Pizza Baby (Closed)

次次經過都冇入到去食。因為覺得個門面設計太特別哈哈哈好似比小朋友入去玩既地方咁。今次經過見附近冇乜野想食所以試trytry，佢既pizza都還可以，雞翼係真係好好食！下次會再黎！

今日去呢間餐廳其實係比佢門口吸引左，門口既裝飾太可愛！但當然有望下個餐牌先啦，手工制Pizza感覺唔錯就去試吓！果然有驚喜!本餐牌既野食名，款款都別出心裁，好特別！我同朋友2個人order 左3款野食，本來想叫個辣肉腸pizza，可能太多客人叫，所以辣肉腸賣晒，但侍應話可以用煙肉火腿代替、就試一試!再叫左個海鹽焦糖雞翼，同埋卡邦尼意粉！呢個食物擺盤好得意，如果同小朋友一齊去一定可以令佢哋乖乖地坐喺度意粉個汁濃度同啱啱好，意粉有彈性唔會過淋，煙肉份量頗多，隻半生熟嘅雞蛋剛好，蛋汁流落意粉一齊更濃稠，洋蔥軟硬度適中！海鹽焦糖雞翼外層閃令令，咸中帶點甜，味道幾有趣實在太鐘意呢個心形石碟，好想據為己有，其實擺盤靚已經令食慾大增！喜歡係旁邊有啲沙律菜，唔使太油膩！芝士煙肉火腿Pizza等得比較耐，但係可以理解，證明真係人手即刻整, Pizza底好薄，好脆卜卜，番茄汁底，切Pizza個車仔真好得意，又加分🤭成個pizza 都佈滿晒芝士火腿，焗到金黃色，勁多芝士可以拉絲👍🏻咁足料既Pizza好少有呢！我地2個人都食唔曬！（當然要打包拎走唔可以浪費呢）

近近地，就在自家的店對面吃個便飯，這間Pizza Baby用上鮮豔顏色及可愛系公仔，非常吸睛，很得小朋友喜愛。遠遠已經看見門口這兩個左右門神公仔店內也有不少公仔裝飾，好一個歡樂氣氛。用上小朋友餐具同口水肩雪中送蛋（$88）其實是溫泉蛋煙肉意粉，份量意外地大碟，煙肉同意粉都下得很多，意粉彈牙，加上蛋汁實在不錯吃。當深海魚遇上薯仔（$68）呢款係是炸魚薯條，炸魚的炸漿略厚，入面的魚肉嫩滑，醬料是芥末千島醬？有點芥辣味又酸酸地咁。份量也挺多，只是油了點。忍者滾蛋（$168）還點了一個pizza試試，忍者嘛，顧名思義就是和風。薄薄的餅底上放了很多很多木魚，還有就是煙肉碎、大阪燒醬和蛋黃醬，椰菜吃不到，但加了白菜乾，可能無貨代替的？味道還可以，但店員忘了給那架單車形的切餅器，只好隨意撕爛食了。桂圓紅棗茶（$24）朋友一向喜歡養生系列，呢個桂圓紅棗茶啱哂，甜甜地幾好飲，賣相也靚靚。英式田園（$32）是加了青瓜果漿的檸檬七喜，凍凍的幾解渴。食物味道ok，份量合理，價錢稍為進取，而且小店人手不足，出品有點混亂，避開繁忙時間去應該會好一點。不過嘛，小朋友喜歡就好，無所謂啦。

我好耐唔時就會去紅橋，估唔到原來開左間pizza店，係同區裡面多左個選擇。朋友話今日唔肚餓，為左唔好浪費食物，我地叫左個雙層巴士pizza同埋手撕麻麻G沙律，到唔夠飽先再叫野。個menu玩味十足，連外牆、裝飾、佈置、食具都有諗過，睇得出間店好有心意。我好唔好彩個pizza無晒辣肉腸，用左煙肉同火腿代替，不過竟然有驚喜! 首先，個pizza送到黎好吸引，有一把單車型嘅pizza刀；其次就係佢熱辣辣同好脆嘅外邊。佢d芝士超級多，厚厚的一大層，芝士控真係不能抗拒! 而且佢地用料充足，每一口都有配料，個味唔會得芝士味搶晒~最後我地竟然食唔晒，想打包。不過個staff話基於衛生問題，唔俾帶走。隔離台2位男仕叫左1個pizza，2個意粉，2份小食。攪到我心郁郁想下次黎試埋佢d意粉添....

