Video
近科研路迴旋處
continue reading
Additional Information
餐廳位處於馬料水海旁，有小食、即食麵及飲品供應，可供遊客及踏單車人士歇腳一邊進餐，一邊欣賞吐露港風景。
Above information is for reference only. Please check details with the restaurant.
Review (1)
第一之出POST,,,,寫得唔好請見諒 話說尋日食完飯約埋班FRIEND一行6人去踩夜車,本來諗住由大埔踩去大圍食糖水再返大埔, 之後踩到黎海濱長廊o個間餐廳,見到佢出面塊板寫住有糖水賣,好似幾吸引,決定坐低試下。 入到去笫一個感覺都幾舒服,因為o個度有播d柔和音樂,而且又望住個無敵海景,感覺幾好,坐低後睇下o個menu,見到d 選擇其實唔算多，不過見地方唔錯,所以我地最後order左芒果西米露，鮮芒果布丁，豆腐花，同埋一個店長推介既白石角香蕉船。 首先講下個芒果西米露,其實同出面糖水店出就冇咩大不同,新鮮芒果加西米露,不過價錢就比出面平,廿幾蚊黎講都算抵食,而值得一提就係個西米露既芒果汁,令個西米露好入味，總括黎講合格。 之後到鮮芒果布丁，諗住應該同出而都係差唔多，點知就有驚喜，個芒果布丁口感好滑，好似食緊豆腐花咁，芒果味就淡ｄ，不過踩單車踩到好熱食淡ｄ都幾舒服，所以我比８分。 到豆腐花，之前係大埔食過阿婆豆花，所以諗住比較下，我地叫左個凍既，食落去雖然無阿婆ｏ個邊既咁滑，不過ｅ度既豆味就比阿婆ｏ個邊重，而且又夠凍，同埋阿婆豆花成日都好早關門，所以夜晚黎食都算唔錯。 最後到香蕉船出埸，都係以生果配雪糕，ｅ個香蕉船味道其實算普通，不過勝在夠大分，而且價錢好合理，３０蚊攪掂，其實都算唔錯，合格！ 最後埋單只需９０蚊，其實比出面煻品店價錢合埋好多。總括黎講今次之旅算係唔錯，有音樂有夜景，最好就係白石角關門時間比較好，佢地開到凌晨一點，又可以放單車，踩夜車啱哂，下次一定再黎
continue reading