2-min walk from Exit N2, Tsim Sha Tsui / East Tsim Sha Tsui MTR Station
continue reading
Opening Hours
Mon - Sun
12:00 - 23:00
Above information is for reference only. Please check details with the restaurant.
Signature Dishes
Recommended Dishes
Review (152)
環境真係好正！成間感覺係有格調而且舒服既～食物都好食～又唔算好貴慶祝老公生日本身想食wxxxxlxxx,但貴又要有dress code這間重要既係冇dress code、夏天要佢著長褲比較難呢🤣
continue reading
尖沙咀 真係少少地都要幾百蚊埋單 但重點係你都唔知食咗乜落肚 唔好食又貴既話 我點解唔揀又好食又貴既黎食呢餐廳喺橫街 都算遠離咗中心地帶 不過都好方便 我嗰日大概七點幾鐘到 餐廳唔算多人 可能係平日 所以人客唔算好多 未入去已經聽到有結他手喺度唱歌 live 真係好好聽 坐到入餐廳都聽到 超正💖餐廳都幾大 不過唔會放到啲枱密密 所以都幾高私隠度 成個場都好舒服好正呀我地懶得揀食乜 所以要咗2人餐😀✌🏼️密瓜風乾火腿沙律沙律同密瓜沙律配上黎唔係太夾 不過分開的話 絕對冇問題 密瓜超香同風乾火腿perfect match ✨香草芝士牛油焗海鮮從來不是芝士既die heart fan 但依個真係做得連我依啲人都大愛 芝士咸咸 仲有菠菜 海鮮唔會因為焗而乾 而仲係好juicy 超好食！！✨ 重點係要點埋佢伴碟既sauce 真係冇得頂🙈蘑菇湯麵包點解所以野都咁靚🙈烤肉眼配鵝肝 及紅酒汁我叫咗5成 大廚真係煮得好好 真係5成 鐘意食5成既人就知道 要成功食到完美既5成扒 係幾咁難😭 但依嗰真係唔讚唔得💖💖 肉眼本身就咁已經好好食 點知同鵝肝一齊食 會帶佢上去另一個高峰🌁 好鬼夾呀 鵝肝好膩 但同肉眼一齊 完美balance!龍蝦闊條麵 及海皇汁大大隻龍蝦 一整啲肉就岀黎 唔會食到好麻煩 肉較為鮮甜 闊條麵同海皇汁水乳交融 不得了💖💖最後重有甜品真係又飽又幸福💖
continue reading
o係尖沙咀返工有一個好處，就係多好野食! 這晚來了位於赫德道的Okapi西餐廳，實行來一趟不慌不忙的浪漫晚餐。 二人晚餐的價錢屬可接受範圍，不過Main Course沒有得選擇，有濕疹的我是海鮮跟牛肉都碰不得的呢，唯有點其他一人餐。西蘭花忌廉湯這個西蘭花湯是我喝過最好味的跟餐湯，忌廉味非常濃郁，感覺有點像喝脫脂奶般，西蘭花搞拌得仔細，湯中間沒有甚麼夥粒，使得口感幼滑。特選沙律配煙三文魚一人晚餐除了有餐湯之外，還有一道將煙三文魚捲成花狀的沙律，沙律菜新鮮爽脆，掛上黑醋醬汁開胃非常。野菌龍蝦闊麵 $258只得半邊龍蝦確實有點不夠喉，因為龍蝦的火喉控制得太好了，肉質鮮甜這些毋容置疑了，食落爽口彈牙，教人回味無窮。至於意粉則充滿了蛋香味，煮得夠乾身，不過份量對於食量大的男士來說未必足夠，還好先前已有餐湯跟沙律頂頂肚。烤西班牙極黑豬扒 $228雖然我近來因為要戒口而不可吃牛肉，但其實我本人是十分鍾意食豬扒的，特別是帶骨豬扒，肉味香濃之餘肉質亦會較多汁嫩滑，這塊厚切的豬扒成功保留不少肉汁，外層帶點焦香之餘中心亦不失鮮嫩。最後一人一杯餐飲作結，Okapi除了環境開揚燈光柔和之外，每晚均有註場歌手輕唱英文歌，難怪餐廳內盡是一雙一對的情侶。
