265
6
1
3-min walk from Exit E, Causeway Bay MTR Station continue reading
Telephone
31885478
Opening Hours
Today
10:30 - 22:30
Mon - Fri
10:30 - 22:30
Sat
09:00 - 22:00
Sun
09:00 - 21:30
*last order: 22:00 (Mon-Fri);21:30 (Sat); 21:00 (Sun)
Payment Methods
AlipayHK Alipay Cash
Other Info
Online Reservation
Wi-Fi
May Bring Your Own Wine
Phone Reservation
Reward Dining Points
Delivery
Spot payment
About Reward Scheme
Review (286)
Level4 2020-07-21
375 views
平時喺銅鑼灣返工放飯 都會行經呢間餐廳 見到佢哋餐牌有花膠湯粉皮 好似好正咁有啲好好奇好想試吓🤔 今日收工就一於同女朋友去試吓先😏餐廳喺糖街 都好易搵!平時見到都已經好多人食 今日都唔例外 不過好彩等咗一陣就有位👏🏻入到去餐廳唔算好大 但都有啲特式擺設 同埋氣氛都唔錯👍🏻之後睇吓有咩食先我就梗係試返我最好奇嘅花膠湯粉皮啦🙈好快就有得食啦!•印尼花膠湯蘭雞粉皮🐔•-第一啖食落去就已經好驚喜!佢個湯底超濃郁 充滿張口嘅口感 而且仲好重雞湯味👍🏻 另外呢度都冇孤寒 俾一大舊花膠你 超抵阿!佢哋嘅雞都整得好入味 而且仲好鮮嫩!點埋佢哋嘅秘製醬汁 酸酸甜甜好清新 就更加好食👍🏻分量同樣地一啲都唔少 !另外我女朋友叫嗰個都好誇張!呢度真係好大方 一個餐成條魚俾你😱 仲要煎得好香脆!表皮脆卜卜 但入邊嘅魚肉就好嫩滑☺️因為炸得好香脆嘅關係 基本上成條魚除咗骨位都食得👍🏻我哋仲要多咗個串燒!•3串牛肉串燒🐮•-呢度嘅串燒都整得好出色 佢哋嘅調味料整得啱啱好唔會太過咸 而且都好有牛肉味 面頭仲燒到有少少脆口 正!最後飲品我就叫左一杯珍多冰呢杯珍多冰同泰式嗰款有少少分別 呢杯就比較稀身少少 但入邊嘅材料都係差唔多 都好有椰奶香👍🏻-呢度嘅性價比幾高 因為每個套餐嘅份量都好多 而且啲嘢食仲整得好好味! 另外食嘢嘅時候 見到好有趣嘅一幕 有一枱客人喺度幫佢嘅工人姐姐慶祝生日☺️好Sweet!!大家如果想同印傭姐姐慶祝生日不妨可以考慮吓呢到😂👍🏻 continue reading
(The above review is the personal opinion of a user which does not represent OpenRice's point of view.)
說來話長,其實都有成半年 乜點樣出過街,難得而家個可以出下街抖下。同埋都聽到電視新聞話啲食肆開始有返生意,噉我相信我哋呢班最鍾意食同最愛食嘢嘅人開始受惠了,系時候應該出動喇,二話不說,去返一間好懷念好想去嘅印尼餐廳先。門口有特色嘅小食同糧油雜貨擺喺度。令大家好註意到這間店。但係有時如果你唔覺嘅可能以為呢一家係一家士多。入到去所有職員都同你打個招呼又親切嘅笑容。正正係好懷念我上一次食嘢嘅體驗。到而家都知道真係好無微不至。睇一睇佢哋嘅裝修格局略為修整個。多咗好多帳篷。而家會講究衛生嘅餐廳真係唔多,而家餐廳會做足呢個措施。去分隔兩張枱之間嘅食客同距離。相信衛生一定好好,亦都好尊重返香港嘅環境。佢係一個加分嘅表現抵我再返頭的。坐低後親善嘅職員過嚟介紹佢哋嘅主要食品佢哋匿埋餐牌過嚟逐一介紹,煮菜小食同埋佢哋特色嘅招牌套飯。職員介紹我哋可以食雞髀椰漿飯啲飯係撈咗椰漿。但係會有小小Spicy。另外會有一隻大大雞比好得意好美味都好有印尼風味嘅配料。