海皇JP one (Closed)

2-1-2017 (Mon)同老公行完如心化石公園後有啲餓,經過呢間豪華裝修o既海皇粥店,就試呢間啦.我o地同樣要o左$30.00o既鴛鴦雙併餐,要o左:1. 熱豆漿由於冷氣開得幾大,所以我o地都要熱豆漿,o黎到打o左個凸,細杯到唔信,有冇攪錯?早知叫凍豆漿.飲落唔甜,因為冇落糖,可自己加,但唔甜唔緊要,最慘係難入口,加半包糖只可改善少少,完全唔好飲.味道: 0.5分2. 咖哩魚蛋5粒唔算太辣,OK.味道: 3分3. 迷你炸腸原本諗住迷你係短啲,點知連油條都比正常o既幼身,佩服.食落,腸粉腍,油條亦唔係太脆, 一般.味道:1分4. 迷你蝦米腸蝦米都算多,口感正常.味道: 3分5. 迷你炒麵味道唔鹹,麵腍,韭菜有啲老.味道: 2分服務:呢間比較高檔o既分店,係同侍應落單,食物送上,而唔係自助形式.抵食係1.7分

這間位於如心廣場 的海皇JP One 粥店，格局比普通的好， 裝修亦都較高級， 有卡位亦比較舒適， 算是走比較高檔次的粥店。聽說價錢會比普通的店舖貴少少， 當晚去到， 覺得人手不夠，服務員好像只有三個，每次都要等一段時間先有人理會。從未試過用粥底去打邊爐，今次終於試了，意外地， 覺得好好味，尤其是醉雞，味道好足，雞有酒味，連粥都啖啖有酒味， 滾熟後的雞肉仍然很嫩滑， 不會嚡口，十分好吃 ！我們揀選了皮蛋粥做粥底，粥本身較味淡，肯好有醉雞令全鍋粥也提升了層次。其他配料也頗新鮮，尤其是魚肉丸有魚味又彈牙。 到中段如果需要添加粥水可向服務員要求 , 他們會加一些白粥水， 但就會將那鍋雞粥溝淡了。另加錢點的牛肉和黑毛豬也不錯，只是醉雞確實跑了出來！

差差差，服务差出品差价格不便宜，45文一个饭，d饭烂鳖鳖，奶茶同柠檬茶16文，无文无味。全场只有一个后生点菜落单，态度仲好鬼火滚，只此一次，以后bye-bye。

行完街經過，肚餓就入左黎食，開頭感覺似翠華，最後發現原來係海皇粥店品牌。粥底火鍋就食過，用粥黎打邊爐就第一次食，都唔錯，但當放左個醉雞落去之後，點止1+1=2， 直情=10，真係好好味，個醉雞酒味好濃，就算浸左係粥入面好耐，隻雞仲好有酒味，勁正，一定閹左好耐！唯一敗筆就係d 服務員唔夠，成間餐廳得2個waiter, 又要執野又要收錢又要落order, 踢哂腳，要等一排先叫到人幫手。總括黎講，一個字：一間普通的餐廳卻食到喜出望外既味道！

一個人在香港，突然很想吃粥底火鍋，費時找一群朋友，剛剛好碰到有一人粥底火鍋，特意去試，好失望。服務一如既往的差，主要是缺人手，凡事都要等很久。最重要的是，完全吃不出來粥底。我要的南瓜粟米粥底，就像是南瓜粟米清湯一樣。食材也很不新鮮，尤其是隻蝦。所以建議不要吃海鮮肥牛套餐。

九點鐘感覺有點肚餓，便隨便挑了一間粥店，心想是最穩陣的一個選擇，誰知中伏了。店子挺大是挺舒服的。我們點了皮蛋瘦肉粥，味道一般，粥底是綿的，但感覺像以米糊開的。略嫌餸太多，粥底少。然後叫了鮮蝦腸粉，叫價$39，但蝦不新鮮，腸粉不滑，未開始食用其實有部分已是碎上，夾起更立刻粉碎了。真的吃不下去，只好叫侍應取消。店長感覺不滿我們要取消，我們說完因由後，她沒說一句抱歉說話便掉頭走了。街邊腸粉比它還要滑。熱豆漿是正常的味道，要自己下糖調較甜度。太差了，不會再來。

