越一越南牛肉粉專門店

Open Now

Now Closed

今日同同事外出食飯 食左呢間係我食過最難食既越南河第一牛骨湯底淡而無味 懷疑用味精粉沖水，第二河粉完全無味，一d掛湯力都無，牛腩肉質鬆散，牛肉超超超硬，完全係超級失望，影響了我一天心情😭

每日lunch都好想食好西，因此會係OpenRice到睇下好評好西店。今日到咗黃大仙食越一。見到價錢唔算貴，貌似大型連鎖所以就入去試試。一坐低就見到個叫「綜合」嘅越式河，覺得奇怪！好多餐廳會叫「雜錦」反而好少聽綜合哩個字。結果都係叫咗，一嚐真係粗口橫飛！湯底淡、河粉質感唔細滑、牛肉一般，不過以54$來說 算係咁。唯一優點係牛腩牛肉嘅份量唔算少！唔知係咪關於附近多Office & 中學生嘅原因。最不爽係明明湯底用味精粉 但又可以淡到咁 而且河粉係同湯底兩樣分得清過啲三角關係，湯有味麵白灼咁。我另外叫了一份跟餐優惠+$12 越式雞翼！哩個雞翼算係店內唯一清泉都算係我在谷底之中嘅一個小驚喜！總結54$嚟講 越式河份量大 質素中下 以附近返工業區 同發育時期嘅寶寶們都可以食。 飽肚感滿滿！而講求質素嚟講唔建議去試。

冷氣可以幾個月壞左冇人理，之前冬天已經覺得焗，但竟然到現在也一樣，完全冇冷氣，現在疫情咁嚴重，通風搵鬼再去，食物質素都算尚可，價錢也算是合理，但也算區內比較高。員工起碼都有帶口罩

外賣自取有折，成為我呢個「慳」得之人首要選擇，今日係越一，全日外賣自取八折，當然下午餐就最優惠喇😍生牛肉河粉~比小朋友食，叫左熟上，唔韌岩食，牛肉同河粉份量足，同堂食無乜公別。呢度的奶茶，奶味少d會好d。香茅豬頸肉金邊粉~最愛吃呢度d豬頸肉，豬頸肉好爽口，好食，金邊粉又好食，仲有個熱咸檸檬水，好味，呢個組合我最like🤗最後係呢個咖哩牛腩飯配凍奶茶~無撈埋比大家睇，其實都唔少，有薯仔同牛腩。欣賞越一牛腩就係得牛腩，唔會用牛筋撈埋，咖哩偏辣。以下午茶的價錢，仲有八折，真係抵👍

下午茶時間見到呢間餐廳門面光鮮，仲有下午茶免收加一甘吸引就入去試下叫左碗香茅牛肉撈檬，大大碗，同埋叫左杯熱奶茶飲，撈檬醬汁放在枱上，客人可以按照個人喜好加汁，上菜速度極快，五至十分鐘就有得食，牛肉撈檬味道唔錯。

特登去呢間餐廳試下火車頭湯粉，我揀左檬粉。入面有生牛肉，牛丸，牛百葉，牛腩。芽菜辣椒金不換呢d配菜係用一個杯裝住，可以自己揀落幾多。生牛肉正正常常，牛丸幾有牛味，幾彈牙。牛百葉都唔錯，幾爽口。牛腩就比較油膩。總的來說，都幾好吃。不過環境就比較吵

當年我係期待已久 開幕的越一牛肉麵， 環境乾淨光猛， 終於今日見到有卡位入去坐下。 服務員見我帶小孩也令給一個小碗，但沒有提供兒童餐具。椰青加$18, 阿女好鐘意，很清甜，但刮左果肉食， 正。咖哩牛腩飯 - 賣相很精緻，咖哩汁是分開裝的，白飯也得整齊 ， 味道好辣有點油， 牛腩有點硬. 唔算太入味。生牛肉湯河 - 因為就三歲女兒，我要全熟牛肉，雖然牛肉全熟但係一啲都唔認但可惜一大舊。配菜如 芽菜，青檸，九重塔都分開送上，不會直接加在湯河上， 如果生牛肉應該會好鮮甜。洋蔥好新鮮好香。 如果有酸辣汁就更好。

🎈老街香茅豬頸肉湯河 $48如果你係呢間餐廳點湯河的話佢會將一啲配料分開上畀你我諗個原因係你可以隨心去加或者唔加因為加咗就會有平時我地係越式餐廳食到嘅湯河味道當然會有啲食客會想食返清淡湯啦呢個細心位都幾值加分雖然湯河嘅酸辣味其實好足夠但我自己本人都幾鍾意越南餐廳入面嘅酸甜魚露加左落去好食好多 湯底嘅味道變得更加豐富今次叫咗係越南餐廳必有嘅豬頸肉豬頸肉每一塊都界開過而且燒過每一塊界開啲根位 食落完全唔韌燒過後仲有啲香脆好食 餐廳係從食客角度方面落左好多細心有好多值得加分地方令到食客用餐更為方便 食到越式風味之餘仲食到一份對食客嘅細心

