海皇粥店 (Lucky Plaza) (Closed)

海皇粥店由小時候食到長大了，速食粥店而已，但仍有很多人排隊！炸兩份量較多、較之前遜色，口感挺硬，腸粉易爛；艇仔粥多材料、但很多都很碎，難以吃到的，粥偏淡及較為粉！需要改善一下

客戶寫明6:30取但六點就叫你拎得早咗30分鐘，碗粥凍哂。粥梗係要熱先好食份量：原價40幾蚊只係得一碗勁細嘅粥唔合乎比例對海皇粥店呢間大公司感到非常極之失望唔會再有下次

蕃茄湯雞扒米線 $36 雞扒好大塊🤩有一定厚度啖啖肉👏🏻醃得好入味淨食雞扒都好滿足💯 米線選用幼身米線🍜份量好多入口順滑😋質地比較淋身唔夠爽口彈牙 蕃茄湯底🍲一睇顏色就知係茄膏🥫開既食落蕃茄酸味唔突出🙊唔似用新鮮蕃茄熬成既湯底咁呈沙狀不過都有幾舊鮮茄🍅味道普通😂 整體來說，食物質素正常食物份量大方👍🏻$36就有一大塊厚切雞扒🍖性價比極高💸係頹食飽肚之選🤰🏻附近總有一間 諗唔到食咩可以試下🤣 

粥店嚟講 ，呢間質素都算唔錯，成個運作都好快，雖然店員態度唔算太好，但平民店嚟講都真係算係咁，平時午餐一定會買糯米雞+粥，咁都只需要$31！超抵食👍🏾，而且可以食到好飽🤣糯米雞材料好足，會有一隻雞翼😋粥記係細碗size,但兩樣食曬都真係會飽到頂住👍🏾👍🏾

海皇粥店真係又細食到大，因為之前太耐冇食過😬😬😬心血來潮去食，估唔到有驚喜👍🏻👍🏻👍🏻多咗好多選擇，但係我都係叫咗以前時常食開的食物，回憶下😋鹹肉糭，炒麵，炸兩，整體我覺得好味過某啲茶樓，除咗環境一般之外，食物味道我覺得物超所值👍🏻👍🏻👍🏻

早幾日去沙田探朋友，因他病了剛痊愈就約他見過面，不想他走來走去就在附近找間餐廳吃吧！而家好方便出埋儲值咭，沒有帶錢出嚟也不怕。午市有套餐可以選擇粥品和炒麵等點了皮蛋瘦肉粥、菜乾豬骨粥、艇仔粥而配小食就炒麵、炒米粉和煎蘿蔔糕，飲品加了凍豆漿和豆漿紅豆冰，跟住見到玻璃櫃內有新鮮炸好熱辣辣的油條咸餅。皮蛋瘦肉粥，下火燥熱吃它就最好。菜乾豬骨粥，排骨煲得腍腍啖啖肉，菜乾很出味。艇仔粥材料豐富，花生脆卜卜。凍豆漿幾香濃有豆味，而豆漿紅豆冰幾特別，比平常喝的紅豆冰多份香濃黃豆香。脆咸餅很久沒有吃啦！即時勾起兒時味道。

突如其來好想食炒米粉喺沙田又醒起海皇粥店有得食佢呢個炒米粉係加咗菜甫炒所以都幾香嘅不過炒米粉好難整得難食㗎啦😂但係我朋友嗰個炒米粉有啲臭毛巾嘅味但係我嗰個就冇嘅另外叫咗佢個新款煎蛋腸粉 呢個真係好撚難食呢個真係有臭毛巾味 依家諗返都想嘔🤮🤮🤮所以同佢講咗佢哋都有唔好意思都換咗另一款新嘅俾我態度都幾好換咗個蝦米腸粉就普普通通囉 冇乜特別 都冇特別在意個價錢係咪一樣但係我覺得食到臭毛巾味都幾難受另外朋友仲有叫咗肉碎粥食啲肉碎好鞋 同埋啲粥好結

今天試了海皇粥店的油炸鬼新食法，名為Shake Shake 油炸鬼。個人認為意念應該是來至西方的肉桂條。海皇粥店的Shake Shake 油炸鬼可有兩個選擇，可配肉桂味粉或芝麻味粉。我今次選的是我至愛的芝麻味。只要將袋中的油炸鬼和芝麻粉搖勻，便可大快朵頤。油炸鬼外脆內軟，沾上芝麻味粉的油炸鬼是微甜，亦有微微的芝麻味。整體來說，這新產品只是新噱頭，感覺是在傳統的油炸鬼上添加了額外的味道而已！但價錢方面就一點也不便宜。一客只有6件油炸鬼，份量較少，而且價錢一點也不便宜。豆漿配油炸鬼是19元正。

位於沙田好運中心商場三樓30C舖的海皇粥店，主打港式粥品。如果有胃口，可以試試海龍皇餐，當中包括海皇一品粥、鮮蝦腸、油條及一杯凍豆漿。鮮蝦腸質感滑溜，每碟有三大條，每條腸粉也有原粒蝦仁，蝦仁尺寸頗大。海皇一品粥的材料有蝦、雞絲、魚片、豬肉丸、蟹柳等，一品粥的味道頗為鮮甜，嚐到頗濃的魚味。如果喜愛吃海鮮、特別是魚片粥之人，應該會頗喜歡這碗粥。點了一客特碎牛粥，粥味道鹹鹹香香、牛肉份量相當充足，而且盛載粥的碗子十分巨大，盛得滿滿的。甜醬、芝麻醬和醬油是自由添加的，個人也相當喜歡炸兩。軟軟的腸粉包裹著脆脆的油條。

