北京樓 (形點 I)

Open Now

Now Closed

因為想食片皮鴨嘅關係，去了北京樓，一到晚上時間就好多人等位。成日經過都因為太多人而放棄。難得今次等到位。本來想叫二人套餐，但係冇片皮鴨，唯有散叫。前菜整得好好食㗎，好惹味。賽螃蟹熱辣辣咁整出嚟，蛋白再加埋蟹肉再落埋少少醋，好滑，好食。半隻片皮鴨，望落去個份量好少。但係佢切到每一件都細細件好平均，亦都會將皮同肉分開，冇咗皮同肉中間的肥膏，食落冇咁油膩。鴨皮亦都好脆。肉好香，包住片皮鴨的皮好薄，好煙韌。就算食咗好多皮落肚，都唔會好濟。依然維持到水準。最後見到有職員同隔離枱講原來enjoy卡仲做緊優惠九折，(只限餸菜)。

話說我真係好鍾意食片皮鴨架，突然心血來潮，好想食片皮鴨，就搵吓附近有咩選擇啦！最後，去咗Yoho北京樓，我第一次去，不過，應該都係最後一次去，我去到坐低，有碟小食，咁我就問吓侍應可唔可以唔要，因為都唔啱食，佢話可以，但係入咗單喇喎，要取消囉！我話咁唔該幫我取消丫，跟住，佢同個經理講，入咗單佢話要取消喎，其實，我根本就冇叫過，好似講到係我入咗單再取消咁。跟住我叫咗半隻北京填鴨、咕嚕肉、小籠包同炸饅頭。北京填鴨嚟到已經唔脆，有點雪藏味，好失望😔，咕嚕肉都係唔脆，較重甜酸味，覺得很口渴，而小籠包同炸饅頭一般，埋單時，同個經理講，隻北京填鴨嚟到已經唔脆，係淋架，你哋要留意一下，仲比埋相佢睇，但佢只回應我，可能今日太多人，就走咗喇！其實我去時係無乜人，所以，我唔會再去食。北京填鴨（半隻）價錢:$180CP值：⭐️咕嚕肉價錢:$128CP值：⭐️小籠包價錢:$66CP值：⭐️炸饅頭價錢:$50CP值：⭐️白飯價錢$15CP值：⭐️茶位（每位）價錢:$14CP值：⭐️

.同媽咪慶祝生日，佢話想食片皮鴨🥢唸起北京樓近近哋之餘，仲有恒生信用卡客户優惠！！超抵啊真係😆 咁啱個指定4人套餐嘅配搭又啱我哋胃口😋.✊🏼要預早book位，平日夜晚都好full booking‼️**through電話book位，只係得6:00 / 8:30 pm揀**.▪️烤北京填鴨(一隻) • 9/10重頭戲😋‼️肥瘦適中嘅鴨件，皮脆肉嫩🥹切得非常薄身，皮肉分離，鴨皮基本上冇任何肥膏～夠脆、夠香口🥹 鴨肉嘅肉質柔軟，充滿鴨香👍🏼配料都係基本嘅青瓜、京蔥、蘿蔔片，仲有砂糖同烤鴨醬～餅皮份量都幾多，每層都有蒸紙隔住🫓皮薄又夠煙韌，拎上手仲熱辣辣添！.▪️兩小碟：芳香素腐方、羶香酒醉雞 • 8/10充滿驚喜嘅素腐方！好多汁、夠入味；反而醉雞嘅肉質夠嫩滑，但就略嫌唔夠入味～.▪️高郵鹹蛋蝦球 • 2/10蝦球好大粒，數量都唔少，不過炸粉太多、太厚☹️.▪️海皇燕窩羹 • 7/10估唔到都幾足料👍🏼👍🏼 真係有大大嚿燕窩！！.▪️茶樹菇蒸魚方 • 7/10茶樹菇味道香濃，同魚塊配搭一齊蒸，味道不錯。魚肉亦都夠滑，夠厚實👍🏼.▪️蟲草花炒小豆苗 • 6/10清清哋都幾健康，不過不失～.▪️灌湯小籠包 • 9/1

