Pizza Max Bistro

Open Now

Now Closed

吃Pizza，最重要的是Pizza皮焗得香脆之餘，亦混合了濃厚芝士，增加味道和層次感！是夜，和細佬到了佐敦一家Pizza店，內裡的Pizza性價比高，吃到滿滿足足！裝潢都用上木色，簡約之餘帶有現代感。而店員也是外藉的，點餐時需用英語呢。餐牌上選擇不多，主要是印度及意大利菜，其中Pizza有分Medium及Large Size，由於M及L價錢只差30蚊，小妹就太貪心了，一來就點了個Large Size。最先來到的是雞肉牛油果沙律/$125，這沙律出奇地有驚喜。先說份量頗大，多得像用了碗湯裝，沙律好新鮮，而配合了牛油果、蕃茄、水煮蛋及麵包糠等，最讚是蜜糖蛋黃醬，甜滋滋，可說是整個沙律的精華，畫龍點睛。咖哩羊腿/$109，另加了Plain Naan/$22，羊腿完全沒有羶味，不過就有點鞋口，但咖哩汁好好味，不會太辣，而沾上脆口的Naan，味道更佳。Max's Special/$179(L)，點了一個大批，其實兩人來說真的實在太多了，故建議都係點小批，雖然只差30蚊，基本上吃到第二塊多已經太飽。這個批以雞肉腸、甜椒、菠蘿、洋蔥、蘑菇等製成。要大讚的是來到時還熱騰騰，不失脆口，而味道也是有驚喜。

今日中午過咗佐敦食午餐，喺網上見到呢間西餐廳好似裝修幾靚，又約咗個朋友一齊嚟試吓。睇到原來係一間幾有印度風情嘅餐廳，午市餐牌非常多選擇，除咗印度菜仲有薄餅、意大利飯、意粉等等。作為一隻食肉獸當然要食扒啦。我揀咗八安士肉眼扒（$99），要左三成熟。等上菜前飲啲湯先。上菜喇。等咗大概15分鐘左右就上菜，面頭微焦，都煎得比較生。旁邊跟蔬菜夠曬健康，仲有意粉加蘑菇汁。朋友就話呢個海鮮意大利飯（$89），食落番茄味好濃。雖然D芝士碎偏硬，不過海鮮分量都幾多，而且除左一般既蝦同魷魚之外仲有魚，好特別。另外最值得一讚既係青口好新鮮。餐飲揀左熱咖啡同凍檸茶。咖啡香濃，我幾鍾意！

今日約左個朋友過來試哩間比較印度free西餐，距有pizza同一般西餐意粉牛扒都有，特別係距還有印度式咖喱。位置都方便，無論佐敦或者柯士甸站過去都好近。我地首先點左個比較廣東式pizza，就係有三文魚同芝士簡單配搭😂。不過距pizza批底做得不錯，好香脆，上面芝士好香濃。之後我地叫左去骨牛油烤雞，距仲配買薄餅，有蒜蓉味，牛油味，原味，我地選左最惹味蒜蓉味。一上臺，想像唔到距系牛油烤雞，我覺得似印度咖喱雞多少少，不過個薄餅做得不錯，勁大蒜蓉味，食完個嘴一定好香。最後點埋個椰青，好大個而且入面水真係好清甜。值得一試。

呢間餐廳主打印度同意大利菜，提提大家點餐要用英文。印度薄餅 (M) $149 呢個係我偷聽到隔離枱嘅熟客大讚之後叫嘅，pizza嘅餸有印度烤雞、洋蔥、甜椒、蘑菇配薄荷沙律醬 ，個醬我唔係好覺有薄荷 (可應因為餐廳嘅水都帶滿滿薄荷味，搞到唔多覺)，成個薄餅都幾惹味，加埋甜椒、洋蔥，唔會太濃味，帶有少少清新。意大利肉丸扁意粉 $120 原本以為個價錢會係overpriced，但食落覺得係超值！個醬味道好香濃，扁意粉都好掛到個汁，煮得好好食，推薦。羊肉卡巴 $105 羊味好濃，我超喜歡，不過有少少太乾嘅感覺，Kebab皮都有點太厚，但必須一提，啲薯條新鮮炸起超脆，食得好開心。唔駛加一服務費，埋單2人約$370。如果你鍾意睇我嘅食評，不妨關注我，支持吓我，謝謝你☺️💕

