Pasta Zone (Closed)

-{觀塘工廈手工意粉🍝}香港整手工意粉嘅店唔多 今次試左一間駱駝漆嘅手工意粉店食午餐🤤🤤餐包🤤每人會有兩塊餐包松露味好濃 烘到似多士咁脆😆👖褲評: 7.5/10🤤手工大方形露牛肝菌芝士餡配芝士黑松露忌廉汁🤤 ($75）有6嚿 個皮好煙韌但偏厚 個餡係牛肝菌芝士醬勁creamy 個汁勁好味有啲磨菇粒做陪襯又唔膩☺️不過6件有啲唔夠喉😂👖褲評: 8.3/10🤤芝士肉醬千層麵🤤 ($75)熱溶芝士拉絲又夠香 茄汁夠所以意粉都唔會乾👻份量都比雲吞多😌👖褲評: 8/10🤤Tiramisu🤤 ($38)手指餅浸得唔夠酒香味 咖啡粉係有但整體都好普通👀👖褲評: 5/10值得一提係個老細會即場刨芝士😍😍價錢好親民不過環境一定冇其他手工意粉嘅西餐廳咁靚 不過好有小店feel~性價比: 8.8/10服務: 8/10環境: 7/10🚩Pasta Zone🚩地址: 觀塘開源道60號駱駝漆大廈3期1樓J室 #fuudjai #fuudjai西餐 #fuudjai觀塘…Read More

呢日同朋友特登黎食，因為好少有手工意粉加上呢個咁親民嘅價錢。呢日我地冇訂枱，12點左右到，點知原來好多枱已經book 咗，我哋要等有冇吉枱，好彩最後有張枱比我地🍝義大利手工寛條麵配白汁三文魚👉🏻d三文魚都好大塊！d汁又creamy！三文魚同白汁真係好match！職員送兩碟意粉黎個時問我地要唔要芝士，原來係即刻磨芝士粉落意粉度，好正👍🏻🍝義大利手工貓耳朵辣腸👉🏻好少見到有貓耳朵既手工意粉，都幾特別，所以叫咗呢個。個汁少少辣，好creamy，好掛汁。意粉好彈牙，好好味😋呢個意粉配搭好夾，又好足料🥤Lemonade 👉🏻杯lemonade 真係我飲過嘅最好味！唔會好酸，亦唔會好甜，唔似d人工味道咁好假！🍰Tiramisu👉🏻我哋叫野食個時叫埋，食完先送上黎，因為太受歡迎，驚會冇晒，點知真係我地之後聽到隔離枱叫個時已經冇哂！個tiramisu 真係超好味！佢好smooth 同creamy，但係一d都唔膩，亦唔會好甜！超好味👍🏻👍🏻👍🏻…Read More

Lunch我又出動啦，周圍拉朋友去唔同餐廳。大雨都無阻我地黎到呢邊食，行上一層快好多，唔駛等𨋢已經差好遠。傳統及簡易材料為主，裝修亦係非常簡單，材料質素意外地有質素。檸檬汁係好特別，飲一啖有即刻開胃。餐前亦每人有兩塊餐包。小雲吞帕爾馬火腿餡配雞湯，75元。同事話湯頭唔錯，食落咸度剛好。上面係寬條麵配三文魚，68元，同事話啱口味，而且好足料。下面係手工貓耳朵配辣腸，68元，非常啱我，辣腸係夠辣，汁都有掛到，又唔會過多，而且係夠份量。店員好細心問我哋要唔要加芝士，係即場磨芝士碎，超驚喜！呢個價錢已經係唔錯，服務又好，值得再黎。…Read More

