Video
Telephone
26694726
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
呢排返工實在太忙太辛苦所以諗住趁放假去食放題 輕鬆一下聽到屋企人介紹話近排千之味都有搞放題平時叫外賣就食得多今次一於堂食試吓我哋book咗枱11:30 因為出面天氣太熱所以到11:33已經急不及待入閘佢門外都係寫開11:30但係呢位女職員就以一個好唔友善嘅態度叫我哋出返去等話佢哋未準備好未入去食嘢 感覺已經覺得麻麻我哋叫咗$328個餐再加每人$18任飲生啤清酒因為我哋覺得如果每人在加多$198 已經可以去一啲大酒店食貴價buffet 所以如果喺度食性價比唔太高魚生係OK嘅 帶子甜美魚生每塊都厚切 非常新鮮不過基本Menu 魚生選擇唔太多食一兩輪已經夠火炙壽司味道唔錯尤其係火炙藍鰭吞拿同火炙三文魚腩都係非常之出色其次吞拿魚蓉軍艦都係好味至於其他都係同平時一樣一貫水準至於燒物熟食方面一夜干較為特別有啲似鹹魚送酒嘅話一流金菇肥牛卷都係一般燒豬腩肉水準比較差因為佢三分之二真係肥豬肉全部都係脂肪另外想講一講呢個燒白鱔真係非常出色出面燒烤店食差唔多都要$40一串不過最可惜係我哋11:30到場12點已經售罄其實當時都係得我哋一兩圍食放題所以相信佢哋存貨 唔係太多因為今日係平日所以觀塘到咗12點就開始lunch hour 有好多上班族嚟幫襯午市lunch set可能人手唔太多你就會發現 上菜速度慢咗好多因為佢哋要處理咗lunch set先所以有心理準備要慢慢坐不過210分鐘真係夠晒最後仲試咗呢個蜆賣相同味道都係一般不過今次第一次堂食放題可能對佢期望太高到親臨時真係有少少失望整體嚟講中規中矩可以一試
continue reading
餐廳位置在觀塘海旁附近, 雖然比較偏僻, 但都幾乎滿座, 剛好拿到最後一張枱 🤭 餐廳由單點改了放題任食, 但仍然保留單點的選擇, 不過來單點的就不太多。另外除了這裡, 都有不少分店 😗晚市放題 $368只要額外加$198可以任吃海膽, 拖羅, 鵝肝, 還有任飲生啤, 210分鐘的長時間放題, 非常適合喜歡𣈱飲𣈱聚的朋友 🤭 同樣有很多不同款式的食物, 除了壽司刺身外, 還有卷物, 爐端燒, 炸物, 沙律, 出面有前菜, 生果, 飲品和雪糕 😊 雪糕是維記, 但每人可以限拿1杯Movenpick雪糕。太多食物就不續一點評, 來重點!海膽類這裡的花之戀很特別, 中間用海膽代替, 雖然只是三文魚加海膽, 但配搭起來的味道比分開的好 🤗 三文魚迫出黎的油脂浸入海膽使其更嫩滑, 而且海膽本身都鮮甜。赤蝦提及甜, 定必要說赤蝦, 非常通透的蝦身, 每1隻都大大條, 口感爽彈, 而且前面有大量蝦膏, 雖然我本人對蝦膏無感 😬中大拖羅一款粉嫩, 另一款比較深色, 由於中拖羅的油脂不及大拖羅, 所以大拖羅會較滑溜, 2款都非常厚切, 同樣有口感。長腳蟹我見有客人點了一打來吃 😳 其實我又覺得味道咸了點, 不過放題有長腳蟹的餐廳不多, 所以不妨試試。鵝肝類分別有芒果鵝肝與焦糖脆脆鵝肝, 前者口感比較嫩滑, 加上芒果又甜, 又有中和作用, 口感上比較好, 但論味道後者優勝 😃 由於加了焦糖, 口感上不太腍身, 不過鵝肝本身的香甜與焦糖味互相輔助, 那份獨有的醇厚香氣和味道倍加強烈 🥰 所以encore了數次 ✌🏻芝麻雞翼炸榴槤波波芝士年糕日式放題不能錯過芝麻雞翼, 脆炸而不會太乾, 醃得也不咸, 加配輕微芝麻香。 榴槤波波同樣炸到熱騰騰, 一夾開就發出陣陣榴槤飄香, 味道同樣濃厚, 唯獨餡料不夠多 🫠 芝士年糕相對出面口感比較腍, 而裡面有大量芝士, 味道濃郁, 芝士並不太杰身, 帶點水溶性, 沒有拉絲效果。清酒煮蜆雖然我不太喜歡這1款食物, 但它酒味比1般餐廳強烈, 其實蠻清新的, 適合好酒之人。蒲燒鰻魚完全是港式煮法, 腍身之餘鋪滿濃厚醬油。食物用料新鮮, 尤其刺身, 不會單純覺得凍, 沒有雪藏味 👍🏻 上菜速度快狠準 😆 以放題來說, 這個很重要!