家姐屋企附近開左間越南食店，但一直都無機會同她一起來幫襯，今日早放工，所以就入去同家姐一齊試吓呢間鋪啲嘢食好唔好味。街坊店鋪style，裝修就大衆化，但食物就唔錯喎。嚟到越南餐廳，梗係叫火車頭，貪佢樣樣有啲，牛肉味鮮，牛丸彈牙，湯底清甜，仲有杯特色芽菜俾你放落湯一齊食，有別於其他餐廳，有少少自己火車頭的特色，不錯之選。😍扎肉有點像越南當地吃到的那樣，爽口有點彈性，好似魚片個個口感。另外我仲叫左個柚子沙律，會有點偏辣的。米紙卷可以叫多過，要俾個讚👍。粉包尚算滑，爽口又清新。呢間餐廳有椰青叫㗎，呢樣嘢，我又覺得唔錯，天氣咁熱，飲完椰青，成個人即刻爽晒㗎!總括而言，值得一試的餐廳。

香港有咁多唔同越南菜，一直都好想同朋友試晒唔同嘅生牛河今日就同朋友嚟咗呢間越一，唔知係咪平日，鋪頭唔太多人唔使等位，仲坐得好舒服👍🏼一入到去侍應已經好好態度俾menu我地，因為我同朋友得兩個，如果一人食完一碗河再食一個小食已經好飽！侍應見我地揀咗好耐 就推介咗個二人餐比我地，既有火車頭河粉又有小食，仲包嘢飲，好抵！生牛肉等佢啱啱嚟嗰陣食就最嫩，牛腩入口即融 薄得嚟又唔會冇咗質感，牛柏葉同牛丸就有一定水準～到脆卜卜嘅香茅雞翼，炸得好香，又冇乜油，蝦餅彈牙得嚟唔會太粉，不過得兩塊好快食晒，會想再食😭有一點好好就係芽葉金不換嗰啲係另上，本身想叫走芽，點知原來一早已經分開咗，真係好貼心～我地仲叫咗兩杯嘢飲，一杯係香港特色凍檸茶，一杯係越南特色青檸梳打🤣凍檸茶無乜特別，正常水準，而青檸梳打好夠氣 青檸味酸酸地好開胃最後一提，侍應真係好好態度，得閒會再嚟👍🏼

本人在打算光顧黃大仙分店時遭店員惡意將整杯凍檸茶𣺉到身上，特此作出投訴，希望貴公司能教育店員正確服務態度。涉事店員於黃大仙分店工作，是做得比較久的員工。她是一位女士，身型大件，估計大概4x 歲，似是店舖中的經理，因為聽到她喝指同事。那天因為本人剛到店舖，原本那位女士想我們二人坐在門口位置，但我們覺得天氣太熱，想到裡邊坐。而且我們見到有人剛離開，所以坐到裏面的位置。然後那位女士很不滿，特意於收拾上一位客人留下的整杯凍檸茶，故作不小心倒在我們身上。然後一句對不起也沒有說，還在耳語說我們麻煩。再者她一張紙巾也沒有給我們的，還給我們看她一張臭臉，一點悔意也沒有！我衷心希望貴公司能嚴正處理此員工態度問題，以免日後更多客人投訴及不再光顧。

抵食越南菜😝黃大仙好多都係大商場既食店，今日我就想試下唔係商場入面既食店。一入到黎，見到menu推介，當然係想叫d推介食物～最先想叫係咖哩牛腩，不過佢賣晒了>< 我地叫左個海南雞飯，配油飯。第一啖試下個飯，佢唔係好油個種油飯，比較健康。海南雞做得好滑，我本人唔中意好實既海南雞，佢做得滑身得黎又唔太肥膩，不錯。 另外，我地叫左個火車頭，乜都有晒，岩晒我地乜都想試既人。生牛肉，佢做到8成生，岩晒我唔中意太熟，放入湯入面一陣就食得。牛丸，全個麵最好食！有牛肉鮮味。仲有牛拍業，好少地方會有。 出街食飯成日都多菜少肉，所以我地都叫左個清湯蘿蔔，唔錯，又平又健康。 小食方面，我地叫左個軟殼蟹紙米卷，入面有蘿蔔，青瓜同大量菜，又係一個健康之選！減肥都食得！岩晒女仔～ 總結，我覺得呢餐我地叫到成枱都係野，每人都唔洗$100，真係好抵，同埋我地兩個人（一男一女）都好飽，要順帶一提既就係越南野成日都好油好重味，如果想健康d既呢間就係不錯既選擇，佢比其他越南野冇咁咸，同少d油，岩晒我呢d減肥又要出街食野既人～

