豬隊友

Open Now

Now Closed

食咗同一間兩次 第一次叫原味 雞蛋仔完全冇蛋香味 啱啱整好嘅雞蛋仔5分鐘內淋過抹枱布 今日食第二次叫左豬柳蛋 店員問我使唔使加芝士 禁就試下啦 同樣問題整好5分鐘淋到x街…完全感覺唔到，有加過芝士 甚至有啲係連豬柳都冇禁 要42蚊 已經無需再俾機會 奉勸大家都唔好浪費錢

今日去觀塘食嘢 食飽特登行過去豬隊友買佢哋嘅沙冰🍧宇治抹茶沙冰我叫咗走甜 茶味啱啱好 唔會好苦！冰底打得好細膩✅ 整體都係一杯冇負擔嘅沙冰 我勁鍾意😂咖啡沙冰🍧飲得出係用UCC嘅咖啡粉😝所以咖啡味幾香濃叫咗無糖 飲落微苦 但幾冰爽減肥特登叫佢無糖冇奶 都係幾好飲！

想試豬隊友嘅飲品 喺觀塘總店限定先有今日咁啱喺附近 終於試到飲品叫咗抹茶雞蛋仔 口感外脆內軟見到Menu寫用日本小山圓嘅宇治抹茶粉茶味幾濃郁 唔會好苦！味道幾有驚喜配埋飲品減$5 我就叫咗宇治抹茶+寒天茶味濃得嚟 口感幾smooth💚叫咗走甜 配埋寒天本身少少甜 啱啱好

頭先店員黑口黑面同我講不收現金 只收八達通 支付寶＆wechat 明明平時我屋企人買可以收現金我覺得貴店態度有待改善 香港不是所有人都會用電子支付 還有語氣可以好少少 以前果間媽咪雞蛋仔比較好

經過好多次都要排長龍，今日經過見唔洗排隊就買左個原味格仔餅試下。男店員都算有禮貌，買完之後後面有位男士都係叫原味格仔餅。整好後，店員唔知點解要叫左下一個號碼先再叫我，唔係順號碼叫？不過都冇乜野，都係差唔多時間，滿心歡喜試一試，點知唔熱的，只係暖暖地。唔知係咪因為要整埋後面果底先一次過拎出黎，所以凍左，感覺真係唔好。食落格仔餅，個人應為太甜，但同出面唔同既係，有啲芝麻係中間，多左層口感，但個人都認為冇芝麻會好啲。總括黎講都購買同食用體驗都麻麻，未必會有下一次

想食豬隊友好耐，但每次經過都好多人排緊隊，今次經過牛頭角分店見到冇乜人等，終於有機會可以試吓啦☺️雞蛋仔有好多味都想試🤭例如最近大熱嘅杜拜開心果朱古力/法式焦糖燉蛋/芋泥肉鬆…但我呢一刻想試咸味，又驚會食得太飽太滯，所以就買咗個紫菜肉鬆試吓先～雖然門口冇乜人排隊(眼見前面得一個)，但都等十分鐘以上，唔知係咪一大片紫菜既關係，會對蛋漿有影響？雞蛋仔係全淋既(好失望喔)，同埋肉鬆量唔算多，蛋香味還好，希望下次試甜既雞蛋仔會有改觀喇🥺

最近，杜拜朱古力的風潮似乎席捲了美食界，主打的特色是內餡加入開心果醬，再混合千層酥絲，帶來香脆濃郁的雙重口感 🍫⚡️💚💚牛頭角的「豬隊友」小店也順勢推出了杜拜朱古力系列，主打雞蛋仔和格仔餅🧇 不過，當我看到這款標價$55時，心裡不禁一震，這個價錢在雞蛋仔界算是非常「進取」了。但本著「新產品要試一下」的精神，我還是咬牙跟朋友一起嘗嘗看。點單後的等待時間比較長，其他客人的單都陸續完成，我們的卻還在製作中。這款雞蛋仔外表看起來和普通雞蛋仔沒什麼區別，酥脆外表和香氣都挺誘人。可是一咬開，內餡就讓人有些失望 🥹🥹開心果的味道幾乎感受不到，而內餡近乎是軟成一坨的口感，味道和口感完全沒有層次感。雖然外皮香脆但內餡拖了後腿，整體口味平平無奇 🙈總體來說，這款杜拜朱古力雞蛋仔的概念雖然新穎，但實際味道和口感並沒有達到預期🙂‍↔️ 如果你是抱著「一定要試新奇口味」的心態，要做好心理準備可能會失望。對於一般的雞蛋仔愛好者來說，這款產品並不是特別值得推薦。$55 的定價實在有些過高。以這個價錢，在其他甜品店已經可以買到兩三個雞蛋仔 🙊🥲🥲

豬隊友呢間小食鋪有勁多款特別既雞蛋仔、格仔餅仲有好多炸物。今次試咗原味金沙格仔餅同埋大雞扒。金沙格仔餅：金沙味道出眾，一咬落去有勁多金沙朱古力醬流出黎，格仔餅皮又夠熱夠脆大雞扒：呢隻雞扒勁大塊，炸得勁脆，又夠晒肉汁，極度推薦

