Video
Introduction
A Singaporean restaurant which serves famous Xiao Long Bao in eight colors made with natural ingredients instead of artificial color.
continue reading
Opening Hours
Today
11:00 - 21:30
Mon - Sun
11:00 - 21:30
Above information is for reference only. Please check details with the restaurant.
-樂天皇朝🥟眾所周知 樂天皇朝主打南北點心同川滬料理係東涌番工想食小籠包既時候都一定會黎呢度🥟不過黎左咁多次都未試過食佢既招牌八色小籠包最特別既係 最近手打檸檬茶開到成行成市 🍋估唔到連呢度都有得飲 仲要有多款配搭選擇！🥟 八色小籠包 ($148/8pc)呢度對小籠包對手藝有一份執著堅持要粒粒25克 巧手18摺 齊手先上菜確保我地食到最新鮮出爐既小籠包而且粒粒湯汁飽滿 清甜唔膩 皮薄如紙八色小籠包建議可依照以下次序食用 由淡至濃：原味 > 絲瓜 > 鵝肝 > 黑松露 > 芝士 > 蟹粉 > 蒜香 > 川味； 而我個人最中意就係蟹粉同蒜香 - 蟹粉咬開滿滿既蟹肉味撲鼻而來 湯汁鮮甜蒜香係估唔到都好夾 夠晒惹味 蒜味超重🍜 蝦仁酸辣湯拉麵 ($78)用上幼麵 麵條掛湯 湯頭非常酸辣惹味又開胃入面有肉絲火腿冬菇片木耳蝦仁等等非常足料 口感非常豐富好似食緊碗仔翅咁 🐣 冷盤前菜 - 李白醉雞 ($92) 雞肉軟腍 酒味香濃 雞皮薄而爽彈 每次必點!🍋 手打青檸香水檸檬茶 ($32)係店員私人高度推介! 用上自家新鮮手打製作 散發出香水檸檬獨有香氣 飲落清香酸爽 配埋青檸就更加去膩解渴添 另外仲有手打紅石榴檸檬茶 / 手打百香果檸檬茶可以揀添~
continue reading
🥢🏆【 樂天皇朝 】🏆🥢⋄ —————⧫♟⧫————— ⋄同爸媽食飯，中菜館係最安全嘅選擇，揀咗以上海菜為主嘅「樂天皇朝」🥢 平日夜晚嚟，依然人頭湧湧，等咗一陣先有位入🔥🥟招牌原味小籠包雖然招牌「八色小籠包」好吸引，但兩老比較傳統，認為原味先係王道😂 小籠包真係做得好出色，新鮮蒸起，脹鼓鼓的，非常飽滿🫶🏻 皮薄餡靚，一咬開肉汁四濺，勁鮮美🤤🌶️紅油抄手抄手皮薄、潤滑，湯汁微辣濃香，一粒一滿足❣️🥯刀切小饅頭饅頭炸得勁酥脆，表面金黃，蘸煉奶真係令人回味無窮💯🫛上海油燜筍第一次食油燜筍，估唔到係冷盤，口感爽脆，一啲渣都冇，利害👏🏻🍥宮廷驢打滾見呢款甜品賣相幾得意就點咗，名字由來係因為似驢仔喺黃沙地中打滾而得名🫏 糯米皮煙韌軟糯，捲入豆沙紅豆餡，表面沾上黃豆粉，唔會太甜，唔錯唔錯🤩⋄ ┄ ┄ ┄ ┄ ❖ ┄ ┄ ┄ ┄ ⋄🥟招牌原味小籠包（$72/6粒）🌶️紅油抄手（$68/6粒）🥯刀切小饅頭（$30/3個）🫛上海油燜筍（$68）🍥宮廷驢打滾（$48/3粒）🫖茗茶（$10/位）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：樂天皇朝 (東涌)東涌達東路20號東薈城名店倉3樓326A號舖⋄
