栢檔極品海南雞飯 (Closed)

晚飯時間太多人，呢間唔洗等就有位，而且想試喇沙，立刻入去試吓先～一人套餐 $70熱柚子蜜好好味極品海南雞喇沙油麵和米粉混合，好正宗。湯底好味。海南雞好滑。生菜好食

去荃灣攞嘢，順便食埋個午餐先，見到呢間舖頭嘅裝修都幾吸引，一幅大大嘅綠色葉🍀牆，餐枱顏色又十分鮮艷，所以被吸引咗入去。座位都寬躺，有普通位及Bar枱選擇。叫咗極品海南雞🐥喇沙加配凍檸水，份量都好足，仲有幾款醬配點海南雞，麵有粗麵及米粉一齊，幾特別，不過喇沙湯底比想像中淡味，如果濃味啲會更好，配凍飲🥤唔洗加錢，當然叫杯凍嘢啦，凍檸水配海南雞喇沙，好味😋除咗海南雞其實都仲有其他嘢食，另外一款吸引我嘅會係個香剪手剁魚香肉餅，下次你試埋呢個先🤔

在疫情下，晚餐自己唔煮嘅，就都係要買外賣啦！今日收工返到屋企樓下，見到有間新開海南雞飯店，又有9折，咁就試下啦！點左一個海南雞飯套餐，一個海南雞喇沙。等左一陣就有啦！咁就返屋企開餐。開左個海南雞飯先，隻雞好滑好香雞味，而且重起晒雞骨，點少少辣醬就真係好正，個飯就係油飯，都夠味道，個餐就夠埋個西生菜，大大碟，個湯都好足料，絕對係抵食。另外就係個海南雞喇沙啦，一開就有少少奇怪，點解有一半油麵同埋一半米粉，可能係唔夠粉啦！哈哈！跟住就放晒落個湯度啦！個喇沙湯好濃味，好香，雞肉都係起晒骨同埋好滑，最後都係清晒，會再幫襯。