PLAYT

見到酒店有《魚子醬週末Brunch 自助餐》，就決定同屋企人試下，除了可以盡上一系列精心炮製的各類開胃菜，海鮮壽司及刺身外，仲有無限添飲氣泡酒、任食魚子醬及三文魚籽。無限任添: 氣泡酒、魚子醬、三文魚籽海鮮珍饈: 龍蝦、鱈蟹腳、黃金炸蟹、海螺等壽司及刺身: 三文魚、八爪魚、鯛魚、希靈魚、鯖魚環球佳餚: 西冷牛排、羊架、黑松露蛋、即蒸中式點心、精選芝士及凍肉拼盤等精選甜品: 自家製的意式雪糕、朱古力噴泉🥳好耐無咁放肆，好爽👏🏻👏🏻👏🏻…Read More

好似冇之前咁好食🤔我都唔肯定，畢竟上一次都已經成日一年普遍嚟講海鮮都新鮮好味，刺身我主要係識咗釣魚希靈魚八爪魚正正常常烤牛同烤羊腿我只係食咗一細舊當一下食覺得有啲硬然後就係瘋狂食菜同埋抵玩食海鮮，東風螺好新鮮好大粒依泰式生蝦就硬係覺得唔新鮮 燒味今次好似好過上次，上次印象係全部都唔好食，咁遲啲白切雞同埋烤雞都幾好味😋就算雞胸位都好嫩滑生果又西瓜火龍果菠蘿哈密瓜，全部都幾好味幾先甜喎，菠蘿好新鮮大大塊鞣酸又甜啱啱好今日係馬蹄瘦肉合掌瓜湯，通常buffet啲堂都特別好飲，因為爐火煲好耐 好味佢出面嘅不瞞嘅菜太油膩 我就去咗車仔麵部，自己錄一啲菜嚟食，但係原來佢可以揀湯底，有冬陰功湯同埋椰子雞湯，兩個都好好味喎！冬陰功都唔會太過辣酸酸地好開胃鍾意食榴槤嘅一定鍾意食佢個榴槤雪糕同埋布甸，另外佢個心太軟都唔錯！同事話個木糠布甸好味，但係我覺得完全唔好味 係一Pat冇乜味嘅cream:(整體來講質素唔錯，但係選擇少，主要係有海鮮，刺身，少量選擇嘅小菜 類似兩餸飯真係得幾個選擇 同埋燒味甜品反而都唔錯 仲有乳酪雪糕 🍦服務唔錯…Read More

🍂秋天就快到,係時候要進補吓啦,柏寧酒店人氣餐廳PLAYT再度聯乘位元堂自助晚餐🍽️‍‍🍳今年精心挑選擁有極具食療價值嘅食材：「蟲草粉」、「正珍珠末」、「韓國六年根高麗蔘」&「寧夏杞子」👨🏼‍🍳👩🏻‍🍳主廚將呢幾款食材巧妙地融入到各項湯品、熱盤同甜點中邊個話食自助餐就唔可以養身架⁉️ 位元堂系列咁健康🫶,小朋友都可以盡情食👦🏻,無負擔呀😋〰️👶🏻 B食咗1碗正珍珠末魚湯浸沙巴龍躉,2碗蟲草花旗蔘燉雞湯,1枝蟲草紅桑莓餅乾雪糕 & 1杯人蔘圓肉杞子桂花糕,超級滿足😌☺️,第一次真正食到自助餐🥢🥢💁🏻‍♀️💁特別推介—— 正珍珠末系列🔅正珍珠末白木耳炒帶子蝦球：呢道鹹點結合咗珍珠末嘅營養同海鮮嘅鮮嫩,口感極為豐富 🔅正珍珠末魚湯浸沙巴龍躉：清湯中融入咗珍珠末嘅鮮香,帶嚟味覺享受🔅正珍珠末朱古力心太軟：呢款甜點將視覺&味覺完美結合,香甜嘅朱古力心太軟上灑上珍珠末,又美味,又有養顏嘅效果📌正珍珠末以其清肝明目、潤喉養顏嘅功效而聞名,適合日常皮膚護理,促進傷口癒合。外敷同內服都可改善痘痘&面色暗沉等肌膚問題,甚至有助於改善失眠。📌位元堂正珍珠末經過多項嚴格檢測,百分百香港製造,安全可靠,連初生嬰幼兒都可以安心食用。❤️🧡💛💛自助晚餐食客仲會有位元堂嘅優惠券,等你享受美食嘅同時,都能體驗美顏、進補嘅雙重滿足💕👉🏻👉🏻PLAYT 「位元堂主題」 自助晚餐 係2024年9月13日至10月6日期間限定登場,大家唔好錯過啦,快啲上網預訂啦～🙌…Read More

