PAUSE IT

Open Now

Now Closed

元朗有好多個商場，今日朋友帶我去咗元點即係Yoho Mix, 一間Pause it coffee shop 食返個靚靚下午茶，傾下偈。手打美國安格斯牛肉漢堡配薯條牛肉漢堡有兩三cm厚，連埋洋蔥粒一齊打，保持牛肉鮮嫩多汁，漢堡包上下都有烘過，就算中間夾咗好多材料，都一體成形。薯條炸得好香脆，上面哂咗啲味粉，咸道適中。All day breakfast ，炒滑蛋，沙律菜，茄汁豆煙肉，香草腸，牛油炒雜菇，厚切焗蕃茄，烘過嘅麥包。沙律菜配上柚子汁，酸酸甜甜，零舍開胃。用咗肉茄來焗長，蕃茄非常juicy。有唔同嘅菇一齊炒香，可以配埋煙肉一齊食，咁煙肉，就冇齋食咁鹹啦。不過我又鍾意煙肉配茄汁豆一齊食，別有一番風味。滑蛋一半就咁食，香滑無比，另一半夾埋麵包一齊食，味道又係提高去另外一個層次。黑芝麻拿鐵，店員送上嚟嘅時候，一啲都冇燙瀉，好佩服佢。仔細咁望個拉花，原來係一隻獨角獸，真心拉得好靚。夏日炎炎，真係好需要停一停，食過靚靚下午茶，飲杯靚靚嘅咖啡，舒緩一下。兩個人加埋320蚊左右，渡過一個悠閒下午，也是不錯。滿分為10分（一分最低，10分最高）食物：9環境：9衛生：9服務：9價錢：9舒適度：9總分

Good 元朗西餐廳好正啊，佢哋嘅意大利飯真係好好食呀，仲有話佢哋嘅小菜就係薄餅啊好好食㗎煙煙韌韌一人兩件其實已經好夠食㗎啦，佢哋嘅薄餅真係出邊都搵唔到㗎，我都覺得唔錯嘅推薦佢哋嘅意大利飯好大碟啊，好足料好正呀仲要係唔會太肥膩，如果可以再食嘅話就好唔錯啦佢哋有幾間嘅分店㗎真係好錯好鍾意食呀如果有興趣你哋都可以嚟元朗食呢間高級西餐廳仲有湯飲添佢哋嘅湯唔會係隨便整嘅全部都係有心思㗎佢哋嘅咖啡又係絕對係大家嘅必選

眼前的全日早餐，是視覺的盛宴。金黃的炒蛋流淌著柔潤的光澤，邊緣微焦的香腸散發誘人肉香，翠綠的沙拉葉上點綴著飽滿的櫻桃番茄，厚切多士烤得恰到好處，焦脆的表皮下是綿軟的內芯。叉尖輕觸水波蛋，濃郁的蛋黃如熔金瀉下，瞬間裹住香腸與麵包——那豐盈的滿足感，正是週末早晨最完美的開場。酥脆的薯條是另一種驚喜。熱騰騰的粗薯條被慷慨地淋上翠綠鮮亮的牛油果醬，醬汁的清新恰好平衡了油炸的香氣，每一口都踏實地落在鹹香與清爽的交界點上。最後以一杯溫熱的朱古力燕麥奶收尾。可可的醇厚與燕麥的穀物香溫柔交融，細膩的泡沫在唇齒間輕盈化開，甜度含蓄，暖意卻直抵心底。這方小天地，沒有喧囂與匆忙。當陽光斜斜地落在桌角，盤中食物散發著樸實的溫度，你將明白：讓都市人放慢腳步、以美味喚醒感官的晨光儀式，在這裡，值得專程拜訪。味蕾的甦醒，有時就是一頓豐盛早餐的距離。

