斑蘭

Open Now

Now Closed

是日係同太太的結婚週年紀念💍，特意挑選左間fusion餐廳🍴。三道菜，一鍋一碟一籃，成就我倆最動人回憶。新加坡黑胡椒鮑魚雞煲未試過喺西餐廳食雞煲🐔🫕打開個蓋時，熱騰騰嘅♨️，香氣撲面，黑胡椒🧂混著雞肉的香氣🐥，加上鮑魚，未食都留晒口水🤤。雞件入味，鮑魚彈牙，搭配原條青花椒🌶️，香辣不膩。食極都仲有，又雞又鮑魚，呢個價錢，性價比相當高😎。新加坡喇沙炒海鮮貓耳朵個配料豐富得有點誇張：魷魚🦑、蝦仁🍤、青口🫛、豆卜、三文魚籽，相當有誠意。最驚喜係貓耳朵裝滿濃郁喇沙醬汁🥫，辣中帶一點椰香🥥，滑而不膩。新加坡得嚟，帶點西式精緻👍🏻。越南傳統炸春卷（6件）外層炸得酥脆不油膩，咬落去嗦嗦聲😋，熱騰騰超脆口。內餡用料實在，豬肉🥩、黑木耳、 蘿蔔🥕、洋蔥🧅，完美混合。配上新鮮生菜一齊食，樸實但不簡單。

今日同老公去尖沙咀行街，順便嘆番個elements下午茶先，下午茶餐價錢好合理老公叫左香茅烤雞肉串燒+ 招牌海南雞配油香飯+ 青檸梳打香茅烤雞肉串一上枱就香噴噴，雞肉鮮嫩又有肉汁，啖啖肉充滿香茅味道，好惹味！海南雞嘅份量好足夠，雞肉肥瘦適中，肉質嫩滑軟稔！配埋唔同嘅醬汁一齊食，油香飯充滿油香而不膩青檸梳打酸酸甜甜，清爽又解渴我就叫左腐乳蛋黃醬單骨雞翼+ 檳城古法大蝦炒貴刁+ 桂圓紅棗茶單骨雞翼食嘅時候夠晒方便，雞翼外皮燒香脆口，配埋腐乳蛋黃醬，幾好味大大碟檳城古法大蝦炒貴刁，好有鑊氣！大蝦新鮮又爽口彈牙，仲有魷魚同埋臘腸桂圓紅棗茶香氣撲鼻，飲入口清潤甘甜海鹽雪糕粟米脆脆賣相好夢幻！好鍾意雙球海鹽雪糕唔會太甜，又帶有海鹽微微嘅鹹味，鹹鹹香香餐廳舒適寬敞，下午茶餐性價比好高，食物份量都好足夠好味又飽肚

成日經過呢間餐廳都以為會好貴，今日認真睇吓Menu，原來價錢好實惠，而且環境仲好好，咁就入去試吓啦。呢個薄切帶子賣相非常靚，好適合打卡，而且食落仲好新鮮，雖然切得好薄，但係都好夠味，襯埋面頭嘅三文魚子真係好夾，又好食又可以打卡，非常推薦大家試下。估唔到呢間好似星馬菜嘅餐廳都會有鮑魚雞煲，一於試吓啦。佢食落唔會好辣，但係好惹味，而且份量都好多，雞肉仲好嫩滑，煮嘅時間啱啱好。這間餐廳又靚又抵食，而且服務態度都好好，喺呢個商場入面應該係性價比最高嘅餐廳啦。

呢間餐廳主打星馬fusion菜,環境優美,地方闊落❤️Staff親切有禮👍🏻新加坡喇沙炒海鮮貓耳朵 $220貓耳朵粉口感煙韌,喇沙醬味道濃郁,帶有少少辣.配料有青口.魷魚蝦同豆卜,貓耳朵粉完全吸收了喇沙同海鮮嘅香氣😍越南傳統炸春卷(6件) $118炸春卷炸到金黃色,外脆內軟🤩入邊嘅餡料飽滿,點埋特製醬汁,味道酸甜,好開胃😋自家製腐乳蛋黃醬牛油雞翼 $108雞翼炸到脆口😍雞肉嫩滑,點埋腐乳醬,更提升了雞翼嘅層次😋

