一鍋烽

Open Now

Now Closed

遇着咁啱星期六得閒，就叫埋兩個朋友仔，我哋一行三人，去咗We Go Mall 一窩蜂嗰度食佢嘅lunch set. 之前聽住附近嘅朋友仔有介紹過，其實一路都好想試㗎啦，不過到撞唔啱時間，今日終於嚟到啦。我哋叫咗鹽酥蚵仔肉燥飯，鹽酥雞粒肉燥飯同埋麻辣湯鮮魚腐鴨血淮山麵，跟餐仲有三款前菜，不過不失，但最有驚喜嘅就係佢嗰個燉湯，我哋今日呢個係蟲草花烏雞燉湯So far嚟講，呢間餐廳都係屬於少鹽少油，都係健康嘅選擇❤️我哋差唔多食完嘅時候仲撞到個朋友仔一家四口嚟打lunch邊爐，見到佢個海鮮拼盤，我忍唔住偷拍🤭笑死🤣

一家大細踩完單車經過，見門面古色古香入去試下，門面都幾大，枱與枱都有啲距離，加上木爛分隔，夠晒私隱👍見到幾枱打緊邊爐都幾熱鬧，我帶住2個細路唔方便打邊爐，簡簡單單散叫就算。老婆就食咗碗淮山麵佢話好好味🤣我想食隻雞翼都唔俾天麻魚頭豆腐湯🤤阿女話好飲飲咗2碗🤣魚頭肉都食埋呢盅燉湯冇留意係送定係跟個湯飯，汆過水冇雜質清甜、花膠蟲草花竹絲雞件沉晒底淨食湯渣都好滿足🥰足料海鮮湯飯生蝦、元貝、加埋大大粒蠔補充足夠鋅與蛋白🥰

眼見門面裝修唔錯，價錢合理，諗住試下。點知一落單就話餐牌改咗，免費湯底得返3款，其他所謂養生湯就要+$68。然後食落就發覺……任食，但係叫咗嘢食一直唔到。追左幾次都話準備緊。食物質素:牛肉’鞋’同’un’，脆肉鯇一夾就爛，好霉。雲吞水餃d餡，一食就即刻lur返出嚟，又係一啲霉嘅豬肉咁，完全冇口感。佢話新鮮炸出嚟嘅魚皮，食落嘅口感好似擺咗幾日。食到呢度上返OpenRice睇下之前大家嘅評價，見到人話屙咗好多次，而家都好擔心…以上係個人嘅親身體驗勸大家三思

去到門口 有個 侍應姐姐行出嚟 招呼我哋， 亦都介紹門口餐牌嘅套餐， 好細心說明套餐分別， 令我呢啲有選擇困難症嘅人好快揀啱咗適合自己嘅套餐， 佢安排咗我哋坐咗喺門口側邊位置， 我好奇一問問佢同另一邊有咩分別， 我見嗰邊都有幾台食客喺度食緊，佢就話櫈子有分別，原來佢見到我媽咪係一位長者所以故意安排我哋坐一啲有ipad嘅櫈，嘩……呢啲位都會照顧得咁體貼真係值得加分👍🏼，但成晚見佢一個人不停走來走去又搬搬抬抬清潔落單補充比客自取食材招呼出菜同收錢都冇見到其他員工出現過，我心諗一間咁大嘅火鍋店，我目測有三千幾呎得一個樓面？傻的嗎？ 搞到有時好想叫佢幫我加湯或者落單 我都唔敢叫😅見到佢一腳踢我唯有自己出去夾下丸頂住先， 但係咁喎， 佢忙到幾狼狽都好 都會不忘介紹下啲嘢食， 例如養生湯要飲咗湯先開始打邊爐，響鈴點樣食可以食到兩種口感，牛拼盤每個部位應該淥幾耐，呢點已經比起好多任食火鍋店乜都要自己搞，0招呼,因為係唔係都比咁多錢仲點會提供更多嘅服務， 更加會因為唔夠人 仲會黑口黑面攞啲客人發洩我都遇過唔少，所以今晚喺呢一間咁有特色嘅火鍋店享用咗一個咁出色嘅養生火鍋仲享受到一個窩心嘅待遇，搞到平時唔