駱駝漆三期🇮🇹意大利餐廳「 Pasta Zone 」幫襯過好幾次✨ 無華麗裝潢 ♥️ 但真喺唔錯️ ～🍝 意粉嚟到叔叔會問「 要唔要加芝士？ 」「 要 」就會直接拎住舊芝士即場喺上面 刨 刨 刨 刨 刨 ✨✨✨🌞 意大利手工大方形雲吞牛肝菌芝士餡 $75- 配黑松露蘑菇汁· · · 共有🖐🏻 大粒· · · 醬汁顔色睇落極不討好，無任何修飾，但真材實料嘅醬汁濃味到呀！💖 根本唔會令我介意外表平平無奇 · · · 意粉皮滑捋捋、彈牙、有咬口😋· · · 雖然餡料已打爛到淋擗擗，但仲食到絲絲牛肝菌🤤🤤⁡🌞 蒜蓉多士黑椒· · · 好搞笑地好似兩粒腎臟size🤣· · · 都幾好食 😋 香脆香脆，表面除咗蒜蓉粒，塗上牛油，仲撒上黑椒粗顆粒 ⁡🌞 檸檬汁· · · 表面仍飄浮🍋檸檬肉，啖啖清新！陣陣青檸味😌 少少甜🤏🏻· · · 食到3.5舊雲吞開始覺得膩膩地嘅時候，飲啖檸檬汁的確可以解到膩😚，感覺舒服得多。難怪！🤭2點幾就已經賣曬 (✌🏻Lucky Me！)…Read More

我們於18/6（五）約下午一時四十五分到達餐廳，餐廳不是十分多人，有一個待應，讓我們在外先等候，讓他先消毒，蠻衛生的。我們叫了2個餐：意大利手工寬條麵配白汁三文魚及意大利手工方型芝士牛肝菌配牛油，皆有飲品：凍綠茶。❶意大利手工寬條麵配白汁三文魚（$68）：有很多白汁，三文魚也頗大片的，手工寬條麵軟硬度適中。❷意大利手工方型芝士牛肝菌餃配牛油（$75）：意大利餃子比以往吃的大，餡料蠻多，非常不錯👍🏻❸還附4小塊蒜茸片🥰總括來說，食物貨素不錯，而且簡單好吃，沒有味精💗…Read More

今日放假去換個新look之前當然食過快、靚、正lunch。Openrice 上揾到間在駱駝漆大廈內有間評語不錯的手工意大利麵店 Pasta Zone。坐落於平民區的觀塘駱駝漆大廈內，加上店內裝潢非常簡單，筆者以為 Pasta Zone 是本地人經營的手工意粉店。門口的易拉加卻有意大利人作招徠，上綱一查才發現 Pasta Zone 掌廚的Lucas 來自意大利北部，因為香港傳統手工意大利菜大多是貴價貨，所以老闆將最貼地又地度的意大利麵以親民價帶進觀塘。Pasta Zone 主打手工意大利麵和意式雲吞，由意大利老闆掌廚，除了常見的意大利麵外，更有少見的 Gnocchi 薯糰粒、貓耳朵粉、扭紋粉等款式。大部份價格分為 $68 及 $75，而且已經包括蒜蓉麵包及飲品，更加沒有加一！坊間一間普通餐廳的意大利麵最少過百元，這裡價格真親民。除以上$68 及 $75 的意粉之外，仲有 handmade pizza。不過來 Pasta Zone，當然要 order Pasta！蒜蓉包有兩片，切得比較薄，而且只是微暖又烘得不夠香脆。【手工大方形牛肝菌芝士餡配黑松露磨菇汁 $75】店員用芝士磚在客人面前即時刨，good！雲吞（Ravioloni）做得工整，皮薄兼煙韌彈牙。牛肝菌菇香突出，配搭的黑松露磨菇汁非常夾。煮麵條的時間亦夠精準，食到真正的Al dente。牛肝菌芝士餡配黑松露磨菇汁多吃會膩，所以這個 Pasta 有六只雲吞其實已經好滿足。汽水是原罐呢！$75 可以食到手工意粉，不介意環境及服務的話，絕對性價比高呢~…Read More

