俺流亭 (雅蘭中心) (Closed)

店員工態度極差，講野又串好似伍願做呢份工甘，伍會再光顧，場面有三個員工。無見得一個態度系好少少啲既。食物質素真系麻麻地囉，兩人平均消費百幾蚊，仲要甘既態度要求我比埋個服務費，真心伍推薦呢間野！食完個心情都系嬲 伍系開心我地叫左個軟殼蟹雞球火鍋🍲個雞球完全見到伍想放落個煱度，個軟殼蟹放落個煱度就幾好食，個烏冬同埋入面啲菇我覺得系最好食嫁啦。同埋我地仲叫左個生薑豚肉飯，呢個OK個豚肉好入味，但送既味增湯伍好飲。下不為例

呢排天寒地凍，最好就食啲熱辣辣嘅嘢不過我哋成班frd星期日晚係旺角無book位又好難搵到餐廳打邊爐，唯有退而求其次睇下有咩其他選擇咁岩我地行到雅蘭見到呢間俺流亭，見唔洗等位又有得食下熱辣辣嘅湯烏冬，一於就試下佢呢間餐廳好在有唔同嘅烏冬配搭俾你任君選擇，先揀湯底，再揀配料，如果有選擇困難症嘅人亦有已經配搭好嘅組合俾你揀我自己就叫左四樣餸：叉燒、雞肉、芝士竹輪同糖心蛋，湯底就揀咗清清地嘅醬油鰹魚湯。配料方面我覺得雞肉係抵食嘅（$10有三大件，肉唔算滑但都唔鞋），其他就正正常常，糖心蛋我略嫌唔夠入味，鰹魚湯底我就覺得幾好飲，而重點烏冬都算煙韌。而其他朋友有叫豬骨湯底，我試左就覺得偏鹹同油膩，大家可以就番自己口味自行選擇

今日去到旺角附近做嘢，咁啱撞正食飯時間旺角好多地方都好多人好彩呢間受歡迎得來仲有少少位坐，搭完地鐵想喺附近搵嘢食座位闊落但係位置比較硬身，不過都算坐得舒服唔會覺得好迫，而且餐廳開放式設計光線明亮呢一間主打係食烏冬，有好多唔同類型嘅烏冬餐牌可以選擇，可以自選湯底或者配料，又或者可以揀熱辣辣鐵板炒烏冬，熱住嘅鍋燒烏冬又得，仲有去旅行必食嘅關東煮，如果覺得烏都唔啱食佢都仲有便當可以選擇，但係我覺得烏冬吸引好多同埋選擇多好多安格斯牛肉鐵板炒烏冬用鐵板炒香嘅烏冬，烏冬好大份。配上沈左木魚嘅安格斯牛肉，雖然鐵板上但牛肉一啲都唔老唔乾炸蠔查灝嘅體積偏細，食落比較濕身，而且要趁熱食凍左會有少少腥味南蠻炸雞定食炸雞外表非常香脆，不過肉質比比較乾，值得一提嘅係便當非常足料，好多飯。大胃王食一定啱晒總括嚟講呢間餐廳味道不過不失，不過份量好大份，如果喺旺角好肚餓想搵一間填得飽肚嘅就可以揀呢間啦

星期六周圍餐廳排晒長龍，嚟到雅蘭入面上多層即到「俺流亭」。整體還好。#豬軟骨便當🍱連麵豉湯最鐘意便當有主食同小食嘅配撘，胡麻醬薯蓉好食過一般淨薯蓉，右上格有雞肉丸串、菇、糖漬南瓜、西蘭花，除咗南瓜超甜之外，其他都ok，但個汁煮豬軟骨味道同一粥麵豬軟骨味道相差無幾。#一人鍋烏冬蕃茄濃湯比豬軟骨湯吸引，幾濃郁，烏冬燒得夠入味同埋幾滑，炸物分開上，炸雞唔錯，加$6白蘿蔔一舊。#然而服務態度仍有待改善，端上鍋嗰陣滴咗滴熱湯汁喺朋友件衫，冇say sorry就走咗去…

今日睇完戲 完場後同朋友搵日本嘢食 經過見到平平哋 咁啱又冇乜人排隊 跟住就入去試吓。1.我哋叫咗一個牛肉烏冬壽喜燒（個人應為個湯底有少少淡，唔知係咪因為我重口味😢其他整體都OK）2.朋友就叫咗一個燒牛肉定食（牛肉味道足夠，唯有少許煙韌）價錢都唔過$100，平平哋食日本嘢都可以選擇👍