平時已經好鍾意食蘿蔔糕，行緊荃新天地嘅時候，都搵吓有咩餐廳係想食，又唔想去酒樓食咁貴，同埋都係自己一條友，經過呢一間海皇粥店，見入邊冇乜人同埋啲環境幾鬆動幾有空間感，就行咗入去坐低。Menu上都好多款色、有面有飯有粥有腸粉，價錢都叫做普通啦，少少貴過出邊嗰啲粥店。但有樣嘢我覺得好恐怖嘅事佢哋上菜嘅時候係冇托盤，個侍應攞住碗粥上菜嘅時候啲手指好似插左落d粥到，然後我見到佢指甲係菌黑邊。所以果碗牛肉粥我係冇食到。淨係影咗相。至於個蘿蔔糕其實真係非常難食，因為一放落口的質感好粉，好似加左好多粉落去同埋好鬆散唔夠實，不過自己落咗甜醬之後勉強都食到。如無意外我下次都唔會再尼，如果會再尼都唔會叫粥。

清清地想食碗粥 行到見到一間好耐冇食嘅連鎖店眼見依間連鎖店 執下又一間執下又一間都真係好耐冇食過佢啦以前食親都係食瘦肉粥 但次次食到一半 都會覺得啲瘦肉好咸 今次第一次試佢嘅海皇一品粥 ＄42 （點解啲粥愈黎愈貴）都幾足料 有蝦＋新鮮魚片＋蟹柳＋豬肉丸另外仲嗌咗個牛脷酥 ＋ 炸両 配粥 最佳組合牛脷酥都係街頭小店好味啲 依間嘅牛脷酥 食落口 覺得擺咗好耐 唔太好味 ＄12 唔應該係依個質素吧炸両1般啦 都係略厭太貴 $28同場仲要有好多中國同胞啲小朋友 跑黎跑去 唔會想再去.

放工後與Amy由眾安街的四海遊龍(可惜已結業)行到去citywalk,再行過去如心廣場搵食……..大家又想食粥,所以試下啦~進店內坐近門口的卡位,門面的menu無任何set,幸好入到去桌上的menu就有dinner set,共4款煲仔飯set dinner $39~送油菜+飲品,我起初想點一款排骨飯,當時只係7pm only,已經話賣晒囉… 但係份set dinner明明寫住6pm才開始供應之麻…..職員話供應量不多……唯有揀左1款梅子排骨飯, 上菜時的煲仔飯賣相一般,只有幾件排骨而已….梅子只係調味而已…排骨半肥半瘦,帶點兒味精…飯粒一般~附送的油菜只有西生菜而已,看來唔算新鮮…份量又唔夠多(真的久等!! 催左2次才上菜… )另外我地仲點左1客 XO醬炒腸粉 $21點知上菜的次序仲先過煲仔飯上菜…幾香,份量充足~腸粉爽滑,帶微辣的口感!棒!!!我同Amy坐坐下發覺原來有8-9成餐廳內的人客全是內地的……佢地個個著到西裝骨骨,似係0係樓上返工吧…睇佢地係放dinner???佢地又無手扲包包~仲之食到最尾,全店都比「內地上班族」包場!!論餐廳環境不錯,闊落~望落去黑白為主,高尚!AM