喺附近工作，見食評唔差去試下食lunch. 第一次叫咗意大利雲吞，淡而無味，皮質地有啲奇怪，同事點嘅fettucine同Lasagne亦相當麻麻，並不美味。過咗一段時間冇去，今日再去試多次，spaghetti carbonara 差到極點，意粉亳無彈性，完全冇煙肉、蛋同芝士嘅香味，水汪汪；最重要係叫得Pasta Zone, 主打嘅pasta係咪應該做得好啲呢？呢個價位我並不期望一級意大利餐廳水準，只係要求合格嘅性價比……結果係硬死死，冇彈性，莫講al dente…仲差過自己煮，超級市場某啲意大利牌子嘅pasta都好食過佢. 以後一定唔會再去…Read More

論裝修，實在唔吸引.駱駝漆平均年齡偏低，無論光顧還是店員一般都較年輕.加上近年駱駝漆甚至觀塘整個工業區多咗唔少小店食肆，不過質素不及早期開的考究或有自己特式，開完無耐就執，對於一間裝修近乎快餐店，menu幾乎淨係得pasta ，門口收銀站着一位銀髮族叔叔而且見唔到另一位waiter嚟講，要我調配星期六lunchtime我胃部寶貴嘅空間去盛載呢間小店出品嘅食物，實在好大猶豫. 一個伏字輕輕咁喺腦海漂蕩.... 自我心理調整之後勇闖，果然，檯櫈餐具餐牌都叫我唔好抱太大期望。而且原來叔叔一打七，負責晒帶位，落單，上菜，收銀，執檯，雜項..... 朋友未到，不過太肚餓，先叫住 ham & 蜜瓜 同埋檸檬汁消住暑先，諗住陣間啲pasta唔啱食都有啲嘢打下底. ham & 蜜瓜好似係 $48, 諗住幾舊仔食住先啫. 嘩！原來3大"kai" 蜜瓜，ham都算大片喎，唔係死鹹嗰款，so far so good. 天氣熱，行上嚟已經好口渴，望住張單寫檸檬汁心諗幾時嚟，不過叔叔一把年紀一打七而且其他人啲食物都未上又唔好意追住. 望真啲張單打咗檸檬汁括弧"走冰", 我心諗我好口渴，今日唔洗走冰，點解幫我落單走冰嘅....原來檸檬汁default走冰，走冰得嚟係夠凍，而且唔係好酸喎！ 咁神奇嘅，好香檸檬味，啲顏色又睇得出用唔少檸檬，又唔係刻意落勁多糖去掩蓋酸味，但係又唔會酸到痺，好解渴啊！我哋叫咗松露唔知乜乜雲吞，同埋有辣肉腸嘅貓耳朵.好好味！ 尤其係個雲吞，唔係用好artificial松露味再加生粉打獻結韃韃嗰種，係用真材實料煮到好creamy好香，唔會好鹹. 而啲雲吞皮，簡直一流 自家製嘅，彈牙嘅. 好多高級餐廳都做唔到呢個質素呀！ 真係香港數一數二好食嘅pasta呢! 貓耳朵都係al dente, 好好嘅口感，每隻耳朵載住啲汁有好濃好濃嘅番茄乾味！ 啲辣肉腸好好趙，肉香味食得出唔係普通嘢啊！ 講返位叔叔. 由落單，上菜問我哋需唔需要加芝士 (每碟pasta上檯之後即時刨芝士), 雖然說話唔多，全部對答& body language 溫文殷切. 好多高級餐廳今時今日嘅招呼仲保持到斯文有禮，不過有好多waiter你會feel到太刻意或少少虛偽. 呢位相信係老板嘅叔叔，啲涵養同沉穩係好似雲吞啲陷料喺兩塊皮中間唧出嚟咁，真材實料無花無假. 相信佢係有文化修養，背後有啲故事嘅人. 佢最後晏咗無咁忙，留意到我自己喺手袋潛出一包tempo, 佢突然驚覺自己無為每張檯補給紙巾， 即刻插返晒落附近幾檯嘅紙巾盒，恍惚懊惱自己疏忽無盡責招呼好客人. 喺一打七嘅環境，仲留意到客人咁細微嘅需要，即時作出修正，呢位暖男，相信當年確實迷倒不少女性. 廚房入面嗰兩位年紀相約嘅女士，唔知其中一位係咪佢嘅老婆呢.....sorry, 以上所有食物都唔記得影相......以呢啲質素，食物underpriced. …Read More