平時行馬鞍山we go mall時，常常聞到陣陣川芎白芷魚頭湯嘅味道飄過，非常吸引，今日終於有時間去品嚐一窩烽嘅午餐，落單叫咗一個脆米湯飯餐，另外一個米線餐，好驚喜，餐湯竟然係都火侯十足嘅燉湯，兩個餐都非常足料，米線滑捋捋，湯飯加埋脆米好特別，依家天氣咁熱，食湯飯或米線做午餐，真係一流！8月份開始轉咗伙頭大將軍班底，真心比以前好咗好多，大師傅用心預備食材，讚！打邊爐美人鍋湯底真係一絕，連響鈴都係大師傅即叫即炸，完全唔油膩，真係佩服師傅嘅用心製作。個人覺得，全場只有一位樓面，由接待、帶位、送餐及收錢都係由佢一個人負責，我諗公司真係要正視吓人手編配嘅問題！

上星期同小朋友去咗馬鞍山We Go Mall度玩 打算食埋飯先返屋企 見到二樓有間打邊爐 ⭐️一鍋蜂⭐️好抵 只係低至$208/位！餐廳嘅裝修好特別 掛咗好多紅燈籠🏮加埋木枱同凳 充滿特色！我哋揀咗任食嘅一品火鍋套餐💕巧製麻香雞煲或重慶第一烤魚（火鍋二選一）我地揀咗重慶第一烤魚！滾起就食得 外皮香脆 而魚肉非常嫩滑 平時唔多食魚嘅我都食咗好多😂 食完加湯後 用湯底繼續打邊爐 💕自選湯底 有10款咁多！胡椒豬肚筒骨鍋同椰子雞鍋都好吸引 梗有一款啱口味💕極品海鮮拼盤游水海生蝦、新鮮鮑魚、日本帶子、大連扇貝、鮮魚片、生蠔等其中四款海鮮 擺盤好靚 新鮮度唔錯 💕任選任點任食火鍋配料（超過40款）可以係指定餐牌上任點任食 推介即叫即炸嘅炸響鈴、手打墨丸同韮菜餃 另外係出面凍櫃亦都有多款食材供自取 特別推介萵筍同蘿蔔呢兩款吸味之選 💕可享任飲多款飲料及雪糕有多款本地品牌嘅雪糕同各款飲品 仲有自家製嘅甜品 當日係涼粉另外餐廳亦好貼心 如果帶咗小朋友怕叫咗辣嘅口味唔啱佢地食 餐廳會幫手另外煮我哋揀咗嘅餸同麵 咁就唔怕小朋友冇嘢啱食啦！仲有餐廳嘅員工都好友善同親切👍🏻

其實香港食館感受驚喜服務真心對客人態度更勝一切繼續努力，食料可以更好相信我哋會䏲住妳吔不斷進步🤗加油👏🏻準備入秋更多唔同食料帶來更多驚喜加油👏🏻☺️☺️☺️☺️☺️☺️☺️再次會多見😋😋😋😋😋

尋日食生日飯，搵到一間打邊爐地方上網睇環境幾好，但睇評語話服務一般般個心驚驚地，因為食生日飯，但都想試一試，畢竟自己未去過齋睇評估好難評論，結果過程好驚喜好開心員工們個個都好好，態度熱誠有禮，尋日星期五客人數量都多，但各員工們都好好服務，質素真心好，當晚我哋食美人鍋（內有烏雞）好好味又補到身，任食任飲火鍋價錢合理，食物質素幾好，環境一流又乾淨，過了一個幾開心又特別嘅飯局。

新出美人鍋。滋補又養顏。 味道不錯。可以一試湯很甜美。飲完湯再打邊爐。這裡的安格斯肥牛很好。油花分布平均。肉質軟腍。淥一淥就可以吃。肉味香濃。很快就要再來另一碟。不停添食。 ……………………………………………………………….……………………………………………………………………………….………………………………………………………………………………

第一次寫食評…希望佢地有改善住向附近曾經試過一次夜晚過黎食火鍋但難食到一個點所以blacklist左但近期見到中午時間有飯餐 而且轉左廚師 所以試下…個脆泡米飯係真係好正既 值得再食既；好特別，個湯底另外用壺上，然後自己加蓮去啲飯度，因為有脆米就算浸左湯都仲有啲咬口 唔會全部飯都淋哂咁，本身揀左海鮮但服務就……有待加強，全個場就得嗰一個人做野，雖然佢好有禮貌亦好落力…但真係唔夠人手囉…黎多2台客已經做唔切咁點做得到多生意呢…

食完當晚，全家肚痛，屙咗10幾次雞煲等50分鐘先上，仲見到佢哋無啦啦炒人仲有成盤魷魚跌落地下，但最後有冇用返就唔知啦鮑魚係灰色嘅，大家睇相，好驚嚇仲要收差不多$300一個人， $100都比多佢一陣要去報衛生署史上最難食嘅打邊爐，街邊任食幾十蚊嘅都好過佢食完當晚，全家肚痛，屙咗10幾次雞煲等50分鐘先上，仲見到佢哋無啦啦炒人仲有成盤魷魚跌落地下，但最後有冇用返就唔知啦仲要收差不多$300一個人， $100都比多佢要報衛生署

