Parc Antique & Lifestyle (Closed)

所以特意悉心打扮襯了一套衫連頭飾到訪！去前一日Book位個時已經問左會唔會有三層brunch set ,佢哋話有！ 但去到個時係無嘅，亦無其他lunch 食物選擇，得甜品小食（OMG 😱我未食嘢嚟㗎）!—————————-最後點左塊crepe同飲品的set 。 等左好耐個crepe都未黎，咪影下相先，一沃張凳，職員已經即刻走過黎，同我講唔戴口罩唔可以離開位，唔係食嘢個時唔可以除口罩！但我其實係飲緊野！😂 甘我都明白理解，小心防疫，人人有責！ —————————等左45分鐘之後塊crepe終於到，可能因為上網睇食評啲人講到勁差我有心理準備，甘我又覺得比想像中好未至於勁難食，但唔係好食 , 同向歐洲食嗰啲正宗法式crepe口感同味道有點差距，似香港風味多啲，普普通通而且份量有d細 ！我坐住自已位一路食野一路自拍，影下食物📸！feel 到d staff 成日有意無意走去cashier度裝我。隔左冇幾耐老闆娘終於都走埋過嚟。心諗咩料？唔通食嘢都要戴口罩。老闆娘話：「唔好意思，呢度唔俾影products！」我有啲愕然以為佢話連食物都唔俾影！—————————-原來佢指我頭飾同專登帶嚟打卡嘅道具小乾花！🌺🍁我同老闆解釋我只係自己戴。老闆娘雖然口講話OK 唔好意思，不過每當我望出去嘅時候，總係發現佢同埋其他員工，對眼係斜斜［箕］住我。🧐雖然我到底都唔知佢哋d眼神係咩意思? 不過我真係覺得十分唔自在唔舒服👀❌，就埋單走咗。食完件成陣風咁嘅crepe ,仲肚餓過未食😫！—————————-臨走嘅時候，見到有班靚女着到靚靚又係諗住嚟影相High Tea ! 一除口罩又比人叫住戴罩坐返低，樣子甚為無奈！ 🤷🏻‍♀️我覺得老闆唔介意大家影佢舖頭，不過每當有「人」影相就好似顯得有啲避忌，（可能）呢度始終係租比人哋影婚紗相或者商業拍攝嘅地方，在商言商，人人叫杯咖啡就拎支長鏡入去影沙龍，仲洗租場咩？😂—————————-總結，環境係靚係舒服，去參觀食吓嘢唔錯！我都同意疫情期間大家注意衛生帶返口罩唔好周圍就係岩嘅！不過唔建議鍾意影相的專登去（除非包場拍攝那種），純粹將此個人經驗分享出來，❌📸 免得為諗住去「打卡cafe」的美女們失望而回！…Read More

超超超超超級靚嘅cafe!!!滿滿嘅復古 文藝元素！每一個角落都好有心思近門口位係雜貨店 大家可以去尋下寶~再行入啲就係cafe位置～環境好大好闊落 坐得幾舒服適合同閨蜜飲杯嘢 傾吓計 打下卡～小店仲可以book場拍pre-wedding/ 舉辦小型婚禮🥂-🍜【𝐹𝑟𝑒𝑛𝑐ℎ 𝑆𝑝𝑒𝑐𝑖𝑎𝑙 𝐶𝑟𝑒𝑝𝑒 𝑇𝑒𝑎 𝑆𝑒𝑡】$300內 (抱歉 忘了確實價錢🙈)☞︎ 𝐹𝑖𝑔 𝐶𝑟𝑒𝑝𝑒 ☞︎ 𝑆𝑎𝑙𝑚𝑜𝑛 𝐶𝑟𝑒𝑝𝑒 ☞︎ 𝑀𝑎𝑐𝑎𝑟𝑜𝑛 ☞︎ 𝐷𝑎𝑟𝑘 𝐶ℎ𝑜𝑐𝑜𝑙𝑎𝑡𝑒 𝑐𝑎𝑘𝑒☞︎ 𝑅𝑢𝑚 𝑅𝑎𝑖𝑠𝑖𝑛 𝐶ℎ𝑒𝑒𝑠𝑒 𝑐𝑎𝑘𝑒☞︎ 𝐸𝑎𝑟𝑙 𝐺𝑟𝑒𝑦 𝑇𝑒𝑎 ☞︎ 𝑀𝑎𝑡𝑐ℎ𝑎 𝐿𝑎𝑡𝑡𝑒店主超級好人! 比我哋揀一鹹一甜嘅crepe~因為當時草莓唔當造 改為無花果～兩個都好足料 好好味!!! 作為甜食控 我當然係鍾意甜crepe多啲😋除咗crepe 仲有馬卡龍&蛋糕仔馬卡龍幾好食 但兩款蛋糕仔都麻麻地飲品揀咗茶&抹茶High tea打卡必定要叫熱茶kkk 可以無限加水幾好抹茶都唔錯~ 整體用餐體驗都唔錯✨可以打卡 唔限時 crepe又唔錯推薦推薦！-✨推薦指數：9/10💰人均消費：~$150⏳等候時間：0mins …Read More

