Video
Telephone
25255520
Introduction
This Italian pizza restaurant imports ingredients from Italy. The homemade dough and tomato sauce are very fresh. It also provides pasta and dessert.
continue reading
Opening Hours
Today
11:00 - 10:30
Mon - Sun
11:00 - 10:30
Public Holiday
11:00 - 10:30
Public Holiday Eve
11:00 - 10:30
Above information is for reference only. Please check details with the restaurant.
About Reward Scheme
下星期終於有紅日，TGIF要飲返杯賀吓，美酒點都要襯吓pizza，上次去西環食過呢間pizza，覺得勁抵食今次上半山呢間分店，感受吓唔同嘅氛圍今次依舊嗌呢set二人套餐，包含嘅嘢食好夠飽一開頭會有個platter，有好多款小食，有炸新鮮魷魚、自製雞肉炸丸子、烤麵包配自製番茄莎莎醬、煙三文魚配酸豆、檸檬同特級橄欖油、朝鮮薊、橄欖同意大利咸魚配多士炸丸子好大嚿好實淨，配松露醬勁夾莎莎醬多士超級開胃，連同三文魚同炸魷魚都係好好嘅開胃菜跟住就到主菜之一，今次揀雜錦海鮮意粉配白酒汁湯汁嚟講，酒味極之濃郁，海鮮都有好多，蜆、蝦、魷魚都幾好肉食完意粉就食主角 — pizza喇，呢次就食Italia，配料有白菌、香腸、意大利辣腸同意大利青椒餅底好脆又有質感，咬起嚟啖啖料啖啖肉勁香最後仲有包埋甜品，係朱古力蛋糕，好濕潤好香濃，啖啖都勁爆朱古力味，上面嘅雲呢拿雪糕融落蛋糕度，混埋一齊食勁正呢個餐有包espresso free flow，不過夜晚怕瞓唔著，都可以嗌其他嘢飲代替，可以嗌汽水都有house wine揀，襯海鮮一絕
continue reading
位於半山摩羅廟街的「Pizzeria Italia」，係一間傳統意大利薄餅店🍕店內裝修滿有歐陸風味✨二人套餐原價$608，而家做緊特價$468，包括小食、意粉或薄餅任選兩款、甜品提拉米蘇及無限暢飲濃縮咖啡☕️小食拼盤炸新鮮魷魚，金黃香脆，邪惡滋味！自製雞肉炸丸子，脆卜卜，內裏啖啖肉～烤麵包配自製番茄莎莎醬，清新開胃煙三文魚配酸豆、檸檬及特級橄欖油，油潤肥美😍雜錦海鮮意粉配白酒汁意粉口感彈牙，加咗白酒汁、蒜片及辣椒等等一齊炒香，帶陣陣蒜蓉辣香，好惹味！海鮮包括有魷魚、鮮蝦及蜆肉，滿載鮮味Italia Pizza薄餅即叫即焗，批底厚薄適中，香脆可口，帶點麵粉小麥香。配料有白菌、香腸、意大利辣腸及意大利青椒🫑微微辣，啖啖肉，整體味道同口感都好豐富提拉米蘇份量足夠二人分享的Tiramisu，口感軟滑，甜而不膩
continue reading
