百爵冰室

Open Now

Now Closed

百爵冰室今次要介紹荃灣一間冰室叫「百爵冰室」，冰室喺近年香港越開越多，近似茶餐廳，但裝修格局高級好多，燈光光猛，座位又舒服！呢間冰室喺荃灣嚟講比較偏遠，但勝在門口無一級，入到去由原本身體熱辣辣即是身體溫度降低哂，冷氣開得足夠，燈光好光猛，牆身有好多霓虹燈比人打卡，我入得嚟就食佢哋嘅下午茶餐先！1.雞扒脆脆包+扭紋薯條$39+紅豆冰$6（7/10）呢個雞扒脆脆包個雞扒有少少乾，雞肉肉質唔嫩滑，外皮唔夠脆，脆脆包似法國麵包，1d都唔脆，仲好鬼乾同硬，脆脆包入面除咗有雞扒，仲有蕃茄肉同生菜！扭紋薯條：薯條幼身，外型係扭紋，淋咗少少！紅豆冰：跟下午茶餐只係加$6，味道正常，紅豆煮得夠淋，$6嚟講真係好抵飲，原價單叫一杯要$28！2.脆炸雞髀+水耕菜沙律+熱鴛鴦（茶走）$39（8/10）呢隻脆炸雞髀雖然好大隻，但炸得唔夠脆，雞髀肉肉質比較硬，有少少似翻炸，普通咗少少！水耕菜沙律：正常！熱鴛鴦（茶走）：奶茶同咖啡沖出嚟嘅比例好好，煉奶唔算過多，跟下午茶餐免費送一杯，原價單叫鴛鴦一杯要$18！2人總共價錢$84個人口味總評分：7.5/10地址：荃灣沙咀道1號環貿廣場地下A號舖Please follo

假日去了南豐紗廠逛逛看見附近有間冰室 裝修挺新便想去試試常餐了餐牌有很多選擇 既然第一次到訪便點了2個百爵皇牌餐 其中厚切午餐肉蕃茄濃湯扭扭粉挺好吃蕃茄味超濃 扭扭粉都非常彈牙加錢叫多塊漢堡扒變雙拼友人的點了雞湯 加錢轉辛辣麵 豬頸肉亦惹味有咬口自選了火腿奄列（可以選全熟）及牛角包 份量相當足夠～個人認為多士較為出色⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡⧐百爵冰室📍荃灣沙咀道1號環貿廣場地下A號舖

今日就同朋友去咗百爵冰室食Tea餐廳好有港式風味, 下午茶選擇都唔少, 有小小時間入去食個輕食都唔錯牛油果醬煙三文魚芝麻軟包芝麻麵包搽左啲牛油喺上面, 餡料超豐富, 包身鬆軟, 帶啖啖芝麻香另外都有冰室比較少見嘅熱鴦走茶底同咖啡兩者配撘均勻, 飲落細膩幼滑特色西多士西多士超級厚身, 外層炸得香脆, 仲有超大嚿牛油喺多士上面, 夠唒邪惡 😈 中間夾住咖咉醬, 令多士同時有蛋香、椰香同斑蘭香味, 甜度適中配搭紅豆冰, 椰汁同埋紅豆冰嘅比例啱啱好, 超多紅豆, 椰味香濃

去完南豐紗廠行街之後經過哩間外型睇落好高級嘅茶餐廳就入咗去食下午茶😆😆本身對佢無咩期待但食完有驚喜😯👇🏻👇🏻👇🏻👇🏻經典西多士$37（包熱野飲）個西多一上台勁大舊😯食落勁鬆軟但唔會太油🤤入面有花生醬仲會比枝韓國糖漿比你鐘意食幾甜可以自己落😯華田脆脆粒粒西多士$42（包熱飲）哩個好有驚喜😯第一次食華田味嘅西多😯係西多上面再落華田粉食落唔會太甜而且食落真係有粒粒脆脆㗎喎😂跟餐加$3杯凍檸茶都好飲👍🏻茶味好出但唔會苦都好飲🍸整體🧀🧀🧀🧀

今日去南豐紗廠一日遊落巴士之後過天橋就見到一棟幾靚嘅商廈入面呢間冰室裝修得乾淨常餐 午餐都係50幾蚊幾岩附近番工既人食豬頸肉扭扭粉 常餐轉雞湯同扭扭粉湯味算係鮮甜豬頸肉有咬口火腿奄列/牛油多士多士厚實飽肚火腿奄列份量唔錯 入面尚有蛋汁合格蔥油豬頸肉煎蛋撈公仔麵基本野但係好邪惡好香口煎雙蛋蛋汁加蔥油係無敵公仔麵彈性唔錯卡路里高但係不能抗拒茶餐廳一杯熱奶茶必不可少奶茶算係細滑 入口好香距離南豐紗廠附近穩陣既lunch選擇