PLAYT 自助餐食過兩次，兩次都係食物款式多樣化、別致、美味😋，之前食過載譽歸來的 PLAYT 與位元堂主題自助晚餐，食自助餐時可以享用到一系列食療菜式😋😋😋🫶🏻我覺得呢個crossover非常有誠意！食療菜式有10款咁多，PLAYT主廚將三款位元堂人氣藥材「正珍珠末」、「蟲草粉」和「韓國六年根高麗蔘」巧妙地融入各項湯品、熱盤以至甜點，味道仲要相當不錯👍 .特別推介 蟲草花旗參燉雞湯 滋補養顏飲完嗰晚好好瞓蟲草牛肝菌蒸蛋 增強免疫力，牛肝菌令蒸蛋獨特香濃人參茶燻乳乳鴿 乳鴿上聞到淡淡嘅人參茶香🤤 滋補養生珍珠末心太軟食甜品都可明目安神😍 味道仲要很不錯蟲草紅桑莓餅乾雪糕上加上強肺的蟲草粉末😙愈食愈健康😆.除咗crossover菜式，自助晚餐食物多籮籮#任食生蠔🦪（職員冇停手密密開）、 #海鮮🦞、 #刺身（厚切三文魚、帶子等等😍）、壽司（好靚又好食）、沙律🥗、熱盤、西式串燒海鮮、牛扒、甜品區🤤🤤🤤、#無限♾️任取 #花菇鵝掌扣原隻鮑魚、 #香煎法國鴨肝、任飲花茶水果茶🍹🧋⋯⋯ 第一次食食極都仲有好多款食物想再encore😂以往好多間好快手想食甜品算數！…Read More

又係進補嘅時候！今次我要食餐勁，補餐勁先得！所以我又去食位元堂 × PLAYT Buffet啦！是次主打3款食材分別是「正珍珠末」、「蟲草粉」和「韓國六年根高麗蔘」。PLAYT主廚將3款中式食材融入各項湯品、熱盤以至甜點，炮製出多道養生佳餚。《正珍珠末系列》～珍珠末具有安神定驚、清肝明目和潤膚養顏的功效🤍🧜🏻‍♀️「正珍珠末白木耳炒帶子蝦球」鮮滑嘅帶子及爽口彈牙嘅蝦球配合爽口的白木耳及滋潤的正珍珠末！正👍🏻🤍🧜🏻‍♀️「正珍珠末魚湯浸沙巴龍躉」鮮甜嘅魚湯及厚身嫩滑嘅沙巴龍躉，啖啖肉，好滿足😌🤍「正珍珠末朱古力心太軟」現場即製，香濃軟滑嘅心太軟～灑上雪花般嘅正珍珠末作裝飾，食完個心都軟晒😍。《蟲草粉系列》～可補肺益腎及提升免疫力💚「蟲草花旗參燉雞湯」蟲草獨特的菌香和花旗參甘醇，滋補清潤啱晒我呢個湯怪。💚「蟲草牛肝菌蒸蛋」帶有蟲草和牛肝菌的幽香，好特別😋💚「蟲草桑莓餅乾雪糕」將蟲草配合雪糕🍧，非常創新，要比借口自己食多幾杯《韓國六年根高麗蔘系列》～具補元氣、增強活力和抗衰老等多重功效「🤎人參藥膳水晶雞」人參嘅精華融入嫩雞，最佳藥膳拍檔啦！「🤎人參茶燻乳鴿」以人參及茶葉燻製嘅乳鴿，肉質嫩滑多汁，惹味又帶煙燻香😋「🤎人參圓肉杞子桂花糕」～補氣、明目又養顏， 愛美必吃☺️除咗以上主菜之外，仲生蠔、龍蝦、鮑魚、鵝肝多士、仲有多款榴槤甜品🍨添仲有啊，仲有沙膽最鍾意嘅朱古力噴泉啊！…Read More