喺觀塘工廈入面嘅呢間意大利餐廳， 佢可以做到接近傳統意大利風味， 有好高性價比。佢個carbonara唔係普通出面用嘅白汁而係真係用咗蛋汁。佢個提魚貓耳朵粉亦都好好食， 鯷魚味好濃。兩個意粉都好彈牙時間控制得幾好。白酒煮青口味道好濃沃好入味。佢嗰個檸檬汁都好好味少少酸好有檸檬味。佢嘅tiramisu亦都好接近正宗，去入面係用手指餅做。總體嚟講都係一間好好嘅餐廳，抵食同好味。兩個人總共食咗250元。下次絕對會再返嚟。…Read More

🥢手工意粉🥢.呢度主打手工意粉, 每碟份量睇落唔係好多, 但雲吞皮好煙韌又薄薄哋同好掛汁, 同個好creamy嘅黑松露忌廉汁好夾, 每啖都好滿足🙃 .每份pasta跟一杯嘢飲同一份蒜蓉包, pasta到咗之後仲會有staff問你夠唔夠芝士, 唔夠嘅話仲會即刻刨俾你, 夠哂地道😌.#意大利手工菠菜芝士雲吞配黑松露忌廉汁 ($75)…Read More

今日出城記黎到觀塘當然要試下R小編同A先生都未食過既手工意粉🍝 👉🏻意大利手工薯仔配辣腸西西里辣汁(💸$68)入口有辣味 手工薯仔較糯😊與腸仔同醬汁好夾👏🏻蕃茄好甜 中和左醬汁既辣味🔥肉較咸 可以配合丸子一齊食 整體感覺好好 但意粉較細碟 好似A先生大食人士可能要食多幾碟🙈👅回味指數: 7.5/10 👉🏻 意大利手工大方型芝士牛肝菌配牛油橄欖油(💸$75)雲呑皮好食 薄得黎煙韌😎亦都好掛汁 雲呑入面有芝士🧀食落好香又黏口 黑松露汁好香 配落雲吞好夾 適合R小編呢啲黑松露控🥳👅回味指數: 8/10👉🏻焗辣汁八爪魚薯仔配麵包(💸$38)八爪魚個汁好鮮甜🐙個飽香草味好濃 上面有蕃茄🍅裡面有薯仔丸子 墨魚仔都幾多🤩香甜既汁配上熱辣辣既包味道又甜又香😋👅回味指數: 8/10整體來說 味道好食又上癮🤩不過職員得一個 睇見佢都覺得好忙😿而職員好貼心 又識搞氣氛都唔介意上菜要時間⏱手工意粉款式又多元化🍝今次揀嘅都唔係一般食既意粉🧐下次都想再黎試下其他款式既🤤…Read More