最近天氣開始轉涼就去試下依間印度人開既意大利菜當然最緊要就些下最出名既卡巴我就叫咗依個羊肉卡巴配薯條羊肉唔算多，但有濃濃嘅肉汗包住沙律菜羊肉味夠晒羶，非常融合到我口味呢間鋪除咗卡巴出名之外就係Pizza叫咗呢個推介嘅公司特選pizza入面嘅配料十足有秘製嘅雞肉腸甜椒大量嘅洋蔥同埋蘑菇配埋啲菠蘿添上面仲有啲薄荷醬 暫時未喺其他地方食到呢一種口味嘅Pizza 食落去成個Pizza都好重口味 並唔似出面一味只係得勁多嘅芝士最後我覺得呢一個意粉係我覺得最好食嘅意大利肉丸扁意粉 意粉上面有少少芝士不過有大量嘅番茄醬 味道濃厚 每一條意粉都可以沾滿番茄醬 肉丸淋身 意粉硬度適中分量唔算多不過啱啱恰到好處 食完成個餐總括嚟講呢一個晚餐都係好重口味 每一道餸都係味道濃郁 相信係其他西餐搵唔到呢一種感覺

今晚朋友說去試間網上好評的印度餐廳，我對印度菜沒有特別起好，但都想試試有驚喜的印度菜，餐廳在佐敦上海街，"Pizza Max Bistro"，主打Pizza的，可說這家像是印度fustion菜吧。來到餐廳人不少，幾乎滿座，讓我十分期待。看看餐牌，主要有頭盤小食、沙律、咖喱類、意粉、意大利飯、肉類主菜精選和Pizza。雖然主打Pizza，我和朋友今日都不想食pizza，留待下次，今次試試其他菜式先。燒豬仔骨(半) $125雖然我們點了半份，但份量已經好足，賣相也吸引，豬仔骨輕輕便可切開，十分腍軟，肥瘦適中，亦十分入味不膩；配菜的鮮炸薯角脆身內夠熱；還伴有沙律菜，整體不錯。意大利千層麵 $120千層麵已經不多餐廳有，竟然可在印度餐廳嚐到，上桌時已聞到濃香，切開既汁潤又豐富，麵的質感很好，中間有肉粒和拉絲芝士，整體十分吸引，我們都食得十分滋味，這裡的千層麵，我們記住了。咖哩煮魚 $105這裡的咖喱也是一大特色，選擇也十分多，有羊、雞、海鮮選擇，我們反傳統點了咖喱魚；上桌時我還覺得是不是上錯了，因為每件都好大件，很像雞肉一樣，原來我們都搞錯了，魚肉每件都份量十足，一咬開魚肉嫩滑啖啖肉；而且咖喱

今日老婆特登帶我嚟佐敦話要食pizza， 佢話之前同朋友嚟食過覺得超正，一定要帶我嚟試咁話喎話就話喺佐敦但係其實都幾近尖沙咀。未到正常食飯時間， 但已經超多食客餐廳入面柔合咗多國嘅特色風格， 配合番佢哋多國菜嘅主題特色第一件事就叫咗個辣肉腸pizza， 有我哋呢個中size同埋另外一個大size之分， 即叫即焗。放低嘅時候真係香噴噴又熱辣辣滿滿嘅芝士波係pizza上面一齊焗， 再加埋鹹鹹 辣辣嘅豬肉腸同清甜菠蘿， 簡簡單單就已經好好食＜無骨牛油雞＞係老婆極度推介的， 一睇就知超濃郁惹味牛油雞啖啖肉又夠嫩滑， 醬汁超香濃的！配埋烤得乾爽香脆嘅 蒜蓉烤餅，點曬啲汁嚟食真係超正唔怪得老婆堅持要帶我嚟，真係好好食

之前同好友離過呢間位於佐敦嘅＜Pizza Max Bistro＞ 覺得超好食之餘價錢又經濟實惠， 所以今日就特登帶＜獅子老公＞ 來品嚐品嘗門面唔算好吸引，但係其實咁先係禾稈冚珍珠入面真係乜國籍人士都有， 美食真係無疆界＜雞肉卡巴配沙律＞先呢一個雞肉卡巴再配埋健康嘅沙律菜卡巴既皮唔會話好硬好厚， 厚度適中有咬口， 包住滿滿嘅爽脆蔬菜同埋嫩滑雞肉，仲有惹味醬汁，真係好好食＜去骨牛油烤雞＞呢個啖啖肉嘅牛油烤雞，係我之前同朋友每次嚟親都必點嘅菜式＜蒜蓉烤餅＞當然要配埋蒜蓉烤餅一齊食是常識吧蒜蓉烤餅厚度適中， 食落口不失Q彈， 面頭重鋪滿濃濃嘅蒜蓉同秘製醬料，超正＜去骨牛油烤雞＞ 香軟柔滑得呢， 醬汁又夠濃郁惹味， 最正係已經去曬骨食落口啖啖肉， 感覺就是爽總結： 今次唔係第一次嚟， 亦唔會係最後一次嚟

