮑魚等等。各樣海鮮都係新鮮的,蝦就美味甘甜、肉質爽口,蚌、蜆同鮑魚都好彈牙爽口又鮮嫩,魚更加一份嫩滑。呢個海鮮盤食得過。火鍋配料揀左6款,先講手切鮮牛肉,明顯係高質d,非常鮮嫩,油花都幾平均,一啲都唔"韌",不過美國牛肉都唔差得幾多,都好食的。然後有日本黑豚肉,肉味香,同樣唔覺"韌",都唔錯。左起係魚皮餃、午餐肉、手打鯪魚球。特別要提魚皮餃,魚皮有咬口,肉質好嫩滑,覺得好食過平時食個d。另外仲嗌左一碟手打陳皮鮮牛滑,唔算好嫩滑但又幾好食,好有陳皮味。另外值得一提既係個秘製醬料,味道調得幾好,有少許辣,為食物增添一份美味。最後係個粥,可以按個人喜好落幾多配料,有南瓜粒、芋頭粒、冬菇粒、芹菜、窩蛋。個粥清淡得黎有少許配料既味道,但如果啲水小翻d就更好。環境比較舊式,但都無阻啲人黎食佢,最緊要係食物好食。 continue reading
(The above review is the personal opinion of a user which does not represent OpenRice's point of view.)
Level4 2019-09-11
137 views
<好正寶寶雞煲>呢間寶寶雞煲好似開左好多年 甘啱經過太子諗住打邊爐就試下佢🤣 環境有 d似中菜館格局 有兩層 除左有雞煲 唔同湯底打邊爐 仲可以 有粥底火鍋 我幾鍾意佢好多 menu上面既野食都可以點一份或者大 d既一碟 啱唔同人數既朋友點 👍🏻🍴招牌奇味雞煲 半隻138 蚊 🐤中辣乾炒雞煲 有紅椒綠椒 葱花 乾辣椒 洋葱等等🌶 香噴噴 有得揀 冰鮮同新鮮雞 今次小試牛刀點左冰鮮 都十分 ok雞肉半隻都多 雞肉煙靭 雞味唔係超濃 但都 ok奇味汁 辣甜咸適中 味道有層次滲哂落雞肉入面🐥 十分惹味 食完再打邊爐 正!🍴脆皮日本豆腐粒 58 蚊好正既脆皮豆腐 出面香脆夠薄 帶 d胡椒味 一咬開入面既豆腐熱辣辣 而且十分香滑 豆腐味濃 🔥 勁正 好味既送哂小食🍴爽滑重慶粉22 蚊🍜22 蚊甘大碟好抵食 重慶粉應該同薯粉好似 幼身爽口 盡吸雞煲汁 好味 🍴雜菇1 份16 蚊🍄冬菇雞脾菇金菇 夠新鮮爽口 十分唔錯 👍🏻🍴新鮮帶膏鵝腸75 蚊勁邪惡既新鮮鵝腸 口感夠爽 肥膏好香鵝油 吸埋雞煲汁更正😈🍴手切新鮮牛肉108 蚊🐂 牛肉好有口感 帶少少彈牙既筋位 牛肉味濃 放入鍋5, 6 秒就夠 好味🍴粟米 一份18 蚊🌽夠哂新鮮 味道香甜#雞煲 #火鍋 #邊爐 #粟米 #金菇 #手切牛 #肥牛 #鵝腸 #重慶粉 Score 平均分 <7.9/10>Taste 味道:👍🏻👍🏻👍🏻👍🏻Present 外觀:👍🏻👍🏻👍🏻Decor&Hygiene 環境衞生:👍🏻👍🏻👍🏻Value for $ 性價比:👍🏻👍🏻👍🏻👍🏻Service 服務:👍🏻👍🏻👍🏻👍🏻~~~~~~~~~~~~~#寶寶雞煲太子基隆街11 號地下~~~~~~~~~~~~ continue reading
(The above review is the personal opinion of a user which does not represent OpenRice's point of view.)
今晚喺太子收工,經過見到寶寶雞煲,同事建議今晚食火鍋,我正有此意,今晚時間尚早,店內人不多不用等位。本來都想食雞煲火鍋,看看餐牌原來現在有新菜式,即刻想試試。大白菜新鮮魚頭湯鍋(水庫大魚頭) $188這個鍋賣相份量都十分足,大魚頭肉多嫩滑,白菜滿鍋,先來一碗湯,十分清甜,魚味鮮之余又唔腥。嫩鴨血 $28鴨血滑溜不易爛,食火鍋必點項目。薑味豬筋丸 $12薑味豬筋丸比較特別,還能吃到一絲薑絲,有筋的關係質感非常爽彈。杏汁白肺 $38下鍋時一定要注意時間,剛開始以為要煮久一些,但後來感得煮久了反而會韌些,後來調整下鍋時間,質感嫩滑。脆鯇片 $43脆鯇片十分新鮮,肉質爽脆彈牙,最喜歡,一份都不夠,要再來多1Round。新鮮九肚魚 $48九肚魚新鮮嫩滑,入口即溶。韮菜餃 $22自家製韮菜餃十分飽滿,餡多足料,韮菜味香濃。馬尾粉絲(蔡瀾推介) $18這款粉絲第一次食,幾爽口,不錯。清熱洛神花茶 渣 $28醬油 $6 continue reading
(The above review is the personal opinion of a user which does not represent OpenRice's point of view.)