又一戟

Open Now

Now Closed

又一戟的椰子味我並沒有很鍾意食班戟, 但這裡實在太人氣了, 所以不由自主第一時間便衝向這間。我和細姨都一致同意選店長推介的乳酪班戟。玄米茶我都好想試的, 但都試的話一定飽到可以回家了。然後我們行埋一邊傾計, 後來才發現原來已經叫過我們了。店長好好人, 幫我們重新再做, 大方的男人就是最型的啊。班戟即煎即用, 放上乳酪雪糕一大球，然後是木槺燕麥﹑蜜糖漿, 唧上忌廉在邊, 然後又再來一球雪糕, 這樣重覆疊上去, 做出來好高，好大杯, 如果有四個人一齊食就最好了。佢個雪糕好好食, 好似土耳其雪糕般有點黏力, 是我沒有食過的味道, 應該不是用粉劑, 因為它不是軟雪糕，而是實淨的，味道亦不似是各大品牌雪糕, 加上木槺燕麥和蜜糖漿，好好食。忌廉可不吃, 因為是甜忌廉, 班戟我都可以不吃, 其他各部份都是出色的。店長推介果然得!

聽聞筲箕灣有一間食Crepe好出名，成日都好多人排隊。其實想介紹畀大家藍田匯景花園有一間小店係食Crepe嘅專門店📍。佢裏面鹹甜款式都有🍯🥓，選擇豐富。我最鍾意食係Cream Brulee Crepe😋。老闆娘自家製嘅Cream Brulee，crepe包著雪糕同Cream🍦，上面放一嚿Cream Brulee🍮。Cream Brulee嘅質素好食過好多間酒店，有蛋香味、奶香味、甜味適中，真係好正！我個仔就最鍾意食曲奇脆脆Crepe🍪。裏面包咗兩球雪糕🍨，仲有曲奇碎🍪，又好食又平👍。小店仲有雪糕出售🍧，可惜佢哋好早收工😔，有時食完飯想食個甜品，就會掛住佢哋。

以前葵芳嘅又一㦸，去親都極多人，所以我好多時都分散個投脂去咗其他小店幫襯，今日收工必須經藍田先返到屋企，所以特登上匯景商場幫襯回味一下！法式焦糖燉蛋班㦸，真係好好味！ 睇住老闆娘即燒個焦糖，燒得好平均，完全cover晒我個燉蛋！揀咗咖啡味雪糕🍦，老闆娘唔止𢳂一球㗎！佢係特登𢳂多少少放下面啲，等客人食到底都仲有雪糕！總之成個班㦸都好好味😋，食到我超級滿足，令到我而家已經心思思想食另一個味😂 如果我住藍田，肯定月巴死我！

知道呢間嘢好耐，但係因為一個pancake絕對唔細個，份量分分鐘等於一餐飯，要好誠心咁樣專登留肚過嚟先至可以食到。買咗主食外賣，專登過嚟買一個香蕉熱pancake外賣（$29），話會有少少朱古力醬，點知真係好少，如果要另外加榛子醬就要加多$8。因為外賣到返屋企先至即刻食，其實前後都唔超過半個鐘，但係個餅返到屋企已經林晒，醬汁又少，本身唔係特別鍾意食香蕉，變咗成個餅好難食，冇乜味，如果屋企有朱古力醬，我恨不得自己加多啲。講真如果要$37食一個唔算好食嘅榛子醬香蕉pancake，我都不如去食一個正餐好過。千祈唔好外賣，如果當場唔可以即刻食嘅話，真係唔好試。

🍮法式焦糖燉蛋雪糕班戟($35)配料包括焦糖燉蛋、雪糕(口味自選)同cream，焦糖係即叫即燒，睇到都流曬口水🤤燉蛋食落吉士味重，焦糖燒得啱啱好，唔會太硬，糖亦都灑得好平均，啱啱好蓋曬成個燉蛋，整體味道唔太甜，仲幾大個同埋厚身，好好味👍🏻雪糕球就揀左豆腐味，豆腐味都幾出，同燉蛋好夾💕因為呢個屬於甜食系既班戟，所以班戟皮既口感偏軟糯煙韌，亦好有蛋香味。cream同雪糕都比得好慷慨，所以食到底都仲有，班戟亦偏大個，已經係一個甜品既份量嚟，真係好抵食😳等緊個陣見到其他客人買既鹹食款都好足料，睇落好似好好食咁，下次試下先👀

身為藍田人必定吃過這間外賣🥡小店，個人最喜歡吃鹹牛肉班戟，鹹牛肉鹹香味十足，配上生菜及沙律醬中和口味，餅皮烤得金黃色香口脆卜卜，只是$30一個的價錢有一點貴，可以吃一個麥當勞餐了

今日下午去了藍田商場行街，無意中見到呢間甜品店，鋪面有很多各種口味嘅班㦸甜品，雖然而家市面上都有呢啲甜品店，但係呢間吸引我嘅原因係佢圖片色彩繽紛，又似街頭小食，價格又唔係唔貴🤩😋，我睇咗一陣都唔知應該揀咩，店內個女職員好親切行過招呼我，最後我揀咗呢個雪糕班㦸，整出嚟嘅實物都好吸引，吃入口雪糕好香滑，喺口入邊慢慢溶化，口感勝過市面上很多雪糕，班㦸皮都好軟綿綿，我都有食過很多種班㦸，但皮可以做到咁美味，真係好難搵到，真係好好好味😋😋😋😋

