OK德海南雞飯專門店 (Moved)

小女都比較少去茶餐廳但今次跟男友一家去食番個溫暖午餐，uncle食過覺得好食就介紹我地黎啦!一般茶餐廳格局，環境乾淨而且侍應友好讓人有舒適既環境用餐。未點餐侍應就先送上四碗無味精例湯，雖然唔係咩名貴湯水，但飲落好順喉舒服仲見到老闆俾好大碗(公仔面)湯連豬骨俾熟客啊!好羡慕，等我又混熟啲添一向唔跟規距既我又叫左午餐精選以外既焗豬扒飯！等到男朋友食完佢個碟勁大碟既干炒牛河，同uncle,auntie食完惹味魚香茄子客飯之後我個焗飯先到焗豬扒飯十分有料!首先，飯係炒底但焗得好爽口，唔會有一痴住一舊舊既情況！豬扒有兩塊切開左既，好方便唔洗自己動手，男友略嫌唔夠茄汁，我都同意焗飯多啲汁好食啲!但佢面頭既cheese焗得好乾身好香正啊!一定會再幫襯！支持！…Read More

今天有假期,可以偕夫尋吃去!OK德茶餐廳,由於位置不太顯眼,加上附近有汽車維修行…差點兒「走漏眼」!點了下午茶餐:楊州炒飯+熱奶茶($21)、乾炒牛河+熱檸茶($21),如凍飲+$1,炒飯可能預製好翻熱,不太熱,但配料算多…唔錯!牛河熱辣辣…好鬼正!拍得住酒樓,但價錢平一截!讚!奶茶茶厚奶多,掂!檸茶有茶味,但檸檬放久了有點苦…如果我一早抽出檸檬片,應可更好!家庭式經營,兼且只有一個爐炒餐…雖然地方稍為狹小,但出品絕對用心,服務勤快!一定再「幫襯」!OK德原來真的OK得喎!…Read More

由於一直向長沙灣工作既關係 , 附近大大小小既食店都光顧過.今次介紹呢間家庭式經營既港式餐聽.先唔講食物味道如何 , 就講環境同服務質素.雖然店鋪唔算好大 , 但係各員工既服務就做得唔錯, 有禮貌同埋好有親切感.由其入邊個太子女 , 雖然肥肥地 , 但都好可愛 , 同埋無乜架子.我比較鍾意向度食中午飯, 因為價錢公道 , 同埋款色多 , 味道又好.下午茶就會叫豬膶麵 , 豬膶新鮮好味, 都只係賣18蚊+1蚊有凍飲..老實!向呢個經濟低迷既情況下, 能夠食一餐好味又實惠既中午飯真係會提高番工作士氣 . 值得介紹…Read More