《港女下午茶》唔知點解將野食放係三層架上面就特別吸引！當見到呢間有咁平民價嘅港女下午茶，就急不及待黎試下，間野環境好靚，每一個位置都係打卡位！Savory Crepe Brunch Set $158入面有三文魚薄餅、田菜沙律、仲有甜品，種類都算多，但係味道就普通，不過呢個價錢呃下一張打卡相都值得嘅！唔知點解將野食放係三層架上面就特別吸引！當見到呢間有咁平民價嘅港女下午茶，就急不及待黎試下，間野環境好靚，每一個位置都係打卡位！Savory Crepe Brunch Set $158呢度真係好舒服嘅休息地方～…Read More

上個禮拜日想同男朋友搵個地方傾下計 加上嗰日又勁熱 於是就去左哩間位於充滿懷舊風味嘅cafe～一開頭都擔心好多人 但係去到勁多位 而且非常有空間感 店內佈滿法式古董同家具 加上有大量植物作陪襯 真係好似去左19世紀嘅法國公園咁 非常舒適👍🏻肥Glor未坐定都打卡打到手軟了 可惜食物就麻麻地～·𝘍𝘳𝘦𝘯𝘤𝘩 𝘚𝘱𝘦𝘤𝘪𝘢𝘭 𝘊𝘳𝘦𝘱𝘦 𝘛𝘦𝘢 𝘚𝘦𝘵 $268*𝘔𝘢𝘤𝘢𝘳𝘰𝘯 𝘹2外殼都算脆口 但唔係好食得出係咩味 得個甜字 一開頭仲以為會好濃士多啤梨味......🙌🏻*𝘋𝘢𝘳𝘬 𝘊𝘩𝘰𝘤𝘰𝘭𝘢𝘵𝘦 𝘊𝘢𝘬𝘦味道比想像中甜 冇黑朱古力嗰種香濃苦澀味 口感都算綿密滑順嘅～*𝘙𝘶𝘮 𝘙𝘢𝘪𝘴𝘪𝘯 𝘊𝘩𝘦𝘦𝘴𝘦 𝘊𝘢𝘬𝘦葡萄乾可以多少少 芝士味就夠重喇 但就似乎蓋過左陣rum味......*𝘚𝘵𝘳𝘢𝘸𝘣𝘦𝘳𝘳𝘺 & 𝘉𝘭𝘶𝘦𝘣𝘦𝘳𝘳𝘪𝘦𝘴 𝘊𝘳𝘦𝘱𝘦 *𝘉𝘢𝘯𝘢𝘯𝘢 & 𝘈𝘭𝘮𝘰𝘯𝘥 𝘊𝘳𝘦𝘱𝘦 Crepe係正宗法國薄餅 本身都有少少期待 蔬果就夠鮮甜喇 但crepe真係頗硬身同埋已經凍左 真係mamaday喇......*𝘐𝘤𝘦𝘥 𝘣𝘭𝘢𝘤𝘬 𝘤𝘰𝘧𝘧𝘦𝘦*𝘉𝘭𝘢𝘤𝘬 𝘵𝘦𝘢嘢飲就冇特別啦 我覺得都係正常發揮 本身black tea同black coffee都好難唔好飲嘅🙌🏻*結論就係只係for打卡同埋週末同朋友嚟哩度傾下計我覺得都唔錯嘅！#𝙛𝙚𝙞𝙜𝙡𝙤𝙧_𝙚𝙖𝙩 📍 Parc古道具公園 (觀塘)觀塘鴻圖道60號鴻福工廠大廈10樓B2號舖@parc1900s …Read More