越南pho係當地明明係平民美食越洋過海咁過到尼當然就身價漲番幾倍係香港想食多數都係食連鎖餐廳價格唔平 冇計 香港地嘛搵到平靚正既唔容易但估唔到咁都比我搵到一間我估應唔算小店 畢竟佢都有幾間分店但至少唔係連鎖同男朋友一齊揀左個套餐share乘惠HK$198非常豐富有前菜 有菜 有雞翼 有主食 有特飲仲要每份份量都唔細 食完超級飽前菜揀左開胃既柚子大蝦沙律蝦既份量超多 估佢唔到咁足料菜就揀左上湯生菜主食同男朋友分別揀左生牛肉河同豬扒湯濛湯底同之前食過連鎖既唔同非常鮮味 帶一啲東南亞香料味 幾清新當然更加唔少得既係牛油雞翼雞翼炸得岩岩好 外脆內juicy牛油既香味超香濃 簡直食唔停口野飲方面除左越式特飲椰汁乜乜乜都有啲養生之選 好似我就揀左薏米水冇落糖 薏米份量多 好健康見人食另外既火車頭套餐都幾吸引下次再幫襯試下先

我和義工拍檔完成在長者中心義工服務後，回家途中都感到肚餓和口渴，路經鳳凰新村環鳳街，看見有一間「越一越南牛肉粉專門店」，很有興趣一嘗越南風味，於是决定入去吃下午茶和歇腳。打開餐牌細看，火車頭湯檬粉就非常吸引我，另一款是頭頓三寶湯檬粉，還添加升級優惠的小食：北寧香茅雞翼和西貢扎肉蒸粉包，特飲是凍薏米水和椰汁三色冰。火車頭湯檬粉有的我喜歡的爽滑牛柏葉，彈牙牛丸、大大件鮮甜白蘿蔔、肉味香濃的牛腩和生牛肉片，料足兼大好份量的爽滑檬粉伴鮮甜湯吃，滋味無窮！朋友的頭頓三寶湯檬粉，北寧香茅雞翼、豬扒和扎肉，非常豐富啊！北寧香茅雞翼，（北寧是越南河內的一個省），脆卜卜的雞翼，入面口香酥且有肉汁，雞翼舖滿炸過的金蒜蓉，味道就更提升了！西貢扎肉蒸粉包，熱騰騰蒸粉包，內涵豐富，吃到木耳、紅蘿蔔、菜圃、沙葛.....扎肉和蒸粉包味道很不錯。我的特飲凍薏米水，從未見嘗過有那麼多薏米的薏米水，薏米水甜度很適合，不是很甜，因為我喜歡吃薏米，所以都吃光了！朋友的椰汁三色冰，紅豆、去邊綠豆和滑嘟嘟的綠色粉條份量也很多，抵飲！原本的豐富下午茶變成我們的晚餐，吃得很飽，也很滿足。

呢間越南餐廳嘅下午茶餐性價比高，同朋友叫咗兩個餐（配飲品加$6），加兩個小食，重點係免加一服務費！最後平均每人都係$70有找！香茅豬頸肉飯（$44），豬頸肉煎到脆香，外脆內嫩，旁邊配送甜豉油作為醬汁，不過豬頸肉本身有調味所以都好夠味，重口味少少可以配甜豉油更加好食！香茅豬扒撈檬（$38），撈檬係越南特色之一，食客自行加入特製的調味汁，調味汁主要以魚露、蒜蓉、辣椒、醋等作為材料，食落酸酸甜甜帶微辣，開胃好食！香茅豬扒煎到脆香，調味都相當恰當，有好香香茅味！配合檬粉一齊食，非常好食！小食嘅價格亦非常之平，十幾廿蚊就有交易，叫左酸辣鳳爪（$22）同扎肉蒸粉包（2件）（$16）。酸辣鳳爪，鳳爪係無骨鳳爪，方便入口，味道酸辣，加入洋蔥、香菜、香芹等香料，增添風味！扎肉蒸粉包，賣相相當吸引，以米粉漿製成外皮，內裏包裹着豬肉、紅蘿蔔、木耳等材料，上面配有塊扎肉，整體配搭好食。最後講一講越南特色飲品：椰汁三色冰，配料有紅豆、綠豆、珍多（綠色粉條，以糯米粉製作並用斑蘭染色），椰汁味道濃郁，非常好飲，十分推薦！