好難食•一定唔會再幫襯呢個片皮鴨，完全唔脆，d皮同肉都係韌既！條魚超級酸，廚師係咪唔識調教份量！全晚最難食就係呢碟！啲豬肉一陣臭豬味！味道正常但非常油膩！皮厚，餡無特別！好難得有味道正常既野食成餐飯最好食既，就係呢碟前菜！

每次黎到北京樓都會叫片皮鴨，我地有4個人食，就叫左半隻鴨，每人兩至三塊。餐廳好多人叫鴨，所以每次黎都需要d時間，等左15分鐘左右，但每次都暖暖地，仲係脆。不過，今次食既時候就略嫌皮下脂肪有d多，一咬落去油脂有d多。另外，包住鴨個塊皮唔會太厚，而且韌度都高，整體黎講都係好。

今日一家人都放假 打算去Yoho既北京樓食野 去yoho食野前 通常都會download “The point” 依個app 攞定位 我地提早大概20分鐘攞位 去到餐廳啱啱好下張枱到我地 入到去我地坐左係open kitchen 前面 可以見住d廚師🔪北京填鴨 一路欣賞佢地精湛既刀工 一路嘆住美食🤤 真係一舉兩得 雖然係廚房附近 但都唔會太多油煙 又唔會好嘈👍🏻係我地坐位既右面有d大細不一既燈籠🏮 唔會太浮誇 亦都有點綴既作用 令到餐廳望落唔會太乏味 過左大概一分鐘就有個侍應走黎問我地飲咩茶 亦叫我地可以用QR code下單 但亦都有比左本單點同套餐既menu我地睇 menu 既指示都算清楚 會提示素食既選擇 亦有講明份量第一碟黎既餸就係頭盤茉莉花燻素鵝🦢 依個係一個冷盤 一入口就食到腐皮既豆香味 緊住腐皮包住爽脆既蘿蔔、芹菜同冬菇絲 但整個味道有d過甜 而甜味唔係黎自蔬菜既味道 而係有另加糖調味 而蘿蔔既味道比較特出 其他蔬菜既味道欠奉 亦都冇茉莉花既燻香味 所以唔太推薦叫依個👎🏻緊住黎既就係莧菜黃花魚羹🍲 一見到個羹都已經覺得好吸引 因為佢望落好足料 有好多魚粒 亦有不少莧菜 本身

北京樓食物質素從不會令人失望😋服務也保持一定水準，雖然跟大多食肆一樣，食客要掃QR Code自行落單，樓面人手自然地減少，但有任何問題，侍應還是會盡快盡力幫客人處理👍今天早餐來不及吃，11：30空著肚子來光顧，拿起菜單流著口水全部想吃🤣結果兩個飢腸轆轆人仕，叫了不少餸菜再加支紅酒👇椒鹽魷魚酥～這個粉醬雖然厚了些，但魷魚繼續香濃，仍然有嚼勁我干扁四季豆～這菜式最重要炒得乾身，這是合格的蟹粉上素～噢！滿滿香濃蟹粉😍跟菇類上素是絕配蟹粉帶子～蟹粉+帶子絕對出色😋配菜是可減膩滯的紅、黃椒和翠玉瓜原條乾炸小黃魚兩條～是我吃過，最美味的炸黃花魚😋魚皮炸得脆口，但肉質仍然嫩口不帶腥👍鹹味又剛剛好韮菜蛋煎餅兩件～這是我最愛的京菜，嘩！像是兩大個炸韮菜蛋餃切開了...韮菜香濃加微微鹹香炒蛋，連炸得脆口餅皮一起吃，令異常滿足填鴨半只～招牌菜當然好吃😋不用多說吧！用來包裹的餅皮非常薄片，不會影響了肉香和咬口👍

