22
7
7
Exit B1, Jordan MTR Station continue reading
Telephone
83008163
Opening Hours
Mon - Sun
07:00 - 00:00
Payment Method
Visa Master AE Cash Octopus
Number of Seats
300
Other Info
Alcoholic Drinks
May Bring Your Own Wine
Phone Reservation
10% Service Charge
TV Broadcast
Signature Dishes
生拆蟹肉干撈翅 花茹扣鵝掌 炆雞腳 豪皇肉掌孔雀鮑
Review (39)
Level1 2017-11-01
281 views
2017年10月22(日)20:52左-個鐘頭都冇野食今日全日去做野、辛辛苦找餐飯食、都已經冇要求呢間連鎖酒樓,一家大細,求求食餐飽飯就算!一來到開壺香片,一睇啲色水擺明係普洱,個待應話我地啲香片係咁樣,-飲落口肯定係普洱,又死口唔認,算我忍你,幫我轉壼龍井。以為星期日人多,等左15分鐘先出3個湯,點知飲完個湯再15分鐘之後,啲餸都未出,即刻叫人去廚房追,佢就話幫我追。再等多15分鐘啲餸都一樣未出。又攰又肚餓又眼瞓,見到左右隔離,啱啱入嚟啲人都上晒菜,覺得唔對路自己入去廚房追。又再等多5分鐘,見到自己叫嘅餸由廚房出來,以為有得食啦,條友夠膽死話唔係比你,我啲火真係焼到一個極點即係叫個經理嚟嘈爆佢! !!!!!!!!!我差啲想自己入廚房煮比去睇震後等左一個鐘,我同部長講,唔食啦走啦。佢即刻入廚房追,3分鐘唔洗即時比個唔熟嘅炒☺️蟹比我、啲火燒到想打人,即刻埋單去對面食老麥冇咁嬲! !!依家仲要我用半個鐘寫足400字,嘥我時間精神 continue reading
(The above review is the personal opinion of an user which does not represent OpenRice's point of view.)
Level2 2017-10-12
251 views
最後衝刺整月餅,唔夠料再出去買,順便食埋飯先返屋企,終於坐到卡位黑椒牛仔骨煲好好味,牛仔骨夠淋,夠黑椒味,唔會好鹹松耳銀針浸翠苗呢個夠清,但係冇諗過會有銀芽,不過加埋啲翠苗食,好爽脆,好食素鵝呢個佢唔記得落單,我哋見好耐都未黎,我哋問佢,佢同我哋check完話冇落,跟住幫我哋落番,好快就黎咗,唔記得影相,食咗兩舊先記得,入面啲料唔會好鹹,都幾多料紅燒竹苼豆腐呢個啲竹苼勁小,成碟得6舊,好彩啲豆腐都好滑我哋再要咗兩個自助吧 continue reading
(The above review is the personal opinion of an user which does not represent OpenRice's point of view.)
Level1 2017-09-15
239 views
今日在稻香酒樓超級漁港食午飯, 叫了馬拉糕 - 香滑熱辣嫩熟的糕點,再加上發酵下,整個糕咬落真是充滿爽口香甜美味番尋味。炸雲吞 - 香脆的硬炸雲吞皮,再配以皮內的充滿質感的靚雲吞肉,咬落都爽脆軟熟及惹味十足。雲吞炒麵 - 靚煎雲吞炒麵好飽肚很美味。 continue reading
(The above review is the personal opinion of an user which does not represent OpenRice's point of view.)
Level4 2017-05-13
534 views
四月初稻香開始攪宵夜火鍋放題,開始時只有旺角、佐敦、荃灣3間分店提供,到4月20日的8間分店,我們一家人就一起出動,選了佐敦店來試一下。原來現在(5月10起)已增至19間,越來越方便了。各分店由晚上8:30或9:00開始供應,成人每位只係$138另收加一服務費,即係每位$152,已包括湯底、火鍋配料、醬料及自助吧的飲品及甜品,實在好抵食。部份海鮮是要額外收費的,可參見黃色區的收費食品,而加$1就有一隻新鮮大元貝,可惜家人對元貝沒有興趣,沒有點選。其他免費火鍋料選擇唔少,最驚喜係美國肥牛,不太肥,點點雪花,牛味香濃,正! 單吃這個也值回票價!呢度服務員太少,其實間間稻香都係唔夠人手,個個做到唔停手,咩都要等陣先等陣先,如果對服務有要求,呢度就唔啱你!但講到抵食,呢度有五星~ continue reading
(The above review is the personal opinion of an user which does not represent OpenRice's point of view.)