又黎到Yoho mix 搵食今次揀左間白色木系裝修為主既Pause It我地食夜晚，有二人set 同單人 Set 選擇點左一個單人Set 再加一個主菜💛南瓜濃湯香甜順滑，南瓜味濃仲加埋南瓜籽增添口感💛沙律沙律菜都幾清新爽脆配搭芝麻醬💛紅酒燴牛尾意大利飯牛尾切得較碎食落超軟嫩，醬汁濃郁飯粒硬身，吸收晒精華，好入味！ 💛麻辣蜆肉炒意大利粉麻辣味好過癮蜆肉厚肉鮮甜意粉亦炒得夠乾身💛伯爵茶朱古力茶香同朱古力好夾甜度剛好，拉花都好靚

🍴全日早餐份量十足，有香腸、煙肉、雜菌、蕃茄、沙律、茄汁豆、炒蛋，☺️最中意香腸同煙肉煎到微微焦脆，加$15 轉牛角包，酥鬆鹹香，絕對係早午餐愛好者嘅福音喔！😁🍴菠菜班尼迪克蛋荷蘭醬表面微微炙燒，帶出焦香味道，輕輕劃開蛋黃，流心傾瀉而下，😙與嫩菠菜、酸種麵包形成絕妙的口感層次☕️卡布奇諾泡沫綿密，拉花圖案非常精緻喔！✌🏻☕️焙茶拿鐵濃郁焙茶香氣與奶香交織，😊入口略帶甘甜PAUSE IT📍元朗朗樂路1號元點L1樓B120號舖

今日約咗閨密行街食飯由於大家都係元朗友嘅關係，近近地就喺YOHO Mix食啦！見到呢間Cafe好似係新開嘅，未食過就當係新😆門面裝修感覺有點小清新，整潔乾淨、有空間感、光線又幾柔和好適合傾偈，就入去試一試啦！食物方面，我哋叫咗個二人餐先唔講個二人餐！佢哋個師傅拉花真係好靚👍🏼真心讚👍🏼👍🏼👍🏼我同阿閨密分別每人都叫咗杯拉花嘅咖啡我呢杯就係Cappuccino係狼嚟嘅，而我閨密嗰杯呢就係Mocha係獨角獸！二人套餐包兩個是日餐湯、兩份蒜蓉牛油焗扇貝、兩份主菜、美式咖啡兩杯我哋主菜就叫咗1️⃣明太子櫻花蝦扁意粉，不錯😋👍🏼2️⃣麻辣蜆肉炒意大利粉，超正🤩👍🏼好薏味，是屬於微辣，唔食開辣嘢嘅都食到，而我呢啲食開辣嘢嘅要加辣椒仔😋

忙裏偷閑好去處🕺🏾 PAUSE IT 元朗今晚收工約左朋友來Pause It 聚聚店內主打拉花飲品👍🏻叫左黑芝麻Latte☕️拉花圖案係鷹🦅賣相精緻✨芝麻味濃郁朋友叫左凍Mocha🍫朱古力味出🍴慢煮雞胸香草麵包三文治配薯條即炸薯條夠香口🍟雞胸紮實配上沙律菜、香草麵包口感豐富！🍴 溫泉蛋卡邦尼意大利粉配上咸香煙肉同流心溫泉蛋～意粉掛汁味濃店內白色為主調的簡約設計環境好舒服更有拉花咖啡飲☕️PAUSE IT (元朗)元朗朗樂路1號元點L1樓B120號舖

和朋友去嘆靚早餐，找到位於Yoho mix純白色佈置的Cafe，享受舒適的早餐時間😎🔸All Day Breakfast 全日都可以品嘗嘅all day breakfast ，豐富嘅食材包括煎香腸、煙肉、炒雜菌、烤蕃茄、柚子汁沙律菜、焗豆和香滑炒蛋，配上香脆內軟嘅吐司，食完真係好滿足😌🔸煙三文魚班尼迪克蛋🍳Benedict 的流心蛋黃，蛋汁滲落吐司，配搭煙三文魚的鹹味與荷蘭醬，十分惹味；還有少量沙律菜，食完會encore 之選😍伯爵茶鮮奶咖啡☕️鮮奶咖啡的濃郁口感和伯爵茶的香氣互相結合香橙朱古力咖啡🍊橙嘅香氣與朱古力咖啡混合，一杯飲到唔同層次嘅味道，再加上靚靚拉花，頗有驚喜😇

