菠蘿仔食堂 (沙田站) (Closed)

路過買左一次，好肯定無下次，菠蘿包不單止唔軟熟，竟然係硬到會咬到牙痛的那種，以為係烘過龍只有面/底是過硬(但包是沒有溫度的，並非即烘)，但中間部分都毫不軟熟，夾了牛油都係徒然，奶茶不過不失，可能係菠蘿油太失望，杯奶都無咩心機飲。

比錯餐, 更換時發脾氣掉去食物, 話顧客冇講明白! 她如此冇品, 我說明只開一開, 冇污染食物, 她未有聽, 只係一聽到話比錯, 就狠狠掉去🤦🏻, 如此的情緒, 如此對待食物🤦🏻

三文治薄如紙 佢地話太早未有熱水 仲要勁串話無野飲 好啦永久black list 又貴服務態度又差 你地只係做外賣 都可以差到咁 不如你地準備好先開門不要寫7:30開 根本無野賣 你地忙就可以咁串 返再早啲去準備呀嘛豬學劉德華話齋今是今日啲服務質量吾可以咁差 啲職員有很大改善空間 不停nonono 這樣可以關門大吉 不用上班啦 快點關門休息 給你們一個讚！好啦 我食完呢份土咁難食既早餐 細 無味 連凍咖啡都無咖啡味 冰水。。。十份高興！請大家想清楚才幫襯 向老襯說不

第一次試沙嗲牛肉蛋飯，我要了熟蛋，有2隻蛋幾得體。牛肉量比我想像中多，不過有少少硬和不算很熱，沙嗲汁不算很香。飯是珍珠米，份量岩岩好，而咖啡就一般，沒有落糖但好快有陣酸味。

是日有事處理而來到沙田巿中心這邊，回程的時候選了在鐵路站大堂的菠蘿仔食堂，外賣午餐回家吃。店名命為菠蘿仔食堂，就以菠蘿油或菠蘿包為招牌食品，而我卻偏偏兩者都沒選，點了份壽喜燒牛肉飯套餐。後來卻發現其招牌之選是有新鮮菠蘿的菠蘿包！外賣盒看似細細盒，但長形盒內實質放了滿滿的牛肉片，面頭鋪上一隻煎蛋，白飯也另外裝了滿滿的一盒！壽喜燒牛肉，醬汁帶點微甜，惟牛肉片質感不夠軟嫩，而洋蔥盡吸醬汁，味道夠甜～煎蛋是全熟狀態，沒蛋黃汁來拌飯，幸好白飯是用珍珠米，夠香夠軟熟！這份壽喜燒牛肉飯的味道雖然普通，但以$50左右的價位來說，是飽肚抵食之選！

為食Niki去搵好嘢食😋菠蘿仔食堂🍍嘅最大好處係地點非常方便，出咗火車轉左，唔使1分鐘路程就會見到菠蘿仔食堂。🚶🏻‍♀️🚶🏻🚶🏻‍♂️對於上班一族來講就係一個好好嘅賣點，我相信好多人都好似我咁瞓到最後一刻趕頭趕命咁返工。🏇但係早餐又好重要，係每一日嘅動力泉源⛲️。去菠蘿仔食堂買早餐就係一個好選擇。👍🏻今日叫咗個黑松露炒蛋豬仔包。除咗豬仔包都可以叫菠蘿包。黑松露炒蛋豬仔包🍳🍞雖然黑松露味好香，但係食嘅時候又唔覺得好濃。不過勝在夠熱，即叫即整，早餐來講份量都好足夠。熱奶茶☕️早上最鍾意飲熱野，滿足左我呢個要求👍🏻整體來講我覺得都係一個好嘅外賣之選，由落單到拎走5分鐘內搞掂，食物質素都OK。⭐️

對於晚餐食咩茫無頭緒，見呢間外賣店嘅menu睇落幾吸引，於是決定叫個寫住"NEW"嘅包餐即場嚟試吓。🙃🍔 T6 黑松露香菇包 + 熱檸檬水 8oz = $49💯 評分：🌕🌕🌕🌗🌑 (3.5/5)💬 黑松露香菇包有好多塊香菇，食落十分juicy，菇味都算濃郁。黑松露嘅香味好出，又唔會搶咗其他食材扮演嘅角色。包包口感軟熟，甜甜哋幾開胃，夾埋水分充足嘅蕃茄同生菜食完一啲都唔會覺得飽膩，簡單平凡卻幸福美味。😊熱檸檬水暖暖哋，溫度恰到好處，有3片檸檬，食落冇咩核亦稱得上新鮮，澀中帶酸味道清爽，而且可以幫助消化。😌

