御品·千之味

Open Now

Now Closed

之前喺其他地區食過 印像都唔錯 原來元朗都開咗分店元朗這家千之味只是外賣店 並沒有堂食 店內亦沒有預先整好嘅壽司提供購買 全部都是即叫即做 保證新鮮餐牌嘅選擇真係多得很 除咗一般嘅刺身、壽司外， 還有提供壽司盛盒、小食類、卷物類、沙律類、軍艦、壽司蛋糕、三文魚刺身(1盆/4盆)，很適合大夥兒聚會 齊齊開餐吃餐飽除咗到實體店落單之外 亦可whatsapp落單(每個地區消費不一 分別$300,$500,$800) 可免費送貨今日做孤兒仔 買幾嚿壽司返屋企做晚餐 自己一個慢慢歎蟹子沙律$35吞拿魚蓉$30/2辣味螺肉$18/2芥辣八爪魚$22/2海膽$48/2帶子$35/2蟹子沙律都幾大兜 有蟹柳,青瓜絲,粟米,蟹子 配料都幾豐富 沙律醬獨立搵個兜盛載 唔怕青瓜絲出水 搞到水汪汪海膽壽司有驚喜 味道勁鮮甜 好新鮮整體壽司大件夾抵食 質素非常好 壽司飯有醋味 唔易鬆散 上面嘅配料及魚生 份量亦不少

哩間高質壽司店▶️千之味因為佢地既分店對我黎講唔太就腳~所以雖然好食又抵食~不過我都只係幫襯過1,2次咁大把~😔不過而家唔怕啦~🤩🤩🤩因為~佢地終於係元朗開左分店啦!!!!聽聞屯門店都準備中啦~實在太好啦!!!!!🥰🥰▶️千之味壽司盛盒A-25件($268)✅三文魚壽司5件✅鰻魚壽司4件✅玉子壽司4件✅帶子壽司4件✅油甘魚壽司2件✅藍鰭吞拿魚赤身壽司2件✅加洲反卷4件盛盒SET好左既壽司款式一D都唔馬夫👍👍👍👍好似油甘魚同埋藍鰭吞拿魚赤身哩d~真係好少會係set度見到架~食材十分新鮮甜美~😋😋而且飯同料既比例都做得好好~唔會過大或者太細舊~另外好味既壽司~我覺得醋飯係佔左一個幾重既分數~佢地壽司醋飯既比例調教得好好~大大提升壽司既美味度~🆙️🆙️🆙️▶️火龍卷($78)裡面既炸蝦夠哂香脆~外面仲有滿滿既蟹籽~食落口感一流~👍😋😋

🍽 這間外賣壽司專門店新開張三個月，雖然地點不是十分理想，但也吸引了不少客人到訪點外賣，主要原因是新鮮，好吃😋😋😋基本上，這次點的所有壽司都超級超級好吃，由於帶回家的時候發生了少少意外，所以照片的賣相不是十分好看😬壽司價錢是有點兒貴，跟在其他日本壽司餐廳內進食差不多，但好吃的東西，貴一點也有價值👍另外客人可從點餐位置看到整個廚房的空間，每位員工也很注意衛生，廚房也十分乾淨企理，食物安全絕對有信心保證！三文魚壽司2件💰18鰻魚壽司 2件💰18帶子壽司2件💰35天婦羅炸蝦壽司2件💰28火炙三文魚壽司2件💰24火炙三文魚腩壽司2件💰28海膽軍艦2件💰48軟殻蟹反卷4件💰48吉列炸蠔4件💰58

疫情期間真係少咗好多群體聚會 好多地方對人數聚集都有限制 所以喺屋企開party就最適合不過開party大家最想食嘅係壽司 所以我就去咗屋企附近嘅御品·千之味買壽司外賣餐牌嘅選擇真係多羅羅 各式各樣嘅刺身、壽司店內都有提供店舖還有提供不同份量的壽司特盛 啱曬我唔想揀唔想煩嘅心態 揀壽司特盛樣樣都有啲 總有一款啱各人口味今日揀咗呢款壽司特盛C餐 總共有48件 $448 三文魚壽司10件 甜蝦壽司5件 北寄貝壽司5件 鰻魚壽司5件 吞拿魚沙律壽司5件 油甘魚壽司5件 辣味三文魚卷8件每款魚生刺身都帶有自身光澤 睇落全部都好新鮮 尤其是啲蟹子 好似唔使錢咁 份量勁多質素真心唔差 起碼舊壽司飯唔係一夾就散嗰種 而且魚生是鮮甜、有厚度 軍艦款式是奢華級的享受 蟹子多到滿瀉 沙律吞拿魚堆到成座山咁高 職員做嘢快手快腳 等候嘅時間唔算好耐 買滿500蚊仲有保溫袋附送 確保拎返屋企途中壽司唔會變壞 好貼心唷