朋友生日想食片皮鴨，就腳去yoho食，叫左個6人餐，有片皮鴨， 鹹蛋蝦球，前菜4小碟，同魚肚湯羹，前菜同湯不過不失係個素卷好甜，再叫左個肉醉麼麼包，呢個真係好差，份量小又唔好食。主菜片皮鴨，未去到好差，但佢個價錢偏貴，隻鴨無味又so 。甜品竟然係卑鄙月餅，埋單果時發現佢收多左份包錢20，同佢講，佢話補一碗楊枝甘露成36蚊比我，我地話好飽外賣喇，佢話份量好少叫我哋一人一口食左佢，疫情下叫我地4個大漢互損🤢最後都比左個外賣碗，返到屋企發現，勁酸，一粒芒果都無，又勁細碗。

心血來潮想食填鴨😋，就去左北京樓食，兩個人叫左半隻填鴨😉，填鴨皮烤得油香滿滿，鴨肉也不嚡，可惜餅皮唔夠熱😕，差少少…… 如果配料不用蘿蔔用哈蜜瓜更好😏，食左幾件就覺得膩🤣，飽足！

我地下午5:30 到北京樓諗住想食片皮鴨，去到原來6:00pm 先開始入坐，仲要已經好多人book 左枱，好彩當時我地排第3組客人所以都可以入到去食，見到第6枱客已經要等下轉😑，入坐之後立即叫個匯豐卡6折四人餐，上菜好快，杯茶（叫左菊花）勁好飲，片皮鴨完全唔肥，糟香酒醉雞好入味，體都好好味，只係有一樣高郵鹹蛋蝦球差少少，最後我地4個人都食唔晒，要打包食嗰時都見到好多人等位，所以建議去食之前訂咗位先，如果唔係要等好耐

北京樓最近做緊匯豐信用卡四人套餐優惠，今日過嚟試下。呢間分店只俾我地book 6pm呢個時段 （其他時段要walkin)，限時入座起計90分鐘要交枱。建議要book定枱，都幾爆，就算平日星期二都要等位。佢個四人晚市套餐$968包以下9樣菜式，做緊原價六折。以下會點評一下： 🔶️茉莉茶燻素鵝 (9.5/10)好鍾意呢味餸，食落甜甜地。外皮煙煙靭靭，入面素鵝有咬口。味道驚喜，口感都十分好。🔶️醩香酒醉雞 (8/10)有酒味，雞皮都脆。 但雞肉唔算特別滑，一般醉雞感覺。🔶️高郵鹹蛋蝦球（9.5/10)高郵鹹蛋十分香口， 蝦球好大粒，蝦質脆口多肉，外層的鹹蛋好惹味！中意！🔶️海皇燕窩羹(7/10)個羹冇咩味，最強係胡椒味。但都食到蝦同燕窩，口感唔錯。🔶️烤北京填鴨一隻 (8.5/10）4個人食一隻片皮鴨，好飽好滿足！ 鴨片都香脆，不過肥左一啲。皮是足夠的，但配菜可以再多點！🔶️松子菊花魚球(9/10)外貌好吸睛。米通上有大大舊菊花魚球。米通趁熱食夠脆，酸甜汁ok，魚球炸得有少少乾過龍。🔶️蟲草花炒小豆苗 (9/10)清新既小豆苗，爽口唔老，十分新鮮，中和片皮鴨既油腻感。🔶️美心迷你冰皮月餅(2/10)好冇誠意

好耐無到北京樓進餐，今天約了一 老一嫩去Yoho Mall 看英文版的電影，是應小朋友的要求啊！1時多的埸次，所以要先吃個早餐才看電影。北京樓11:30才開始營業，所以唔使排隊便可以入內進餐。點了幾款點心，「蝦餃」一客有四隻，蝦肉爽口彈牙，真材實料味道不錯，餃皮不會太厚，晶凝通透。「叉燒酥」剛剛做起，熱辣辣，而且餡料豐富醬汁滋味，小朋友邊吃邊叫好味。「鮑汁鳳爪」鳳爪是小巧型的，非常入味而且稔得來還帶脆，好味。「小籠包」充滿肉汁，而且肉味鮮美，放入口中感受到這個點心的滋味。「豉油王炒腸粉」顏色偏向橙橙地，味道比較淡。