continue reading
♡ 特色小籠包中菜館｜樂天皇朝 ♡-今日去開東涌行outlet 就去咗樂天皇朝食晏晝飯😋 一直都想試好耐 朋友話佢嘅小籠包真係好正 而我食完就覺得佢其他菜品都好有水準😍。- ♡ 皇朝八色小籠包 ♡ $142第一次嚟樂天皇朝～ 一定要叫呢一款8色小籠包😍 而家仲有買一送一優惠～ ‼️限時優惠到 28/1 ‼️✨只要叫一籠八色小籠包+去打卡📸 就送一籠原味小籠包😍 八色小籠包嘅味道包括有：原味、糟溜絲瓜、鵝肝、黑松露、芝士、蟹粉、蒜香同川味。 我自己比較鍾意嘅就係芝士🧀、蟹粉同埋糟溜絲瓜。 真係未試過咁有特色嘅小籠包🤣-♡ 招牌原味小籠包 ♡ 果然係每一籠小籠包都出自「藝術之手亅😍每一粒都由18摺製成，外皮到真係好似紙咁，點埋醋一齊食 喺口入面爆汁 簡直係冇得彈呀！👍🏻👍🏻-♡ 蘿蔔絲酥餅 ♡ $48口感好脆，一口咬落去，酥皮同蘿蔔絲嘅結合好出色。味道方面，蘿蔔嘅甜味同酥餅嘅香脆感相互輝映，真係好好味！-♡ 開陽蔥油拌拉麵 ♡ $55佢嘅口感好彈牙，每條麵都好有嚼勁。拌埋蔥油之後，味道更加濃郁，有種特別嘅香氣。淋完湯之後，麵條好濕潤勁正🥰-♡ 檸檬蘆薈桂花蜜 ♡ $33檸檬同蘆薈帶黎一種酸酸甜甜嘅味道加埋桂花蜜嘅芬芳香氣，真係好開胃。-♡ 桃膠紅棗桂圓湯 ♡ $43冬天咁就最適合不過啦😋桃膠嘅軟糯質地 好容易入口，紅棗仲特登切到細細粒 十分貼心飲完真係好滋潤。❥#⇢店鋪資料：樂天皇朝 (東薈城名店倉) (東涌)東涌達東路20號東薈城名店倉3樓326A號舖##
continue reading
基本上每個月都會留一日嚟樂天皇朝，不過幫佢寫食評就真係第一次。撞啱佢有10周年優惠，食滿$100就可以用$10試食新出嘅叉燒小籠包，梗係即刻試一試。1️⃣叉燒小籠包（六個$10‼️）開頭睇個宣傳見個包紅卜卜🤣以為係辣嘅，望真啲先至知個皮係模仿叉燒嘅顏色。皮係薄嘅，不過染咗色，外表未必睇得出。因為同樣係豬肉餡，所以個味道、湯汁其實同原味小籠包差唔多，但入面會食到一啲切丁嘅叉燒，幾好食。2️⃣肉碎乾煸四季豆（$88）炒得非常惹味，送白飯一流！肉碎多到最後有剩😳3️⃣上海炒飯（$95）其實係幾好味嘅🤣不過我哋配咗乾煸四季豆，加埋欖菜就咸得濟🫣4️⃣小食（$15）超愛佢個小食：炆栗子🌰+花生，湯汁嘅味滲晒入去，又冧又好食。曾經有一排小食轉咗涼拌木耳，雖然都好味，但！我哋都為無栗子花生失望！😌超級推薦呢款！（唔洗另外加點，係一入座就跟茶送埋嚟）5️⃣茶（$24）我哋都鍾意佢個茶，覺得好醇厚好好飲。6️⃣加一服務費店員通常反應都快，所以服務費抵俾。不過留意返：小籠包本身特價，但係計服務費時係計返正價（$88x10%）。今餐埋單$263。
continue reading
我地order左蟹粉小籠包，蘿蔔絲酥，醉雞，海蜇頭，松子魚。食物質素佳，唔洗等位快速入座。環境乾淨衛生，服務員上菜快Taste good and good service!
continue reading