元朗又新開左間壽司店, 住附近D朋友都推介, 今晚屋企無煮飯, 啱晒, 即刻買D返屋企品嘗下先! 其實千之味無堂食, 只提供外賣, 裡面簡潔乾淨, 食物都即叫即製作. 仲有提供價錢吸引既午餐晚餐, 抵食之選!三文魚腩壽司, 火炙三文魚壽司好肥美, 入口帶鮮甜魚味, 新鮮唔錯!赤貝壽司絕無腥味, 爽口. 新鮮既象徵.油甘魚壽司顏色白帶粉紅, 鮮味唔腥.火炙左口魚邊壽司火炙過既左口魚邊油份滲晒出黎, 香味濃郁.吞拿魚蓉軍艦吞拿魚蓉多到脹卜卜, 唔會偷工減料. 仲好鮮味添.軟殼蟹反卷勁多蟹子, 配埋沙律醬真係一流.粟米蟹子沙律(胡麻醬)份量多, 青瓜同蟹子都好新鮮.辣味螺肉小食我好鍾意食日式螺肉, 佢個醬汁唔會太漿, 而且粒粒都大大粒.炸餃子餃子皮炸到脆卜卜, 就算攞到返屋企都係脆, 抵讚!

好耐冇喺元朗叫個壽司食，即使元朗最近呢一年開咗好多新嘅鮨店，但我哋呢啲平民平時當然係叫返啲普通嘅壽司嚟食，見魚一好似要等好耐，所以就行咗去遠少少嘅千之味，估唔到呢一間淨係做外賣嘅小店，質素會如此至高，個人認為比魚一更新鮮更好食😳五品刺身(3切) $168刺身有三文魚、帶子、魷魚、油甘魚同甜蝦，不得不說呢度嘅刺身非常厚切而且鮮甜，尤其帶子，大大粒，好過好多堂食壽司店👏🏻三文魚腩壽司 $20北寄貝壽司 $18帶子壽司 $35特大赤蝦壽司 $32火炙左口魚邊壽司 $28吞拿魚蓉軍艦 $30壽司每款2件，特大赤蝦同吞拿魚蓉軍艦有驚喜，蝦肉晶瑩通透，爽口彈牙，抵食！😳軍艦亦好足料。帶子嘅同刺身比，明顯刺身質素略高而且大隻d，不過2者都好鮮甜。整體而言壽司質素高，價錢合理，而且定位好清晰，專精外賣，所以佢都會附上冰袋，實屬難得👍🏻有party聚餐叫佢地嘅壽司盛一定唔會失禮🥰

💖元朗而家都開左千之味，想食刺身壽司🍣好方便。佢哋嘅盛盒🍱好啱係party🎉或者家庭/朋友聚會食，買滿$300仲可以送貨上門📦，懶人恩物😝，今晚同屋企人享受下😎先。1⃣️千之味壽司盛盒A (25件)🍣 $268💖要左佢地嘅盛盒A，包括25件壽司，好多選擇，大家可以開心share🥳👇🏻：✅三文魚壽司(5件)：肉質細嫩，有彈性✅鰻魚壽司(4件)：口感滑嫩，醬汁香甜✅玉子壽司(4件)：大大件，玉子鬆軟香甜✅帶子壽司(4件)：肉質肥厚滑嫩，味道鮮甜，我嘅至愛❤️✅油甘魚壽司(2件)：口感肥美，魚油味香濃，柑香微清甜✅吞拿魚壽司(2件)：魚味鮮美濃郁，口感軟腍，好味💕✅加州反卷(4件)：口感清新爽脆，玉子香甜2⃣️鰻魚壽司 (2件)🦑 $18💖因為屋企人🏠鍾意，所以另外再嗌咗！3⃣️蟹子軍艦 (2件)🦀 $16💖細個最鍾意蟹子粒粒清脆嘅口感，味道鹹香，紫菜冇變淋，保持脆口。💖佢地仲有壽司🍣蛋糕🎂，好得意，下次有人生日要試下😻。壽司同刺身盛盒或者單買選擇好多，都有熟食、炸物同魚生飯，一個人晚餐都可以係度買返屋企🏠。

