23
2
0
1-min walk from Exit A, AsiaWorld-ExpoStation continue reading
Telephone
36068818
Additional Information
Dress Code: Smart Casual. Flip-flops, beach/plastic sandals, open-toed shoes, sleeveless shirts and shorts for gentlemen are not allowed.
Opening Hours
Today
11:30 - 14:30
17:30 - 21:00
Mon - Sun
11:30 - 14:30
17:30 - 21:00
Payment Methods
Visa Master Cash AE UnionPay Apple Pay Google Pay WeChat Pay
Number of Seats
130
Other Info
Wi-Fi
Alcoholic Drinks
May Bring Your Own Wine
Cake-cutting
Parking
Phone Reservation
10% Service Charge
Above information is for reference only. Please check details with the restaurant.
Review (31)
Level4 2022-06-17
979 views
爸爸係一個非常傳統嘅人,生冷野唔多食,最鍾意就係中菜!有朋友去過澐話佢中菜高質,又難得有釀焗蟹蓋,一於就book去同爸爸慶生~ 因為我遲左book所以窗口位冇哂,中菜廳空間感十足,落地大玻璃設計令中菜廳好光猛,而且裝潢同擺設好有氣質,枱與枱之間相隔得遠而且環境寧靜,坐離窗口一兩排都唔會太差~ Service認真一流,侍應貼心有禮貌,最surprise係見到侍應係set檯時出動蒸氣燙斗燙直檯布,非常認真!Order左四款點心,全部都非常高質,爸媽都讚口不絕。唔好見個焗菠蘿叉燒包個樣普普通通,皮超脆,個包超軟,而且叉燒餡料熱焫焫,係我食過嘅Top 3!黑魚籽金巢香酥帶子芋角有着燒賣嘅外貌,酥脆嘅口感,香口而不油膩,必試!香焗鮑魚叉燒撻嘅鮑魚有啜口,叉燒餡料配曲奇撻皮超正!澐裳金箔鮮蝦餃皇一籠有四粒,加金箔豪氣十足,個皮再薄就Perfecto~杏汁白肺湯絕對係功夫之作,奶白嘅湯熬左好耐,遠處就聞到好香嘅杏仁味,豬肺好嫩滑,好味又養顏。金湯海明珠係令人驚艷勁一道菜,鮮燈色幼滑而清甜嘅南瓜蓉下蘊藏左嫩滑嘅蒸水蛋,加埋面頭隻又大又爽嘅蝦,有視覺同味覺嘅衝擊,好後悔抱住試吓嘅心態淨係order咗兩人份,下次要一人一份先得!招牌蜜汁叉燒皇超有誠意咁用個裝住熱炭嘅爐端上,侍應生淋蜜汁果刻除左有治癒嘅炸一聲之外,輕煙飄起並為你帶來陣陣炭香,期待感迅速攀升!食落去好爽口彈牙,蜜味十足,非常唔錯!重頭戲金牌釀焗蟹蓋果然冇令我地失望!呢一道菜唔多中菜館有而就算有都唔一定好食,但澐嘅金牌釀焗蟹蓋真係星級,焗得勁香脆嘅面下蟹肉一疏疏,真材實料,餡料極creamy,一人一隻非常滿足!好唔少人推介蝦乾啫啫芥蘭煲所以都試吓,蝦乾超多但口味偏重,相對其他菜式有d失色。原本諗住叫多個餸食食吓又幾飽所以直接落甜品,簡直又一星級嘅highlight!紫澐夢境真係甜品如其名,係一片仙氣中華麗登場,擺盤精美,排場十足,仲好貼心咁幫忙安排左早前預訂嘅生日牌,打卡一流,爸爸都連Wow左幾下!最令人驚喜嘅係味道超乎想像地好,尤其是個紫薯雪糕,第一次食加左薑嘅紫薯雪糕,世一!桂香水中花又一星級之作,豆腐做嘅水中花刀功精細,配桂花清香嘅微貼糖水,賞心悅目之餘又超refresh,超鍾意!黑白芝麻卷擺盤都非常精美,一人一件唔錯~呢一餐生日飯真係星級享受,由頭Wow到落尾,爸爸返到屋企都仲讚緊,Happy Happy~(P.S. 原本HSBC credit card 有八五折,都係埋單先知,全單平咗$3xx,折左每位$5xx,呢個最後驚喜都唔錯!) continue reading
(The above review is the personal opinion of a user which does not represent OpenRice's point of view.)
