2
1
2
Telephone
29666919
Other Info
Phone Reservation
Above information is for reference only. Please check details with the restaurant.
對賽馬興趣不大, 今次再來是要支持香港精神 巴基之星選了近衝線位置, 但最後還是會被他人遮住今次有蛇羹, 原來羹叫potage羊要丸有風味上次吃鴨脾, 今次喻鵝脾salmonsteak and lamp chop自製三文魚海鮮粥最重要是見證了巴基之星Pakistan Star再創歷史, 支持香港精神!!!
continue reading
在SASA銀袋日, 有幸被邀請去食自助餐同感受下當日各美女悉心打扮, 同馬場氣氛坐底無耐, 每人有半隻大龍蝦, - 味道略淡, 肉質爽口, 膏好多, 好甘刺身: 甜蝦, 三文魚, 鯛魚,, 螺片- 三文魚肥美, 油香豐富, 螺片最驚喜, 比外面食的大件, 好爽口, 仲要食到鮮甜, 鯛魚肥美, 但有D漏, 甜蝦鮮味燒和牛- 全埸最正, 肉幼嫩, 大部份位置3-5成熟, 對我剛好, 肉味香, 濃和牛骨- 搶手貨, 每次得幾件, 手快有啦, 我排左兩次先拎到. 食落五話得, 好似蚊唸左手尾, 但係又有燒烤香味, 食到五停得.蝦湯麵 - 我叫左米粉同油麵兩溝, 湯底香, 但五夠濃, 麵同餸是一般貨式生蠔 - 好細隻, 鮮味夠, 食落又滑又爽口燒肉,白切雞 - 一般貨式, 雞最出色是夠滑, 但沒有什麼味道沙律 - 款式算多, 幾新鮮, 菜夠爽脆最後重有我最愛的DRYER'S雪糕啦
continue reading
從不賭馬的我竟然入左馬場? 你沒聽錯, 而且, 一向唔鍾意賭馬的我竟然有個賭馬的男朋友, 意外吧? 因為他的關係, 我有日經過馬會見到馬場開鑼日的海報, 突然間心血來潮要佢帶我去見識一下, 當時的佢都愕左一然, 最後, 佢為左令我可以舒舒服服的看跑馬, 上網搵資料訂了呢個會駿廳的自助餐, 佢話要讓我在舒舒服服的環境下, 一路食野一路觀看, 因為傻貓咪最喜歡食了當天, 因為服裝方面限制, 佢逼不得巳放棄佢平日穿開的T-shirt及牛仔褲, 而佢的一身裝束亦令我多次忍俊不住發笑. 當我們去到會駿廳時, 入面巳坐滿人, 有些甚至巳食飽係度睇緊馬經, 我急不及待出去睇下有咩野食, 我祇可以說這是我食過咁多次自助餐最少野食的一次, 我行了一轉隻碟上祇有一件勉為其難夾的蒸魚, 唔見刺身壽司, 熟食祇有幾樣極平凡的炒飯麵, 菜, 牛(我唔食牛), 蒸魚及一兩樣炸的食物, 長腳蟹及煙三文魚被人鑼剩兩三條, 見到都唔想鑼, 反而煮麵的攤前排左幾個人, 甜品祇有幾樣平凡到極點的蛋糕, 真的令我好失望, 四百幾元就食呢d? 佢見到我隻碟巳心知不妙, 即刻出去再幫我, 最後鑼左一碟甜品返黎, 佢好抱歉的對住我說: 估唔到真係咁少野食, 你會唔會唔開心? 其實當我出去行左個圈睇晒所有野食時心情的確不太好, 但見到佢咁緊張的樣, 我反而沒有再計較食物多少與質素了, 好與醜都係咁食, 咪食少d囉, 其實都無咩大不了者, 所以當佢問我時, 我真的巳沒有不開心了, 最後佢多次出入幫我張羅食物, 自己反而無咩點食, 所以後來, 我索性去煮麵檔前排隧鑼左碗麵俾佢, 我覺得反而呢樣係全場最好味的食物, 當快開跑時, 我們會一齊走出廳係外面的觀眾席觀賽, 等比實完畢才再返黎去繼續食, 我唔知佢都選左咩馬, 所以每次都會先問佢買左邊隻, 然後緊張的睇住跑道留意住佢選的馬匹是否跑出, 佢還笑我比佢更緊張最後我們由一點一路坐到五點鐘, 雖然食物不太滿意, 但我巳覺好開心, 始終咁樣的形式相處都不是太多機會, 而好難得佢全程都一路照顧我所需, 祇是偶爾行出去買馬.希望再有機會陪你入馬場, 但下次不用再安排廳房了.