今次自助餐最想食的食物味道都非常好，生蠔來自法國和澳洲，雖然小小一只，但味道鮮甜，另外鵝肝表面煎得香脆，入口軟滑，晚餐時段6:30pm入場，燉湯和鮑魚要等到七點開始供應，酒店自助餐有和位元堂合作，加了珍珠末和野生蟲草在食材內，感覺很滋補，雪糕口味特別，嘗鮮try茅台味雪糕，女兒點了Oreo味雪糕，另外有自助朱古力味軟雪糕，但朱古力太濃味，她吃了一口就推給我…Read More

女人唔補好易老！真係「珍珠」都冇咁真呀👀今次推介既自助餐除左有任食鮑魚、生蠔🦪、海鮮冷盤🦐最特別就係佢會令你越食越靚㗎..🙊今年柏寧酒店人氣餐廳「PLAYT」再度同香港著名中醫藥保健品品牌「位元堂」聯手🤝推出全新主題自助晚餐！主打由「正珍珠末」、「蟲草粉」同「韓國六年根高麗蔘」三款健康食材融入湯品、熱盤以至甜點之中，養生又養顏🧘🏻‍♀️而最大亮點之一🌟今次自助餐竟然有三款菜式以珍貴既珍珠末入饌🤩！囡囡同媽媽咁貪靚🧏🏻‍♀️梗係要密密添食啦！「正珍珠末系列」採用100%純珍珠，嚴格遵循古法工序炮製再研磨至超細緻粉末，令珍珠中嘅營養完整保存🫶🏻美白淡斑，改善面色暗沉🧏🏻‍♀️位元堂正珍珠末經過多項嚴格檢測，連初生嬰幼兒都適合服用，安神定驚夜晚都好訓D！💯香港製造🫶🏻更加安全可靠「🦐正珍珠末白木耳炒帶子蝦球」完美結合海鮮精髓😋蝦球大大隻兼爽口，啱晒唔鍾意搣蝦但又鍾意食蝦既朋友！「🐟正珍珠末魚湯浸沙巴龍躉」龍躉肉非常爽甜，結合濃郁鮮甜既魚湯頭，連珍珠末一次過飲落肚，一滴都唔好嘥😋滋補又養顏「🍫正珍珠末朱古力心太軟」全晚最受歡迎既甜品之一，每次一出爐就比人搶之一空！我地捕左幾次先攞到👍🏻心太軟外層酥脆，內裏朱古力流心，滋味無窮！驚喜彩蛋！🍍榴槤拿破崙🍍～吉士醬唔算太多，夾雜住香濃既榴槤肉，好鬼好食🤤食多兩件都唔覺膩口！其他必食‼️「野生蟲草皇系列」主廚將「位元堂」長期熱賣既蟲草皇粉融入熱盤同甜品之中，蟲草滋陰補腎仲可以抗衰老，又可以變靚喇🤩！「蟲草花旗參燉雞湯」、「蟲草牛肝菌蒸蛋」、「人參藥膳水晶雞」「人參茶燻乳鴿」每一款都色香味俱全😋我地全家都食到讚不絕口、真係啖啖人蔘同蟲草香㗎！非常之足料👍🏻最後仲有囡囡同爸爸食到嘴舔舔既「蟲草桑莓餅乾雪糕🍧」勁多蟲草粉係入面🤩為呢餐養生自助餐畫上完美句號🥰…Read More

