59
16
4
Exit B2, Tseung Kwan O MTR Station continue reading
All Branches (5)
Telephone
22177770
Opening Hours
Today
11:30 - 22:00
Mon - Sun
11:30 - 22:00
Public Holiday
11:30 - 22:00
Public Holiday Eve
11:30 - 22:00
Payment Methods
Visa Master AlipayHK Alipay Cash UnionPay WeChat Pay
Other Info
Prevention of disease
10% Service Charge
Spot payment
Review (93)
Level7 2020-04-24
2746 views
檢查一下,原來上年購買的Yahoo 團購卷【樂天皇朝】差不到期,快快去食!【樂天皇朝】 是從星加坡引入的餐廳,已經開了幾間分店。筆者也去過不同的分店,味道相對穩定而且選擇多,都是一個好去處。位於將軍澳的【樂天皇朝】是最近新開的分店,以前人流頗多,要等位才能入去。因為用團購券的關係要早兩日訂位,所以今日去到不用等位。其實最近疫情下, 2月每間餐廳客人明顯減少,最近去商場都非常冷清。今日剛好是情人節,商場內的人流多了一點點。希望疫情快些過去,每間餐廳能夠客似似雲來。這間【樂天皇朝】沒有特別的裝修,勝在面積四四四正正,而且非常光猛。只是枱之間距離比較近,沒有太多空間。之前在Popcorn有一間翡翠拉麵都是吃小籠包、拉面、點心的上海菜,但是味道一年不及一年。相比【樂天皇朝】,味道比較穩定而且款式多,不知道是否這個原因,翡翠拉麵最近結業,並轉為翡翠潮州菜館。【樂天皇朝】餐牌圖片精美,令每樣食物都非常吸引。點菜方面,客人自己點再交給店員。【樂天皇朝】 最出名當然是八種不同味道的小籠包,有蒜香、人參、鵝肝、黑松露、蟹粉、芝士、川味及原味。 不過筆者不太貪新鮮,最喜歡還是原味的小籠包,而且可以揀六只或者10只非常有彈性。【樂天皇朝】的招牌小籠包自誇「每粒25克、巧手18摺、皮薄如紙、湯汁飽滿、口感Q彈、湯汁清甜不油膩」…… 真的要看清楚有否誇大。【原味小籠包$62(6只)】筆者沒有數到底有幾褶,外表褶得不太工整,但大小差不多相同。夾起小籠包,皮不是薄如紙,所以沒有湯汁盪漾、容顏欲破的視覺效果。先在小籠包頂部咬開,啜一下湯汁,做到湯汁清甜不油膩的效果。然後再蘸浙江醋和薑絲一起吃,味道不錯。平均$10/只,價格比翡翠貴。【李白醉雞 $85】唔知道詩人李白同醉雞有什麼關係……只知道平時在翡翠食的醉雞是小食價錢五、六十元,這個李白醉雞要八、九十元而且份量跟小食一樣。酒味清香但沒有苦澀味,雞件浸得入味,只是雞肉不夠嫩滑。【竹炭流沙包 $42】唔知幾時開始流沙包由雪白天使的外表變成黑色魔鬼……使用竹炭做成的黑色麵團,掰開外皮金,黃色內餡沒有像洪水般流淌而出,口感微鹹微甜還有沙沙的咸蛋黃顆粒口感。【菜肉雲吞拉麵 $72】雲吞皮滑嫩輕薄入口順滑滑。雲吞內饀料味道調味剛好。湯底味道複雜,有雞骨、豬骨等材料,味道濃郁但鮮甜。原來 Yahoo 團購已經停業,這次是最後一次的Yahoo團購。筆者團購巳經有多年,Groupon, Yahoo, Groupbuya.……陸續結業,有些唏噓。 continue reading
(The above review is the personal opinion of a user which does not represent OpenRice's point of view.)
從來上海菜給人感覺是傳統一版一眼,但其實如今許多上海師傳近年來不斷格新,令更多上海菜地位提升,之前去過【樂天王朝】,入面每道菜就好像藝術品一樣,所謂手工上海菜,人手做每個精細的步驟,令色、香、味、美,用料配搭,一試便知道師傅講求烹調工序,一個晚上吃到精工巧手菜式,那個晚上很滿足。餐廳位於將軍澳中心地下G31號舖,非常易搵,因為門面開揚又夠大,都有一定既氣派喔。甫坐下,這裡會提供酒精消毒濕紙巾,然後讓我們將食具用滾水消毒,讓我和朋友可以吃得安心。真的做得好好,值得讚許。.感覺非常不錯,餐牌的內容非常豐富,除了有前菜、冷盤、主食、小菜,甜品的款式介紹外,還包括【樂天王朝】成長史,同「特色王朝小籠包」 等等資訊。好詳盡呀!👉🏻上海蔥油大餅 $45兩面都烙成金黃色,油餅圓圓的,備裡撒滿綠色蔥花及外面多多的芝麻,還夾着許多水晶般的豬油。蔥油餅入口紮實、層次豐富、口感偏干,不過體現出餅的韌度,在邊邊的位亦都有香脆度。無論是不是正宗老上海味道如果有人願意為你做蔥油餅,那應該就是幸福的味道,因為我知工序是非常複雜的。👉🏻芝麻醬油麥菜 $65呢個真係好想再ENcore,鮮嫩爽脆嘅油麥菜用薄薄嘅青瓜片包住賣相美美。當你 蘸上秘製日本芝麻醬一起吃, 入口香甜美味,爽口清新,好吃又開胃,做一個小前菜都非常的棒呀!