是晚boxing day, 晚上7:00 如心廣場依然是冷清清, 唯獨只有一間自助餐店特別多人, 而店舖正在對面的它簡直是完全相反, 點解 今次點了至尊艇仔粥2碗,料多無豬皮改為魷魚, 但偏鹹; 瘦肉粥料多但也是偏鹹, 真的不知點解 。至於豆漿, 反而偏淡豆味亦不太濃;炸腸, 熱哄哄皮薄, 油炸鬼炸得夠脆, 都算不錯;牛脷酥, 大大件, 味道不差, 但價錢偏貴 ;全個堂食只一位服務員, 連一杯水都沒有, 要問先至有一杯還要出晒煙果隻, 臨埋單前才送來, 真係不知怎講 。室內環境確是不錯, 但係若食物及服務有所改善才能維持得到。

其實我都幾傻.好多年都無食過海皇粥.今次看到間店門面好靚.坐得舒服.就傻更更入左去..完全忘記這裏是做旅客生意.入內雖則服務唔差.店內得4名客人.仍要等10分鍾先落單..我都想在這裏做待應.相當清閒...點了一杯涼粉爽:15元.佔8成是涼粉.爽只是啫喱物體..收15元不是平..的奶好似溝左5次水咁淡..雲呑魚湯米線:待應完全落錯單.我本來轉豬骨湯走蔥.待應完全無做.雲呑勁鹹..湯底似水完全無味...幸好大碗埋單2位110元....去高級的地方飲下午茶都係差不多...今次又蝕左啦

午飯時間，店內客人唔多，JP的裝修同餐具比較"四正"，靜靜地坐得舒服。叫咗個午市套餐，有粥、小食、飮品。海皇艇仔粥好多料，碗粥有一半都係料，第一次食到艇仔粥有炸魚角，D粥加咗腐竹去煲，香滑D。腸粉過林了，唔夠爽滑。熱豆槳想叫熱架啡竟然冇，只有奶茶，結果叫咗熱豆槳，幾好，有豆味，攤凍咗上面結到層腐竹，OK！全店大堂只有兩位姐姐，連落單、傳菜、收銀，都幾忙，但服務態度好，值得一讚。

今晚落雨, 行過黎試試晚餐! 六點幾...沒有半張枱, 侍應非常得閒, 換來既係滋擾, 最怕侍應問我點稱呼, 又最怕熱忱地介紹套餐, 最最怕係碟上還有半條菜未問就想收, 全部犯哂...!我地叫咗翡翠臘腸蛋白炒飯, $38, 菜芯莖切得粗糙, 還有點苦, 炒飯尚算乾身, 上湯灼小棠菜, $20, 幾腍, 湯甜, 貢丸菠菜水餃雙併, $30, 貢丸味道唔濃, 半爽口彈牙, 水餃無乜菠菜味! Coupon 送了糖水, 想叫豆腐花...無, 只好要熱腐竹雞蛋糖水, 幾好, 唔太甜, 仲有啲薏米粒, 原來最好食係送既糖水! 唔收加一, 埋單 $88, 俾咗一百蚊, 女部長話唔好意思無十蚊紙, 其實都預咗, 再講就仲著跡!

上個星期見部長係附近派傳單, 今天同老公試食下! 呢間有別於一般海皇粥店, 多了粉, 麵, 飯, 小菜, 糖水!早餐到蘭香吃了件蛋三文治(特厚麵包), 有點飽, 於是二人只叫了薑蔥魚雲粥, $27, 魚雲兩件大大舊, 不過, 粥底唔夠綿, 食到最後亦出現少少水汪汪現象!四式腸, $32, 包括魚片配木耳 - 魚片唔滑, 蝦配蟹子 - 蝦唔爽, 蟹子幾多, 牛肉配金菇 - 牛肉絲唔多, 叉燒碎濕濕, 應該係即整, 不過, 外層唔夠薄!灼生菜, $20, 見隔離枱有菜芯, 可惜又賣哂, 生菜都Ok la!呢個場好勁, 大大個商場, 只有海皇同陶源, 其他一間都無開, 不過, 南豐一貫既作風 - 起樓唔賣樓, 商場都唔知幾時正式開啦?!