改左playt後第一次食,6：20先放人入，入到去都算多野食,不過甜品位好似少d款式🤔，去攞冷盤蟹腳、龍蝦已經印象唔好,要人夾比你,又唔係話貴野,真心唔明😐,蟹腳ok,冇雪藏味,只不過比較細條,龍蝦好食,肉唔嚡唔老,都食得過,生蠔有澳洲&法國黎,不過唔食無損失，食buffet,佢哋畀咩貨你,大家都明，到熟食,西班牙烤乳豬全場只refill左一輪,我食都未食過🤣,燒烤區d野ok,尤其是香草燒雞，天多利烤雞,重有車仔麵檔個白胡椒雞湯都好正,最入面熟食區推介鮑魚扣鵝掌,蒸龍躉,至於甜品徐左抽子卷外,親戚話黑刺榴槤甘露都好正(我唔食榴槤😅),雪糕又係要人畢比你，你唔出聲佢真係畢一細羹比你,重要係痴線到一啖就食完嗰隻,畢雪糕嗰個服務真係hea到….…😅綜合評分,一試無妨,但折左後咁既價錢,選擇唔會再翻啅囉！😅…Read More

六月初，我和親友往柏寧酒店食自助晚餐。自助餐有很多食物，其中五種，通常都格外吸引目光，現在先從這五種食品談起。這五種食物就是龍蝦、龍蝦鉗、長腳蟹、生蠔和蒸魚。龍蝦略為細小，大小不重要，可以多吃幾件。我是龍蝦迷，該晚便吃了六件。我有能力吃八至十件，但為了寫食評，肚子要讓位給其他食品。龍蝦的肉質少少韌，但仍有輕微甜味，算是及格。好彩無芝士焗龍蝦，兩者根本唔夾。其實，芝士同很多肉類都唔夾。龍蝦鉗是另外一碟的，很瘦，肉少，我吃了一兩件後沒再吃了。長腳蟹蟹腳瘦小，無乜肉，我沒興趣花時間吃第二次。以上三種食品，顧客不能自取，必須由工作人員夾給顧客。這樣做失去了自助餐的原意了。話明「自助」，顧客當然想揀些最合心意的食品啦。我沒再浪費時間吃第二次長腳蟹，因為那位工作人員很「公道」，把大中小的蟹腳都夾給我。如果由我選擇，我當然不夾小型蟹腳啦，又無肉又花時間剪開它。生蠔有兩種，分別是法國的和美國的。我不喜歡蠔的味道，沒吃過，但親友有吃。蠔肉厚、嫩滑。究竟是法國的好吃，還是美國的好吃？親友們也不清楚，因為是從碟子上取的，師傅開了蠔之後便放在碟子上，任人取走。總之，生蠔是好吃的。最後就是蒸魚。今次是蒸龍躉片。它就是我選擇這家酒店自助餐的主要原因之一。我從來未試過在別的自助餐吃過龍躉。我第一碟餸就是它和龍蝦。龍躉片給我第一個感覺……有點失望。它除了嫩滑之外，無其他味道。假如大廚們在蒸龍躉前醃一下，便能帶出蒸魚的鮮味和魚味，我在家蒸魚也是這樣做的。如能加上果皮更好。該碟蒸龍躉算是及格，但可以做得更好。我喜歡吃少骨的魚，當晚吃了五六件。接下來，我要介紹四種非常好吃的食品。好吃的程度超出我所期待的。第一款是「雲耳藕片炒帶子蝦球」。除了藕片之外，其餘三種食材我有吃，沒吃藕片是剛好被其他食客夾去了。帶子和蝦球都很大隻，蝦球爽口，伴著獻汁，非常好吃，絕對比凍熟蝦和凍帶子惹味，不想吃凍熟蝦，怕弄污手指的看倌，可以選這味小菜。第二和第三種食品是蝦餃和燒賣，都令我喜出望外。我有多年吃自助餐的經驗，一直以來，酒店自助餐的中式點心是得啖笑的，水平遠遠落後於茶樓。可是，今次大大不同！蝦餃很大隻，夾起時不會立即解體(即外皮破裂，令餡料掉下來)。放入嘴巴內咬，汁液滲出來，哇！齒頰留香呀！親友說蝦餃仍未完美無瑕，因沒加入筍。可惜的是，不管是自助餐，就是連茶樓做的蝦餃，也很少加入筍了，慨嘆啊。燒賣也是一絕，肉質結實，啖啖肉，香氣橫溢，無欺場。當晚合共有七款中式點心，我吃了其中三種，除蝦餃燒賣之外，另一種好似叫水晶餃，我忘了它的味道。其餘點心好似是小籠包、牛肉燒賣、奶王包等等，忘記了一些。第四種要讚的是甜品「雪燕楊枝甘露」。由於易飽的關係，我很少在自助餐內吃甜品的。這款是親友吃的時候，預埋我的。「雪燕」是一種樹脂，跟燕窩沒有關係。這款雪燕楊枝甘露不太甜，不太稀，也不太稠，味道和濃度適中，甜中有甘味，好好吃。熱葷除了雲耳藕片炒帶子蝦球和龍躉片之外，我還吃了中式牛柳、軟殼蟹、鴨掌冬菇燘鮑魚，沒吃草菇扒上海白菜和日式豚肉炒飯。