意大利手工豬耳朵配辣腸西西里辣汁 $68 豬耳朵🐷形狀不一 可以見得真係手工製🤟🏻烹煮時間拿捏得恰到好處 質地唔會因未熟透而過硬或者粉粉地 口感煙韌、有嚼頭💯越咬麵粉味越出 煙韌控第一次食哩種意粉 覺得幾新奇🤩 辣腸🌶有別於一慣做法 哩到係切成正方形粒狀 味道食落有少少似中式臘腸 但質感比瘦臘腸更硬實 食到肉香✅肥瘦比例為2比8 越咬辣味越出 辣勁循序漸進 幾惹味🤤同豬耳朵幾match👍🏻 西西里辣汁選用辣油同橄欖油🍾調製 橄欖油味道突出 辣味輕微 醬汁味道偏甜辣， 好開胃💕 意大利手工方型牛肝菌芝士餡配黑松露蘑菇汁 $75 Ravioli 有六粒🥟入面既牛肝菌芝士餡呈現醬既形態 外皮只帶小小咬口 麵粉香氣同煙韌度均較豬耳朵遜色🤔 黑松露蘑菇汁 黑松露味道唔太突出🍲蘑菇切碎但厚肉、有口感 而且味道夠香👏🏻醬汁同意大利雲吞好夾 唔錯☺️ 檸檬汁🍹有檸檬肉🍋浮係面 新鮮榨成 加左糖🧂味道甜酸適中解膩一流😇 蒜蓉包🍞烘得夠脆味道正常👌🏻 整體而言， 手工意粉初嚐試🍝口感夠煙韌、幾特別但又未至於好驚艷可能我都係中意中菜多啲🤪…Read More

觀塘依家出名喺工業區有好多吃嘅隱世店舖🤔咁今次見到呢間pasta zone，見到好似有好多好特別嘅意大利🇮🇹pasts食，老老實實都幾吸引，於是喺休息嘅日子特登同朋友仔👭黎試一試佢～今次就叫咗兩個意粉🍝1.意大利手工菠菜芝士雲吞餡配黑松露忌廉汁2.意大利小薯仔配牛肝菌蘑菇汁兩個意粉🍝嘅味道都唔錯，濃濃嘅芝士味同黑松露味，味道真係冇得輸！！而小薯仔粉唔口感煙煙韌韌，食落口感都幾特別。如果嫌芝士味唔夠，仲可以叫個店員幫手刨啲芝士落去！！而野飲方面，就叫左杯拿鐵☕️都ok跟野飲配上兩塊細細塊嘅杏仁餅🍪店員話將塊杏仁餅浸落去杯咖啡度食，但我覺得就咁食會好味啲😂😂最後，又點會少得甜品呢☺️☺️當然叫埋佢嘅傳統甜品-意式提拉米蘇蛋糕味道就不過不失啦，但以小度黎講算唔錯。以咁嘅價錢可以食到咁樣質素嘅意粉🍝仲要唔洗加一，其實真係買少見少。…Read More

簡單家庭風格的裝修，讓人能夠更專注於食物的味道之上。手工意大利粉的種類十分之多選擇，有少見的貓耳粉、紐紋粉、闊條麵等等。餐包 份量十足脆卜卜，鬆脆可口。意大利手工貓耳朵 配鯷魚橄欖汁粒粒貓耳手工意粉煙韌有咬口，淡淡清爽的橄欖鯷魚汁，會一口接一口地食。芝士肉醬千層麵每一層都超分明，千層皮也不會太軟身，也不會太乾身，芝士溶化到入口即化的地步，加上蕃茄汁、洋蔥、磨菇更加香氣十足，令人食指大動！意大利手工5mm寬條麵配蕃茄汁豬肉丸小蕃茄獨特的酸甜味，開胃又容易入口，豬肉丸也是超級美味，啖啖肉軟硬適中，寬條麵的咬口十分獨特，不像一般意粉。…Read More

一個人到駱駝漆買小童圖書，順便黎食個lunch 。西西里醬辣肉腸貓耳朵意粉- 微辣，蕃茄加忌廉底嘅醬汁比較輕身，唔會好creamy 好膩。貓耳朵軟硬適中，每一粒都剛剛好掛汁！正！檸檬汁- 跟餐配搭檸檬汁，帶少少檸檬酸，微甜，好清新！甜品tiramisu - 賣完即止，我好慶幸叫到當日最後一份😆餅底微微濕潤，cream 一d都唔會覺得好Heavy，中層食落似雪糕。整體黎講就係。。。好食去開觀塘必會再去試其他意粉！！…Read More