最近我先知道原來藍田有一間又一戟。作為好鍾意食又一戟嘅我，一定係即刻就去食！🤩🤩------------------------------去到我發現依家$18就有八球唔同味嘅雪糕。但係因為我已經食咗夜晚，已經有啲飽飽地，所以我就冇食到雪糕就揀咗班戟！😗😗------------------------------我同我朋友都嗌咗士多啤梨雪糕班戟！🤤士多啤梨都有好多，唔係剩係得個面有，食到中間都有士多啤梨！而我個雪糕就揀咗豆腐味雪糕😋。其實個雪糕更接近豆漿味，但好好食，所以我都滿意🥰！

呢一盒8球雪糕20蚊都唔駛，好抵食！份量幾多，又可以試咁多隻味，真係見到都開心！味道方面 -朱古力🍫：甜中帶苦，唔會死甜，入面有朱古力粒～.士多啤梨🍓：酸酸哋，間中會食到士多啤梨籽～.抹茶🍵：抹茶味幾香，唔會太甜.香芋💜：正常香芋味～.雲尼拿🤍：呢隻都正常～.芒果🥭：係偏化學嘅果味～.薄荷朱古力💚🍫：薄荷味重，有朱古力粒～.曲奇🍪：質地黏，有曲奇碎，曲奇味香，呢隻係我最鍾意嘅味！❤️❤️❤️.平平地又食得開心，不錯嘅甜味！🍨🍨🍨🍨🍨🍨🍨🍨

又一戟除咗食班戟之外，仲有賣雪糕。見到價錢幾抵，仲有成八球雪糕，就即刻買咗嚟試。今次試咗好多款口味，我最鍾意荔枝、豆腐、曲奇味、咖啡味。荔枝味發出淡淡嘅水果香。豆腐味就真係好似食緊豆腐花咁，幾得意。曲奇味仲會食到粒粒曲奇，好creamy。咖啡味好香濃。

今日放工又心思思想去又一戟，試左新野木木康雪糕pancake仲有兩球雪糕可自選味道仲問老闆娘可唔可能唔要焦糖醬轉朱古力醬超級nice的老闆娘當然唔會托手掙啦所以今次係改良版的木木康朱古力雪糕pancake配朱古力醬。Pancake皮每次都係即叫即整吹凍一陣後就會唧cream, 然後再放上雪糕球，跟住再灑自選的口味配料。。。如香蕉﹑木木康﹑士多啤利等等，之後捲後放入筒後再用cream圍邊，最頂頂再加多一球雪糕/生果等配料。用料爆滿

藍田匯景的又一戟的選擇很多，價錢大眾化。。。。。。有咸有甜，幫襯多次也只是食過甜的，下次要一嘗咸味道的班戟。今次一如以往，order了雙球雪糕---朱古力味(內有朱古力粒粒) and香芋味雪糕味道選擇還有好多： vanilla 、green tea 、mango 、mint chocolate等等。。。。而咸味班戟則有咸牛肉﹑粟米磨菇等等價錢大約$25-30蚊左右，平價之選。重要一提是女店員很nice 和禮貌，老闆也很好，若大家經過開不防幫襯一下。真心推介

之前買過一個楓糖香蕉芝士班戟， 結果個班戟餅身整硬到曬 ，明顯見到嗰班戟對摺嗰個位係裂開曬嘅，已經有D失望等左陣，今次再去買，拎到個班戟嗰陣時勁失望, 嗰班戟餅身得嗰少少算係暖，拎落手即刻扁咗，揭開一睇，裏面啲芝士未溶曬，心諗算啦， 食到中間就到底先見到啲餡， 話說講明楓糖香蕉芝士班戟但係完全食唔到楓糖味， 成個班戟可以話係冇甜味, 如果嗰陣時勁多人等住排隊唔會咁嬲，但係明顯嗰個時段好少人，我諗如果下次再去買係完全唔會考慮買呢個

又一戟呢一個名呢雞聽就聽到好多次原來喺藍田都有分店咁梗係肥家要去試下啦坦白咁講呢一啲雪糕班戟通常都係一啲日本甜品舖頭先有 所以一啲都唔平 但係喺背景呢啲小店到廿零蚊一個雪糕班戟肥雞覺得好抵咁今次呢肥雞就是咗個芝士蛋糕配雪糕班戟雪糕呢就揀咗薄荷味佢啲芝士蛋糕應該係用啲高水準嘅甜品因為真係好香芝士味但係一啲都唔漏 啱曬肥雞佢除咗畀兩球朱古力薄荷雪糕之外仲好大方咁樣吱咗好多忌廉完全啱曬肥雞

難得放假，一個人係藍田行街買左個曲奇脆脆班戟有得揀雪糕，不過老闆娘話最多人揀都係cookie & cream味老闆好nice，仲好貼心比左兩張紙巾驚溶。淨係個賣相，睇到都好幸福食落曲奇味好濃！又唔會太甜