朋友想食咖喱所以帶左我黎佐敦呢間pizza max bistro🍕估唔到客人咁多，啱啱坐低叫野食就已經全場滿座。餐廳空間唔細，不過太多客人太多長枱，所以行過都有d逼。室內偏暗，幾有氣氛，尤其是呢個bar枱。侍應都是外國人說英文的，態度好有禮貌👍葱蒜白酒煮紐西蘭青口先點一款西式前菜，一二三四五六七，總共有八隻青口😆仲要每隻都大大件厚肉呀。同其他餐廳不同的地方，葱蒜白酒忌廉汁放在每隻青口上，青口沾滿醬汁好cream又香👍底下鋪了椰菜，中和忌廉汁增添清新。有樽裝水供應，$40一支我就飲唔起啦。免費水都唔錯，加左薄荷葉，有陣陣清爽的味道🌿廣東式薄餅千島醬挪威煙三文魚，芝士，菠蘿原本想試下印度風pizza的，不過見有薄荷沙律醬，好似好奇怪咁驚唔鍾意就冇試。最後揀左普通的煙三文魚，菠蘿的配搭😂簡單的配料都整得好好食！不枉我地等左20分鐘。芝士好強拉絲效果，加埋香甜菠蘿粒，食落一d都唔覺得膩👍pizza餅底係薄身軟軟的，似卷餅塊皮。馬薩烤雞腿 蒜蓉烤餅可以揀原味烤餅，牛油或蒜蓉。蒜蓉烤餅好香，新鮮整起熱辣辣拎出黎😎點上咖啡喱汁非常美味。咖喱汁唔會太辣，香料味不太重剛剛好。

✿ 🇮🇳Chicken Tikka Masala w/ Garlic nann$108真係好鍾意印度菜 尤其咖喱同nann😭🥰無辦法我重口味又鍾意包Falafel同Hummus 也喜歡喔有無同好😛😛🤔..✿🧀Pizza w/ Salmon, cream cheese and pineapple $158Pizza base同nann好似 好柔軟反正我無expect會正宗🤣🤣..✿ 🌊Mussels in white wine and cream$108普通急凍青口質素 幾大隻的😇可取之處係sauce落左忌廉同幾重白酒味.-
Yum：👅👅👅/5
Revisit:💃🏼💃🏼 💃🏼 💃🏼/5
Price: $150/head
————————————————
🌈 Pizza Max Bistro (佐敦)佐敦上海街22號地舖————————————————

今日嚟到佐敦，見到呢間幾靚嘅西餐餐廳，就諗住去試吓啦。呢間餐廳特別嘅係，佢又有印度小菜，又有意大利西餐，最重要嘅就梗係連個餐廳名都有佢嘅Pizza啦。頭先講下餐廳裏面嘅裝修先，餐廳十分之企理。我鍾意佢牆上面有好多復古嘅海報。睇得出店主係悉心咁將呢間餐廳裝飾得好靚。而且一入去餐廳之後，店員都好積極咁為我地介紹佢哋餐廳有咩好食，而且充滿笑容，服務真係一流。咁嚟到呢間主要係Pizza做主題嘅餐廳，我哋梗係叫個Pizza啦。就係Pizza自己已經有好多唔同嘅口味，呢間餐廳主要係將印度嘅食物用作去意大利嘅西餐裏面。所以Pizza嘅味道亦有一款叫做印度Pizza。雖然冇試呢隻味，但係原來呢一個味道都十分之受歡迎。但係我哋今次就叫咗個芝士菠蘿Pizza，我鍾意侍應係有問候批定係薄批。因為而家好多餐廳都只會係整薄嘅Pizza，所以 呢間餐廳有薄批同埋口碑都10分有誠意。我哋叫咗個三文魚菠蘿芝士pizza，上菜嘅時候個Pizza仲係出煙㗎，仲係好熱辣辣，新鮮出爐。Pizza嘅芝士味道都十分之濃郁。最重要係當Pizza拉絲拉得好長，即係話Pizza係即叫即做，唔會焗左先然後reheat。而且厚切啲Pizz

