O2 Cafe (Closed)

由於呢間餐廳無我呢個牛痴選擇，但是今天發現廚師推介有芝士火鍋，1人也可以，就嚐試一下果然芝士火鍋味道濃郁，係一般十十下外選擇伴有4種伴菜，有蝦，麵包，菜，賣相亦不錯

天氣凍個人就自然變得懶，星期六訓醒又唔想去太遠，時間又太早無咩外賣選擇，最好就係落樓食個早餐再番上樓hea。今次係第一次試呢間餐廳，事源係住附近嘅朋友介紹呢度嘅早餐比起附近另一間我食開嘅餐廳好味。咁當然要試試真偽！兩個人都叫咗自選早餐，我叫咗雞扒配腸，女朋友叫咗雞扒配薯波。值得一提嘅係薯波，細細粒幾得意，又唔會太油膩，比起薯餅更好味。整體嚟講味道係不錯👍不過係分量同價錢有啲不足。一份早餐可能真係未必食得飽，而且價錢比附近其他餐廳貴。當然一分錢 一分貨，想要分量多定質素高就要自己決定喇！

同小狗and爸爸媽媽去食，係第二次去幫襯！環境好舒服！個慢煮豬超好食！d薯菜都好好食！可以買埋佢地個麵包翻去食！👍🏻值得一次再一次去幫襯！狗狗都坐得好舒服！👍🏻

假日同2隻小鬼喺元朗玩完搵地方醫肚嚟到溱柏嘅依間cafe其實之前已經同朋友嚟過一次果次坐入面，今次帶住2隻小鬼唯有坐出面意料之外坐外面真係好舒適店員都十分友善，容許狗狗坐喺梳化休息雖然等食物嘅時間真係幾耐吓不過坐喺到有陣陣自然風吹埋嚟望住個咁舒服嘅風景等一陣我覺得無咩所謂要快嘅何不去食快餐廳？既然嚟得依到，當然好好享受吓休閒嘅步伐等了20分鐘左右，食物就到店舖標榜食得健康蔬菜係自家天台種嘅麵包好似都係自己整嘅上次嚟我印象最深刻係炸薯格上次我同友人食完下午茶包嘅薯格好味到要另外再單點多份😅今次我地就點咗煙肉雞扒漢堡麵包仍然係咁鬆軟，保持高水準但薯格就無上次咁好味喇可能因為上次平日嘅關係薯格係即炸，熱辣辣上到嚟，外脆內軟但今次上到嚟好明顯係炸定咗又唔係話真係好差⋯只係出面其他舖食嘅無分別⋯所以有點失望另外點咗份雞奕表皮嘅味道係非常好嘅香香嘅蒜蓉牛油味，皮烤得剛剛好，脆卜卜咁但肉就可以話完全無味😅建議腌吓味會好啲整體嚟講，都係唔錯嘅想hea吓嘅時候會再嚟

一行10人19:15 坐低點咗9個餐20:00先至上前菜麵包20:20再上一個凱薩沙律20:30 再上一個焗蒜蓉包而家仲等緊.........仲有8個餐未到都唔知仲要等幾耐問侍應話廚房有3-4個廚師話前面好多客喎

今日胖侶臀部異常咁痕癢，話食開既老地方感到厭悶，咁就嚟咗呢間餐廳度瀨吓嘢嘞。行過上嚟都有兩次，第一次係喺呢間舖未租出之前，直到佢進駐咗之後一直都覺得個環境好好，真係有二両綠化嘅意味，一直都好想嚟試，可惜俾呢間餐廳浪費咗一個咁優美嘅環境。嗌完嘢之後大約等咗20分鐘以上先有嘢食嚟，作為一個喺香港嘅早餐，呢個時間經已足夠坐低，嗌嘢，食完，埋單，走人，呢個世界級嘅上餐速度，同歐美完美接軌。見佢嘢食嚟到杯 latte 都仲未嚟，好奇佢係咪扮膠級，餐飲最後先至上呢？問咗一聲又唔係喎，咁就即刻沖咗一杯咁樣樣嘅嘢出嚟，are you kidding me，拉花堂第一杯作品牙！？燒雞扒拼楓糖腸，都係一塊煎雞扒姐，做乜要喺 menu 度 話自己係燒呢，你又唔叫煎雙蛋做燒雙蛋！？個碟咁鬼大，反襯出啲嘢食更加細小，塊雞扒仲要完全無醃過，隨住每一啖隱隱約約咁樣滲出啲雪味，估計廚師喺烹調嘅過程只係落咗黑椒同埋鹽，以為呢塊係和牛咩，呢啲咁嘅雪藏雞扒多少都要醃下啩，另外塊雞扒應該係喺中間被對切過，唔知係咪呢輪平價嘅黑心巴西肉入唔到貨嘅關係，入咗啲貴嘢呢？成餐早餐都聽到附近啲客猛咁問幾時有得食。