中式牛柳很大件、很厚，很鬆化，味道中上。軟殼蟹真的很軟，好似唔多覺得有椒鹽蒜香，但係好吃。那味鴨掌冬菇燘鮑魚是我決定選擇柏寧自助餐的第二個原因。鴨掌極冧，根本不用氣力，就可以脫骨。鮑魚彈牙，入味，微韌，好吃。我們吃到有很輕微的苦味，親友說是冬菇造成的。近日，我家燜冬菇也有相同情況。自助餐內有一個攤位是燒海鮮的。有燒大蝦、燒魷魚、燒青口、燒辣椒、燒扇貝等等。燒魷魚太太太韌，幾乎咬不斷、吃不到。燒扇貝夾了兩隻，其中一隻竟然有沙，累我要吐出來，另一隻正常。燒大蝦好吃。燒海鮮隔離有釀蟹蓋，我吃了一件，蟹蓋內的肉很嫩滑、很冧，不知是甚麼肉，總之是好吃。燒臘有白切雞、叉燒、燒鴨和乳豬。我懂得揀叉燒。我選了一些合胃口的，果然很鬆化，味道啱啱好，不太咸，也不太甜，能打敗好些燒臘檔。白切雞和燒鴨也很好吃。老實講，現在很難買到很難吃的燒臘了。值得一提的是脆皮乳豬。我吃的幾件，豬皮很脆，可是，親友吃的卻又不脆，不知何解。乳豬有陣「豬味」。各位看倌，有沒有去過豬欄？我說的「豬味」，就是豬欄裡的豬味。雖然那隻乳豬的「豬味」很輕微，進食的時候仍被我們聞到，是美中不足之處。儘管如此，當晚的乳豬廣受歡迎，每次我出去揾食，看見的，不是夾剩少少的頭頭尾尾，便是一隻全新的，可見它們吸引力特強。日式食品中，我衹吃了和牛壽喜燒，這名稱夠特別，便吃；但沒吃壽司和刺身。和牛壽喜燒得個甜字，而我不喜歡甜味牛肉。甜品有很多款式，我衹吃了雪燕楊枝甘露，其他請看圖片。必須要說一說的是雪糕。當晚有六種雪糕，我全部吃了一球。其中一款很特別，名叫茅台雪糕。它是我決定揀選柏寧的第三個原因。入口的時候，它散發出濃郁的酒精味，我不敢肯定是不是茅台，親友說肯定是茅台，茅台的味道是這樣的。這款雪糕令人佩服的是，它有茅台的氣味，而沒有酒的苦味。它是全場最有特色的食品。其餘五種雪糕呢，除了血橙味(貌似士多啤梨味，且味道也相近)的味道太銳利之外，其他正正常常，很好吃。整個自助餐，最失敗的是飲品。除了凍水之外，衹有兩款果汁(名字冗長難記)，和一杯飲品。如果要飲汽水和啤酒，另外加$48。那兩款果汁不合我的胃口，而飲品我叫了咖啡，談不上很好。原價$758的自助餐，很多酒店都任飲汽水、紅酒、啤酒、奶茶、罐裝果汁了。(註：往官網或kkday訂都有折扣。)另外，整晚沒有麵包蟹、鵝肝、燒乳鴿、燒鵝。唔知點解，自助餐通常都無燒乳鴿的。我喜歡麵包蟹，它挖極都仲有肉，令人很開心。另一缺點是碟子很細小，又無膠手套給顧客吃龍蝦、長腳蟹等等。此外，燈光太暗，仲愈夜愈暗添，令到拍攝有影子和難就位，也使到照片的顏色很「實」。該要稱讚的是，職員服務殷勤。當晚，我們剛踏入酒店時，我心裡想：「咿，為甚麼走入了商場呢？難道找錯地點？」印象中的酒店，門面是很寬闊廣大、有旅客拖住行李箱走動和有一個長長的櫃檯招呼旅客的。眼前看見的卻是一個店舖林立的商場。我正在猶豫之際，右手面有人問我們是不是來吃自助餐，我才看見playt的寶號名稱。要不是職員主動詢問，我可能掉頭便走，幾分鐘後回來。所以嘛，細心的職員能令顧客留下深刻印象的。另一樣值得一讚的是桌子寬闊，坐得舒服。當晚，食客們優悠淡定，沒一處需要排隊。整體而言，食品的味道是中上的，幾乎樣樣都有，仲有幾味獨特小菜和甜品添，這是我選擇柏寧的第四個原因，衹有燒魷魚太韌難食。飲品最弱，被我扣了一些分數。職員有禮。我去年曾去過薈景自助餐。以今天的柏寧跟去年同期的薈景相比較，食物種類方面，柏寧無疑贏幾條街；味道卻是薈景略勝一籌；質素方面，兩者差不多，各有幾款食品做得格外出色和用心。難忘薈景的鮮甜長腳蟹和龍蝦。給所有自助餐餐廳一項提議：請把麵包一直烘暖，不要讓它凍，這樣，塗上餡料時格外好吃。或添一部機器讓顧客弄熱麵包。每次吃自助餐，我都渴望品嚐所有種類的食品，不管衹是吃一小口也是好的，可是我從來做不到。有好些未曾吃過的食品，我也拍了照片，看倌睇下有沒有啱心水的吧。…Read More