位于圓方的斑蘭, 坐MTR去九龍站便可, 十分方便, 餐廳環境十分舒適又如去了渡假一樣，所有嘅食物擺盤十分精緻美麗, 味道除衝擊我味蕾, 擺盤亦震撼我的眼球-泰北青咖哩酥脆軟殼蟹伴煎檬粉 $186.0軟殼蟹口感外脆內軟, 配上鮮綠色嘅咖哩汁, 顏色鮮豔, 口感微辣, 非常鬆脆而不油膩的煎檬粉, 伴著青咖哩, 既可以嚐到辣的，又有香口的煎檬粉一起吃，真的可說是一石二鳥，吃得來非常脆口，脆得來不會很硬，也不油膩，而且又夠鬆化，實在是甚有水準-自家手打泰式五彩蝦餅 $126.0每件星星蝦餅都被不同顏色的星星包圍著, 十分脆口, , 手打的蝦餅爽口彈牙，蝦味鮮甜, 星星的蝦餅味道比平常的蝦餅更出色-串燒黑毛豬腩肉 $28.0黑毛豬最美味又是最適合燒烤的部位，因為燒過後肉質爽口而不肥膩。-越式香茅雞肉串 $28.0雞肉加入香茅、檸檬葉及多種香科醃製, 燒後更香更惹味, 配埋特製醬汁, 還溢出淡淡的香茅和檸檬清新味, 層次豐富-海鹽雪糕粟米脆脆 $56.0份量足夠, 有兩個雪糕球, 可以同朋友開心share,食落甜中帶咸 微微海鹽味, 忍唔住一啖接一啖

前所未有預到態度咁差嘅職員，多個男職員和男經理都是態度惡劣，黑口黑面，長期說話有骨，令到客人心入面不好受，客人說一句，佢地回你10句，嘢食再好食都唔會再幫襯！有啲咁嘅餐廳喺高級商場入面簡直接受唔到，唔怪得香港人要回內地消費！完全不合格！仲看見佢哋對隔籬枱都係一樣態度，呢啲咁嘅服務態度唔應該助長佢哋，感覺似係經理帶頭容許下屬咁樣做，只有女職員態度沒有問題，所有男職員都係黑口黑面，而且會鬧客人，真係不要得！

今日行街經過圓方，揀咗一間新加坡菜嚟當晚餐，裝修新穎，環境乾淨，店員服務也算良好。蟹肉和牛油果沙拉呢道沙拉的蟹肉好新鮮，肉質細膩，搭配滑順的牛油果，口感豐富。上面的調味醬清爽，不會搶走海鮮的鮮味，讓每一啖都感受到自然的味道。脆米紙魚皮食魚皮炸得勁酥脆，咬下去有著很好的口感。鹹蛋黃的香氣滲透在魚皮上，讓它更加美味，這種獨特的風味幾新鮮，停唔到口。手工蝦餅蝦餅的蝦肉好新鮮，口感彈牙，外皮炸得金黃酥脆，裡面卻保留了蝦的鮮甜。每一啖都能感受到海鮮的鮮美，點小小醬汁仲好味。扇貝和鮭魚卵意大利麵意大利麵的海膽醬非常濃郁，搭配扇貝的鮮味和鮭魚卵的鹹香，整體味道層次豐富。麵條的口感剛剛好，不會過軟，吸附了醬汁的香氣，好creamy 。伯爵奶油可頌鬆餅這道甜品是套餐的完美收尾！鬆餅蓬鬆柔軟，上面淋左香濃的伯爵奶油，搭配冰淇淋和新鮮藍莓，既有冷熱的對比，又有甜酸的平衡，讓人感受到無比的幸福感。成個套餐的搭配勁用心，道道菜都有獨特的風味，讓我在用餐過程中享受到不同的味覺體驗。斑蘭 (尖沙咀)尖沙咀柯士甸道西1號ELEMENTS圓方水區1樓1044-1045號舖