今日同左朋友去佐敦嗰邊食飯,去左呢間多國菜餐會食，呢度環境好舒服,靜靜地而且燈光號暗暗地,最啱情侶或者朋友來呢一度輕輕鬆鬆食下飯傾吓計！ 我見個餐牌都有幾多嘢食，嚟到呢度梗係要食呢度嘅Pizza。Cantonese favorite pizza一見到呢個名就想揀呢款Pizza，佢係廣東式pizza，係有千島醬挪威煙三文魚配菠蘿芝士。呢一個Pizza係薄批，所以唔算食到好飽。個味道我就非常鍾意，因為個人比較鍾意千島醬汁，而且好多芝士，啲菠蘿都係新鮮菠蘿，食得出唔係罐頭菠蘿，配埋一齊食唔會膩，而且個味道非常好。我個人就好鍾意呢一個Pizza，亦都值得推介。Butter chicken with Garlic Naan我見呢度嘅咖喱好似都幾好味，所以就叫咗個牛油雞，呢個牛油雞係唔辣嘅，佢個樣似係紅咖哩，而個雞肉一啲都唔硬，仲幾滑！另外，跟咖哩仲配一個薄餅，我哋就揀咗蒜頭味，薄餅一上枱，佢個味就勁香，勁似蒜蓉包，包上面有好多蒜蓉，單獨食個包已經好夠味，配埋啲咖喱一齊食就更加濃味，所以我諗下次我會揀芝士味或者原味。Fresh Young coconut 嘢飲方面我哋叫咗個椰青，個椰青好鮮甜，而且

去年和同事到 Pizza Max Bistro 吃過晚飯，薄餅的味道很好，更難忘水牛芝士蕃茄沙律，當中的芝士特別美味! 今天適逢要到佐敦，就約了同事再來吃飯 。這餐廳主打印度菜和意大利菜， 地方不算大，但座位頗舒適， 設計有印度混合中東的氣氛。今天除了薄餅之外，另點了兩款不同的意式餃子。特製醬雞餃 (8隻) $70~雞餃選了蒸的煮法，外觀和味道都有點像中式餃子。以雞肉作餡料比較特別，相比常見的豬肉或牛肉餡，較清爽而且脂肪少。 蘸些微辣的特製醬，味道更好!公司特選薄餅加水牛芝士$149 + $40 ~既想吃薄餅，又再想食水牛芝士，點這個就兩者都可兼得。薄餅不算厚，但烟韌、多汁，層次感不錯，芝士還可以拉絲! 餅底熱烘烘，水牛芝士卻是涼的，涼熱交融，口感相當獨特! 薄餅本身微甜而不辣， 但局部有辣的， 可能是彩椒帶籽或者另有辣椒 ，不吃辣人士要留意，但若同伴中有嗜辣者，則可各取所需。意大利式餃子 $120 ~這款Tortellini 細細粒， 相比於較常見的大粒方形意大利雲吞 Ravioli ， 體積大約是1: 3。餡料美味多汁，忌廉幼滑! 廿多粒可以一口一個，吃得痛快，味道相當吸引!蒜蓉

友人介紹Pizza Max Bistro這間餐廳。說這間餐廳十年前,她食過,已經覺得好味道。現在她帶我來重臨舊地, 她說味道依然美味。估不到十年的餐廳,可以屹立不倒,一定是食物水準高質,才能留住客人。Lunch set $69至$89一個餐包湯,主菜和飲品一杯, 價錢合理。Pepperoni Pizza意大利辣香腸pizza$75,可以分六塊,足夠三人食。好抵食。pizza面上有辣香腸,青椒,芝士,十分誘人。Napalese Set Lunch這個尼泊爾set lunch有BBQ雞肉, 扁豆和薯仔, BBQ雞肉有點辣,十分刺激,惹味。青口厚身肉味香濃,值得一叫。

多國菜@Pizza Max Bistro 地址: 佐敦上海街22號地舖 電話: 34855547 Pizza Max Bistro我無點PIZZA, 因一個人來食唔曬會浪費, 仲有印度CURRY同其實西式佞物架!雞肉牛油果沙律 $125 牛油果可以幫的補油, 且含高FIBER 同VITAMIN, 我一星期都會食1-2個雞柳都幾嫩,水煮蛋剛剛好唔會老. 牛油果夠靚,熟成了腍身又唔會有苦澀味,連埋香草麵包碎粒同蜜糖蛋黃醬, 低卡健康有營養薄荷香炸雞腿 6件 $70, 做到LOLLIPOP 一樣可以用手拿起蘸醬, 食得方便考慮同到。個PEPPER 醬加了些YOGURT 酸酸地有助減低炸雞腿油膩感幾想試佢個DUMPLING 同CURRY, 找找朋友再一起來