PACIFIC COFFEE (Manhattan Hill)

今日約咗老友記嚟飲咖啡。環境星期六下晝時分有好多位，有正常高度嘅枱凳，亦都有比較矮嘅梳化凳，任君選擇，不過顏色上面就有啲九唔搭八。光線嚟講，暗暗地，自己就幾鍾意。飲品老友記次次都飲唔晒tall size嘅Americano，原來可以揀short size，會平少少，不過老友記都係飲唔晒～我就飲新出Blackccino，好好味，夏天飲好清爽。服務見到有三個店員，都算多。問佢哋嘢，佢哋都會樂意答你。折扣呢間如果有長者咭嘅話，係會有八折，印象中好多分店都係得九折。…Read More

今次去Pacific Coffee，我點咗杯口感滑溜嘅黑糖福岡抹茶咖啡，第一啖嘅綿滑抹茶混合咗深邃嘅黑糖香，真係正！咖啡味道夠晒提神，又唔會搶咗抹茶嘅風采。搭埋烤芝士辣玉米片配三醬，味道真係正到飛起，芝士嘅香味咁豐富，辣玉米片仲有啲微辣嘅kick，簡直係一個絕配！太太就揀咗個茶之魅，咖啡店竟然都玩到果汁嘅清爽，個冷泡茶底加入多種飲品層次豐富，舒服嘅香氣就好似夏日個涼風吹過咁爽。而家嘅Pacific Coffee真係唔止賣咖啡，連小食都做得出彩，俾我諗起香港嘅潮流小食一樣，時刻更新，跟得上潮流。行過呢度，不妨入嚟坐坐，飲杯嘢，食小食，真係幾舒服嘅！…Read More

今天氣溫得28度。錯在曼克頓山商場內的Cafe店有侷促的感覺！這個商場的冷氣超級不足，各位超過30度真的要慎重考慮要不要來嘆咖啡！沖一杯熱的Mocha，要等成5分鐘咁耐，等到啦，對唔住原來沖錯size,又要繼續等！要不是貪這間咖啡店比較大，容易找位才不想來！咖啡也還好，沒特別，飲了不覺得很開心，因為實在太熱了。難為他們裏面工作的員工。熱住飲熱咖啡真是超唔開心，一間平平無奇、超普通的咖啡店！$40很貴很貴很貴呢！…Read More

幾個月前去過一次「饒宗頤文化館」嘅「Pacific Coffee」嘆午餐，覺得環境好好，好舒服，打算趁呢日天氣好，仍然涼涼哋，唔太熱，再去多次，點知原來轉咗為另一家咖啡店，加上「饒宗頤」有啲活動搞，可以講喺人滿之患，所以，轉場落返去「曼克頓山」間「Pacific Coffee」，呢一間分店都好耐無到訪話過喇。由於喺周日關係，就算呢間店都有唔少人幫襯，不過，就幾鍾意佢個環境，因為地方大，樓底又高，空間強，更特別多梳化櫈，可惜，今次都喺一櫈（梳化櫈）難求。小弟向來都喜歡試新嘢，早前就喺經過見有款「福岡抹茶咖啡系列」，好奇都想試試，睇吓呢款帶和風嘅「鴛鴦」喺點。呢個新系列有兩款出品：黑糖福岡抹茶咖啡、黑糖福岡抹茶咖啡其樂冰，前者較合我喜好。除咗「福岡抹茶咖啡系列」新嘢外，仲見到有另一款新嘢「無酒精特飲及小食系列」，新出咗幾款特飲：茶之魅、椰林飄香梳打及兩款小食：烤芝士辣玉米片配三醬、香辣雞翼配甜酸醬。我見到上面水牌嘅廣告仲有其他小食，如西班牙油條、椒鹽魷魚，店員就話會輪流推出。原本就打算只喺嚟坐吓、飲吓嘢，就因為新推出咗幾款小食，咁就不如試試，嚟一個輕怡下午茶過過口癮。黑糖福岡抹茶咖啡 $43賣相就無廣告相咁靚架喇，不過，味道又確喺唔錯，尤其是小弟本身就頗鍾意黑糖。入口細味一會，既有咖啡嘅醇香感，又有陣陣抹茶嘅幽香，跟飲港式嘅鴛鴦喺有分別。茶之魅 $42老婆就試咗一款無酒精特飲，因為喺以茉莉花茶沖泡，並加入青檸、薄荷葉及薄荷糖漿，非常大杯，望上去感覺清爽怡人。店員介紹話喺一款雞尾酒「莫吉托」演變出嚟，以茉莉花茶代替冧酒。入口青檸嘅微酸，卻滲出輕柔茶香，加上薄荷，好啱天氣漸熱嘅時候飲用。香辣雞翼配甜酸醬 $48一客有8隻雞翼，算唔少，焗得色水都幾靚仔，外觀帶點金黃。味道點先？唔錯喎，啲雞翼本身已塗咗層微辣嘅辣醬，放心，唔喺好辣嗰種，但就會好有惹味感，再沾少少甜酸醬，感覺就更正。食呢個雞翼，配上面嘅「茶之魅」就更襯。雖然仍處於疫情之下，但因為緩和咗好多，大家都多咗外出，就好似今日咁，整間餐廳都可以講坐滿晒人，三幾個朋友悠閒聚一聚，享受愉快嘅午後時光，舒緩一下經常困晌屋企嘅日子。…Read More

曼坊的 Pacific Coffee，就在我家樓下，每天都會經過，生意很好！COVID-19疫情期間，生意仍然不錯！Perfect Cup Card會員，7月、8月享優惠：#7月：充值200元，贈手調飲品１杯#8月：買手調飲品，享５倍會員績分我７月份充值了800元，獲贈４杯手調咖啡，我喜歡這家Pacific Coffee，是因為：人情味！我媽媽患腰腿痛，不能走太遠，要找個地方歇一歇，她會在這裏休息一下，再回家，老人家沒有消費(40元/杯咖啡，老人覺得貴！)，年輕的店員很好！給老人家方便！我充值Perfect Cup Card，給媽媽歇息時，吃麵包/蛋糕，順便支持有人情味的店！…Read More