之前食過Pizzeria Italia嘅堅尼地城店，佢哋嘅套餐真係好抵！二人套餐只要$468，就可以食到好大份嘅小食拼盤、兩款主食、Tiramisu同飲品！今次一於去其他分店Encore！🌟Mix Antipasti 小食拼盤有齊炸新鮮魷魚、蕃茄莎莎醬多士、煙三文魚、炸雞肉丸子、青瓜同蕃茄仔。炸魷魚粉漿好薄，魷魚超級厚身，一啲都唔韌。蕃茄莎莎醬唔算太酸，非常開胃。炸雞肉丸子外層用炸麵包糠包住，中間係免治雞肉，再點埋黑松露醬都幾好食。🌟Parma Gorgonzola e Cipolle至於Main Course就揀咗一款pizza，內餡有巴馬臣火腿、哥根蘇拿芝士、洋葱。呢款有。Blue Cheese既Pizza啱晒鍾意重口味嘅朋友仔。批底唔厚又帶啲煙韌，濕潤度岩岩好，唔會太乾/濕。🌟Risotto ai Punghi白松露香油牛肝菌意大利燴飯既松露味就係濃郁到不得了，意大利飯既質感絕對正宗，中間仲有少少生，有咬口。🌟TiramisuTiramisu 感覺上Cream既比例會比較高，甜度唔算高。🌟凍檸檬茶餐飲可以揀Free Flow Espresso/ 其他凍飲，凍檸檬茶飯後鮮膩一流👍🏻。
continue reading
因工作關係要到中環一趟，收工後已經入夜，非常肚餓，剛巧經過一間意大利餐廳，發現晚餐套餐都唔錯，就與同事一齊入去食晚餐的確豐富又吸引，初初擔心兩個男人是否夠吃，但心諗唔夠都可以再加，所以就點咗晚餐首先嚟咗小食拼盤，已經解除咗我嘅擔心，因為大大份款式夠多又吸引，評判裏面有炸新鮮魷魚，自製雞肉炸丸子，烤麵包配薯仔蕃茄莎莎醬，煙三文魚配酸豆、檸檬和特級橄欖油，朝鮮薊，橄欖和意大利鹹魚配多士，係咪好豐富呢！二人套餐，每款每樣兩件11吋Pizza餡料選了巴馬臣火腿， 哥根蘇拿芝士，洋蔥，上菜時已經聞到陣陣火腿的鹹香味，而配合哥根蘇拿芝士本身帶有的輕微辛辣，口感好豐富，以前並不喜愛吃pizza，覺得只是麵包加一些餡料吧，吃過像這些傳統歐洲風味的Pizza，才明白當中的特色！主食係雜錦海鮮意粉配白酒汁，白酒幾時都係海鮮嘅最佳伴侶，煮過嘅白酒已經揮發了酒精，但留有好香嘅白酒味，滲入蜆肉蝦肉，真係聞到都流口水，我有特別鍾意呢種稍為把意粉保持硬身嘅口感，每一啖都係爽口同味道濃郁，好滿意！個餐仲有甜品，係Tiramisu ，香滑而甜味剛剛好，如果飲品係選Expresso 嘅話，係可以添飲嘅，可惜日間已經飲咗兩杯咖啡，今次唯有點凍檸茶，下次我會醒目啲，哈哈兩個大男人都對呢餐好滿意，既飽肚又豐富，佢哋都有幾間分店，都可以食多啲
continue reading
朋友喺中半山有活動，想去接佢放工食餐飯，揀咗之前喺西營盤都食過嘅Pizzeria Italia，呢間分店細啲，但感覺更有人情味，天氣好熱，一入咗店員就送上冰水俾我哋降溫好貼心🫶🏻午市好多中學生幫襯，有$100左右嘅set lunch，亦有全日供應嘅二人套餐，原價$608 ，特價$468 ，有多款意大利小食、主食同甜品MIX ANTIPASTI小食炸新鮮魷魚、自製雞肉炸丸子、烤麵包配自製番茄莎莎醬、煙三文魚配檸檬和特級橄欖油、橄欖沙律以拼盤形式上碟，款款都好有特色，尤其是個Homemade蕃茄莎莎醬，睇落好普通，但食落酸酸甜甜好開胃，個醬汁都好有層次，麵包又夠脆身超好食主食有pizza/pasta可任選兩款，意大利磨菇香雞扁意粉好掛汁，醬汁好濃郁好香芝士味但食落唔會覺得膩，食完個意粉仲潷埋啲汁嚟飲🤭 雞肉香烤過外脆內軟冇雪味巴馬臣火腿、哥根蘇拿芝士、洋蔥pizza洋蔥雖然冇炒到好熟好腍，但係爽脆鮮甜唔會澀，濃郁芝士、鹹香火腿好夾甜品係二人份量嘅Tiramisu for sharing，濃郁咖啡爆曬出嚟好濃郁，芝士都好香滑，一啖接一啖停唔到口餐飲可以揀free flow espresso，但之前食過佢個Tiramisu都好勁，咖啡就揀咗凍檸茶，另外亦可揀汽水
continue reading