最近於街發現了間超正傳統香港小食--雞蛋仔呀！太驚喜了叫了一份原味，一份朱古力咖啡味雞蛋仔，一個原味格仔餅。原味雞蛋仔入口外脆內軟，好好味，己經很長時間沒有買雞蛋仔食因為不喜歡坊間非用香粉味。但這間沒有此味。之後當然是最朱古力咖啡味雞蛋仔，外脆內軟還有好濃朱古力咖啡味，入口還有少少朱古力流出，感覺超正又不太甜剛好。最後是格仔餅都一樣沒有香粉味,打開有一層薄薄的牛油、沙糖、煉奶及花生醬，嘩！太好味了。以前放學經過學校附近檔仔必買的美食，即時腦海浮現年青時放學片段。

.🐷📌 #豬西食觀塘#豬西食九龍.香港有咁多間雞蛋仔舖頭🫶🏻但係要搵一間性價比高 同埋最好食嘅真係唔容易小編自己就最鍾意 豬隊友🐷之前已經食過佢哋嘅尖沙咀分店🤣其實佢哋嘅總店係觀塘架😹所以小編有時諗唔到食咩 放工時間都要去買番個雞蛋仔當lunch / tea 🤣.🐷McGriddles最近 日日打開IG都見到大家喺度打卡麥當勞嘅McGriddles 我哋終於唔使去日本先食到🤣 但係冇諗過呢一個口味可以完完整整咁樣複製落去一個雞蛋仔裏面😜首先呢個雞蛋仔面頭搽咗蛋漿 所以個口感會比其他口味更加淋但係佢淋得來又好有嚼勁喎😎令到成個口感更加貼近McGriddles塊pancake 🥞每一粒雞蛋仔裏面都有芝士、蛋、豬柳🤩🤩而且仲用咗日本製嘅楓糖漿🇯🇵所以成個味道根本就係完完全全咁複製咗😚小編會話呢一個口味嘅雞蛋仔係非常值得嘗試 🤣.🐷薄荷朱古力味雞蛋仔其實市面上薄荷朱古力味嘅副產品同埋嘢食真係唔多所以鍾意食薄荷朱古力味嘅人 其實唔係成日都可以咁容易食得到🥲但係點估到而家連雞蛋仔都可以check到薄荷朱古力味仲要整得咁出色😹😹呢個口味嘅雞蛋仔外脆內軟口感而且裏面非常有嚼勁😙 蛋漿裏面亦都充滿着薄荷

大癲啊!!! 雞蛋仔都有薄荷朱口味小店推出夏日限定薄荷朱古力系列新品💚🍫次次都係去觀塘總店 有老闆駐場好食啲咁 .① 薄荷朱古力雞蛋仔🍃🍫 ($40)// 薄荷朱雞蛋仔食落都好重薄荷味 同內餡嘅苦甜朱古力好夾(๑´⍢`๑) 而且即叫即製 每粒都脹卜卜 外脆內足料！//②【清涼薄荷特飲🍃】// 特濃朱古力$36+雙檸沙冰$38+雙檸梳打$36 //③ 芝士豬柳蛋雞蛋仔🧀 ($42)// 老闆將豬柳、蛋、芝士溝埋蛋漿一齊做雞蛋仔底 雖然唔會食到好明顯一粒蛋 但粒粒豬柳好惹味 調味啱啱好！鐘意小店用個隻日本楓糖漿🍯甜得嚟好自然 唔會過膩🧡不過要趁快食 因為加咗蛋會快啲淋喔～//

🍴粒粒朱古力 $27 (7/10)即叫即整，食落香脆，好多朱古力，幾香不過偏甜，有啲膩，正正常常！推薦指數: 7/10好彩食咗佢普通味試吓，我見佢其他味道都賣得比較偏貴， 40幾蚊焦糖燉蛋？未必再食下一次，不過經過可以試吓嘅！

🇭🇰豬隊友·呢間我之前見好多人推介 經過k11就去買 但係我去之前無認真睇佢個價錢 發現原來佢都幾貴🫢😂😂但係因為去到真係有啲想食 所以最後都買左🤑🤣·紫菜肉鬆$45我自己個人覺得媽咪雞蛋仔好味啲 佢呢個個雞蛋仔本體係偏實啲既 而且唔算話好脆🫢好在佢塊紫菜都好大塊既 而且肉鬆份量都多 不過就唔算好鹹香🙊😂·#rbyeat#rby港式#rby尖沙咀 #rby牛頭角 #rby觀塘·📍尖沙咀加拿分道12號地舖📍牛頭角通明街3號興達大廈地下3B號舖

🍴Tiramisu 雞蛋仔 ($45)最近好多廣告講到好好味抱住期望去試哩個tiramisu 雞蛋仔等大約8個no. 左右 用左23分鐘但失望既係冇諗過拎上手係唔熱辣辣🥲連暖都Feel唔到😿雖然表面係脆嘅 （不過食左三四粒左右已經開始淋晒）咖啡奶凍的確係鋪滿晒咁多粒 哩樣係值得👍🏻但入面嘅咖啡奶凍 又唔熱又唔凍🤣感覺個件事好唔一體🥲表面曬滿可可粉 可可粉唔會太苦 👌🏻👌🏻總括番 如果佢可以熱辣辣應該會好好多

我地20:52叫自取落單，去到嘅時候問一位男店員有未，個男店員話要「等多陣」，其他客就走完一批又一批。我地問左個男店員3次都係話要「等多陣」。最後到21:35，一個雞蛋仔等接近45分鐘真係太過分，再加上咁細間店有成4、5個店員都冇可能咁慢手慢腳，我地就去問另一個女店員有未，佢竟然即刻係左邊嘅架拎比我地！即係一早整好，擺左好耐，拎到上手已經淋晒凍晒！見到個客等咁鬼耐問咁多次，你都唔認真搵清楚check清楚，真心豬隊友，冇下次