本來提早了兩星期預訂用來慶祝朋友的生日 一早在WhatsApp預訂了三位 餐廳話事人都說可以的怎料今天到達時有一位他們的partner開門跟我說今天Cafe不開門 我很奇怪 不開門為什麼不一早說給我聽 然後他給我致電那個Cafe的話事人他說他有急事所以不來了 也趧不到打電話給我 我還抱着狗狗趕頭趕命趕去餐廳 超級沒有交帶的一間餐廳極力不建議你們去 bad list 👎🏻👎🏻👎🏻👎🏻👎🏻👎🏻👎🏻👎🏻👎🏻…Read More

觀塘工廈多 隱世cafe都相當多 今次睇到網上介紹 就黎左依間法國古具特式餐廳餐廳以一半售賣衣服飾品 書，一半作為餐廳分劃區域 入門先會見到售賣各式用品既區域 後面才是餐廳餐廳位置唔多 只有3張枱 不過店面是充滿法式感 上網睇過介紹可租場婚攝 證婚等 不過可惜是最大打卡位由於是證婚枱 所以不得坐低影相 而其他位置其實都一般 都可以拍到少量既照片（如果為打卡既有小小失望）😅食物方面 如果好易飽既人都係一個選擇 因為依度主要以Tea set同cake set為主 食物款式唔多 cake set只有幾款選擇 包括提子Rum酒芝士蛋糕、馬卡龍等 價錢大概$88-98左右 包一般咖啡或茶 特飲加錢 不過是日去到 一啲網上講既特飲都被劃走 得番咖啡茶嗰啲簡😅Order左 提子Rum酒蛋糕 本身以為係一舊咁 原來係3粒 味道好重芝士味 提子都好多 不過冇乜酒味 伯爵茶是用花茶壺裝 味道唔錯 因為疫情關係 所以餐具 飲品杯 碟等都係外賣餐具 另外值得一提枱面設有消毒酒精 方便進餐前清潔 服務方面 餐廳員工有禮 不過上食物速度唔好期望太快 因為人手得好少😅整體黎講依間cafe如果想chill 同朋友傾下計 寧靜既環境係絕對適合😅😅…Read More

設於工廈，大廈入口位較穩閉。High Tea同時可Shopping ~ 有啲打卡位都不錯，是復古風！ 而下午茶set是2人的，不設加人數，所以建議雙數的人數進食比較好。 食物都算幾有特式，味道也不錯，咖啡可選手磨品種～工作店員唔算多上菜速度唔好要求好快🤭建議先訂枱因為枱數只有數張。慢活優閒靜靜地的選擇。。…Read More

係門口已經覺得呢間cafe 幾清新幾green (*'▽'*)~店內分左零售地方及cafe部分食tea既時間, meau主要都係tea set, 或者甜或鹹既crepe , 就唔會有lunch份量既主食同朋友都覺得tea set抵食啲, 二人就order左個tea set Tea set成set係甜點, 鹹點就要單點~店肉有好多靚靚打卡位(＾ｰ^)French Special Crepe Tea Set@$258Macaron x 2 Dark Chocolate CakeRum Raisin Cheese Cake Strawberry & Blue Berries CrepeBanana & Almond CrepeBlack Coffee / Tea x 2 cupsTea set泥講份量算咁上下, d cake 唔錯~ 正常甜品既味道(*´-`); 但crepe 就麻麻地, 食落口感有啲硬同無咩味, 即使crepe上面有醬但係都入唔到味, 整體食落口有啲淡~整體泥講, cafe 既感覺好有vintage感, 以打卡泥講, 環境同tea set架係幾靚下( ͡° ͜ʖ ͡°), 但食物質素泥講, 食物就好食唔好睇喇~…Read More