今日悶悶哋試下新地方食早餐所以就去溱柏裏面嘅o2 cafe環境算係唔錯幾光猛有少少環保嘅概念坐低之下就叫嘢飲 叫咗一杯熱latte加$10另外就叫咗個慢煮豬扒蕃茄扭扭粉等咗好耐好耐好耐大概十五分鐘左右要問 食物先到食物嚟咗之後又等咗好耐好耐好耐杯咖啡先到個拉花 唔講都以為以為係一個肺呀至於個蕃茄扭扭粉 味道叫做ok 夠酸搵咗好耐 原來發現漏咗個慢煮豬快慢煮豬size可以形容為鵝肝咁大味道尚算入味 而且肉質都算嫩滑不過味道叫係咁多樣嘢食之中最好另外叫咗個b餐揀咗雞扒同埋楓糖腸仔雞排完全冇醃過咁濟雞肉又老又硬腸仔都係基本超級市場貨色以40幾蚊嚟講淨係食下環境都ok食物就係認真麻麻趕時間就更加唔好諗啦仲要早餐都要加一 真係豈有此理

話說屋苑內有間綠色餐廳,裝修好簡潔同美麗,就找日去試下#位置不算易找,來到先送上自家制餐飽,紅豆麥包同燕麥包,燕麥包同紅豆包都鬆軟,熱,不用加橄欖油同醋甘荀湯,味道都唔錯前菜點了帶子沙律配牛油果茸,好健康,帶子鮮味,牛油果也香,但不太似沙律智利藍青口,少有用上茄汁,不是白汁,酸得來,都唔錯,青口也算多話說三個字,結果得了30分鐘多的招牌蜜糖燒豬手,皮唔脆,蜜糖味不足,有點失望,最出色反而是甜品,是拼盤來,有雪糕心太軟,,夠流心好味,布丁夠甜,芝士餅香濃,好滿足另外它還有新鮮麵包出售整體來說,味道一般,環境塔夠,人手一般,甜品同麵包最好

朋友聽聞O2係田園餐廳之一…特登搭車入黎試試…都唔算難搵…見到呢幢建築物就到…基本上成幢係得佢一間餐廳…但餐廳只得一層…亦唔係好大…座位只得三、四十個…相信都係做屋苑生意多…仲有自家製麵包賣添…餐飲好快送上... 係milk coffee同O2 coffee ...烘焙coffee重過奶味...是日餐包係紅豆包同燕麥包…可配橄欖油加黑醋食…包包暖笠笠…鬆軟而好味…餐湯係甘荀味…味道十足…先黎沙律>帶子沙律配牛油果茸…帶子的確鮮味滑溜…但唔係想像中有沙律菜或水果既一般沙律…似頭盤多d...有少少被騙既感覺…朋友原本想order即開生蠔…點知缺貨…改左要智利藍青口配三色櫻桃汁…其實只係鮮蕃茄汁…所以無咩特別驚喜…朋友話招牌蜜糖燒豬手一定要order…最初侍應話只需等15分鐘…結果食哂頭盤都未上得菜…足足等左成個鐘頭…賣相還不錯…豬手已起件方便進食…豬手唔太乾亦唔太咸…但表皮完全唔脆…蜜糖味嚴重不足…似烤熟多過燒…眼見薯片超薄以為炸得好脆…點知又係失望…最後上埋甜品…係二人拼盤黎…相信睇同食都咁開心...因為cheese同chocolate都係大家既至愛...加上配有不少水果...平

