137
28
6
8-min walk from Exit B1, Wan Chai MTR Station continue reading
Telephone
2520 2311
Introduction
A French restaurant located at Wan Chai. The French owner is very friendly and provides excellent service. The food and beverage are price-friendly too. continue reading
Opening Hours
Today
11:00-22:30
Mon-Fri
11:00-22:30
Sat-Sun
09:00-22:30
Payment Method
Visa Master Cash UnionPay Octopus
Number of Seats
33
Other Info
Online Reservation
Wi-Fi
Alcoholic Drinks
May Bring Your Own Wine
Cake-cutting
Reward Dining Points
Delivery
10% Service Charge
About Dining Points
Review (183)
Level4 2017-05-17
357 views
短短一條蘭杜街,聚集了十多間不同風格的食肆,不論午市晚市,都有絡繹不絕的人流。是晚到訪的餐廳 Odelice! 主打新派法國菜,以相宜的價錢提供富水準的法式美食。 店內裝潢年輕簡約,沒有傳統法國餐廳的拘謹。不過,因餐桌擺位密度偏高,或多或少影響了用餐的舒適度,可考慮作適度調整。 飯餐以一客黑松露蘑菇湯作始,相比一般的蘑菇湯,這道湯品的質感比較薄,但仍保留一定濃度的菇菌香氣,加上每口湯均擁有粒粒蘑菇口感,食味不俗。 Odelice 他他敢以店名定名,理應是餐廳的拿手菜餚,結果也沒有令人失望。Odelice 他他以牛肉作主要食材,內𥚃混入香蔥、洋蔥、酸瓜等碎粒,面上加上一只生雞蛋。吃前把雞蛋與他他拌勻作餡配上麵包片。他他的肉香沉穏味鮮,所拌入的碎粒佐料各自找到合適的位置,量少出味得來又不會喧賓奪主,整體予人微酸帶辣,軟滑鮮香的食感。 筆者喜歡吃魚,所以很多時也會點上一兩道與魚有關的大盤。這碟挪威三文魚柳配羅勒醬,賣相不俗,三文魚柳選材窄長厚肉。一件好的魚柳,除了要夠鮮味外,滑嫩的口感同樣重要。目測觀察,魚柳切面粉嫩微透,估計烹調時間及火喉應該剛剛好。送口品嚐,亦確認估計正確。羅勒醬是常見的西式醬汁,與三文魚柳味道相夾,效果錦上添花。至於菜的伴碟菜,都是一些經過煎煮的雜蔬,爽口清甜,多色健康。尤其是當中的小串茄,汁量非常之多,稍一不慎隨時弄至茄汁四濺,讚! 油封鴨腿是法國菜的傳統菜餚之一,根據店員簡介,這份法式香煎蜜汁鴨腿以低溫慢煮型式烹調,製作花時考心思,亦確保食材能保留最多的水份及保持最佳的肉質。慢煮後的鴨腿,再經烤焗弄脆表皮及添香,最後以蜜汁及松露豐富味道。因鴨腿以食鹽及鴨油醃漬過,味道比較濃烈,亦會比一般菜餚鹹一點。因鴨皮被鬆上蜜汁,甜蜜的味道有助平衡鴨肉的鹹鮮膩意。肉質方面,鴨肉紋理清晰分明,絲絲可見,雖然口感未至於軟嫩出眾,但仍然在預期之中。 班戟薄餅一向是法國菜的代表甜品之一,Odelice! 的甜品餐單亦有相當多的口味選擇。這客香煎香蕉 . 焦糖 . 雪糕班戟,香蕉落鑊用牛油煎香。焦糖是自家製作,甜度剛好,味道有點似拖肥糖,製作出色。雪糕雖然不是自家製,但餐牌標明在香港生產,並用上澳洲低脂牛奶及少量忌廉拌製而成,相對健康。縱使雪糕應用了低脂牛奶,效果上也無減雪糕的香氣與軟滑質感。整體而言,這是一客值得推介的甜品。 佳餚配美酒,這是慣常的安排。不想沾酒的朋友,亦可考慮各式鮮榨果汁。筆者點了一杯橙汁,喝得出用鮮橙即榨無取巧,醒胃健康。 回顧整頓晚飯,各菜式的質素普遍令人滿意。秉承法國菜的傳統,各菜餚的擺盤賣相亦洋溢一份細膩感。唯一要留意的地方,還是密度較高的用餐環境,可考慮適量微調一下。 [16/5/2017; Tue] continue reading
(The above review is the personal opinion of an user which does not represent OpenRice's point of view.)