continue reading
尋日係跑馬仔既日子,小妹因為有朋友仔係會員,所以有幸被邀請去馬場食自助餐,dress code係唔俾牛仔褲入場,咁就要揀番條靚裙去!不過大家都唔好以為我食得好好,因為d食物實在係太失望了,首先係刺身,有吞拿魚,立魚同甜蝦,但係唔新鮮,特別係吞拿魚,d肉係梅既,而且食既時候好似有d黏黏地既感覺,有d嘔心...生蠔就新鮮,不過因為我唔係特別鍾意食,所以只係食左兩隻,青口同蝦係凍食,一般而已...熱盤選擇唔多,而且兩點後好多款都唔再re-fill...可能d人已經要賭馬仔而唔再食野掛!比較好食只有個羊仔肉...沙律吧嗰面,都唔係好多野食,沙律菜只係得西生菜見得吓人,有一款帶子沙律見到以為好味,點知食落d肉又係梅梅地,味道又係怪怪地...結果要食碗魚旦河填飽個肚,可幸既係佢地d服務員service都幾好,不過食物就真係要改善一,見隔離枱招呼外國朋友嚟食,心諗..真係失禮,唔知d外國人咩感受??不過可能大家入場唔係要食好野,而係要贏馬仔啦!埋單要會員卡先得,朋友仔話請我食,我問番佢幾錢個人,佢話三百蚊一位,有無搞錯?三百蚊食d咁野?
continue reading
成日入場都會在快活谷那邊，因為沙田呢邊幾吊腳，所以一年都唔來一次。是日要應酬幾位外賓，就在這裡訂了一席，實行邊賭邊吃邊傾。十二點已率領大軍進場，第一場未跑就已經有野食。仍然是自助餐形式，冷盤、熱盤、甜點，加埋粉麵檯、沙律檯及燒味檯，格局都同上次來一樣。不過看來，這裡食物比以前進步，如冷盤的生蠔，以前是開定，家陣都玩即開。有英國的馬蹄及美國大西洋，個人當然屬意前者，新鮮爽脆，又有淡淡的海水味，都吃了好幾隻；沙律檯有一位妹妹在即撈凱撒沙律，勝在夠新鮮，位妹妹雖然驚驚青青，但幾好禮貌；而同檯有炸軟殼蟹，大隻又多羔，脆漿不厚但又夠脆口，幾正；對自助餐的壽司刺身一點興趣都沒有，另外的沙律吧都算新鮮又不錯；燒味檯的燒肉是燒腩，皮脆卜卜，肉又好味，而燒鵝都幾好；在粉麵檯要了碗灼菜，加幾舊柱侯豬腳筋，又係唔錯；甜品中，以檸檬批比較好，其他如德國芝士餅及蔗汁糕等都不太好味，去雀巢雪櫃拿個朱古力甜筒吃好過。跑到第5場，照例會變身做下午茶自助餐。沙律檯變了供應蜜餞桃，配上云唸拿雪糕，不錯；燒味檯又變成供應奶茶咖啡，杯茶估不到都不錯。其他還有不少的下午茶小吃，不過已吃得十足十咁飽，沒有再吃了。最正的，還是紅酒/白酒/啤酒/汽水/果汁任飲，單是此點，同外賓去食飯張單就慳唔少。另外最正的，就當然是煲中「心福」搭「醒飛飛」的位置連嬴，都叫做袋到錢走。食物是源源供應，侍應服務及招呼都好，老闆前老闆後的，馬會水準，都不差。一行八人，埋單二千三百幾，任食任飲，又玩左成個下晝，來這裡招呼客人，都米話唔好。如想看多一點食物相片，可以來這裡：http://www.imagestation.com/album/pictures.html?id=2107749948題外話：來這裡一各都有dress code的，不能穿無領衫及牛仔褲。如果真係咁著住來也不會趕你走，因為佢都有衫/褲俾人換的。
continue reading