喺附近做完野，見到呢間pizza baby門面好吸晴，真係好大隻baby坐左喺門口，而全間鋪頭係用左粉紅色做色調，滿足愛自拍嘅少女黎打卡影相。入面裝修都幾溫馨，好似出席緊一個小baby嘅百日宴咁，牆上有好多自已畫嘅圖畫同自拍，感覺親切。Menu好得意，菜式名稱唔係一般普通名，改左d會令人會心一笑嘅菜名。配合埋手繪圖畫同文字，好有心機。值得一提係佢有個一次性嘅圍肩，岩晒食野污糟嘅豬呀～超體貼，又配合餐廳主題，baby都會用口水肩，哈哈忍者滾蛋，個名真係好得意，豬落order時都忍唔住少左。pizza成個賣相俾我地嘅感覺係:大~阪~燒~上面鋪左好多木魚絲，中間有滿滿嘅日式醬汁，傳黎日式小丸子嘅味道。材料方面有椰菜同煙肉，椰菜份量好多，所以pizza唔會覺得漏。餅底方面唔會厚，而且焗到岩岩好，餅邊好香脆。要講下架單車，係切餅用，好可愛。叫左個蜜糖芥末雞翼做餐前小食，賣相好吸引。雞翼炸過，所以食落卜卜脆。有蜜糖味，甜甜地，加埋唔會太辣嘅芥末，非常惹味，係個好好嘅配搭。日出時分係一杯用士多啤梨同熱情果做嘅梳打飲料，甜甜酸酸，好味道又非常解渴。

不說不知道原來新墟暗藏不少文青咖啡館！但這天帶著小朋友，不太適合寧靜的環境（苦笑）其實帶小朋友，不是太多選擇，尤其是當小朋友還小，自律能力未是很强的年紀... 介紹這家pizza baby，小朋友見到兩隻大娃娃，乖乖的坐著要合照（笑）食物偏向西式現成食材類別，味道想必也不會差到哪裡，最緊要小朋友開心，媽咪有一餐飽已於願足矣⋯⋯（苦笑）手繪餐牌，心思十足。價錢自覺和商場連鎖店相約，所以心裡覺得有少少偏高，主要是因為餐廳的環境比較殘舊，雜物處處，給人一種有家一樣的凌亂感（笑）魚柳薯角，共有兩電塊魚柳，炸得剛好不過火。最驚喜的是醬汁，應該是自家調味，有蜜糖芥末和千島醬的味道，沾薯角或是魚柳都好好味。整體來說，餐廳的食物中規中矩，份量意外地大份。意粉以香蒜炒過，帶牛油香，把溫泉蛋拌均，汁更香濃，內有煙肉碎，是錯不了的配撘。pizza點了一款充滿玩味的和風pizza，配料有點像大阪燒，有椰菜，蟹柳，紫菜和木魚絲，配以日式照燒醬。除了椰菜，吃著吃著也發現有白菜等等，不知是否「是日推介」還是本身就是有白菜什麼的。Pizza沒有預先切開，吃的時候顯得有點狼狽。飲品選擇不少，最特別的是以奶樽盛著，無論大

和女朋友到紅橋晚餐，本身想吃pizza，就進了pizza baby，餐牌是手繪的，很有心思。可惜今晚沒有辣肉腸又沒有黑松露，本身想吃pizza，最後都是選擇了意粉和炸雞。第一碟意粉是萬綠叢中一點菌，份量很多，夠我女朋友吃兩餐，雖然不知道青醬汁在哪，不過咸味十足，意粉和野菌都好吃。第二碟意粉是雪中送蛋，中間的溫泉蛋最特別，一啖就吸進肚裏，而火腿粒有很多，白汁的味道不錯，飽肚又好吃。因為女朋友想吃點肉類，點了韓式芝士炸雞，有一層燒烤過的芝士蓋面，芝味濃郁，而且炸雞的醬味道酸酸甜甜很開胃，炸雞皮很脆，肉質鮮嫩！希望下次吃到pizza啦。

有幸去到屯門覓食、經過見到呢間鋪頭，感覺非常fancy！門口有個好可愛嘅BB公仔tim...影相一流！其實成間餐廳嘅嘢食都非常之精美、好靚！你睇吓啲圖片就好驚歎！連雞翼個盤都係一個心形、雞翼整到色澤非常之靚！！我地叫咗個海鮮pizza！極足料、睇吓啲料重到大過Pizza咁！跟住覺得好得意係因為佢的pizza切件刀居然係一個單車造型、非常之得意！除咗樣靚、味道都仲好好！溫泉蛋意粉都好creamy、好香！絕對適合想打卡嘅女孩子！