今日四個人嚟到提早慶祝父親節🥸所以想食好啲😄北京雞絲粉皮🐣粉皮滑嘟嘟😚配埋幼滑麻醬好食北京醬蹄片🐷薄切蹄片均勻沾上醬汁🤤入口口感層次豐富北京宮爆蝦球🦐蝦肉非常爽口彈牙，每隻蝦都大大粒👍🏻醬汁係甜甜地砂鍋花膠津白湯🍲足料滋補湯水🤤食到花膠、螺片、鮑魚、茶樹菇烤北京田鴨🦆一睇主角個樣就知外皮非常薄脆🤤咬落口感竟然有啲似豬油渣果隻脆😂鴨肉尚算多汁淮揚乾炸小黃魚🐟一人一條唔洗爭🤤咬落小黃魚真係一啲油膩感都冇👍🏻脆卜卜，肉又嫩又甜香芒楊枝甘露🥭最後就係需要甜品埋尾☺️好飲總括而言，呢個餐四個人係夠食👍🏻上菜都快，職員勤力收碟，有求必應👍🏻但要等個幾鐘先有得食🥲仲要冇任何折扣優惠，加兩碗白飯埋單近$1900💸都係平日黎食著數啲🤭🐣

📍 北京樓北京樓已經好耐冇食過啦，近期見到yuu出咗套餐七折優惠，即刻衝左去試下估唔到套餐加一後$500都唔使🤣仲要食完鬼死咁飽🥰🔸yuu二人套餐 $338 +1-酒糟醉雞呢個醉雞雖然細細份但係勁好味，酒釀雞，除咗雞肉嫩滑之外仲要勁入味👍🏻，唔會好多骨。-干燒蝦球玉帶蕃茄汁煮帶子及蝦仁🍤，蕃茄汁上面帶點小辣椒🌶️，甜酸辣三種味道集於一身，蝦仁較為彈牙而且都唔會話好細隻😍-濃湯海皇燴彷翅呢個彷翅有少少雞肉同埋粉絲，加咗少許胡椒粉之後更好味😋超正呀呢碗野想再食多碗🤣-烤北京填鴨（半隻）呢個片皮鴨就更加唔使講啦，切得好薄身，係皮肉分離嘅片皮鴨😍皮上有少許肥膏，但仍然脆口。-蟲草花小豆苗豆苗就冇咁好食，因為覺得有啲硬。-桂花酒釀小丸子我自己淨係食哂啲小丸子，全部都係芝麻餡細細粒一碗大概有六至到七粒仔😋評分時間❣️ (最多五顆星，如不推薦會打交叉）食物質素⭐️⭐️⭐️⭐️環境質素⭐️⭐️⭐️服務質素⭐️⭐️⭐️價錢💸:埋單$423.9餐廳資料📋: 北京樓 (形點)🕌地址: 元朗元龍街9號形點1期2樓2061-2062號舖 想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟

話說好耐冇食北京樓，一個月到啦一向水準都唔錯所以今晚決定又叫外賣叫咗一份萵筍炒牛肉、一份鮮魚羹魚羹同清炒萵筍絲就一向都好食架吃，今次試下配埋牛肉鮮魚羹：比較稀，冇之前食開咁好味，過得去啦萵筍炒牛肉：嘩嘩嘩！吊起佢滷味，難食到嚇親人！！！勁重手嘅梳打粉？連個汁都一陣味，咁嘅出品你賣108？自取86折就96蚊到啦，真係衰過茶記出品，人哋都叫有鑊氣，你就真係令人好生氣😤到底係咪因為外賣，所以可以亂黎？搏我哋唔會返轉頭換？ 冇錯，係返轉頭都費事喇，如果有負責人睇到，麻煩跟跟啲質素丫，麻煩晒