正宗法國菜 Featured Review
Level4 2017-05-14
383 views
自從轉左工之後,就冇機會去法國公幹了,有時都幾懷念喺巴黎自己一個食飯嘅時間,同朋友講起,佢話俾我聽喺灣仔近金鐘嗰度有一間法式小店,真係有法國人打理的,我哋就搵咗一晚一齊去食下。鋪頭用咗簡約嘅設計,配上柔和嘅燈光,最重要就係門口嘅落地玻璃,喺巴黎幾乎間間餐廳都係咁樣裝修嘅,但係喺香港,呢種裝修就唔係好常見啦。鋪頭唔算好大,都係10零張枱左右,仲有個吧枱,侍應帶我地坐低左之後,我哋睇睇餐牌,大部份都係法國嘅菜式,貫徹法式小店嘅傳統。Odelice 他他 $138法國菜來講,他他簡直係一個必食嘅前菜,新鮮嘅生牛肉去想其他配菜,以人手得成細件嘅他他,冇咗牛肉難以咬開嘅筋位,更加容易食得出牛肉嘅香味,加上其他嘅配菜可以減低生牛肉嘅酥味,一隻蛋黃可以令到牛肉他他顯得更加滑更加容易入口。香煎帶子帕爾馬火腿卷$118用咗帕爾馬火腿捲着帶子,再拎去煎,火腿嘅濃郁香味滲入去帶子,而且火腿嘅質感煎得香脆可口,亦都彌補左帶子煎極都唔會好脆嘅缺點,同時間帶子亦減低左帕爾馬火腿嘅肥膩感,再以蘆筍作為配菜,令到成個菜式更加清新可口。美國頂級安格斯西冷牛扒$268西冷牛扒又成塊面咁大,用咗好多唔同種類嘅香草作醃料,法國已經發現當你嗌牛扒嘅時候,侍應好少會問你要幾成熟,大多數都會比全熟呢度都唔例外,所以可能我哋香港人食開少少生嘅牛肉,呢度感覺上就可能會老左啲,雖然係全數,但係牛肉亦唔會話好老好韌。燒黑毛豬肉配紅酒燒汁$168黑毛豬燒得相當香脆,令成個黑毛豬嘅香味散發得淋漓盡致,表皮香脆,但係肉質嘅火候啱啱好,開埋紅酒燒汁更加將合模豬嘅味道帶出來,令我要讚下個薯蓉,真係充滿牛油嘅香味,而且好又話,但係感覺上又唔會話肥膩。黎到法國餐廳真係不得不飲下啲紅白酒,先至係真正嘅food pairing法國菜,完全唔係點識飲紅白酒嘅我哋都叫侍應介紹左兩杯,飲落都幾香幾甜幾易入口。士多啤梨可麗餅$68最後梗係要食返個法式甜品啦,我發覺我最鍾意食就係可麗餅,係法國嘅傳統甜品,識落唔算太甜,煙煙韌韌一啲都唔熱氣,配上雪糕一冷一熱真係好好食。兩個人食咗$1000有找,呢間餐廳似乎經常都滿座,唔book未必有位。 continue reading
(The above review is the personal opinion of an user which does not represent OpenRice's point of view.)
Level4 2017-04-26
743 views
我成日都話朋友之間就係要常聯繫~ 難得友人P番香港,我就要把握時間襯佢飛走之前約下佢!update 大家近況~ 今次都係約去老地方「灣仔」覓食~我決定帶佢去灣仔蘭杜街既法國餐廳Odelice! 試一試~ 至於點解會食法國餐?!因為我對法國餐係有情意結嘅~ 情意結嘅野~你懂的~講一下環境先~牆身以明亮的米色為主,綠色作輔助,沉色木製桌椅配合暗黃燈光,成個裝修唔複雜架!但就穩約透出優雅清新的格調,或者呢啲就係法國人天生既品味!餐牌內嘅圖片亦非常吸引,琳琅滿目,款款都想食~唔知點揀好~ 幾經一輪篩選~最後揀咗一個前菜,兩個主菜~ 甜品一陣再揀過~ Mixed Tartines Platter 雜錦塔丁拼盤 1. Parma ham 配香草芝士醬2. 風乾牛肉片配牛油果醬3. 三文魚配Cream CheeseParma ham 配香草芝士醬,咸香嘅薄切Parma Ham 加上口感輕盈軟滑嘅香草芝士醬放喺脆麥包上面,三者味道與口感都出奇地夾!好味!