觀塘有間法式古董咖啡店隱藏工廈內既係婚紗拍攝場地，亦係一間寧靜嘅咖啡店呢間cafe同時亦提供輕食同甜品裝潢設計似足復古影樓，好有Antique感公園非種滿花草樹木，而係被古董陳設包圍+1 環境似影樓室內傢俬、家品都充滿歷史痕跡，Vintage感重感覺被法國古董包圍，成功營造悠閒空間甫踏入門口，一件件古舊傢俬、家品清晰可見各類陳設都滿滿古典風格，左面有個嚴禁進入位置，有古董婚紛、飾物，甚至小物擺設法國傢俬唔會太巨型，偏向精緻法式風情表露無遺，打卡一流！古董相機、逐漸消音嘅古舊鋼琴、法式餐枱同櫈，乾花小物係一個法式下午茶嘅好環境-1 Tea Set名不副實咖啡店嘅Tea Set雖然未必比酒店差但今次法式下午茶的確有種被騙感覺其中一款係Savory Crepe Brunch Set $158 for 1包含當日指定餐湯、甜點蛋糕一份、飲品一杯蕃茄芝士流心蛋法式鹹薄餅配沙律菜、芝士風乾火腿法式鹹薄餅、煙燻鮭魚特製乳酪醬法式鹹薄餅則三揀一，加$30可要冰滴或手沖咖啡。餐湯為南瓜粟米湯，味道濃郁，幾Creamy，但飲落似罐頭湯沙律菜配茄汁焗豆只有微量生菜、青瓜，焗豆上枱已為涼食中間係芝士風乾火腿法式鹹薄餅鵝黃色調嘅Crepe只係似普通家庭式製出嚟嘅感覺薄餅邊位微脆，但有啲乾呢款鹹味法式薄餅parma ham略細，無乜芝士味，呢個配搭其實唔太適合至於甜品，今次自己未食已經滿頭問號，唔知係不幸定俾錯睇見唔少網民同樣Tea Set嘅甜品係真蛋糕類別又朱古力蛋糕，又芝士蛋糕但自己嘅Tea Set見到嘅竟然只係兩塊迷你朱古力曲奇、兩件超超超超迷你牛油雞蛋糕另加四粒藍莓，絕對係理想與現實分別甜味法式薄餅就揀咗期間限定Sakura Crepe Set $98賣相一般，Crepe有幾分煙韌感，微脆，Crepe本身略油配搭雲呢嗱雪糕+鹽漬櫻花+蜜糖，通通加入法式薄餅內蛋香味唔夠濃，配料唔多，甜味基本單靠雪糕，其實唔太突出反而後俾我哋嘅古董瓷碟花紋精細，驟眼睇幾特別+1 飲品有心思飲品比食物突出，部份味道唔錯，部份設計可以打卡Pink Rose Lemonade 粉紅玫瑰檸檬果汁 $48 最啱打卡另一杯Marine Blue Lemonade 南法海風檸檬果汁因材料唔夠未能提供材料普通，至少吸引到少女影相，幾上鏡吓杯緣灑滿砂糖，表面有微量玫瑰花瓣+藍莓+冰粒等但無乜玫瑰花香味，入口比平時飲嘅Lemonade偏甜，檸檬酸味稍輕，但都解渴Kyoto Matcha Milk with Red Beans 京都字治紅豆抹茶 $50 採用京都老舖辻利抹茶入口唔太甜，上層係抹茶，中層係牛奶，底層係紅豆會逐漸睇到抹茶向下沉，漸層感幾靚抹茶粉沖出嘅抹茶味道香濃，唔苦澀，牛奶帶甜味紅豆咬落似紅豆莎嘅紅豆，甜度恰好French Press 法式濾壓咖啡 $55 自己擠壓咖啡，由自己控制等待3mins就會聞到咖啡香味，入口醇香些微苦味、甘香味夾雜咖啡豆烘焙味，有微量咖啡渣，幾提神而相對普通嘅Chocolate Milk 朱古力奶 $48朱古力味好濃郁，牛奶順滑，最簡單反而有驚喜Denim Coffee 係一杯藍咖啡 +$30，以玻璃杯盛載咖啡底部會逐漸由咖啡色變成湖水藍色，超療癒！咖啡容易入口，唔太苦澀咖啡有回甘味，底部有微甜味，有別於一般咖啡…Read More