Level2 2022-07-16
120 views
生日飯,周圍搵地方,搵咗好多間,終於搵到間可以坐足7個人,餐牌又唔錯, 環境望落都唔錯嘅地方。去到有免費泊車。入坐環境清靜又舒服。仲安排咗個向海嘅座位畀我哋,服務員態度一流!每一道菜逐樣逐樣上, 服務員細聲解釋每道菜的食品, 而且每道菜都精心烹調, 廚具精緻。 唔止有樣, 仲要好好味!早2日前預定咗“澐之饗宴”, 因為都怕唔夠食另外再叫咗幾樣餸。 但係我哋預計錯誤,每人一個宴都已經好夠食,已經食唔落。仲要嗌多幾個餸,但係可以試到其他餸嘅味道, 我咕嚕肉好正!個叉燒好香! 個菜都與別不同!出面普通中菜食唔到。 價錢亦好公道。 一定會去再食過同推介俾大家。 continue reading
(The above review is the personal opinion of a user which does not represent OpenRice's point of view.)
Level1 2022-06-28
210 views
父親節揀咗呢間餐廳慶祝,餐廳好細心,驚父親節多人,上菜等得耐,早一星期問我會唔會落咗單先。當日嚟到,餐廳環境好靚,好闊落,感覺好舒服,屋企人都好鐘意。待應同我confirm咗一次之前落嘅點心,好快就有得食啦!點心賣相好靚,味道都唔錯。春卷入面包住蝦,味道冇想像中咁豐富,略嫌單調咗少少。嚟之前好期待試嘅鮑魚!每隻切開咗三片,食落去好鬆化,唔錯。釀蟹蓋足料,有好多蟹肉,值回票價。炒飯都幾香口,份量合理。甜品味道一般,不過上菜時好靚,打卡必點。特別欣賞佢嘅點心/菜式叫一碟以上可以按人頭叫,咁就唔怕多咗幾件浪費,大家都可以試到。整體嚟講,成餐飯都食得好開心,員工態度好好,食物有水準,值得一試。 continue reading
(The above review is the personal opinion of a user which does not represent OpenRice's point of view.)
Level3 2022-06-16
292 views
重開食評,腦海裡馬上浮現了澐Nuva,雖然那不是近期的光顧,但Nuva是我去年6月一次偶然的光顧後就喜歡上的中菜館,後與不下十數親朋前往,也是從沒聽過負評的,靜待這家2021年新發現的我最喜愛中菜館的摘星之日!落地玻璃外的海景,如天色好的話可以看到日落美景。為何對Nuva評價那樣高?要評好壞,不外乎三個因素──食物、環境和服務。食物方面,Nuva不論是午市飲茶還是晚飯,水準同樣高。當然,不可能每道菜都有驚人的味美,惟點心、菜餚皆普遍有高水準。環境方面,作為一位有少許要求的女性,個人從來重視環境多於食物,沒有好的環境難以有好心情去享受美食,而這家餐廳正合乎要求。從Nuva網頁得知餐廳的設計出自兩位藝術大師之手,欲將行雲流水的意境走進客人的用餐體驗。說實的,凡人如我,甚麼大師設計與我何干?惟重要的是我欣賞那種看得出的講究,也欣賞餐廳各處的美感,置身於舒適優雅的用餐環境感到既滿足又愉快。這裡連餐具都很美,看得出處處皆心思,而且枱椅間的距離應比不少酒店級中菜廳更具空間感,在疫情下可以吃得開心又放心!