風乾牛肉片配牛油果醬,風乾牛肉片較其餘兩款遜色,肉味偏淡,作為主角嘅佢的確有啲失色,不過勝在牛油果醬味道出色,濃潤細滑,帶輕微Tabasco味道,非常惹味,單搽喺脆包上都非常好食三文魚配Cream Cheese,面包內脆外軟,搽上厚厚嘅cream cheese,濃而不膩,奶香軟滑,非常襯肉質細嫩鮮美嘅挪威三文魚。呢款前菜好好食~每一款醬都好好食!(重要嘅野要講幾次)每個包都搽上厚厚嘅醬,廚師一啲都唔吝嗇架!身為醬怪嘅我,比10個讚~ 哈哈哈~ 我個人特別推薦呢款前菜!當中我個人鍾意次序係:三文魚》Parma Ham 》牛肉Tiger Prawns Linguine 虎蝦扁意粉接住落黎就係主菜喇~ 我覺得意粉嘅精髓並非選用矜貴材料,而是在於意粉及醬汁。所以呢次要講嘅重點不在於虎蝦,在於個青醬及扁意粉。呢個青醬有清新嘅香草芳香,質感幼細,扁意粉煮得岩岩好,咬落去亦有嚼勁,掛醬力表現滿意,吃起來順滑。另外,個人建議,加點旁邊的鮮檸檬汁作提味,會有是神來之筆的效果。Norwegian Salman Filler 挪威三文魚配羅勒醬由於三文魚油脂豐富,煎過嘅三文魚,逼出豐腴魚油,入口寧舍甘香!而廚師亦特意將魚皮煎至金黃香脆,一口咬落去感覺驚艷,香酥脆口,不油膩! 至於三文魚肉,入口亦鮮美,魚香佈滿口腔,只是口感上有丁點overcook,肉質有輕微偏乾,有少少美中不足,但so far 整體味道還是不錯。因為煎香過嘅三文魚,味道香口濃郁,所以待應哥哥介紹我哋飲Merlot,既然待應哥哥介紹到,就試下啦。隻紅酒果味濃,無乜酸,有柔順不澀的口感,好易入口!雖然正常情況下紅酒係應該配紅肉,不過今次merlot 配香煎三文魚又ok wo, 配搭起上黎都唔突兀。所以配搭呢家野,真係唔使太拘泥於傳統,有時試下反傳統,可能有意想不到嘅驚喜。黎到我至愛嘅環節「食甜品」~ 既然係法國餐廳,一定要揀crepe 食!我地揀咗煎香蕉、焦糖醬&雪糕班戟!首先講一下塊戟皮, 軟硬道恰到好處,證明小麥粉、水/奶比例剛剛好,質感軟滑煙韌! 以前我喺屋企整過crepe, 都因為分量比例出錯,搞到塊皮過軟/硬。所以唔好睇少個皮,眼看簡單,其實係大學問黎架。 平時食既沙糖經過烹煮就會變咗焦糖,食嘅時候會發現甜中會帶丁點苦,不過加上odelice 自家制無防腐劑嘅雲尼拿雪糕、煎香嘅香蕉片以及軟滑煙韌嘅crepe,你會發現呢款crepe 無論味道及口感都平衡得啱啱好甜味適中,簡直係完美組合!都因為佢地個crepe 好好食,所以決定追加多一款crepe!呢款都係焦糖,但就多咗拖肥杏仁~都因為多左拖肥杏仁,所以係味道上會偏甜~ 貫徹咗法國偏甜嘅口味。所以如果你係食得甜,絕對可以一試。加入拖肥杏仁嘅crepe,你會發現除咗係味道上多左非常濃嘅拖肥味同埋杏仁香之外,喺口感上係多咗層次,每一口都脆卜卜,香脆不黏牙,甜入心嘅味道。後記:我見餐廳經理、待應都會不時問一下客人既意見,了解客人口味,有無改進空間。又好熱心介紹菜式比客人,我個人感覺好好,感受到佢地真係好有heart好熱情去做好間餐廳。所以我鍾意去外國人開嘅餐廳就係咁既原因喇!溫馨提示:我會建議book 台,因為我諗如果我唔係提早book 台 walkin可未必有位。因為琴晚星期2,晚上8點去到,餐廳係滿座架。基本上啲人一埋單走,待應一執好台無耐就會有下一台客坐,無間斷式。 continue reading
(The above review is the personal opinion of an user which does not represent OpenRice's point of view.)