一個集衣飾，婚攝，餐廳於一身嘅地方。去到門口已經係超有感，Vintage味好強烈，好似去左巴黎咁❤️每個角落都係打卡位，不過一般食客係有拍攝限制🚫到時佢地會講解下。講返食物先，今次我地黎high tea，梗係叫返個tea set啦！呢個tea set有沙律🥗，有法式crepe（咸點），兩件小蛋糕（cheesecake & chocolate cake)，crepe唔錯，最值得讚係咖啡，cappuccino 好香，真心⋯黎呢度食環境都已經醉了！…Read More

聽講餐廳原本係二手古董傢俬店，之後因為環境雅緻，改裝加開咖啡店；同朋友見到佢啲相咁靚，一心去食晏兼打卡；點知，真係除咗打卡，唔好諗住有好野食....一坐低已經話無咸野食，得甜既法式班㦸同蛋糕、飲品可選擇；食物選擇連十款都無.... 咁為咗影相，都叫咗兩件班㦸同兩杯飲品叫完後一直影相，影咗成個鐘都未有野食，真心唔知佢哋係等我哋影完相先煮定係整兩件班㦸要花咁長時間...班㦸賣相可以，味道一般啦，但最攪笑既係，用刀切班㦸果陣，張古董枱會強烈摇晃，杯飲品灑到一枱都係... 咁，你叫我點食呢？用手揸住食？最後係我朋友用手㩒住張枱，我用刀切好晒件班㦸黎食兩杯飲品都ok既，係細杯咗啲總結：如果係為打卡，去啦去啦，真心幾靚；如果係為食野，千祈唔好去了.... …Read More

「Parc古道具公園」係一間隱身於觀塘工廈嘅法國古董店。依間古董店既係Cafe又係一個小型婚宴場地。店內嘅裝修好靚，有好多古董擺設同韓式花花佈景，成間店超唯美又浪漫，充滿著別樣嘅復古氣息。店內播放著一啲好chill嘅音樂，環境幽靜舒適，令人好放鬆。 Cafe嘅食物出品亦都唔錯，賣相超精緻。因為疫情關係，店內嘅餐具轉用一次性餐具，不過依然都好靚。…Read More

不知所謂的餐廳❌❌❌永不再來，地方好小，只有兩張枱，沒有什麼食物選擇，如果不是希望食物填肚，才考慮。已經預先訂位，入去時不通知沒有食材，過了15分鐘落單才説沒有！😡🤬…Read More

友人閃約Tea，對方提議試下呢間文青Cafe，估唔到喺工廠大廈入面有一間裝修咁有特色嘅小店，小店除左有Cafe嘅部份，重有一小部份賣精品/咖啡杯，見到有唔少食客都喺度打卡影靚相！今日試左佢地個Savory Crêpe Brunch Set，包是日餐湯、沙律、主菜法式薄餅、甜點蛋糕同餐飲。是日餐湯係南瓜湯，比較稀，但味道OK最底係沙律，好普通😕中間個層主菜揀左 煙燻鮭魚特製乳酪醬法式鹹薄餅，味道不錯😋最頂層甜品分別揀左 特濃朱古力蛋糕 同 冧酒提子芝士餅，兩件都唔錯😋最後餐飲叫左凍咖啡，欣賞佢用球形冰塊，可以慢慢溶，夠凍又唔會咁快整淡杯咖啡總括黎講，性價比就一般，定價偏貴，不過想影靚相嘅都可以一試。…Read More

今午才剛在咖啡室室用饍，逛了會街後還是對古典優雅的環境念念不忘，外面亦下著大雨，於是我倆又一次到來。今次發現原來有不少盆栽，綠油油的、心曠神怡！但由於前一餐未消化完，所以只點了一份Salmon Crepe及紅茶，坐下來慢慢「嘆」美境。旁邊有一桌男生談天説地的，好不愉快~ 誰説只有女生愛「適合」吃下午茶~？這個絕不是那種花巧又粉嫩粉紅的「打卡」、「食tea」地方~ 男生也可以自在地享受下午茶，不會感到焗促或格格不入用餐時間：15:00-18:00…Read More