一大幅美輪美奐的地氈服務方面好得沒話說,多次光顧,遇上的都是熱心、殷勤、有禮的。此外,這裡有地利優勢,在港實在難有機會駕較長途的車程,還可以大部份時間馳騁於高速公路上,因此位於赤鱲角的Nuva正合心意。當然,其位置也可能是令部份人卻步的原因,雖然餐廳正正位於亞博館站樓上,惟車資的確較為高昂。這篇食評是記第五波疫情前的最後一次晚市光顧,已經是2021年12月尾,知道餐廳於停業重開後轉了新菜譜,相信菜式不盡相同。 鹽燒鮮鮑魚,不論午市還是晚市都是當然之選。每隻已切開數片,方便分享,蒜香惹味,鮑魚不會過韌。侍應生當晚推介的海鮮──扇貝,食材上乘,惟稍嫌油膩。釀焗蟹蓋,足料多蟹肉,而且不會過份creamy,能嚐到蟹肉的鮮味。另一必點之選──紅燒牛肋骨,份量多,建議四人或以上共嚐,腍滑入味,連在旁的伴菜也不馬虎,是溫熱鮮甜的。咕嚕肉──外觀就是美食藝術,皮脆但偏硬。脆皮三黃雞,溫熱、皮脆肉嫩,與合桃的甜香很配合。珍珠賽螃蟹──令人驚艷的菜式!菜牌上未有標註廚師推薦,但這是我吃過最美味的賽螃蟹,看得出的師傅功架,一排排整齊的,香滑卻一點也不油膩。雞樅菌撈麵──相較其它食物較為普通,有菇菌香。黯然銷魂飯──叉燒是這裡的招牌,在另一次光顧中點過,惟個人更喜歡點黯然銷魂飯多於淨叉燒,因為蛋香滿溢的煎蛋和飽滿的飯粒皆出色,那樣一碗就嚐到三種美味了!到甜品了,簡直是藝術盛宴,近年不論哪國菜式都喜歡"玩乾冰",取其豐富的視覺效果。這裡的桂花水中香和紫澐夢境都是煙霧瀰漫的打卡呃like好選擇!美成這個樣子的芝麻卷真是顛覆了我對傳統菲林芝麻卷的印象,第一次點時還在猶豫上桌的是甚麼來的。後來疫情嚴峻,乖乖留家避疫,整理相片為寫食評作準備時發現一月至四月中只在外頭吃了兩次飯。現快要回歸正常生活,嚐嚐Nuva新餐牌是on list的,希望能保持一貫的好印象。 continue reading
(The above review is the personal opinion of a user which does not represent OpenRice's point of view.)
Level3 2022-06-15
235 views
澐的裝修很優雅,疫情初期首次到訪,被枱上的大盤鮮花所吸引,招呼亦很熱情殷勤,有米芝蓮食肆的感覺, 現在疫情後期,重開後就如枱上的鮮花,感覺很不一樣。 於手機下載亞洲博覽館apps,加入會員後埋單即時可享8折, 另送三款迎新禮品,其中一份便是澐的冰鎮鮑魚。 朋友全部點了右手邊的食物。 先來小食, 牛展入味有肉汁,皮蛋如伴少許砂糖更佳,叉燒不是不好吃只是不夠好吃。 瑤柱湯夠熱也很甜, 雞肉夠滑。 蝦是普通蝦這個菜沒有什麼驚喜。 我不喜歡吃雞胸肉,因為比較又乾又唔滑, 這個菜做得不難吃。 加入瑤柱醬 後特別好吃。甜品是普通的一碗綠豆沙所以沒有拍照 ,不過入口有陳皮味,味道又提升了。 continue reading
(The above review is the personal opinion of a user which does not represent OpenRice's point of view.)