🧭斑蘭（九龍）⭐️高質東南亞餐廳⭐️🇸🇬🇲🇾🇻🇳🇹🇭 fusion 菜💸排骨山$268💸排骨山可以揀斬唔斬件成塊面咁大嘅排骨俾汁浸住 睇見都有視覺衝擊醬汁調得啱啱好 每種味都唔會冚過其他味酸辣香齊晒 排骨都煮得夠腍🌋💸牛油果醬法包$118💸法包上面滿滿嘅牛油果醬 超級creamy配埋新鮮蕃茄粒 食落好juicy 作為前菜好開胃又refreshing 牛油果lover 必點🥑💸菠蘿海鮮焗意大利飯$238💸鋪面嘅係滿滿嘅海鮮 好豐富帶子 青口 鮮蝦 白蜆 樣樣都有啲特別要讚帶子 好大粒 彈牙新鮮意大利飯焗完一啲都唔乾 仲要超creamy 好高質🍍💸青檸蒸魷魚$288💸魷魚整得好好食 肉質非常之鮮嫩 食落同平時啲魷魚唔同 腍得嚟又保持到口感兩條魷魚浸喺青檸湯入面 睇見都流晒口水鐵盆下面有火爐熱住 令魷魚熱辣辣 香味撲鼻🦑💰人均 ~$400🍗食物：8.5/10👨‍✈️服務：8.5/10🪑環境：8.5/10💯總分：8.5/10總結: 成餐飯連埋嘢飲人均$400，東南亞嘢食嚟講唔算平，但嘢食嘅質素有保證，環境亦舒適。如果嚟開九龍附近，呢間絕對值得一試。😋#hongkong #hkfood #hkfood

其實今次已經唔係我第一次嚟呢間聖馬菜食飯，上一次路過，見到見到Tea time都滿座就入嚟食咗一次。今次約埋朋友一齊嚟食晚飯，然後再去睇戲！朋友見到佢個火山骨就已經忍唔住話要order ，其實我哋得兩個人，不過想食就嗌啦。嚟到個覺真係大到嚇親人，開頭以為佢二百幾蚊貴過出面咁多，佢個份量基本上應該四個人先好叫。我另外再嗌咗一個白飯。😂 前菜叫咗佢好脆嘅有牛油果又有蝦健康嘅清新一下先，之後就叫咗個一人份量嘅冬陰功湯，個冬陰功湯唔係好辣，如果嗌幾樣嘢食就唔好一人一碗因為份量都幾大。另外再嗌咗兩個串燒，豚肉同雞肉，一啲都唔乾，而且超級Juicy。基本上係食到捧住個肚出去。我都知叫得太多，但係咩都想試。

圓方《Pandan Asian Fusion Bistro》裝潢雅緻，食物方面好有水準，我都多曾到訪這裡。今次嚟叫左 1 Tea Set + 1 個 甜品：✨️小食有很多款，我就選了越式牛油果醬法包配蕃茄莎莎(2件)法包超脆上面塗了一層薄薄清新牛油果醬，仲有新鮮蕃茄粒，非常開胃。✨️檳城古法大蝦炒貴刁有河粉和麵條炒成，火喉十足，味道濃郁。煎過嘅大蝦很香口，好有檳城風味！另外，甜品方面:✨️海鹽雪糕粟米脆脆 $42鹽味不重，奶味偏重，好好味。雪糕上，有栗米脆片和 2條朱古力脆條，增加口感！✨️跟餐飲品「水果冰茶」內有一片鮮橙，茶味香醇。

圓方新開嘅新加坡菜超jeng食曬三樣野先係98蚊🍽️ 自家製腐乳蛋黄醬單骨牛油雞翼（4件）滿滿嘅蛋黃醬同埋腐乳包裹住隻雞翼💕仲要炸得超級脆😋算係一個比較香口嘅小食🍗推薦推薦🍽️新加坡大蝦喇沙個湯底濃郁😋仲有兩種唔同嘅面🍜一種係粉絲🍝一種係油麵🥘粉絲比較吸湯汁😋所以每一啖都食到喇沙嘅香味🤤而油麵又豐富左成個口感🦐 加上入面仲有兩隻大蝦同埋蜆🐚 98蚊黎講超級抵食🍽️青檸梳打青檸配梳打水再配埋薄荷葉🍻簡直係perfect match