Pizza Baby經過過井財街都一定會見到呢間鋪頭每次行過都不其然諗點解呢間鋪頭又唔係連鎖但又會花錢整一隻咁大既BB公仔係門口架呢今次第一次幫襯 入到鋪頭就會明哂老闆真係不惜工本（時間同錢）係間鋪頭入面入面有好大幅人手畫既粉筆畫牆天花有好多奶樽裝飾 加上粉色系列既座位加埋可愛既餐具真係同Pizza Baby呢個名好夾入到去每枱都有個Baby我笑問男友我地係咪都應該帶返個baby黎男友話 我咪係囉😂😂😂收到Menu都係自家手畫架我地揀左個雙層巴士 同埋雪中送蛋雙層巴士真既餅底真係做得好好邊邊好脆 同面頭淋淋既芝士好夾真係無揀錯👍👍👍另一個雪中送蛋既蛋係溫泉蛋男友將溫泉蛋同意粉拌勻再分俾我第一感覺係好香啊陣陣蛋香味包住意粉比一般既卡邦尼多添一份特色

是日晚上同媽媽到屯門行街，行到附近就見到這間餐廳，門口佈置了兩個可愛的大公仔，媽媽見到，就說要同它合照，於是我便說，不如就在這間餐廳食晚餐吧。店員招呼我們入座，並遞上餐牌。餐牌菜名特別，另有很多可愛的手繪插圖。店員為我們遞上餐具及餐巾，除了可愛，還是好可愛。另外，店內以粉色為主，有奶樽和小孩的裝飾，感覺温馨，充滿童真。看來店長在設計方面花了不少心思。此餐廳以pizza為名，當然少不了要食pizza，然後我們又點了意粉和雞翼。首先送上的是蜜糖芥末雞翼。餐牌上雞翼有三種口味選擇，我們研究了一番，最後決定食了蜜糖芥末雞翼。一碟有6隻雞翼。表皮色澤光滑，充滿甜甜的蜜糖，內層的汁少少咸。建議可加多少許芥末，就更惹味了。意粉撥開雲霧見青天。白色的温泉蛋上黑色的的黑松露，鮮明對比。黑松露份量不少。我先把意粉，蛋和黑松露混合，期間陣陣香味飄散。之後把意粉放到各自的碗中。入口意粉濕潤，黑松露很香，還有野菌增加了口感。最後送上的pizza(忍者滾蛋) 。我與姐姐一致認為就像日式小丸子。因為pizza表層灑埋木魚絲，中層有滿滿的日式醬汁，下層有煙肉及椰菜。我們把pizza分成6塊，味道似日式小丸子，又似大板

聽朋友介紹過呢間餐廳，由於我唔係住喺屯門，所以平時都冇乜機會黎。今日咁啱黎開呢頭，於是幫襯一下。餐廳唔算好難搵，附近有幾間餐廳，門口有兩個公仔，以bb做主題，幾得意。粉紅色嘅招牌上面寫住餐廳嘅名稱，非常搶眼。1) 芥末蜜糖雞翼 (⭐⭐⭐⭐⭐)香甜蜜糖味加上芥末，配搭新鮮。芥末唔會好辣。雞翼一共有六隻，賣相超吸引，作為餐前小食係唔錯嘅選擇。2) 雪中送蛋 (⭐⭐⭐⭐⭐)名稱幾特別，其實係意粉嚟嘅。意粉有煙肉、蛋、蘑菇、洋蔥嘅材料，食到香濃嘅煙肉蘑菇味。點意粉係因為夠飽肚，特別係呢啲意粉份量都幾大，幾抵食。3) 手撕雞沙律 (⭐⭐⭐⭐⭐)我哋點咗沙律作為前菜。雞沙律配胡麻醬，口感一流。沙律汁嘅份量適中，鍾意食沙律嘅就推介點呢款啦。4) 妙脆曲奇 (⭐⭐⭐⭐⭐)特色朱古力飲品主要有三款，妙脆曲奇由曲奇同埋忌廉混入朱古力奶，出面少啲機會飲到，30幾蚊不妨一試。最後埋單大概250蚊兩個人，價錢合理，第時都可以再嚟。最後附個餐牌俾大家參考一下：

星期天到屯門探朋友後，我們行過附近看見這家手工薄餅店，門外擺設十分可愛，吸引了我們。因我們不太餓，叫了一客小食和薄餅分享。******************************蜜糖芥末雞翼 (8/10)色香味俱不俗的，外皮煎得剛好金黃色，充滿芥末香味亦有蜜糖甜味。熱帶洲,手工薄餅 (7/10)這店主打薄餅，我們當然點了一客嚐嚐。滿滿的芝士和菠蘿配料，餅底十分鬆脆，一口接一口。薄荷朱古力 (8/10)薄荷和朱古力也十分夠味，甜度適中。******************************餐具和佈置也十分用心，以BB做主題，有圍巾和奶樽飲料，讓大人們做一個BB般讓人照顧，忘掉大人世界的煩惱。環境乾淨，整體感覺輕鬆愉快 。