Read full review
5 day(s) ago
33 views
呢間Odyssée係一間位於ICC嘅高質法國菜!餐廳提供嘅菜式賣相清新優雅,室內嘅裝修亦時尚有格調,仲可以從高處飽覽到維港嘅美景,整個氛圍令到成餐飯嘅儀式感🆙🆙~🌟Odyssée Experience✨餐包有暖笠笠嘅Cheese Puff!仲有外脆內軟嘅黑白麥包,搽上特製嘅chili butter同埋smoke butter,令簡單嘅麵包亦變得滋味無比~✨Amuse Bouche賣相精緻嘅法式開胃小菜,次序由外到內咁食!味道各具特色,個人最喜歡雞乾慕斯撻~✨Japanese Tomatoes 日本蕃茄配搭Burrata芝士,再用羅勒葉襯托住同淋上白香醋,食落去一啲都唔膩,味道清新脫俗~✨Brittany Blue Lobster經慢煮再碳燒過嘅法國藍龍蝦肉質爽口彈牙!連雲吞裡面都有龍蝦肉!充滿龍蝦精華嘅龍蝦汁亦用咗泡沫嘅形式呈現出來~✨Wild Mushroom Velouté野生蘑菇湯會即場喺客人面前加熱!每一啖都飲到粒粒蘑菇蓉,亦加入咗松露片做點綴,十分奢華~✨Star Snapper經慢煮再碳燒過嘅鯛魚外皮香脆,肉質緊實無碎骨!表面仲有檸檬啫喱,為鯛魚帶來一絲清新感!作為配菜嘅澳
🌟Odyssée Experience
✨餐包
有暖笠笠嘅Cheese Puff!仲有外脆內軟嘅黑白麥包,搽上特製嘅chili butter同埋smoke butter,令簡單嘅麵包亦變得滋味無比~
✨Amuse Bouche
賣相精緻嘅法式開胃小菜,次序由外到內咁食!味道各具特色,個人最喜歡雞乾慕斯撻~
✨Japanese Tomatoes
日本蕃茄配搭Burrata芝士,再用羅勒葉襯托住同淋上白香醋,食落去一啲都唔膩,味道清新脫俗~
✨Brittany Blue Lobster
經慢煮再碳燒過嘅法國藍龍蝦肉質爽口彈牙!連雲吞裡面都有龍蝦肉!充滿龍蝦精華嘅龍蝦汁亦用咗泡沫嘅形式呈現出來~
✨Wild Mushroom Velouté
野生蘑菇湯會即場喺客人面前加熱!每一啖都飲到粒粒蘑菇蓉,亦加入咗松露片做點綴,十分奢華~
✨Star Snapper
經慢煮再碳燒過嘅鯛魚外皮香脆,肉質緊實無碎骨!表面仲有檸檬啫喱,為鯛魚帶來一絲清新感!作為配菜嘅澳洲青口同埋西蘭花,沾上特製嘅奶油醬汁後,味道毫不遜色~
✨Noir De Bigorre Pork Belly
黑毛豬五花肉肥瘦均勻,肉質嫩滑!底層係用咗Parmesan芝士同埋南瓜煮成嘅pasta,粒粒分明,有種食緊risotto嘅感覺~
✨Miyazaki A4 Sirloin
宮崎A4沙朗牛香四溢,入口即溶 !加入咗酸酸甜甜嘅檸檬同埋蘿蔔粒,完美地中和咗和牛帶來嘅油膩感~
✨Choux
芒果士多啤梨泡芙,中間有大量乳酪、士多啤梨雪葩同埋果肉!用紅桑子醬汁同埋白酒味啫喱做襯托,味道有驚喜~
✨Petit Four
有覆盆子黑朱古力 、紫薯馬卡龍同埋杏仁撻!最後用咁精緻嘅法式甜點為呢一餐劃上完美嘅句號~
Post