今日中午第一次去試，1:00 lunch 居然唔使等有位，一直保持多吉位，心想有冇中伏，一入發覺所有員工好唔想做咁，叫你嗰邊坐？完全冇帶去邊度，我明大把位，但5使hea 成咁呀，之後叫嘢，嗰位員工，聽完就走，冇再覆order, 講到D嘢食真係一般，叫咗個鐵板牛肉飯，份量可以接受到，但燒汁不太夠，問佢可以加燒汁嗎，侍應聽完就走開，完全冇答有定冇，結果又裝D燒汁嚟，另外叫咗麻辣烏冬，真係好一般，同D侍應一樣，全程黑面，想講多句都覺得你煩，最好笑隔離枱想order 嘢食，侍應居然同客講：食乜! 以為自己係茶記！埋單多謝一句都冇，講真咁嘅服務態度，管理層好好管理下，食物質數已經一般，遲早因呢D態度差員工害死！

平心而論 價錢唔算貴 而且呢間貴有貴食,用餐時都有見另一位人兄(後到)係黎食關東煮,我叫左1個鍋價錢唔貴都夠食 味道中等不上不下(自問只要係會食既野我都唔太介意),唔清楚到底係我運氣唔好定係咁岩啦,叫左2個小食 可樂餅(3種類) 關東煮流心蛋,寫明3種類 我食到第2個就發現一樣食有栗米心諗唔通係我味覺有問題?!因為小食我留到最後所以冇即時同侍應講諗住食完算之後到流心蛋...食落去有D酸味...已經係最後一啖...因為隻蛋搞到我都問一問可樂餅係唔係有3種類,負責門口個侍應答我係3職仲幫我問其他侍應係咩味(應該唔熟可能新黎)企內店既侍應講依家得番2種,唔係麻...自己同事都唔傳達好都算 我點菜時唔會同客人講聲?商品說明條例都講唔過去啦...埋蛋時同佢地講蛋味道有問題 希望會跟進

今日見完客，諗住快食一個飯，就入左雅蘭中心見到一間環境唔錯，有定食，有打邊爐既就入左去。我就揀左個燒牛肉定食，價錢大約$98 , 加左支原味波子汽水（另加$11) , 再加一服務費 , 埋單$120牛肉有點難咬，要成舊吞 , 飯唔係日本米，冇軟熟既感覺。配菜係凍，甚至覺得有d 難食。我覺得價錢平，係可以接受，但價錢我認為算中上，對於一個lunch 黎講 , 我覺得食物質素不配有哩個價錢 btw 對於一個快飯黎講，性價比唔高，我亦唔會介紹俾朋友食

招牌烏冬$98，加一要$109. 一啲都唔值。湯底普通，鴨胸，旦普通，成碗無咩特別，無理由收我110元咁貴。㗎喱牛肉飯，啲牛肉似湯材料再加加喱汁。可樂餅3塊無特別，日式燒賣$25得6小粒（計埋加一成5元）一粒。叫左熱奶茶沒有下單，成單差唔多$350。好貴好貴。無下次了～飲品選擇好少，又同事又寫漏杯熱奶茶，整體印象唔好。

話說一直放工都想試下呢一間野 諗住見到有火鍋就試下 我入門口前見到個員工（經理）黑哂面咁，唔知係咪我阻住佢收工 唔想接我地呢枱定點啦 （8:45pm入座）落單嘅時候個經理態度已經差 好似10問9唔應咁 又hea答我地勁唔耐煩 最後我哋叫咗個2份一人邊爐 $98經理擺個爐上亂咁放，完全唔係放喺我哋面前之後我哋叫佢幫我哋放返好 佢又黑我哋面 食物質素: 送上枱嘅時侯碟牛係黑色嘅我問佢點解會咁樣，佢話間廠嘅牛本身就係咁嘅色，我心諗啲咁嘅牛都食得落口，即刻叫佢換，佢話全部都係咁嘅色，我哋就話要退咗佢唔食 ，之後又拎返碟稍為有少少血色嘅牛肉出黎 ，好啦咁我哋就算數，繼續食。食食吓冇晒湯，叫佢加湯，佢話就嚟收舖 廚房都冇湯 叫我哋加清水 咁大間公司 湯都可以無叫個客加清水 罪狀 ： 員工態度極度惡劣 （經理）