放假book咗銅鑼灣柏寧酒店「PLAYT」食自助晚餐。Playt 座落在銅鑼灣栢寧酒店內，交通十分方便，餐廳環境舒適，員工服務態度有禮，食物水準不錯，種類都唔少，第一次嚟食都唔錯。環境好大，放置食物的位置分散在餐廳不同的角落，同類型的會集中在一起，都好分明闊落，職員安排我哋坐窗口位附近。自助晚餐的時間是從6點半至9點半，供應不同種類的食物，冷盤選擇都多，例如凍海產、刺身、壽司、中式點心、多國小菜、乳豬、pizza、串燒、湯麵、湯、甜品、生果等等。想快啲番本揀龍蝦就岩，有膏、肉質彈牙，壽司刺身都正常水準，每款都很新鮮，而且味道也不錯。對於我來說，最愛吃的是凍龍蝦，因為蝦肉結實，而且很鮮甜，唯一的遺憾是生蠔比較細（個人覺得），帶子就吃不出鮮甜的味道。熱盤唔算特別多，不過印式、日式、中式、港式也不乏。甜品最令我失望，真係好少款，無一個值得會食第二次，全部試過就算，勝在夠迷你，同埋唔會好甜。其中有一款雪糕幾特別，就係茅台味雪糕，好香酒味，值得一試，還有佢嘅乳酪軟雪糕都唔錯，最後會有一杯餐茶奉上。總括來說，食物種類尚算豐富，但食品質素好一般。廚師補充食物都算快，侍應服務有禮，而且亦會迅速幫忙清理台上用完的碟。…Read More

慳妹的我一向講求性價比要高，先可以吸引到我去幫襯，而且我對食物頗有要求，除左味道要得，款式當然都要多。另外食物是否新鮮非常重要，尤其我哩位女子咁鍾意食魚生！好耐冇食buffet啦突然好想食! 但又吾想夜媽媽食得太飽咁瞓覺，於是揀左放假嘅時間去食lunch buffet。嘩！柏寧酒店Playt Kitchen Theatre 令我好滿意👍😋，符合晒我以上嘅要求。仲有泰式生蝦，鳳爪，三文魚新鮮肥美，壽司款式好多，甜品竟然有我最喜歡嘅心太軟，雪糕有好多種味道，有我大愛的榴槤味道。其實我今日正係掛住食特色嘢，熟食果邊仲有好多嘢都試吾晒，餐廳已經好好，有兩個半小時我哋，只怪我口水多過浪花🤣，我決定要去多次💃, 大力推介俾各位，真係值得去，我完全以為自己食梗自助晚餐咁！😂😂…Read More