有1日遇然經過稻香,見到它有新的推廣價優惠,竟然稻香也來襯熱鬧做自助放題!!!???還記得吃稻香火鍋的日子很長,當時經常要排隊入座,咁多年都是多做散點,難得推期間限定,就定一試!地點: 這間稻香地點也方便,在佐敦區街坊地方有不少捧場客,有些巴士更在門口有站! 距離地鐵站也只是行3,4分鐘!環境: 這間稻香剛於早前完成裝修,所以坐得較舒服!唔錯!留意: 如大家是夜貓子,這些酒樓都不是像很多火鍋館會做到三更半夜  11時半就必定收工,所以要食就早些來。這個期間限定由8時半至11時半,推廣期未知到幾時,所以要試就快D去!食物: 請以稻香質素來衡量,始終是大集團,來貨都是差唔多,不會像火鍋專門店般有太精緻的食材與湯底,都是大路慣常見開的,但稻香有其基本的食物質素。賣點: 任點任食,80多款食材,又有好幾款熟食提供 (有好似麻醬雞絲粉皮,炸秋刀魚,,陳醋雲耳,炸薯條,手拍青瓜,蘿白等),也包了自助飲品甜品吧及醬料吧,全面包抄!飲品有2款沙冰,夏枯草,紫貝天葵,各式汽水等,甜品有杏仁茶,芝麻糊,紅豆沙,牛奶雪糕等等,質素一般,但至在咩都有得試少少!是日晚餐:湯底 - 高鈣豬骨煲: 驚喜可揀豬骨湯底,平日散點要$68蚊一鍋的!我的家人一向鍾情這裹的豬骨煲既大骨頭,最少有3大舊,他們受細細品嚐骨內相連,骨膸的味美。湯底不要大高期望,不是那些清澈清甜的一種,相信有加了不少調料,而今日上的豬骨湯比平日深色,咸了點,要多次加水。湯底內已有甘筍,粟米,幾片炸腐竹。加$1鮮大元貝(1人只可order1隻): 只要加1蚊, 基本上個個都叫, 當然落order! 是新鮮貨, 肉質彈牙。 海鮮類: 點了廣島蠔,帆立貝,沙白蜆,生猛海蝦,可能我太夜去,海蝦無貨了。。。。算啦,不過如果大家叫到,而佢又KEEP 番散點既質素,我好鍾意食佢既海蝦,又大隻,又爽又新鮮!蝦頭蝦殻剝完放番落湯底淆湯!好鮮味,可以參考下!廣島蠔,都肥美爽口,淥到剛熟就好了,不然會縮水。帆立貝啖啖肉,雪藏貨,不過可以大啖食。沙白蜆都要睇實,好新鮮,不過一熟就離殻,所以要望實佢!魚類 - 點了白鱔片、脆鯇魚片,脆鯇魚腩,新鮮魚雲,生魚片,九肚魚: 其實仲有草鯇魚片魚腩無點到,其實有咁多魚既選擇實在太爽了,因為我最愛海鮮及魚類!!!!白鱔而家出面賣一條都好貴,呢度點了2ROUNDS唔好浪費QUOTA,剛熟上碟,沾著醬油同食,好鮮美,鱔肉極爽口,同好脆!!!今日既脆鯇腩質素都KEEP到,亦係脆爽,沒有腥味,新鮮好味。至於生魚片同鯇魚片只係一般新鮮,不過佢俾左好多我,食番夠本!肉類: 點左美國肥牛,比想像中好吃呀,不是好多肥膏的牛肉貨色,在湯肉灼一灼,油香滿溢,肉味濃!也有驚喜而家有牛雜可選擇,豬骨湯加牛雜,配搭新奇,但都好味呀,要早些落煲,要煮耐D會諗D,一食牛肚,好似早市食既蒸牛肚味道,有趣!菜類: QUOTA唔多,只叫左冬瓜片,下火清涼,亦是煲得諗諗的可吸收湯汁精華。蝦丸拼墨丸: 一般般,來到時已是熟的,像墨魚滑般,新鮮度只是一般,份量則很多。千層腐竹: 覺得生根響鈴成日食,試下叫這個千層腐竹,原來係好似素鴨的齋菜,剝起來"千層"夾著湯汁同吃,原來不比響鈴遜色,我覺得比響鈴生根更少了油膩感。值得一試。韮菜餃: 只是一般,可以選擇其他,因為欠了韮菜應有香氣,新鮮時爽脆挻立的口感,摻了太多豬肉。整體以稻香質素而言,值得一試!始終選擇有不少!另外加錢也可點一些更好的食材,趁著期間限定,唔太高要求,可以一試。 continue reading
(The above review is the personal opinion of an user which does not represent OpenRice's point of view.)