32
16
3
Telephone
21625010
Additional Information
Hosted by Jade Garden & Cha Cha Room
Opening Hours
Refer to the park opening hours
Payment Methods
Visa Master Alipay Cash Octopus AE UnionPay WeChat Pay
Other Info
Alcoholic Drinks
Phone Reservation
10% Service Charge
Signature Dishes
野菌炒雞片 錫仔生煎包
Review (54)
Level3 2021-04-11
29 views
今日食評有✍🏻翠園•茶茶居@香港迪士尼試食指數⭐️⭐️⭐⭐️店舖衛生⭐️⭐️⭐️⭐️侍應態度⭐️⭐️⭐️((每項5⭐️為滿分)) · 本來想去大街試下午茶set可惜一如既往冇哂位我轉個彎經過翠園意外見到有個中式下午茶未睇價錢就沖左入去@$398係一人價錢,兩位起,超貴啊😮正因為呢個價格即管睇吓有幾好🥸·1️⃣芒果生菜沙律⭐️⭐️⭐/5所有食材都好簡單如果一定要讚好就係食材夠新鮮2️⃣叉燒油雞拼盤⭐️⭐️⭐️⭐/5算係半肥瘦叉燒油雞反而有驚喜3️⃣帶子燒賣拼蟹鉗⭐️⭐️⭐️⭐/5帶子燒賣上面嘅帶子好明顯係反蒸之後縮咗水蟹鉗整得幾好味入邊真係有蟹肉4️⃣南瓜海鮮湯⭐️⭐/5南瓜湯好味海鮮足料但係兩者嘅配搭奇怪咗啲5️⃣鮑魚荷葉飯⭐️⭐️⭐/5面頭嗰粒小鮑魚都算係誠意之作荷葉飯比較普通冇辣椒油吊味根本冇乜特別6️⃣芒果布甸⭐️⭐️⭐️⭐/5布甸入邊食得出有芒果而且都算大碗7️⃣檸檬梳打+紅柚薑茶⭐️⭐️⭐️⭐️⭐/5飲品正常薑茶入面嘅薑片係米奇老鼠頭有驚喜✳️普洱茶@$52/2位✳️花生@$26·總括而言除咗環境食物水準其實好普通二人承惠961一啲都唔抵食·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講 continue reading
(The above review is the personal opinion of a user which does not represent OpenRice's point of view.)
Level2 2021-02-22
562 views
由於疫情嘅關係,呢一年迪士尼又開又關,咁啱佢依家開返就走咗入去玩!由於都係限人數嘅關係,個樂園會冇咁多人,佢入邊嘅餐廳都只係開咗一半,好多自助式嘅餐廳都冇開!因為想飲多啲水,同想坐得舒服d,所以就去咗食中菜,貪佢有茶飲!我哋12:00入去,已經坐咗一大半人喺度食緊午飯,咁佢哋就安排咗側邊嘅枱俾我哋。枱與枱之間都有返啲距離,同埋一張枱只可以坐四個人,咁佢俾咗張六個人嘅枱我哋,所以都坐得好舒服。佢除咗可以剔紙仔落點心之外,仲有啲套餐嘅,咁我哋就每人叫咗一個午市套餐。個套餐有下面咁多嘢:燒味雙拼(今日係叉燒同燒鴨)帶子燒賣素菇餃白灼時蔬北菇蒸雞煲仔飯蛋白杏仁茶燒味嘅叉燒就有啲柴,燒鴨佢比啲太肥嘅部位我,所以冇乜肉食⋯但個味本身係OK嘅!帶子燒賣除咗上面有粒帶子,仲食到個燒賣餡入邊都有好多帶子粒!好味!個素菇餃同菜就正正常常,唔多講啦~到個北菇蒸雞煲仔飯啦!其實都唔可以叫煲仔飯(冇飯焦嘅!),只不過佢係用個煲仔上嘅蒸飯!d雞調味做得好好,啲飯蒸出嚟一粒粒好分明,加埋啲豉油好好食!但對男人來講就細碗咗啲,啱啱好又唔會餓死咁!最後嚟個蛋白杏仁茶做甜品,杏仁味好濃好香,但個蛋白就結左一舊咁係碗糖水入面,口感就差咗啲!整體來講都OK,如果想飲杯茶嘅話呢個都係一個唔錯嘅選擇! continue reading
(The above review is the personal opinion of a user which does not represent OpenRice's point of view.)