❝𝐘𝐮𝐞𝐧 𝐋𝐨𝐧𝐠❞ | 【元朗．西餐】— Pause it 💬元朗必試咖啡，精緻拉花，晚餐分量勁足料！————————————————元朗新場Yoho!mix進駐咗唔少新餐廳！咁多間入面，Pause It 絕對係一個正選擇 😎Menu有齊全日早餐☀️、精品咖啡☕、輕食三文治，晚市仲有超抵食嘅1人/2人套餐－－－－－－－－🍳／all day breakfast — 全日提供，份量仲要勁足料！有烤蕃茄、茄汁豆、香腸、炒蛋、 炒蘑菇、薯餅、多士同沙律菜炒蛋滑溜、炒蘑菇香噴噴，薯餅同多士脆口最鍾意嘅食材都喺晒一碟，大滿足！🍽️ ／1人套餐 (湯+主菜+飲品) —是日餐湯係蘑菇湯，飲到粒粒蘑菇🍄，菇味超濃郁！主菜揀咗香煎安格斯西冷牛扒配薯菜，牛扒煎得啱啱好🔥，肉汁鎖住晒，咬落去 超Juicy 🤤，牛味勁香濃飲品可以補差價轉特式咖啡，叫咗杯Mocha，最驚喜係上面嘅拉花——手工超細緻，竟然係我至愛嘅牢騷熊😍🐻❤️！影相打卡一流呀～🦑 ／炸魷魚配他他醬 — 跟餐叫嘅小食，同樣都係分量好多，即叫即炸熱辣辣🔥，魷魚鮮味十足，炸粉超薄身，咬落去脆口，完全唔會乾爭爭！點埋他他醬，酸酸甜甜好開胃———————

平日7點去了元朗元點的Pause It吃晚餐，餐廳裝修以白色為主，簡潔帶點格調，座位寬敞舒適；餐廳提供西式輕食和咖啡，選擇豐富，包括意粉、意大利飯、扒類和小食等。除了有經典的 Latte 外，亦有特製的口味，例如紫薯咖啡、香橙朱古力咖啡等。.▫️沙律面頭淋上芝麻醬，沙律菜幾新鮮.▫️蘑菇湯蘑菇味道挺香濃.▫️咖啡烤安格斯封門柳配阿根廷青醬 +$60我們點了5成熟，表層帶焦香，內裏肉質呈粉嫩色，肉汁豐富但油脂較少，食落肉味香濃！而且餐廳用咖啡烤過，所以會帶點微苦的咖啡味，挺特別。而面頭的青醬和牛扒味道同樣配合，幾好食！.▫️紅酒燴牛尾意大利飯牛尾粒肉質軟嫩，飯粒吸收了牛尾和紅酒汁的精華，口感滑順。.▫️Americano 咖啡味道香醇.▫️香橙朱古力咖啡咖啡面頭的拉花非常可愛！香橙味道濃厚，同時不失朱古力味！.💰Set For One $118（Total $356).如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b

以前返工成日食旺角Pause it，係我好鍾意嘅Cafe☺️元朗都開咗，裝修非常之有現代感，佢哋嘅食物不論份量同埋味道都高質素，所以食完絕對會encore！值得一提，咖啡拉花好高技巧好靚！咖啡烤安格斯封門柳配 阿根廷青醬封門柳肉香肉而且嫩，呢個部位肉質唔肥主要食佢嘅肉香。揀咗五成熟仲係粉紅色，咬落去一啲都唔韌，配上青醬令味道更香濃水牛城單骨雞翼份量好多有8件，雞翼炸到香脆然後再蘸上甜甜辣辣嘅水牛城醬汁yumm黑芝麻拿鐵已經晚上唔飲咖啡，選擇咗黑芝麻☺️芝麻真係好香，但係又唔會太甜，完全與牛奶混合。拉花係高難度嘅可愛小狗🐶🟣打卡真係好正！