continue reading
行開尖沙咀都多次經過呢間餐廳, 門面都已經覺得幾正, 就趁得閒同亞妹黎撐下枱腳啦, 餐廳格局都算幾高級, 配埋昏暗既燈光, 同醉人既歌聲, 還有餐卓上既粉紅色玫瑰花,的確係幾浪漫既, 而且枱與始之間又有空間感, 坐得真常舒服~~我地決定點呢個海鮮煲二人餐, 不過我地都唔太喜歡食沙律, 經理好好人, 幫我地轉左做龍蝦湯~ 呢個龍蝦湯味道非常之濃郁, 而且都好足料, 真係有大大粒既龍蝦肉ga~~ 一啖都唔放過呀!! 好好味呀!!再黎每人一份既煙肉菠菜雲吞，每份有三粒雲吞，裡面係素菜餡料，味道清新，而且醬汁非常 Creamy, 口感似Carbonara, 配埋菠菜食, 特別香滑~~主角蕃茄紅花海鮮煲終於出場啦~~ 賣相非常吸引, 大大隻開邊龍蝦係上面, 龍蝦肉質鮮肥美鮮甜又夠爽口, 而龍蝦下面仲有其他海鮮包括青口, 蝦, 蜆, 比目魚, 粟米等, 超級大堆頭, 當中我最喜歡既係比目魚, 肉質超嫩同滑, 最後仲品嚐左幾啖海鮮湯底, 簡直係精華既所在呀, 清甜又濃郁令人回味~~ 最後食埋個甜品朱古力心太軟同配雲呢拿雲糕, 兩者都好滑又唔太甜, 令今晚劃上完美既句號~~
continue reading
很久没來赫德道這邊食飯。今次在朋友提議下，來到Okapi預祝聖誕。 赫德道的門牌有點奇怪⋯⋯我倆找了好一陣子才來到這個消失的8號。其實就在百樂門旁邊。 甫進門，像走到歐洲的西餐廳。裝修、擺設都充滿古典氣色。周中的7點多，餐廳已8-9成滿。而且還有live music，環境非常舒適。 看看餐牌，價錢豐儉由人。套餐價錢$2xx起，主餐牌由$1xx起，還可加錢轉套餐，選擇多得令我們眼花瞭亂 XD話明是預祝聖誕，當然要食得豐富點。我們點了個火山板燒頂級雜扒配紅酒燒汁餐($438) + 野菌龍蝦闊麵餐 ($258)。 左: 干邑龍蝦湯 - ★★★★☆右: 意式雜菜湯 - ★★★★☆ 先來個湯暖一暖胃。 干邑龍蝦湯非常香濃，與淡淡干邑酒味配搭剛好，餘韻齒頰留香。若能再幼滑點，定更滋味。 是日餐湯意式雜菜湯也絕不馬虎。用料豐富，味道濃郁，為我們的聖誕大餐來個好開始。 特選沙律配煙三文魚 - ★★★☆☆ 沙律菜很新鮮、爽脆，帶點鮮甜味。煙三文魚鹹味適中，但肉質略有點硬。 鮑魚紅酒蘋果沙律 - ★★★★☆ 這個餐果然貴得有道理，除了龍蝦湯外，還配這個滋味沙律。凍鮑魚夠彈牙，與紅酒蘋果的味道配搭令人眼前一亮。紅酒蘋果亦夠入味，酸酸甜甜加爽脆口感，非常開胃。 火山石板燒頂級雜扒配紅酒燒汁 - ★★★☆☆ 雜扒餐比我們想像中大，每樣食材都非常有分量。下單時，店員溫馨提醒鐵板會較熟，建議我們不用點太熟。我們的medium也來得剛剛好 始終是大堆頭的雜扒餐吧？牛扒肉質一般，肉味不夠濃。豬扒和羊架卻不錯，肉味蠻香濃。尤其羊架，肉香而不羶，令人愈吃愈滋味。喜歡它還配上我最愛的慕尼黑白腸，加分~ 野菌龍蝦闊麵 - ★★★★☆ 半隻龍蝦上碟，分量十足，與雜扒餐可媲美。食落肉質亦夠嫩滑、彈牙，還有點蝦膏伴著，夠晒惹味。但嫌肉不夠多。不消幾口就吃光了。意粉軟硬適中，還算彈牙。伴上creamy醬汁加爽口雜菌，簡直是小女子的至愛。 藍莓雲石芝士餅 - ★★☆☆☆ 雜扒餐還包甜品。 Cheese cake不夠creamy，藍莓、芝士味也不突出，未能為這餐飯畫上完美句號。 雖然甜品cheese cake未能盡如人意，但對著這個典雅歐洲風格的環餐，配上物有所值的菜式，絕對值得一試。
continue reading