生菜青瓜番茄呢啲唔少得嘅印尼地道配菜。另外椰漿飯上面仲配左小小薑嘅成分,仲有個類似係芋頭花生糕仲有豆腐一尊。用一個籃仔上菜賣相非常之有特色食落去格外有風味。Nasi Liwet Paha Ayam 雞牌椰漿飯至於我HONEY就食左個炸碎雞花膠湯粉皮。呢個名非常之特別嘅組合。其實即係炸雞嘅花膠湯粉皮,炸雞係值得一讚。因為佢哋嘅皮非常之薄而佢哋嘅肉系應該秘制過來的並且係非常之新鮮,仲會扣住肉汁仲有小小胡椒鹽嘅味道。相信佢哋用咗好特別嘅配料。炸嘅過程應該唔會炸好耐但令到佢完全均勻地熟之外亦都唔會講心非常之彈牙有咬口JUICY。Mie Ayam Geprek Kuah Perut Ikan 炸碎難花膠湯粉皮花膠湯唔油非常之好味容易入口。同時亦都感覺到啖啖新鮮嘅花膠溶入個口,所以這碗麵最強嘅食法就係食完麵之後必須要飲曬啲湯先至叫做合格同尊重佢哋。佢哋嘅印尼粉皮好得意大大塊。好似我哋嘅河粉但係佢哋非常之嫩口之餘。仲好似一塊拉長咗嘅布噉樣,基本上唔使點咬。記得係用啜嘅方式入口咁樣會係最標準。當然我哋唔會就噉嗌兩個main 。點都要嗌d小食嘅。噉我哋選擇所成立馬拉盞炒通菜。基本上夏天能夠食到好味嘅通菜的確唔簡單。另外就發現佢哋嘅通菜非常翠綠,同埋爽口職員表示炒通菜係會有啲辣嘅。如果食唔到辣嘅朋友可以減。當然我哋小小喇都食到所以,我哋比佢滿分。同埋佢哋嘅馬拉盞似乎係真係印尼過嚟。因為香港好似都食唔到類似嘅味道。Oseng Kangkung Terasi 石栗馬拉著炒通菜當然有食就有飲。飲呢個部分我哋嗌咗一杯珍多冰同涼粉冰。先講珍多冰啊。珍多冰係有椰汁味啦。仲有好好味嘅啫哩條。最緊要飲嘅時候要搞勻個底。因為同將會喺底撈勻之後成杯飲品,凍得嚟又甜你會大啖大啖飲落去你感覺到完全係幸福嘅味道。涼粉冰。平時我哋食得多平時都係食正方形。但係而家佢哋嘅梁粉整成條狀好似一箸麵噉可以啜入口同樣佢哋嘅汁,非常之同涼粉配得啱啱好所以呢個涼粉冰絕對係夠濃口。夠可口。坊間係飲唔到嘅。Es cendol 珍多冰Es cincau 凉粉冰其實喺銅鑼灣呢啲咁高檔嘅地方可以用一個咁好嘅價錢去食一餐咁豐富咁美味咁多元化嘅,食物真係唔簡單所以斑斕葉餐廳真係造福市民造福人群。雖然都食到好飽喇。但係我哋都不忘食佢嘅斑蘭蛋糕。所以我哋臨走嘅時候都嗌咗兩件外賣搦走返到去都仲有,餐廳嘅味道所以既懷緬又有回憶非常之幸福能夠喺呢個時候仲有咁好嘅享受真係感恩。##下次我想打大佬, 食龍蝦餐! 試下都好!班蘭葉印尼美食銅鑼灣糖街1-5號銅鑼灣商業大廈地下B2舖 continue reading
(The above review is the personal opinion of a user which does not represent OpenRice's point of view.)
自從上次食過班蘭葉印尼美食,一直念念不忘佢既原條魚花膠湯粉皮。今晚再約好友一同飯聚,好彩預先BOOK左枱,去到既時候門口已經有唔少人等緊位。一坐底老闆就好熱情又細心地介紹菜式,支持小店!抵食又好味,店員又NICE!黃薑炸原條魚雜錦飯嘩!一上枱勁吸晴,超大碟又多配料~原條魚炸至金黃香脆,內裡肉質嫩滑又多汁,配料有炸茄子、炸豆腐等等,濃香可口。印尼花膠湯班蘭雞粉皮花膠湯底濃而不膩,啖啖鮮甜,仲有一大塊嫩滑花膠,配以爽滑彈牙既粉皮。班蘭雞啖啖肉嫩滑無比。石栗馬拉盞炒通菜通菜新鮮爽嫩,辣度低,炒得鮮美,好有鑊氣勁惹味!牛油果沙冰 大大杯沙冰夠哂消暑~加以朱古力漿調味,口感幼滑豐厚,牛油果味濃郁,飲完透心涼,牛油果控必點!香茅椰糖薑蜜滋補身體之選,甜而不膩,岩哂女士們~ continue reading
(The above review is the personal opinion of a user which does not represent OpenRice's point of view.)