Level3 2020-01-29
1169 views
生日當日我和我的家人選擇在翠園食晚餐,當我們經過翠園的時候諗下都係Book定位好啲,玩左一大輪之後,又到左食晚餐的時間。又攰又肚餓,好彩的是已經book左位,唔係就要等候了!我們進入餐廳的時候發覺餐廳原來重新裝修過!裝修得好靚好高貴,而每位侍應都好有禮貎。食物方面,每款都好好味,有水準。點左乳豬丶雨花海蜇頭丶椒鹽脆豆腐丶海蝦大良炒鮮奶丶醬油安格斯牛肉炒飯丶蒜蓉炒菜芯丶拔絲咕嚕肉⋯⋯這餐飯非常滿意,食物丶環境丶衛生丶服務都好好,值得推介。總共食咗$1295.8。絕對物有所值! continue reading
(The above review is the personal opinion of a user which does not represent OpenRice's point of view.)
Level4 2019-08-09
1261 views
真心覺得喺廸士尼食嘢好貴! 2件炸雞, 一杯汽水, 一份薯條 = $114….又唔見得有幾好食! 所以我有時情願坐喺餐廳食都唔食快餐, 最主要係價錢又唔係差得好遠, 坐得又舒服 d! 喺 d 咁熱既天氣去廸廸尼, 行下抖下係好重要的! 呢間中餐廳又長時間都無乜人等位…生日入廸廸尼玩, 決定食中餐再睇埋晚間巡遊!望完 menu 一輪都係覺得套餐抵 d! $238/位, 有燒味三拼, 蟹肉粟米羹, 彩椒帶子蝦仁, 奇味雞柳, 鮮菌扒翡翠, 福建炒飯, 芒果布甸! 還不錯吧! 燒味拼盤有雞, 鵝, 叉燒! 個叉燒又乾又鞋, 難食到一個點! 我唔係打食評都唔知原來係粟米羮, 我以為蛋花…其他就正常嘢啦!要講講既係炒飯! 難食到一個點! 隔左唔知幾多夜既飯, 又乾又硬, 仲要超級咸! 如果話呢碟係福建炒飯, 我唔同意, 呢碟應該係雞柳炒飯, 全碟飯除左雞肉就係得一粒蝦同埋幾粒海參碎! 真係唔難怪點解有 d 遊客帶成條麵包入嚟食…. continue reading
(The above review is the personal opinion of a user which does not represent OpenRice's point of view.)
Level4 2019-07-11
945 views
入迪士尼玩嗰日係星期日,當日下晝兩點喺餐廳門口都要等大概20分鐘先有位,職員都好忙,其實都冇乜人會理你。叫咗一個廣場餐同埋兒童餐,因為小朋友想食點心。依杯青檸特飲都幾好飲,酸酸甜甜幾開胃。個餐嘅燒味都係細細份嘅,黎到嘅時候係凍嘅,味道正常。春卷都幾脆,個醬有芥辣,小朋友唔啱食,建議換做普通嘅沙律醬,始終入嚟迪士尼都係小朋友。啲點心都正正常常嘅,始終係美心集團嘅出品,流沙奶皇包都熱既。兒童餐入面有甜品腸粉、少少點心同埋蛋撻,份量夠一個小朋友食,但係除咗點心之外,個芒果布甸同埋白兔一般,好硬,唔知係咪擺咗好耐,或者落咗好多魚膠粉。呢個都幾鹹,好多醬汁。個炒飯好難食,完全無味,又凍又嚡口,食咗兩啖就擺咗喺度啦。紫米露有啲似漿糊,冇應該有嘅軟糯嘅感覺。埋單都要四百幾蚊,已經用咗迪士尼金卡,有八五折,如果唔係出面啲餐廳要排隊排得更耐,都唔會過嚟食,食物質素都係麻麻地,侍應又好似唔係點理你咁,十問九唔應。 continue reading
(The above review is the personal opinion of a user which does not represent OpenRice's point of view.)