服務員得2，3個，只可以講無服務無管理！點左一次野又唔入單，再叫我地重新點過又求奇拎野食黎，野食未到就同我地講last order! 完全9唔搭8！樣樣食物都追好多次先拎黎！仲要拎到黎都核核突突咁！自動行黎話加湯，講完就行左去吹水，要一追再追！擺出面任拎既野食樣樣得小小，夾完又唔fill inD野食呀，海鮮呀唔新鮮，好垃圾🙈😩 我地4個人佢就比兩人份量，樣樣執少少就當比左你！超級求奇！中晒伏！ 一定唔會有一次！

雞煲+打邊爐 = 大人小朋友都好滿足 😌平時同小朋友一齊食飯就食唔到食雞煲但今次就無呢個問題😋因為大人可以食雞煲嘅同時餐廳可以幫小朋友另外分開煮湯烏冬、米線🍜咁大人同小朋友都可以一齊起筷啦🤗呢度就係位於We Go Mall 2樓嘅 #一鍋峰餐廳嘅裝修古雅優雅 坐位頗位闊落今次我哋order咗一品任選任食套餐火鍋大人$288/位；小童$108/位；6歲以下免收費火鍋一選一巧製麻香雞煲 或 重慶第一烤魚我哋梗係揀雞煲啦雞煲用料足 醬汁夠惹味又辣👍食完雞煲之後就可以打邊爐有超過40款食物任食、超過15款任飲湯底以養生為主 有10款湯底可選一款或配鴛鴦鍋招牌四川麻辣鍋/馬來沙嗲鍋 仲可選大/中/小辣及免辣我哋就揀咗招牌四川麻辣鍋 + 椰子雞湯底麻辣湯底麻而不辣最正係火鍋仲附送 #海鮮拼盤超有份量🤩有鮑魚、海蝦🦐、扇貝、鮮魚片🐟等等都勁新鮮呀記得食埋 #雪糕 同 #自家製糖水 😋每日都唔同㗎～ 今日就係綠豆沙👍一鍋烽📍馬鞍山保泰街16號We Go Mall 2樓208號舖@wegomall #一鍋烽 #onehotpot #wegomall #馬鞍山火鍋 #親子餐廳 #雞煲 #打邊爐

喺OpenRice搵到一鍋烽 同朋友預約咗晚餐時段地點係馬鞍山We Go Mall入面恆安站行幾分鐘就到,都算易搵本身預咗行吓商場再去食嘢但講真商場真係冇乜嘢行!!比預約時間早好多, 都好熱情歡迎我哋入座。火鍋店裝修係中國風, 木式枱凳連同紅色燈籠, 十分之有特色，而且每個間隔只有兩張枱, 坐得好舒適, 同埋有空間感, 最重要係冷氣好夠。嗰日樓面得一個女服務員, 會寫食評除咗食物環境質素高之外, 仲主要係因為呢間火鍋店嘅超卓態度同服務👍🏻一坐低佢好熱情介紹,最終揀咗仼食火鍋套餐我哋食嘅時候人流唔多, 佢仲特登將啲餐具拎入廚房用滾水幫我哋再即時清潔。套餐第一係俾你選擇雞煲定係烤魚我哋揀咗雞煲, 上枱亦定時過黎幫手調熱度雞煲唔辣亦好香滑,打邊爐湯底揀咗鴛鴦鍋(四川麻辣拼椰子雞+$60)麻辣湯底入邊仲會有蓮藕片芽菜等配菜, 椰子雞湯更加係半隻新鮮雞放入去,勁足料,湯底好清甜！出邊仲有個開放雪櫃放其他配菜,亦都係可以任食(各種蔬菜丸類), 另外亦有張咭入邊指定嘅食材都可以任叫。飲品都係任飲自取, 選擇都好多樣化！中途上咗一盤海鮮拼盤!嘩..驟眼望已經覺得份量好多同埋好新鮮, 當中尤其是魷魚,鮮

聽街坊講， 呢間原本已經被我blacklist嘅火鍋店好似重新執過下 menu，即管就畀多次機會，嘢食係進步咗， 不過一樣係冇乜招呼冇乜服務，樓面得一個人，湯底仍然無特別， 雖然款式係多 ， 但情願有幾個特色湯底好似以前舊身嗰間火鍋店有啲養生火鍋同美人湯好似會吸引好多，而家嗰啲冇乜材料，打開蓋冇驚喜希望繼續進步