continue reading
最近發現觀塘有間餐廳，有210分鐘放題，岩哂食野比較慢既我😆仲有任食海膽、藍鰭吞拿魚系列、鵝肝同飲生啤清酒🍶每人仲包movenpick 雪糕一杯✨210分鐘放題食物種類選擇好多，刺身、壽司、卷物、炸物、串燒、飯類、麵類同煮物都係任食，仲有以自助形式到雪櫃自選👍🏻🔸刺身每款刺身都好新鮮，而且件件都係厚切架😍大拖羅、中拖羅，海膽完全無失望，拖羅油脂分泌平衡，入口即溶既感覺，海膽鮮甜又creamy🤤🔸壽司每件壽司飯都係人手握，私心推介❣️海膽軍艦同焦糖鵝肝壽司，滿滿既海膽，紫菜仲係脆卜卜，鵝肝面頭做左個焦糖面，增加左口感🔸串燒叫左4款試下，牛舌👅鹽燒雞中翼、鹽燒雞軟骨串同串燒豬腩肉，串燒燒到會外層焦香🔸炸物都係叫左4款試下，芝麻雞翼、炸魷魚鬚、吉列炸蠔同芝士年糕，每樣都係即叫即炸，列炸蠔好酥脆，推介❣️🔸自助區自助區除左有飲品之外，仲有其他冷盤、甜品同水果，仲有兩款限定甜品💥210分鐘放題只限觀塘分店
continue reading
好耐冇同老公二人世界🥺，終於都可以撇甩個女去撐台腳啦😍老公提議話不如食放題呀，搵到一間係觀塘可以食足210分鐘嘅放題🤩收費成人$328-$388，小童$188。我地另外加錢$198升級咗任食海膽、藍鰭吞拿魚系列、鵝肝。另外加$18仲有得任飲生啤🍻清酒🍶 另外，都有沙律、小食、甜品、飲品，自助形式去雪櫃自選，每人包MOVENPICK雪糕一杯。刺身款式選擇都算幾多，今次食咗油甘魚、帶子、赤蝦、三文魚、藍鰭吞拿魚赤身、藍鰭吞拿魚中拖羅、璣煮鮑魚、三文魚魚籽，海膽果然冇令我失望，好肥美，食完又繼續encore🤩🤩老公就鍾意食藍鰭吞拿魚（大拖羅）刺身，油脂肥美，冇筋位，入口即融呀😋仲有長腳蟹呀👍🏻各款刺身都好新鮮，呢個價食到咁高質嘅刺身，好抵呀😋火炙壽司都好出色，「是日特別推介」火炙藍鰭吞拿魚壽司，火炙芝士帶子壽司、火炙芝士鰻魚壽司，即叫即燒，香口美味😋，小食就食咗飛魚籽八爪魚丸同榴槤炸彈。竟然有鵝肝壽司，分別係芒果鵝肝壽司、焦糖鵝肝壽司，兩種口味嘅口感都好唔一樣，芒果帶點清新，焦糖香脆，一啖擺入口，好滿足呀😝 卷物食咗小火龍卷，灑上海苔粉，裡面卷住炸蝦，飛魚籽舖係卷物上面，層次分明，美味可口。飲品方面，我飲梅酒，老公就飲清酒，食日本嘢點少得佢地呢，另外叫咗燒物🍢串燒豬腩肉、鹽燒雞軟骨、鹽燒雞中翼、串燒牛舌同蒲燒鰻魚。燒物好啱佐酒，慢慢品嚐食物，再飲一啖酒，享受下二人世界🩷
continue reading
在觀塘可以找到不用 HKD 100 就吃到有拉麵又有壽司的定食？走到近觀塘碼頭的 御品千之味 就有囉。店外邊有幾格生動的漫畫有趣地指示大家店的入口位置，不難找。進店找到位置坐下後掃 QR Code 下單便可，選擇都幾多的喔😊主食轉套餐只需要+HKD 12，一下子變得很豐富。除了配和風沙律、螺肉小食和日式前菜(枝豆)，還有飲品，想暖胃的可以選擇麵豉湯。🍜拉麵 + 火炙壽司5件 (HKD 70)豚骨湯底不算很濃厚，但不油不膩喝起來幾順口，鹹度亦剛好。麵條幾有嚼勁，還配了紫菜和木耳絲。不過我最喜歡是半熟蛋，入口是滑順且濃郁的味道。火炙壽司的味道不錯，每款都很新鮮，配搭的醬汁和炙燒味很夾。
continue reading