餐廳主打各式星馬菜，但一開始係俾佢個裝修環境吸引咗過嚟，用咗木枱藤椅同埋啲裝飾元素，好有熱帶風情，有種去咗度假嘅感覺～佢嘅菜式同普通食開嘅星馬菜少少唔同，加入中西泰式元素，配搭比較新穎！-——————————————🥟◖芫荽牛油果醬鮮蝦越南濱海脆餅◗ $114越南濱海即係炸米粉，隨便放上牛油果醬、鮮蝦同芫荽，口感creamy豐富，係一個唔錯嘅餐前小食🥗◖泰式酸辣鳳爪青木瓜茴香沙律◗ $108青木瓜茴香沙律酸酸甜甜，帶有輕微辣味，配上去骨鳳爪，幾清爽開胃🍢◖越式香茅雞肉串◗ $28雞肉都幾大嚿，本身用香茅拎去燒，香味更加有層次，可以加埋佢哋秘製酸辣汁，酸爽開胃，更去肉類嘅油膩感～🐂◖椰香巴東牛肉煲伴越南檳海◗ $182巴東牛肉偏瘦，但都炆煮得軟腍，特別入味，有少少似炆牛腩嘅感覺，可以放上脆卜卜嘅越南濱海，肉香濃郁又香脆！🌟 Encore指數：8/10

好友約我去位於尖沙咀柯士甸道西1號Elements圓方水區1樓1044-1045號舖的《Pandan Asian Fusion Bistro 斑蘭》食下午茶餐，環境舒適，坐得舒服。我地點左2個下午茶餐A+B+C $98A :檳城古法大蝦炒貴刁2隻大蝦的 size 大大隻，好味，貴刁炒得香口好味，配料豐富。招牌無骨海南雞配油香飯海南雞份量不少，雞肉嫩滑，油香飯好食。B :越式牛油果醬法包配蕃茄莎莎(2 件) 法包香脆可口，蕃茄莎莎配牛油果醬，好味！香茅烤雞肉串燒（2串）雞肉外脆肉嫩，醮醬汁更好味。C :熱桔仔話梅水酸酸鹹鹹好潤喉。熱桂圓紅棗茶清潤好飲。另外追加甜品：藍莓焦糖燉蛋 $46靚靚甜品，燉蛋香滑，藍莓焦糖好味。海鹽雪糕粟米脆脆 $42雪糕幼滑好味，配粟米脆脆和朱古力幼蛋卷，好看又好食。

餐廳整體氛圍好輕奢，裝修風格都好雅緻，令人一入到去就感受到咗一種舒服嘅用餐體驗🥰。餐廳嘅燈光柔和，搭配精緻嘅擺設，令人感覺好放鬆。我哋點咗幾樣嘢，首先係生蝦，蝦肉鮮嫩新鮮，搭配上醬汁，真係好開胃🦐。跟住係蟹肉蟹膏泰式肉碎脆脆球，呢個菜式真係特別😍，外面嘅脆皮炸得金黃香脆，一咬下去，裏面就係香濃嘅蟹肉同肉碎，配合泰國風味嘅調味，既有層次感，又唔會過於油膩👍🏻。最後，65度慢煮牛肋條。牛肋條煮得剛剛好，肉質軟嫩，口感滑順，牛味十足，真係好正！佢嘅醬汁亦都好入味，令到整個菜式更加提升。值得要讚下既係，呢到服務都好好，店員好留意每個客人需要咩👍🏻無論係環境服務定係菜式，都令人非常滿意。

放假約老友九龍站圓方《斑蘭》嘆下午茶，餐廳裝潢超靚座位舒適。我們點左招牌無骨海南雞配油香飯+越南炸春卷配生菜+桔仔話梅水$98:海南雞皮爽雞肉嫩滑，油香飯味香，蟲草花雞湯。越南傳統炸春卷配生菜，生菜🥬新鮮嫩綠爽口、春卷鬆脆餡多。醮醬汁提升美味😋桔仔話梅水：桔仔酸酸甜甜，話梅咸咸甜甜好飲。招牌無骨海南雞配油香飯+香茅烤雞肉串燒$88，雞肉串燒肉質嫩滑，醮醬汁好好味😋海鹽雪糕粟米脆脆$42海鹽少少咸雪糕甜甜口感特別，配粟米脆脆&兩條朱古力蛋卷，賣相美觀又好食😋