Level4 2017-01-11
3238 views
法式情懷,就是那樣的浪漫;有時浪漫是用錢買的,很多法式餐廳的價格都不低,有時不需要太完美的感覺,但又需要那點點的浪漫時,Odelice!都算是一個不錯的選擇。 來了一杯果汁,適當的比例,味道清甜,十分清新的感覺。 French Foie Gras & U.S. Sirloin Steak Salad (HK$155) 餐牌上有好幾款牛肉的食物都很吸引,左想右想後,最後選了這份沙律;鵝肝的份量頗大的,煎得很香;而西冷雖然不是粉紅色的,不過肉質很軟腍。 Mixed Tartines Platter (HK$158) 與cold cut platter比較之下,最後選了這份tartines platter;材料頗新鮮的,當中的芝士醬還是自家製的,整理的感覺還可以,但有種說不出缺了些甚麼的感覺。 Fresh Mussels (500G) in Creamy White Wine Sauce (HK$ 168) 另外亦來了一份青口;說實話,平日買這個份量的新鮮法國青口也不便宜,現在只不過是HK$168,價錢上可謂划算的,青口亦很新鮮,肉質上亦嫩。 來法式小館,最後當然要來份crepes吧! 選了我最喜歡的caramel味,caramel配香蕉從來都很相配的;吃完這份甜品後真的很飽呢。 這裡的食物,當然沒有其他法式小館fine,但價格上頗划算的,如果只是當普通的一頓晚餐,這裡算是不錯的選擇。 Odelice! 灣仔蘭杜街2號9號舖 2520 2311請支持一下小妹,給我一個like continue reading
(The above review is the personal opinion of an user which does not represent OpenRice's point of view.)
Level4 2017-01-02
11111 views
一講起食法國菜,大家都會覺得是有錢人玩意,平民如我的就諗都唔洗諗~不過早前就有朋友介紹我去灣仔呢間法國餐廳食,價錢好親民,間食店仲有法藉人開添~味道應該夠哂正宗,所以早排就同男友去一嚐它們的法國菜!它位於灣仔近莊士敦道小街的地鋪,地點唔難搵,認住個招牌就得啦!店面唔算好大,座位有限,當日星期六晚來到,入座時都已經座滿7-8成人,幸好2人不算難搵位,好快入座!先睇睇MENU~款式都幾多,而且價錢好親民~點菜後,職員就會遞上一個號碼牌,方便上菜用~草莓香蕉冰沙(HK$40)士多啤梨香蕉味香濃,兩個生果味好夾,而且冰沙打到好幼滑,整體不會太甜,不錯!菠蘿青瓜蘋果-天然鮮榨果汁(HK$40)好少可餐廳有鮮榨果汁,見到有就當然要試試啦~好大陣清清的青瓜味,帶有淡淡的菠蘿酸甜,反而蘋果味唔算太出,好清新的味道!黑松露磨菇湯(HK$48)上面淋上少量橄欖油調味,先攪拌再開始飲用~好香濃的黑松露味,而且湯內好濃稠,中間有粒粒的蘑菇粒粒,好有口感~而湯也附送一片蒜蓉味多士,好香脆,沾點黑松露磨菇湯食,湯滲進多士內好有口感!香煎法國鴨肝伴美國西冷牛扒沙律(HK$155)一盤好豐富的沙律,除了有沙律菜外,還有法國鴨肝及美國西冷牛扒~法國鴨肝是麵包墊底,將多餘的油份吸收,鴨肝其實跟鵝肝味道沒太大分別,好香濃!美國西冷牛扒表面特別以煎煮過,味道好惹味,而牛扒肉質好嫩好易咬開,牛味好足夠!還配以秘製黑椒汁,好惹味!煙三文魚意粉配火箭菜及黑松露汁(HK$118)煙三文魚份量幾多,而且肉質嫩滑~而煙三文魚上面鋪上不少的火箭菜,火箭菜的味道幾濃,唔係人人接受到,不過混合埋整個意粉不錯~意粉底好清,混合不少的黑松露粒粒,再加了不少的蘑菇片,整個感覺好清新!頂級廚師拼盤(HK$175)超級豐富的拼盤,分別有煙三文魚、帕爾馬火腿、煙鴨胸、牛油果醬、烤西葫蘆、烤車厘、帕馬森芝士及烤麵包!煙鴨胸好香濃,肉質嫩滑~帕爾馬火腿不會太咸,肥膏位不多!同樣是煙三文魚,沒有醬汁也十分惹味,嫩滑!旁邊也不有少青瓜蔬菜伴碟~最特別就是這個牛油果醬,不過就咁食有點膩,不過伴著烤麵包~ continue reading
(The above review is the personal opinion of an user which does not represent OpenRice's point of view.)