PAPER STONE BAKERY

呢度嘅麵包款式有好多😄，試咗呢度嘅麻糬麵包，抹茶味同埋朱古力味，但係同我幻想中嘅麻糬有啲分別🥲，我本身以為係好似麻糬波波咁樣嘅麻糬球，但原來係麵包裏面再包麻糬🫠，而佢入邊嗰舊麻糬嘅口感又唔算太軟同埋煙靭，可能因為撞唔正啱啱出爐嗰陣時，所以入邊有少少硬度抹茶味都有唔算特別出，有少少假嘅味道，所以有少少失望😣😣。但係依間舖頭嘅其他麵包有部份都出色嘅，所以可能要揀另一啲麵包款式試會好d.💪🏻💪🏻👍🥯…Read More

早幾日拿著兩件包裝蛋糕，埋收銀櫃檯放下準備付款、同埋預訂生日蛋糕，收銀櫃檯兩名收銀員話訂蛋糕要搵另一位同事幫我。那處理訂蛋糕的女員工全程黑口黑面，我問佢兩件包裝蛋糕是否與所訂蛋糕一併付款？該女員工說要分開收…如是者女員工替我下訂單後就閃開咗…然後收銀櫃員工好似absent mind眼望著那兩件一直放在她們面前的包裝蛋糕問我：呢兩件俾咗錢未？我：我頭先問你地，你地話唔同訂蛋糕的錢一併收要分開收，咁你收咗錢未？跟住收銀員工粒聲唔出木無表情收錢，連紙裝都唔入（其他客人付款後她倆一直都替客入紙袋的）。估計是我訂蛋糕，阻住佢哋收銀吧，得罪咗佢地，所以黑面無禮~在香港市道如此差之際，零售業人員有工作時態度如斯，實在令人痛心。店內麵包蛋糕款式多價格不算太貴，其實很具吸引力，但服務態度如此趕客，實在可惜！…Read More

同朋友行街經過見到好似幾靚入去睇下凡購買就可以+$買嘢飲都幾抵幾吸引而且選擇都多，好多咖啡款式都有。面包有bagel，scone，cake，蛋撻etc基本上講得出嘅都有賣賣相好吸引好多都想試而且價錢唔算貴。最後買左muffin都唔錯幾香口感鬆軟唔會太甜下次經過會再買…Read More

頭先喺呢間麵包鋪 買兩件芝士蛋糕 側邊貼住$32兩件, 去到時有位比較胖嘅女售貨員( 不是歧視, 因為有兩個售貨員一個瘦一個較肥， 所以咁樣形容以兹識別）收費， 當時我大意，冇即刻check 價錢， 上車後先發現收我兩件$38（原價$19一件）， 完全唔係標示咁樣。。 咁我就返去同胖售貨員講， 佢就答我，兩件價係要同曲奇一齊買， 但係我望曬店舖所有有字嘅地方， 都唔見到有提及曲奇， 仲要成間舖都見唔到有曲奇呢樣野貴。。。 我就同佢講你哋咁樣即係呃人， 佢就話：‘’咁你而家係咪買一件$19？‘’， 我就覺得而家係間舖呃人，所以我就話我兩件都唔要。。 但我當時本來諗住佢會退返錢，所以我放咗2件蛋糕喺車， 跟住我就去車帶番返嚟。。。 返到間舖，見到好長龍， 佢就好惡咁同我講排隊。。。 好在當時另一個瘦嘅女售貨員就問咩事， 個胖售貨員就同個瘦嘅售貨員講 話我搞錯咗，話我要退錢。。。 跟住瘦售貨員一睇到就話：買兩件係$32喎！ 跟住個胖售貨員一聽到係 自己搞錯仲亂咁作嘢， 竟然係即刻掉頭走咗去。。。 好在瘦售貨員叫我唔好嬲，我即退返錢畀你（收多咗嘅$6 ）我都唔明點解個胖售貨員，唔check清楚就亂咁作d根本假既野，跟住仲要怪客人，仲要咁嘅語氣…Read More

前日係黃埔行街既時候，經過Paperstone，見到佢地最近出左個英式伯爵茶系列，身為包控既我即刻入去睇，最後仲買左幾款返屋企試😍🔸️英式伯爵茶忌廉果釀盒子方包 $19佢係一個用伯爵茶味嘅盒子方包裏面有唧有伯爵茶忌廉，面頭再鋪滿各種果仁，食落超有口感🤩，茶味同果仁味道幾夾👍🏻🔸️英式伯爵茶檸檬燕麥奶貝果 $23伯爵茶加燕麥奶呢個配搭好新穎，Bagel 口感煙韌，檸檬味同伯爵茶味喺口入面混合 ，食落好開胃 👍🏻 🔸️英式伯爵茶海鹽法包 $15麵包鬆軟，食到有海鹽，比較健康。😙🔸️英式伯爵茶方包 $15麵包超軟熟，個人覺得茶味最濃，好啱配埋果醬同生果整吐司。🔸️英式伯爵茶忌廉醬 $12呢款忌廉醬主要係用伯爵茶同奶油做 ，個醬味道好清新滑身，甜而不膩，真係會食到停唔到口 ，好香！😝📍Paper Stone Bakery紅磡黃埔花園聚寶坊(第11期)地下G13號舖…Read More