👉🏻四川夫妻肺片 $68夫妻肺片是很受歡迎的一道川菜,色澤美觀、夫妻肺片片大而薄,所以質地軟嫩。整體粑糯入味,麻辣鮮香,味道是非常不错的,麻麻辣辣的香味也非常濃。👉🏻特色王朝小籠包 8粒 $118招牌八色小籠包,應該好多人就算未食過都聽過吧!!!我就食過一次都覺得味道討好的。挺特別又色彩繽紛更可品嚐八種味道。入面就有「招牌原味、川味、蒜香、芝士、人參、蟹粉、鵝肝、黑松露」。每食一粒之前都有少少期待,每粒有25克湯汁飽滿巧手有18摺,皮薄如紙。蒜香、鵝肝、人參,口感Q彈,湯汁清甜,整體不油膩仲好香噴噴呀!!!黑松露一向形象矜貴,食落都覺得味道出眾,慢慢細嚐個種香氣,同小籠包好夾。川味小辣啱啱好,辣味可以出多少少!👉🏻上海炒飯 $85上海炒饭是一道由大米、青菜、火腿等做成的美食,慢慢咀嚼,讓人很享受鹹淡滋味在嘴裡交錯的,上海炒飯粒粒分明,調味佳,不會過咸。👉🏻宮廷爐打滾 $45/3粒個名好特別,究竟係咩黎呢?!據說形狀似驢子在黃沙滾滾的黃土裡打滾。所以就有了這個可愛又耐人尋味的名字3粒不多不少,QQ又帶點黏性的糯米裹入豆沙捲成螺旋狀後再滾上炒香的黃豆粉。外形小巧樸實,糯米皮黏黏的帶著嚼勁,豆沙餡綿綿甜,超好食!必試呀。環境好舒服清靜,店員服務都好細心,絕對零騷擾,Enjoy! continue reading
(The above review is the personal opinion of a user which does not represent OpenRice's point of view.)
Level3 2020-10-04
0 views
朋友突然約食飯諗住星期六邊度都人多我又湊住bb下午打去想book定位 點知佢話今日booking full左叫我夜晚黎walk in 到左夜晚7點左右 黎到門口即時有位 安排入座店員都好好禮貌好友善主動詢問要唔要bb櫈同提供兒童餐具入到去 見到出面係比較full最入面係比較多吉枱既點左個小籠包 唔記得影相賣相唔錯 熱辣辣 咬落好多汁 皮唔會太厚味道一般 冇特別揚州炒飯 味道淡淡的 比係平時食開既 真係好淡味唔吸引炸饅頭外脆內軟熱辣辣 整體黎講 真係一般般 continue reading
(The above review is the personal opinion of a user which does not represent OpenRice's point of view.)
Level3 2020-08-15
250 views
將軍澳中心有很多餐廳,附近也很多大型店鋪,好喜歡去這個商場食飯行街!樂天皇朝每間分店裝修都貫徹始終 很華麗,平日lunch 不是太多人,很喜歡食樂天皇朝的小龍包 很多汁,餡皮都很薄!另外要讚既係鮮蝦雲吞拉麵蝦好新鮮,而且雲吞好大粒,拉麵係豬骨湯底,我每次食完都好味到飲唒d湯另外蘿白絲酥餅都係我至愛一定要叫!每個都包著滿滿的蘿白絲同埋一定係熱辣辣上碟的!雪菜蝦仁炒飯,蛋絲同飯粒粒都炒得好分明,雪菜很惹味,蝦都是爽口的。雖然炒飯,不過食落口都唔太油。overall 食物質素唔錯,不過價錢略貴呢。 continue reading
(The above review is the personal opinion of a user which does not represent OpenRice's point of view.)
Level3 2020-07-25
170 views
今次同朋友試呢間中菜 分別叫左幾款菜式 雖然我地午市但冇套餐 要單點 茶錢$8一位 一坐低就會有碟小食 係栗子🌰同花生 🥜後來睇返張單自發現原來碟小食係要另外收錢嘅$15 另收加一服務費 店員冇同我地講到呢點好似唔係幾好1. 原味小籠包6粒 $62 💡💡💡小籠包好有驚喜 真係名不虛傳 皮薄餡靚 入面湯汁唔會過份油膩 但又有豬肉油脂既香味 size 適中 一口就食得哂 湯汁係口腔入面爆出嚟 好滿足❤️細心一提一定要趁熱食 如果唔係個皮會痴住塊布 比較易穿 漏哂啲湯汁 2. 無錫鮮肉鍋貼 3ps $40 呢個鍋貼底部煎得好香脆 但就冇咩肉汁 皮都比較硬 3. 炸饅頭 $28 雖然呢樣菜式好普通 但我好中意食 點埋練奶食真係絕配 而且外皮好脆4. 肉碎乾煸四季豆 $85 👏🏼呢個都幾推介 送飯一流 如果單食就會比較咸 但係配埋飯食就岩岩好 呢個好味😋5. 鮮蝦雲吞拉麵 $75 呢樣真係太過普通了 有4粒雲吞 皮較厚 餡料又唔係幾juicy 湯底好清淡 係勝在好大碗好飽肚 但絕對唔推薦叫 6. 豆沙鍋餅 $55 外皮係有啲太硬 唔夠酥脆 豆沙餡料都夠 仲有好似麻糬係入面煙煙韌韌 continue reading
(The above review is the personal opinion of a user which does not represent OpenRice's point of view.)