今年年初一諗住阿媽唔洗煮食餐下午茶自助餐，其實食咗好多次呢間，一直都覺得唔錯，但年初一食雖然加咗價，但質素同種類比平時差及少，例如平時啲滷味都比今日入味，但炸物就異常出色，例如炸雲吞，煎釀三寶，蜆蚧鯪魚球，都好好食，但scone 就差咗，上次好食！ 欠缺新年特色都係失望，雖然加咗個炸油角，最失望係嗰脾氣差嘅男職員，問餐飲時一啲耐性都無，態度惡劣，我哋未講凍定熱就不耐煩地幫我㨂埋，多謝你咁好招呼，其他職員都很好…Read More

和幾位朋友到這裡吃下午茶自助餐，本身常常經過，但還是第一次入去。無影環境🤣食物都多選擇，熱食西式有pizza 烤雞翼(好食) 豬仔骨等，有印度薄片，中式有自選面 燒賣 奶黄包 粥 滷味，生食海鮮就有蝦青口和蜆，日食壽司和魚生(魚生中等水平 不特別特出)。驚喜主要在甜品有好多選擇，cake 雪糕 馬卡龍 朱古力火鍋，食了幾轉，自家製雪糕抹茶味不錯～環境就坐得舒服的，只是桌子間好近，整體有點嘈吵，不是聊天的地方。另外服務生收碟快，最後食到5點15左右時就要清場，略不夠時間。…Read More

一年一度既聖誕節，我哋揀左係Park Lane入面既呢間Playt食buffet歡渡佳節，buffet dinner分左兩個時段，分別係5:30-7:30及8:00-10:00，8點一到準時入座食物方面同大部分既自助餐都差不多，比較吸引既生蠔同海鮮冷盤都多種類，但呢度既海鮮係做配給形式，並唔係任攞，喜歡食既話就要排多幾次隊，buffet黎講就真係食得唔算盡興，熱食方面亦不過不失，鵝肝多士亦都擺得好隱蔽，差d就錯過咗⋯呢次buffet最有印象既係呢個茅台雪糕，都幾特別其他地方都未見過，原來係餐廳自家製，轉頭想再添食已經沽清，非常受歡迎！而Playt最令我大開眼界既係，當時間搭正10:00正，職員即時推晒廚餘車出黎收檯，並且每個同事都不斷講住「唔好意思呀我地夠鐘架喇，下次再見吖！」同時全場響起旋風式收拾餐具既砰鈴棚冷碰撞聲音💥💥💥，作為一間五星級酒店內既高級餐廳，竟然上演尤如走鬼一刻既趕客戲碼😮簡直係前所未有既體驗⋯…Read More

Annual Dinner去左柏寧食 Buffet，年尾好忙折餐勁。生蠔，細隻，都幾新鮮。刺身，肥美新鮮，三文魚幾美味。冷盤，長腳蟹尚算多肉味道鮮，翡翠螺爽彈，青口正常準。黑松露酥皮湯，黑松露忌廉湯味道淡。芝士、煙三文魚正常水準，燒蝦香口。羊鞍肉質軟嫩，少許羶味，蝦大隻爽口。鮑魚鵝掌，鮑魚爽口，鵝掌口感軟腍，味道濃郁幾美味。燉湯，十分足料。甜品，款式唔多，味道正常水準。芒果拿破崙，入口酥脆有芒果香味。最想試呢個，茅台雪糕必食，酒香突出，綠茶麻糬，綠茶味道濃郁，內有麻糬幾美味。伯爵茶軟雪糕，淡淡的伯爵茶味。食到好飽又食下生果。食物味道不俗，都幾好野食。…Read More