聽聞呢間壽司店都幾高質，最近係元朗開設外賣分店 (不設堂食)，行過嗰頭就順路幫襯吓。壽司店有多款即製壽司或刺身拼盤可揀，價錢都幾親民；除咗壽司拼盤，亦可散點心水壽司，更有其他丼飯、冷麵及小食等，款式都幾多選擇👍🏻.🍣三文魚腩壽司（$20/ 2件）🍣甜蝦壽司（$38/ 2件）🍣油甘魚壽司（$35/ 2件）🍣芥辣八爪魚軍艦（$22/ 2件）🍣海膽軍艦（$48/ 2件）🍣三文魚籽軍艦（$48/ 2件）🍣青瓜小卷（$20/ 6件）🍣中華沙律（$25）🍣七味雞翼（$48/ 4隻）壽司賣相吸引，魚生新鮮有光澤，壽司飯亦無散開，而軍艦size亦比較大件👍🏻當中以甜蝦壽司、三文魚籽及芥辣八爪魚軍艦最為推薦，絕對會再encore😋 三文魚腩及油甘魚壽司雖然未算好肥美，但質素都唔差😌海膽軍艦、青瓜小卷、中華沙律及七味雞翼則屬正常發揮👌🏻整體質素拍得住某連鎖集團壽司店，甚至更勝一籌👍🏻

之前係荔枝角返工已經成日幫襯，性價比高，抵食得黎質素又唔錯，款式又多元化，最近見到係元朗都開左分店，以後唔洗山長水遠買返黎啦﹗外賣仲有保冷袋跟埋，返到屋企都仲KEEP到新鮮。北寄貝壽司、吞拿魚(蓉)軍艦、龍蝦沙律軍艦北寄貝鮮甜，食落有口感，吞拿魚(蓉)好香，龍蝦沙律好惹味。鰻魚壽司、軟殼蟹反卷鰻魚燒得好香，軟殼蟹外脆內軟。粟米蟹籽沙律沙律可選沙律醬或胡麻醬，胡麻醬好香，同日式沙律果然係最夾。炸餃子餃子皮夠薄，炸到酥脆，餡料好豐富。

間嘢無堂食，專門做自取，食得爭鮮大漁多，想試下新開有冇驚喜。本來真係唔諗住寫食評，但真係太難食，唔想有其他受害者，所以食咗大半都係影相寫下佢，間嘢真係驚喜到一個點。啲壽司想問下係咪用砂糖做個醋飯？甜到係一舊飯每一舊入口都要飲茶沖水入口。肉係完全無味，玉子壽司相當難食，舊飯勁甜舊蛋無味。可以做到咁嘅技術真係一絕。魚肉正常，但係完全無魚味，蟹子有浸膠味。wasabi都係垃圾。$268 25件壽司，真係一定唔會有下次。超級垃圾。千萬唔好幫襯，行多幾步買爭鮮無咁嬲，仲要一定平過佢！我諗明將壽司都好食過佢。想食劣食嘅可以一戰。