知道這間餐廳是以自然，天然食材做招徠適逢聖誕節，友人suggest去呢間餐廳食，因為位置不是處於鬧市，不會太迫和多人，而且價錢相對平宜，二百幾元已經可以享受豐富既聖誕大餐對於不是居住在元朗附近既人，自己開車到是比較方便，餐廳位置於溱泊屋苑裏面一到埗，餐廳內外也放滿了聖誕節的decoration，配上許多用木版造的桌椅和擺設，別有一番味道我地order了聖誕大餐，set入面都是餐廳的signature dishes面包有提子乾核桃味同紫薯味，小妹第一次食紫薯味面包，覺得幾特別包裏面亦真材實料，夾滿了粒粒提子核桃和紫薯頭盤燒火雞～燒火雞片配上微酸的醬汁，還有車厘茄及其他的果子做配菜，入口清新refresh，同時亦可以減低就咁食火雞果種油油感覺南瓜湯～南瓜湯煮得幾綿，甜味亦充足，但可不用加蝦做擺碟，因味道一鹹一甜不是太match，感覺有點畫蛇添足主菜鹹豬手～有點難咬，煮得不夠林，味道亦偏鹹主菜龍蝦risotto～龍蝦軟熟入味，risotto既飯亦整得幾好同入味原本以為餐飯只有最基本的咖啡奶茶，surprise原來還包了花茶及一些特飲，都不用加錢，所以我地order了柑桔檸花茶和玫塊花茶吃到飽

今日週未很清閒, 相約表妹去元朗一間好特別西餐廳午飯。 店名叫 O2 farm, 標榜用自家製食材, 例如, 自己造麵包, 菜式中的蔬菜取自餐廳樓上是天台農場, 有機, 天然又新鮮。這裡地方寬敞, 分別有室內和戶外座位。 由於天氣仍酷熱, 戶外部分暫時沒營運。我們叫了兩個set lunch , 自家製麵包巨鬆軟, 蘸上黑醋,橄欖油, 醒胃提神。餐湯: 忌廉南瓜粟米蜆肉湯, 味道很好, 口感順滑, 有南瓜香, 蜆肉有5,6隻之多。波菜煙肉野菌意大利飯, 清幽波菜野菌香味, 配合濕潤有嚼口的意大利飯, 賣相及味道均佳。慢煮豬柳配芥末楓糖汁, 兩塊豬扒鋪在雜菜, 薯蓉之上, 再淋上醬汁。 吃一口, 豬扒超硬, 微甜醬汁, 菜式味道一般, 唯獨底下蔬菜很鮮甜, 薯蓉又香又稔, 加上甜甜醬汁, 軟綿綿的感覺使我不停(除了豬扒)。這裡環境舒適, 地方寬敞, 室內裝飾亦很有特色, 優閒情調令我捨不得離開!

16/8男A返工前最後一聚，順便找女A練習戴隱形眼鏡，結果一練就一小時，在女A的耐心和嚴厲的指導下，終於成功把眼珠保住。要慶祝下，找來了天然食品的靚靚店----O2 Cafe，一間綠色咖啡室。由於女A不太餓(唔知係咪減月巴)，所以我倆二人點了一個晚餐----蕃茄虎蝦意大利飯。虎蝦以自家種植的香草醃製，非常入味，肉質保持鮮嫩，size巨大，咬落彈牙。米飯的口感也不錯，不斷有蕃茄汁在米飯中流出。可惜大家都不太餓，不能吃更多了。食飯前，當然要影返張相先啦！女A好奇地問男A:你幾時開始有相機食先的習慣男A故作自然地回答:自從和你一齊才開始。(其實更正確的講法，係有這個blog開始)