近排食火鍋食到有點飽飽滯滯，今晚同左家人去到沙田好運中心商場（海皇粥店）食晚餐， 餐廳地方設計簡約舒服，店舖有位少少胖胖的女經理，服務態度好好，要招呼客人時又要喺廚房幫手，仲係咁好笑容，當然最重要就係價錢非常抵食。餐牌上有數十款美食款式，粥粉麵飯樣樣有齊。開放的廚房十分乾淨。食粥最緊要係個粥底夠滾同夠棉。大富蠔粥，名副其實，蠔肉鮮味鮮甜，又夠大隻。蝦腸粉，蝦肉爽甜，腸粉夠煙韌。豉汁蒸鯇魚，鯇魚係每日新鮮運來，魚肉非常新鮮，果然優質。糯米雞，材料有雞翼、冬菇等，味道不錯。紅豆沙夠熱，紅豆軟綿綿，不會太甜。

我個人本身就唔太喜歡食粥，但就好鐘意食粥之外的配料，如炒麵、炒米粉、炸兩及油炸鬼，如果我要食粥的時侯一係病或好想食其他周邊配料而去食粥，本身我屋企附近都冇咩好食粥舖，想要食通常來到沙田海皇粥店食。我今日就只係叫左個炸兩，我諗都應該半年冇食過啦，因要減肥唔太敢食煎炸野。好食的炸兩係油炸鬼要新鮮炸好，重要炸兩要即叫即包先叫係好食，而呢間粥店做到我想要呢幾點要求，所以好合我心意，如果食到冧左的炸兩我真係會寧願唔食，食呢D煎炸野本身卡路里高，而在我呢期要減肥所以食咩都要計算吓先得。呢D就係呼吸都會肥的悲哀

清腸胃減減肥？粥品外，而家有好多飯呀、麵品咁。艇皇粥 $35魚片、碎牛、魚皮、魷魚、豬皮。料佔近2/3，非常抵。特別魷魚好多，鮮魷魚好小食風味。其實所有都好「野味」，又脆又重味。碎牛係一大匙，勁正！粥底好綿，深深痴住哂d料，好好味。好耐無食lu，食返又幾好味，嘻嘻！豉汁鮮味蒸魚白飯配油菜 $62 配自製豆漿自製豆漿偏甜不失黃豆香。半個生菜滾水煮，超過健康。一開始覺得無味，之後就岩岩好。因為豉汁蒸魚蒸得好入味，所以愈食愈咸食哂d飯。菜清淡味可以幫手調和咸味。望住炸物流哂口水，樣樣都想食！煎堆炸得幾白淨。油條 $11熱食點粥呀！脆口，好耐無食，一晚放寬！羅漢齋腸粉 $23外形好靚，晶瑩剔透，透哂冬菇紅蘿蔔素菜。口感好好，爽爽既，腸粉皮滑又算薄！蝦米腸粉 $18皮薄光滑，有點似皺紋腸。蝦米蔥花不多不少，落芝麻！加d麻醬甜醬同酒樓食相似度倍同。

海皇粥店係由細食到大的粥店，以前讀書時已經成日食，今日有機會重拾讀書嘅味道，感覺好開心。最緊要係，個品質同味道都係變，一陣咁高質。見到佢有好多種餐牌可以比我揀，我都揀咗好耐先諗到食咩，因為樣樣都好吸引好想食，可惜肚得一個。我最後點咗個豬紅艇仔粥、炒麵、輕型豬肉菜乾粥同埋燒賣一份。先講個豬紅艇仔粥，料多，粥底綿，而且食落去溫度剛剛好，十分細心。炒麵乾身，唔會太淋，高質。豬肉菜乾粥，味道夠真，無味精味，好正。燒賣，十分有咬口。

海皇粥店細細個就已經開始好鍾意食佢啲嘢，除左經濟實惠，價錢真係比其他茶餐廳平，質素又好，特別係艇仔粥，豬紅粥，到而家大個咗，佢哋甚至有唔同種類嘅飯食，有時中午諗唔到食乜，入到去就可以隨意咁選擇佢哋大大鍋嘅粥，不停係咁生滾，十分好食，配熱辣辣嘅油炸鬼，炸兩就最正，食完粥，飲返杯豆漿簡直就係絕配。今日行過發現佢哋出咗有糯米雞就試吓，入邊料很多，而且唔咸，我覺得好好食，如果唔想成日食飯，但又想飽肚，我覺得糯米雞都係中午嘅首選

很多時候只有病才去海皇粥店吃粥，今天經過海皇粥店時，看到原來除了粥，還有很多種類的食物供應，例如部隊鍋、湯飯、糖水、酸辣粉、蒸魚等比起以往所認識的只是粥店，更多元化我們對部隊鍋十分感興趣，亦同時點了店的招牌粥海皇一品粥一碗粥內有很多材料，包括蝦、雞絲、魚片、豬肉丸、蟹柳蝦米腸夠滑，上面曬上蝦米，帶點蝦味，完全是鮮蝦腸的平價版油條炸得很脆，雖然不是即點即炸，但點油條的人多，所以炸得很密豆漿部隊鍋用不鏽鋼小鍋盛載著食物，裡面的材料一眼看完，有午餐肉、即食麵，吃起上來感覺像韓國辛辣麵的味道，最吸引我的應該是最上面的芝士！餐廳的食具、食水、筷子都是自行取用，方便食客