屋企有個好鐘意食sushi嘅細老😌見到元朗區新開左壽司店😚😚我緊係要買番去同屋企人一齊開心share啦😋😋😋呢間分店只有外賣 冇堂食架 不過多區都有分店的😉食物款式都幾多元化 重點係我見到學生餐超級平！$30 仲包飲品！我就吾係學生好耐架啦🤣🤣仲係學生經過可以去試下👍我地今次試左好多款食物 壽司有冰袋同埋冰包保持溫度 就算我坐完半個鐘車 返到屋企食都冇問題！壽司：（2件為單位）三文魚 $18三文魚腩🍣 $20藍鯨吞拿魚赤身 $40左口魚 $20油甘魚 $35火炙：（2件為單位）火炙三文魚腩 $28火炙芝士鰻魚 $22火炙左口魚邊 $28推薦火炙芝士鰻魚😍好食😋卷物：加州手卷 $23軟殼蟹手卷 $28加州反卷 8件 $58鰻魚小卷 6件 $28我係超級鍾意食軟殼蟹😝😝不過我屋企人未試過 就比佢哋試吓啦！手卷係有好多蟹子！滿到整到成枱都係🤣🤣套餐：生薑汁豚肉飯 $70 送可樂我媽好鐘意食😌佢話個醬汁👍小食：吉烈炸蝦🍤$38 吉烈炸蠔 $58炸餃子🥟 $38七味雞翼 $48四款小食之中 最鐘意係炸蝦🍤😚😚 小食都係即炸 返到屋企都仲脆😌御品·千之味 元朗合益路17-53號合益中心地下25號舖

新店開張！ 小編我緊係要出動食下😗😗呢間壽司店位於元朗 多區都有其他分店的！ 食物款式多元化 除咗不同壽司 仲有冷麵同埋飯等我 仲有小食！重點係學生餐 超級平！！！ $30 就有！！！ 大家經過可以去試下呢間只有外賣的😉我地今次試左幾款炸物 同埋飯😊生薑汁豚肉飯 $70 送可樂吉烈炸蝦🍤$38吉烈炸蠔 $58炸餃子🥟 $38七味雞翼 $48各款炸物都吾錯 我最鐘意炸蝦 個豚肉飯好入味啊！同埋好大份量御品·千之味 (元朗)元朗合益路17-53號合益中心地下25號舖

疫情期間都無咩辦法一大班人外出吃飯假如屋企做節 我通常叫千之味佢地d派對盛盒 壽司 刺身 沙律 各一 有時加埋個炒飯就連飯都唔使煲總之一定過佢免費送遞既最低限額 … 500大元再喺屋企氣炸下或者叫多份pizza炸雞同炒兩碟菜 就算做少好多 p.s. 我認我懶不過佢要過全數同埋大時大節就要預早訂

◦•●◉✿✿◉●•◦ 千之味終於係元朗開咗分店🤩 今次係👵🏻👴🏻第二次食，選擇咗外賣自取叫咗刺身、壽司&丼飯～ 喜愛程度如下😗⁡🌻刺身系列帶子刺身 — 超肥美&鮮甜🤤 大愛💛 赤貝刺身 — 大大塊～肉質鮮美～爽口🤤 推薦比鐘意食貝類刺身嘅你💛北寄貝 — 呢個係正常嘅，只係相對無上面2樣刺身咁出色😆⁡🌻外賣套餐呢2個set有分lunch & dinner價錢三文魚粒粒海膽丼 — 海膽鮮甜，粒粒三文魚數量都多，呢個價錢比想像中好😆三文魚冷麵 — 有蟹籽，三文魚，蟹柳&青瓜，千島醬可以撈埋冷麵一齊食，還可以😌⁡🌻壽司系列因為叫咗外賣套餐&3款刺身 所以只係叫咗龍蝦沙律壽司&火灸左口魚壽司🍣今次個左口魚無上次食個種入口即溶嘅感覺不過都係肥美嘅🌝 Overall覺得大部分都好高質🤓絕對係👵🏻👴🏻最喜歡嘅壽司刺身外賣店💛🥡😋: 𝟠/𝟙𝟘

外賣叫咗個千之味壽司盛盤，入面有好多件壽司，望落個色水都非常正！而且外賣嗰陣，都會有啲冰包保凍，等啲嘢食唔會變得唔新鮮。拎到翻屋企都唔會熱咗。啲呑拿魚真係好香！魚味非常充足，而且有成5件，真係食得好夠！帶子好甜，都破大粒，食落唔會爛爛蓉蓉嘅質感！都係啲新鮮嘢嚟！蟹子都好多粒，放滿個軍艦，鹹香鹹香咁，好正！個壽司盤入面都有蝦類嘅壽司，赤蝦甜，而且爽口彈牙，明顯係新鮮嘢；而且甜蝦都好好食！呢個盤都幾抵食！正啊！