5
0
0
Review (6)
Level3 2021-04-28
324 views
嚟火炭做嘢都唔知有咩食好多都係茶餐廳啲工厦入面有咩餐廳都唔知頭唔知路放飯時間跟住啲人行,,見到呢間台灣便當,非常之鍾情鐵路便當,特別係佢啲配菜, 加上呢間價錢又唔貴所以決定一試。叫咗個雞扒便當少飯,雞扒就普通但最出色嘅係佢啲配菜,蘿蔔酸菜同菜脯真係惹味得嚟又好過癮,好開胃令人想食晒啲飯,咁好食難怪有得淨買佢啲配菜走。最可惜嘅係佢要坐街邊,如果夏天就真係會熱死,所以都係買外賣,佢哋啲staff都好親切。 continue reading
(The above review is the personal opinion of a user which does not represent OpenRice's point of view.)
Level1 2020-12-01
756 views
最近先發現到呢間咁好食嘅台灣美食Order 左成日去台灣一定要食既❗️鹹酥雞球拼魯肉便當配熱純茶❗️便當嘅重點鹽酥雞炸到外脆內軟啲雞非常滑又juicy👍🏻個炸皮好薄味道同去台灣食既一樣咁濟差唔多有成5/6舊雞對於我黎講都幾多下絕對對得起佢個價錢喔~便當配菜都非常有驚喜🥰真係好好食又唔會好咸好酸😋佢地仲可以一樽樽咁買。野飲就揀咗杯熱純茶完全冇任何澀味仲要都幾香仲可以消下濟係呢頭返工真心推薦大家去試下 continue reading
(The above review is the personal opinion of a user which does not represent OpenRice's point of view.)
Level1 2020-08-28
620 views
喺火炭返工要搵素食其實唔難 就咁喺茶記叫個菜粒蛋白炒飯或者羅漢齋飯/麵 就ok 但係以上食材咁簡單嘅lunch就承惠45蚊 要埋凍飲多謝你48蚊, 仲要冇得要送嘅例湯. 因為通常都係啲有肉嘅湯.有日lunch落街覓食嗰陣, 無意中發現一小店嘅午餐menu有 百頁雙菇便當(齋)!!!平時出街食飯都好少見到嘅菜式,所以就果斷叫咗.之後就返唔到轉頭!!!!!!!!!個便當每次都起碼有百頁豆腐x2杏鮑菇x2冬菇x1加配菜: 菜脯, 辣酸菜, 水果醋蘿蔔片(配菜都好加分)再加純茶一杯就算大家食肉都可以試吓, 真係幾正 continue reading
(The above review is the personal opinion of a user which does not represent OpenRice's point of view.)
Level4 2020-04-25
1017 views
作為基層打工仔的我,平時上班的早餐大多數都只是吃麵包而已不過在假期前夕的時候,有時候都會吃一份豐盛的早餐來獎勵一下自己,而這間位於我公司樓下的台式小店,便是我最喜歡光顧的早餐店之一雖然它同時亦有售賣午餐,不過對比起它的魯肉飯系列午餐,我更鍾情它的厚多士系列早餐,除了價錢便宜之外,味道更相當出色No.1【芝士豬柳炒蛋厚多士】$35餐廳總共有六款厚多士早餐,而我最愛的,便是這份芝士豬柳炒蛋厚多士了!由於厚多士一律都是即叫即製的,所以多士的外皮十分香脆可口,而內裡則軟綿香糯,配上咸咸的牛油後,每一口都相當滋味無窮美中不足的是多士的麵包外皮略為有點乾和硬,下次應該要求「飛邊」,即是去掉麵包的外皮會比較好至於餡料方面,豬柳的肉質相當柔軟嫩滑,鮮美多汁,每一口都充滿著濃濃的豬肉香氣,咸咸的,香香的,惹味開胃,滋味非常,讓人口舌生香,回味無窮最後再配上惹味香濃的芝士,以及蛋香四溢的炒蛋,味道立即更上一層樓,豬肉,芝士,雞蛋混合的濃濃氣息迴旋在口中,芳香四溢,香飄十里,餘味更在嘴裡久久不散,美味得讓人陶醉其中,難以忘懷!No.2【火腿炒蛋厚多士】$25而我最經常品嚐的,肯定便是這份火腿炒蛋厚多士了,因為它的價錢是最便宜的,只是售$25而已,非常適合我這些基層打工仔而且,今次我終於記得要求「飛邊」了,沒有了堅硬的麵包皮,多士的質感變得更加柔軟可口,香甜軟糯,其味無窮,珍饈美味雖然火腿只是薄薄的一塊,但是味道並不會太鹹之餘,肉質亦相當嫩滑可口,咸香四溢,最重要是口感一點也不油膩,讓人垂涎欲滴,食指大動至於炒蛋的熟度亦控制得剛剛好,炒蛋內充滿著濃濃的蛋汁,最後再配上大量的牛油,甜甜的,咸咸的,咸甜交織,香甜可口,口感豐富而飽滿,讓人食髓知味,鳳髓龍肝!No.3【凍檸檬茶】$2由於要求了「走甜」,檸茶的味道當然一點也不甜膩,而檸檬的質素亦相當不錯,完全沒有酸澀的味道,再配上香濃醇厚的紅茶,最適合在大熱天時解渴了No.4【熱檸檬茶】套餐包括由於凍飲需要額外加$2,有時為了省錢便點熱的檸檬茶,熱的檸檬茶味道都相當不錯的,唯一的缺點便是外賣的時候,檸檬浸泡在茶中太久了,導致味道有點苦澀,略為影響了一下味道No.5【熱咖啡】套餐包括雖然在早餐的時候喝一杯熱咖啡,可以立即醒腦提神,但是這間餐廳只是提供即溶的咖啡,不單止缺乏咖啡的氣息,更沒有任何奶香味,我嚐到的,便只有濃濃的奶精味,簡直是味如雞肋,讓人難以下嚥,囓蘗吞針價錢方面,芝士豬柳炒蛋厚多士$35,火腿炒蛋厚多士$25,凍檸檬茶加$2,是相當划算的早餐總結來說,這間餐廳的早餐除了十分便宜外,味道更相當誘人美味,滋味非常,十分適合附近的上班族來品嚐一下 continue reading
(The above review is the personal opinion of a user which does not represent OpenRice's point of view.)
Level2 2020-03-18
706 views
今日中午去買外賣,就試試呢間新開嘅一小店。我買咗一盒鹹酥雞球拼滷肉便當,返到公司打開都仲熱架!一盒$45包一杯純茶,不過我揀咗用半價買咗杯紅西柚四季春,入面有好多果肉,仲有片檸檬增添香味。鹹酥雞球酥脆內軟好好味,便當入面仲有好多唔同款嘅餸,有酸羅白、爽口榨菜同台式風味滷肉。不過個人鍾意多汁,感覺呢盒便當嘅滷肉汁唔係好夠多!佢地只要買夠2個餐就可以送餐,下次同同事夾份買午餐先得。新開張老板好有禮貌,值得一讚! continue reading
(The above review is the personal opinion of a user which does not represent OpenRice's point of view.)