好友約我去位於元朗朗樂路1號元點L1樓B120號舖的<Pause It>食午餐，環境舒適，裝修富有文青風雅。我哋點咗2個午市套餐：🍴沙律（跟餐）沙律菜新鮮可口。🍴紅酒燴牛尾意大利飯 $128牛尾肉牛味香濃，肉質軟腍入味，送飯一流。🍴孜然烤豬仔脾配牛油甜薯 $158三件豬仔髀烤得外脆肉嫩，好好味。🍴黑芝麻拿鐵 $8（跟餐）芝麻味香濃，拉花靚靚。🍴美式咖啡（跟餐）咖啡味濃，好飲。🍴丹麥酥（大眾點評）：餐廳推廣行動，大家去大眾點評收藏+即日寫評價，即送丹麥蘇一件，我揀咗吉士味，唔錯。

放假玩夠梗係坐間舒服餐廳食野啦🤭環境舒服光猛💡拉花飲品必叫🍵💛咖啡烤安格斯封門柳配阿根廷青醬，封門柳外層煎至焦香🔥肉質保持鮮嫩👍🏻牛肉味濃～有咬口阿根廷青醬☘️清新酸香味～跟濃味牛肉配搭唔錯💛溫泉蛋卡邦尼意大利粉意大利粉煮既時間剛好👍🏻濃郁芝士醬汁足夠掛滿麵粉🧀

我係Pause It多年嘅粉絲😋😋😋見到元朗都有分店，梗係即時要去啦！餐廳設計依舊以簡潔、休閒輕鬆設計為主，有陽光滲入，令餐廳感覺好明亮，好適合中午嚟cafe悠閒坐下，同朋友傾下計！▫️菠菜雜菌班尼迪克蛋每次都必食嘅Benedict 😋😋😋 有三款配料可以簡，有波菜、煙肉或煙三文魚！今次簡咗菠菜雜菌，配上獨有醬汁，好滋味。流心嘅水波蛋蛋香超濃郁，一切開就會流出蛋漿，蛋漿滲入菠菜雜菌，再配上已煎香嘅酸種麵包，味道超夾，口感豐富有層次。不得不提嘅係，麵包面上仲有荷蘭醬，令成個Benedict味道更有層次，更滋味，超級好食！▫️All day Breakfast呢款全日早餐好足料，有香腸、煙肉、蘑菇、蕃茄、茄汁豆、炒蛋、酸種麵包😍😍😍好啱咩都想食嘅我，將唔同嘅食材配搭落酸種麵包度食，各有唔同嘅味道，推薦大家都可以試吓！▫️Flat White 奶味同咖啡嘅比例好均勻，咖啡味道香濃，又帶點牛奶嘅香滑，好不錯🥰重點係有拉花，咖啡師拉咗獨角獸🥰好靚啊！好適合拎嚟打卡！▫️冷泡白蘭花茉莉綠茶白蘭花茉莉配上綠茶，茶味淡而香，飲落好清新清香，好解油膩感，好飲喔。

香港有不少的西餐廳，其中既有時尚優雅的環境，又能做出美味的西式料理的餐廳真的不多。Pause It是其中之佼佼者，值得推薦一下。我們叫了以下的品嘗：1)南瓜湯：濃濃的南瓜味、內有瓜仔仁。2）黑松露薯條：很大碟、上面淋了芝士及黑松露醬。薯條不是油炸製作，所以不油膩，又香又好吃。3）安格斯西冷牛扒：大大塊、用鹽醃制過，做成全熟的牛肉還很嫩、牛肉味濃、不用點醬也是好吃。4）飲品：抹茶拉鐵的拉花好漂亮、喝入口感受到濃濃的的抹茶味，奶也香滑。美式咖啡：一喝就知曉是優質咖啡豆粉衝出來的，聞到香濃、喝起來不苦也不酸。