聽講沙田有間餐廳嘅菠蘿包真係有菠蘿😳身為菠蘿控嘅我就一定要去睇下係咪咁堅料啦🤣 沙田火車站一出閘就見到招牌寫住“菠蘿仔食堂” 即刻引起左我嘅目光🤩估唔到咁方便唔駛搵地圖咁快就搵到！我外賣左個菠蘿豬扒包+熱奶茶之後，就拿拿聲聲返屋企享受哩個特別嘅菠蘿包啦❤ 菠蘿豬扒包 + 熱奶茶 $40菠蘿包入面真係有菠蘿😳係名符其實既菠蘿包呀😍仲要唔係罐頭菠蘿 係新鮮菠蘿！原本以為味道會古怪，但係菠蘿又好融入個包😋化解左豬扒嘅肥騰騰，令整個包既味覺提升左一個層次🤤 再講既係連豬扒都好高質！大大塊厚切仲有兩塊咁多夾係個包裡面😳未食都已經知道好足料好豐富啦！最後講既係個菠蘿豬扒包嘅包面😜真係用菠蘿包嘅皮去製作🤣意不意外？驚不驚喜？問你死未🤪衰鬼！食落又真係幾好味幾飽肚喎！100分👍最岩外賣返屋企岩岩嘆😝以後食高質豬扒包唔駛去澳門咁遠啦🤣近近地沙田都有得食！推薦指數：🍍🍍🍍🍍🍍

$16/8粒呢的燒賣，仔要食當lunch又獨市唯有照買。問店員拎包膠餐具佢話要3蚊包（當堂😳）話燒賣淨係可以俾膠叉仔（大人食我ok, 但細路食我想要隻膠叉感覺安全的）呢的品質同服務試一次就夠丫

今日下晝行完宜家，經過見到諗住買個下午茶返屋企食。拎完返到屋企，就見到唔對路，個外賣袋下面濕曬嘅，見到個包盒底濕咗就更心知不妙，一望就見到，原來熱飲蓋冚唔實，嘢飲漏曬出嚟，浸濕曬嗰包。最後頂唔順個濕包無食到。

看到Christy1239的食評，深有同感，見圖片吸引所以買咗盒素菜飯，實物卻與圖片相差十萬八千里！不是乾身齋菜的煑法、也沒有圖片所顕示的支竹、木耳同粉絲，變咗薄片雞肶菇、鮮冬菇、娃娃菜（好像有一舊豆腐）在一兜淺啡「鼻涕」式献汁內，完全無味更遑論什麼鑊氣（簡直痴心妄想）！也不要對碗白飯有任何期望，連杯檸茶的味道也強差人意。相信所有幫襯過一次的顧客不會回頭，完全浪費了鋪頭（沙田火車站通往巴士站）這樣有利位置，可惜之極。

依家啲舖頭經常都是自己未搞清楚，就先惡言相向，我拿一張網上購物的換領券上前，她就立即說「有沒有告訴你什麼時間可以換購」。我就立即指出，換領券上面寫明是早上7:30至到11:30，她立即無話可說。本身又唔係人多或好生意，只是用機掃一掃QR code就成了，其實有什麼麻煩呢？請緊記，網上購物的顧客，也是你的顧客，而且比排在後面的顧客更早光顧你呢。看見餐牌上面都沒有菠蘿油配奶茶這個選項，只有菠蘿包配奶茶咖啡。這個菠蘿油，牛油看見都非常之厚切，不過麵包不算太美味，硬得來不太香，不太鬆軟；牛油香而不太肥膩，還可以。奶茶都不算太過澀口，還算是香濃的，味道也不算太差。

今日無端端要係1點開會咁就係沙田站快快手搵下野食。見到間菠蘿包有菠蘿既外賣店比佢吸引左眼球。之後睇下餐牌，有雞髀飯食。瑞士汁雞髀煎蛋飯連熱奶茶都係$46。都算okay。最緊要可以快快買完上office食。份量：足夠一個成年男人食，因為飯算多味道：雞髀就中規中矩，有少少鞋，可能浸得耐； 反而煎蛋就有驚喜，太陽蛋，生熟程度岩岩好；奶茶就無咩特別啦總括黎講，$46係沙田買既外賣算係咁，又可以飽肚，味道唔太差。下次趕時間都可以再買。

上網睇到間舖頭名叫菠蘿仔食堂，心想...叫菠蘿包一定無得輸，所以便叫了個沙嗲牛肉菠蘿包加杯熱奶茶☕️，食落一般般，覺得沙嗲牛肉與菠蘿包唔係太夾，如果他們的沙嗲牛肉加落碗麵內，應該都幾好（表明先，他的沙嗲牛肉唔係難食，只是好似冇乜汁）。而個飽呢！可能唔係新鮮出爐及估計長期用個爐焗住，所以個飽比較硬，但、個菠蘿皮是脆的。總括來說，唔係難食，但個飽與翠x比，個人覺得，翠x比較好食。另外奶茶方面，個杯有些凹凸紋，揸手感覺真是唔錯，但杯奶茶比較少奶，無咁香滑，一般般啦！

每次經過見到餐牌都特別想試此餐，剛好沒帶飯，抱著期待既心情打開盒飯，er...點解同餐牌張相差...差差咁遠，望住餐牌張相，說好的粉絲，不見了; 說好的枝竹，亦不見了。實在太美好了！我依然尋找到三粒雲耳、三粒切粒磨菇、兩片半圓形紅蘿蔔、拼湊後能成兩至三片既娃娃菜 、一粒1.5厘米粟米芯及兩大片冇打算食用既薑片！請問我$39 究竟食左啲咩？😊獻出第一次食評，感激萬分！結論係 圖片真的只供參考呢白飯還不錯哦！