Level4 2020-06-13
1258 views
印尼串燒就食得多,印尼菜就真係未試過,今次就有朋友相陪一嘗印尼美食;店舖面積唔算大,但目測可以坐到20-30人,今晚都幾滿座,大約個半鐘頭內已翻枱兩次,其中都有唔少同鄉客人幫襯,相信呢度出品算係幾地道~白鱔沙嗲 (三串) $98印尼沙嗲串燒果然係正,有驚喜!好香炭燒味,白鱔肉質結實彈牙,咬一啖,啲魚油慢慢滲出來,好好味!值得一試!一定要趁熱食!印尼四大天王 $78*轉班蘭飯 +$15見到多人食呢道四大天王,所以就跟風試吓喇~ 本身係跟普通白飯,加$15可轉班蘭飯或椰漿飯(伴魚仔,少辣),任君選擇;印尼四大天王有白切雞丶巴東牛肉丶沙甸魚丶加多加多沙律。一碟可試哂4款印尼美食,抵!印尼語Gado Gado 代表雜錦嘅意思,係形容材料很豐富,而呢度係有椰菜絲、紅蘿蔔條、芽菜加上花生醬嘅沙律。原條魚花膠湯粉皮 $78原條炸魚上枱係有D吸睛嘅,size同隻碟一樣大,炸到好靚仔,脆卜卜,好香口。花膠湯底係似中式打邊爐嘅花膠雞湯味道,味濃稠密有膠質,湯內有一塊花膠,而粉皮好薄身,微微米香,口感滑嘟嘟,同花膠湯好夾!牛油果沙冰 $48比想像中大杯!有少少朱古力漿調味,淡淡牛油果味,夏天飲,透心涼😌芒果沙冰 $48味道似某牌子嘅菲律賓芒果軟糖,如果減返少少甜就更理想喇~除咗店內堂食,店外亦有飯盒丶小食丶糕點,仲有班蘭蛋糕可買。 continue reading
(The above review is the personal opinion of a user which does not represent OpenRice's point of view.)
Level4 2020-06-09
754 views
香港其實好少專門食印尼菜嘅餐廳,可能因為受眾實在太少。好唔容易先至喺糖街搵到呢間餐廳,佢雖然係印尼正宗嘅菜式,但係亦都糅合左香港本土風味,所以啲菜都好啱胃口。我其實係想食佢嘅花膠湯麵🍜,然後發現佢個菜單有好多款可以選擇,我就揀咗個雞烏冬,花膠湯。啲雞來時非常滑,係黃油雞,非常新鮮,而且啲雞油配埋雞肉一齊食,就冇咁乾爭爭,反而覺得非常Juicy。之後我試左佢嘅串燒,特別揀咗係鱔,想睇吓佢嘅串燒同埋日本餐廳嘅鰻魚串有咩分別。結果發現,佢嘅鱔係比較多骨,但外皮就真係烤得比較好同脆,最重要係配埋佢嘅特色沙嗲醬,甜得來亦有花生,一啲都唔辣,所以真係唔怕一點再點。再之後就係佢嘅炒芽菜,呢一款芽菜同我哋平時喺餐廳食嘅好唔同,除咗佢嘅芽菜比較大粒,比較圓身之外,更重要係佢用咗啲酸酸地嘅汁去炒,所以係會零舍開胃。我最後叫咗佢杯印尼咖啡冰,開頭以為呢杯野會好甜,但其實發現一啲都唔甜,因為佢將糖漿放到落去杯嘅最底部,咖啡同埋奶就係面層,所以如果飲管唔飲到啲糖漿嘅話,就一啲都唔會太甜,相反,其實個甜度可以自己控制。我會比呢間餐廳幾高分下。 continue reading
(The above review is the personal opinion of a user which does not represent OpenRice's point of view.)