見唔知食咩好就去雅蘭睇吓，原來有間日本嘢未食過而且價錢都可以就入去試，每桌都有打邊爐位幾特別，這裡有烏冬同飯，烏冬的蕃茄汁好吸引就叫咗一個嚟食。試吓都可以😌海鮮鍋燒烏冬$78未加一嚟到點火熱住食不錯，湯底都幾濃，烏冬唔少幾滑好味但唔夠彈牙，材料：3隻蜆，3舊魷魚圈，1隻蝦，1隻帶子，1棵菜同少量菇，本人就覺少咗啲，新鮮程度普通。飲品要加$9🧐就沒有叫到。要了水，待應都幾好會講熱水小心點，坐得都幾舒服乾淨

行過雅蘭買啲嘢，順便食個晚飯！上到去見到有間新野係啲鍋物所以就決定試吓上到去都叫開放式嘅位置，因為只係有個欄攔住佢個Area, 上到去寫紙啦，我店員全程企係你側邊驚死你唔填咁，不過都明白嘅可能真係有啲人會亂咁寫瓜咁張紙抵免嘅好多間舖頭都係咁㗎啦，我填好晒之後入相，跟住嗰個人講話後邊都由，咁我咪話我咪填咗囉！啲語氣重衰衰地好啦填完之後咁佢又冇帶位，我哋停咗喺度一兩秒，之後話有Menu嘅都可以坐，原來呢度係自助嫁之後冇人叫咗一個鍋物，下低剩係得兩舊酒精俾你係咁以燒下不過唔緊要啦！女朋友叫咗關東煮嘅福袋同埋玉子，點知個玉子咬開係凍嘅啲員工拎嘢嚟啲態度都係西西，我唔該請問都唔緊要啦，碗碟嗰啲都會聽到澎一聲放低，咁當然又唔係話好大聲嘅。。。基本上嗰兩鍋嘢完全冇特別，叫做好食嘅全部都係一定係買返嚟唔係佢哋自己整嘅嘢譬如獅子狗啊嗰啲，所以佢哋咁嘅服務態度加食物質素絕對唔會有下一次我同我女朋友食完都食勁渴，一定勁多味精。。救命

雞肉流心蛋拉麵🍜整體店鋪裝修很日式，雞肉🐔口感嫩滑份量也很多，拉麵也很有韌道，和芝麻結合起來香味十足，流心蛋🥚也剛剛好👌🏻，湯也是相當濃郁，值得推薦去嘗試一下。

今晚又係與老公於旺角附近收工，所以都係響旺角既中心地帶搵野食吧! 雅蘭中心既餐廳不嬲都轉得快，基本上2-3年就會易手變成其他餐廳，今晚上到2樓既時候，就見到原本抹茶館及牛肉麵既位置，原本已經被日本拉麵店所取代。小編之前都有品嚐過同名字頭既拉麵店，鹽味拉麵既質素的確唔錯。所以黎到俺流亭個陣，都第一時間睇下有無麵類食品，但似乎俺流亭傾向大眾化烏冬﹑飯﹑火鍋﹑定食等等日本菜既方向，諗下諗下都可以試下既。晚上7點，店內接近20張枱情況下竟然只有2-3張枱，原本都仲擔心係咪有問題，但好在8點埋單既時候全部坐位已經坐滿。可能係因為火鍋於整個餐單中相對較抵食，所以每張枱都已經預設最少1個日式火鍋座，呢個都算係慳功夫得黎比較貼心既處理。基於小編與老公都係為麵類而入座，所以我地目標都放響自選湯底及配菜既烏冬身上。 )詳細既餐單可直接跳到最底就會見到)響5款湯底以及接近30款配菜作搭配下，係的確比較難去作出取捨既。小編老公反而好在意置頂既俺流亭招牌湯烏冬，見到有10款配料 (約$100)而價錢只係$98，即係基本上送湯底及烏冬咁抵，咁當然要試試既(不過詢問過店員後，佢地話湯底只可配基本既鰹魚醬油湯 - 都

鍾意食烏冬既我行過見到有鍋烏冬就梗係要試下啦，仲要係我最鍾意食嘅蕃茄湯底🥰我同朋友分別叫咗個蕃茄海鮮同蕃茄雞肉湯烏冬， 另外仲叫咗份雞軟骨。蕃茄湯底都幾濃同埋佢有個鍋喺度滾住食係幾開心， 可惜海鮮就唔算多得四隻蜆，一個帶子，同一隻蝦， 略嫌有啲唔夠餸食。