今日我生日~ 雖然落雨...但係都要出去食餐好o既~ 可能因為落雨關係...我地12點半嚟到都無乜人...得兩三檯客...去到點半先滿座~我叫o左雞肉burger, 老公叫o左鴨胸~ 都等o左一陣先有麵包...呢度d麵包好好味~ 係自家製再切開~ 每人有兩款~ 芝士包真係超好味~ 入面有溶o左o既芝士~ 正~ 再等o左一陣就有主菜~ 好彩我同老公o個份係一齊到je~burger o既麵包都係自家製~ 好鬆軟好好味~ 仲有阿麻籽tim~ 加埋勁多沙律菜~ 好健康~ 塊雞骴肉煎得好滑~ 塊皮又脆~ 好味~ 佢仲落o左好多好多他他醬~ 所以成個burger都好juicy~老公o個個鴨胸都好好味~ d雜莓醬酸酸地可以中和返d鴨o既味~仲有佢d薯蓉超滑超好味~ 又有好多菜~ 食飽飽叫餐飲...揀o左兩款花茶...以為係一杯杯...點知係一種味一大壺~ 一壺有三大杯...我同老公可以試到兩隻味~ 不過就飲到成肚水~ 慢慢咁嘆o左個個半鐘o既生日飯~ 多謝老公~ 

"下雨天總掛念從前。。。" 放假先黎落雨，有咩做好呢？山長水遠搵到呢間偏僻，以環保綠色概念為主題既cafe。cafe 位於私人屋苑內，獨立建築The Green Atrium既一樓，對出就係天空同綠樹，遠離煩囂，空氣清新，就算坐室外都好舒服! 裝修以木製為主，透過玻璃射入室內既天然光，加上室外都係綠，感覺被大自然圍繞著咁!餐前有提子或燕麥麵包，拎上手係溫熱既，沾少少橄欖油醋，軟熟好味!至於個南瓜湯雖然質地算稠，但味道較淡!Risotto粒粒飯都吸收左龍蝦汁，脹蔔蔔咁好有咬感，青口無雪藏味。 以香滑既薯蓉同各"色"有機蔬菜作襯底，美觀且增強食慾!金黃既蛋槳包住厚厚既龍利柳，入口即溶，配搭酸甜度適中既檸檬汁，非常清新, 一d都唔油膩 讚!套餐包一杯咖啡或茶，嚮如此寧靜既環境下，慢慢品嚐，悠閒自在!+$30甜品揀左cheese cake, 外表有心思，質感軟熟，但略嫌芝士唔夠重!門邊有一小麵包角，正正是餐前食既提子燕麥包，買黎做早餐，相信係健康之選!一間好舒服既cafe, 主菜美味，絕對係享受悠閒假期之選！

前排一直聽好多朋友介紹呢間O2 Cafe(真係勁多，數埋都有十位以上😅), 今日放假同埋2位同事一齊入左去元朗試試佢！本人住藍田，所以真係特登去嘎😭佢係溱柏苑，位置好易搵，間餐廳環境真係好唔錯！舒服得來有别於一般餐廳，我地都好鐘意！我地經推介叫左三個set一齊食！食完真係忍唔住要推介俾大家！我第一次咁激動要食到寫食評😳海鮮意大利飯真係一個字「正」👍🏼我不嬲出去都好少叫海鮮飯啊之類，因為我食過好多都有雪味，勁難食，又有啲所謂海鮮飯飯，仲有腥味，當然去好貴幾星嗰啲就會無事，今次個小姐特別推介我地食，食完真係好滿足！因為真係勁鮮味，真係估唔到百幾蚊有啲咁既質素，完全無雪味！意大利飯煮得啱啱好，你係食家既話，一定會認同我講既野！美式sausages Pasta一様好好味！！平時啲意粉多係又冧又粉，佢地呢到啲Pasta好彈口！啲茄汁好入味，我都唔太識形容！我個同事平時麻麻地意粉都讚不絕口！大家有機會可以試下！我地下次都打算來試埋其他菜式！即叫即整Pizzaaaaa個PIZZA如果唔係即叫即整，我諗唔到點解會咁好味！！聽個小姐講，原來呢間CAFE啲包類PIZZA全部都係即叫即整，係就係要等