其實荃灣西工廠區食物選擇唔算好多就算有都係比較噏耷嘅大排檔呢間冰室其實開咗半年都幾多同事食而且裝修好新！！今次食咗早餐平均每人$50 左右午餐選擇都好多每日都會轉是日午餐蕃茄湯底幾濃好好食凍奶茶都好重茶味朋友食咗歐陸早餐炸魚柳超級大件而且炸得好脆而且都有外賣自取，可以網上落單俾錢再落嚟拎，其實都好方便！當日都坐得幾爆，而且係QR code落單所以上菜好快🤭🤭環境闊落，而且啲座位都唔會太窄可以再試！

有三個靚仔哥哥帶我食晏好開心，原來荃灣西呢啲僻僻地嘅地方茶記都大間過人。餐廳裝修好靚，光猛企理，重點係lunch time 唔洗排隊。仲要佢個名叫伯爵好架勢….似酒樓名多過茶記，仲要同某名腕錶撞名…..叫左個常餐試下，沙嗲牛意粉，唔錯，正常質素。個麵湯底都ok! 炒滑蛋牛角包都幾好。一坐低會送碗例湯，今日係佛手瓜，好飲喎！最後餐飲試左檀島咖啡，有奶嘅但比較少，飲落都小苦，係大人嘅口味。

最近搬左新Office喺餐廳附近，環顧附近幾條街茶記見到佢都算企理乾淨，可能係新開原因，同埋有落地玻璃，外面啲陽光可以照射到入餐廳，所以環境感覺都幾舒服。今日喺Openrice揀外賣自取叫早餐: 沙嗲牛肉芝麻包，一啖咬落去已經想講兩個字: 死咸！從未食過咁咸嘅沙嗲牛肉🥹連一向食開濃味嘅我都頂唔順。唯有食晒個芝麻包唔食餡。飲品叫茶走少甜，佢比錯左熱奶茶🫠HKD37一份包類早餐比咁嘅質素，如非必要都唔建議幫襯佢。

一開頭見到其他comments，都有d熬底。星期六朝早走黎試左個早餐，試完其實都ok呀😶。可能weekend無咁忙？我都唔知。沙爹牛肉麵、牛油多士都正常發揮；火腿奄列好大個、好足料（我張相入面已經食左一半）；熱鴛鴦意外地好味，茶味好濃😆 ，唔係其他茶餐廳浸太耐個d苦澀嘅濃！$38個早餐，個人覺得不過不失wo🫢。依家都已經無左其他comment話價錢不一嘅問題 （at least星期六早餐無）🤔️。QR code點餐，同服務員無咩交集，所以唔知service點，哈哈。

每日返工都會行過門口，見佢都開左一段時間咪試下，返工前當然想食個快早餐，但偏偏就要等好耐，怎至嚟錯野食....諗住一次半次都算啦！另一日食午餐，等得耐其次，又嚟錯野食....心諗點呀！已經係手機落單，係睇錯定出錯呀！唉.....

叫咗茄通，完全冇味 好難食 淡過麥當勞開業頭一星期去食，地下已經好污糟，衛生欠佳 同埋兩個前門同一時間有人入嚟，根本就唔知邊個排隊先，又嘈一輪烘底加3 又冇烘到😂 豬扒包好乾食到喉嚨痛唔會再去👎🏻👎🏻👎🏻👎🏻服務態度差👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻

話說前幾日經佢哋提供嘅網上order網落單，芝腿治烘底收足錢但無做到，返到公司先發現都無辦法啦。到今日再網上落，照叫芝腿治，怕左佢唔揀烘底了，去到等左十分鐘，見人地都拎左咪去問下收銀姐姐，原來佢部機又收唔到訊息，卒之叫佢退返錢比我算喇，怕怕了。

入到餐廳都係手機落單，當時係手機到見到下午茶餐係$42起，我同朋友都覺得奇怪，點解會係起既呢？咁我地諗住可能係禁到入去會有一啲自選野會需要加錢，所以先會寫$42起。但係禁到入去並無啲咩係需要加錢。後黎食完野去埋單既時候發覺價錢同手機落單既價錢並不一，我地比完錢睇返單先發覺價錢同手機落單價錢唔同，我地同返店內職員講，職員表示價錢係跟返店內既菜單價錢，並唔係跟手機落單價錢。職員話因為手機落單個價錢出錯，而責任就需要客人承擔？

使用電話下單在餐廳的應用程式中發現了一個有吸引力的優惠。然而，當我透過電話下單時，我驚訝地發現所點餐品的價格與應用程式中所顯示的價格不一致。這種價格不符的情況令我感到困惑和不滿，因為我認為應用程式上的價格應該是準確和可靠的。除了價格問題，我還對所收到的食物質素感到失望。實際上所提供的食物質素卻遠遠低於預期。菜品的味道平平無奇，質量也不盡如人意。這讓我感到非常失望，因為我期望這家餐廳能提供高品質的美食體驗。