261
6
2
Exit B2, Prince Edward MTR Station, Exit D2, Mong Kok MTR Station, Exit B, Mong Kok East MTR Station continue reading
All Branches (13)
Telephone
62003483
Introduction
This tea shop is designed in Tiffany Blue. Their menu is diverse and including coffee, chocolates, juice and smoothies, etc. Some of the drinks look good with several layers, which are perfect for shooting. continue reading
Opening Hours
Today
12:00 - 21:00
Mon - Fri
12:00 - 21:00
Sat
12:30 - 21:30
Sun
12:00 - 21:00
*實際關門時間會因應食材供應而作調整 歡迎致電查詢
Payment Methods
AlipayHK Alipay Cash
Other Info
Spot payment
Vegetarian
Review (278)
Level4 2022-05-15
75 views
今日經過旺中 見到好多手搖飲品店 又勾起我想飲肥仔水嘅慾望😻 俾我見到呢間主打堅果奶手搖飲品嘅舖頭 好似比較健康 於是就買咗嚟試一試😄同一般手搖店一樣都有好多選擇 咁我同友人就揀咗一杯奶蓋茶同一杯奶茶試吓 等咗大約5分鐘飲品就整好喇😋四季春堅果奶蓋茶奶蓋好厚呀☺️ 奶蓋上面仲有果仁粒 先飲嗰個奶蓋 覺得佢比其他店嘅奶蓋冇咁鹹 而且味道好豐富 淨係食個奶蓋都食到好香果仁味 茶底我哋嗌無糖🍵 杯蓋上面有個指示 最後可以將奶蓋同茶撈埋嚟飲 令到個茶味更有層次 再配埋粒粒果仁 真係好香 感覺又輕盈好多🏃🏼‍♀️焙茶堅果奶茶打開個蓋顏色有啲似朱古力 味道好香 主要係焙茶嘅味道 但係又飲到有果仁嘅香味 真係好啱素食嘅朋友呀😎 呢杯堅果奶茶飲完都唔會覺得太膩 真係飲完都唔會覺得太邪惡😏個人覺得奶蓋茶更加出色 因為比起普通芝士奶蓋更加好飲又有層次 呢間舖頭分店都好多㗎🤑 下次行過又口痕 又可以幫襯多次啦 continue reading
(The above review is the personal opinion of a user which does not represent OpenRice's point of view.)
Level4 2022-03-28
555 views
平時超鐘意行街就買杯珍珠奶茶🤣聽講佢好健康係用堅果做嘅奶,所以比較平時嘅健康啲,不過價錢都貴啲🙈見好耐冇出過街就益下自己啦🤣🤣🤣佢門面好有特色,同其他分店一樣都係有啲nuts係門口!幾特別!!我見平均一杯都要40蚊,都唔算好平🤣🤣🤣不過難得出嚟,就叫杯伯爵朱古力堅果奶蓋茶!!每日限量100杯🤣碰吓運氣睇吓有冇得飲!!!wahhhh!!!個奶蓋多到就嚟滿瀉🤣🤣🤣🤣上面有超濃嘅朱古力粉!見到佢介紹食咗個奶蓋先,竟然有少少似食緊甜品一樣🥰🥰😍好濃朱古力味!!!食咗一半左右就開始有少少肥,就跟佢嘅方法45度角咁樣飲😍正咼!!伯爵茶嘅味減咗朱古力嘅甜,perfect match!!!!!!!!!!蘋果脆脆楓糖堅果奶蓋茶 $40加咗4蚊要黑糖凍!!上面有啲蘋果脆脆喺度好特別!不過杯茶呢相對就比較酸嘅!!好醒胃🤣👍🏼但黑糖凍呢好好食😋配合你杯茶就啱啱中和左啲酸味啦!!雖然佢價錢比較貴啲,但係健康無價🤣 伯爵茶朱古力果然係限量!!真係好好味😋 continue reading
(The above review is the personal opinion of a user which does not represent OpenRice's point of view.)
Level4 2022-03-22
355 views
好耐都沒有出過旺角,不是要去旺角中心取貨也很少踏足此區,特別是這個疫情時段……既然來到這裏,就逛一逛,的確旺角中心已不是昔日的旺角中心,行得挺舒服,看來大家都真係乖乖Stay at home。行下行,竟然俾我發現這間飲品店,太好了! 之前在銅鑼灣飲過,一飲就愛上,但由於很久沒有周街逛,所以都沒有飲好耐。開放式的店舖,沒有坐或企位,只供外賣,舖位雖小,但整齊企理,門口貼了不少飲品相片,當然不少得具代表性的五支堅果柱啦! 看看menu,飲品有七個系列,分別有堅果奶蓋茶、堅果奶、堅果奶·茶、堅果汁、水果茶、法蘭絨手沖精品咖啡和特選好茶,另外還有奶蓋和純堅果乳堅供應,選擇相當多,令我有點眼花撩亂添……*****************************我一向都茶類情有獨鍾,所以在堅果奶蓋茶系列中點了杯焙香堅果奶蓋烏龍茶 Oolong Tea W/ Hojicha Nut Cream($45),烏龍茶做底,茶頂就是焙茶堅果奶蓋,再灑了些果仁碎。焙茶堅果奶蓋豐厚綿密,一羹一羹舀來吃,好滋味! 口感香滑,濃濃的果仁香中帶點鹹味,仲嚐到焙茶味,茶味不會太濃,沒有蓋了果仁香,好好味! 試啜一口茶,味道香純,再將奶蓋跟茶拌勻,又另一風味。茶入口變滑,加埋香濃的焙茶堅果奶蓋,比起用牛奶多了份果仁香,更添美味,而且甜度適中,喜歡!*****************************又怎能自私飲,當然預埋屋企人。他話需要多些維他命C,所以堅果奶系列中揀了杯微糖粉紅莓好堅果奶 Strawberry Nut Mylk($47)。一打開蓋就聞到士多啤梨香,加埋粉紅色賣相,我忍不住了……在批准下啜了幾口。味道酸酸甜甜,飲落去感覺好fresh,亦嚐到堅果味,估不到兩者如此夾。原來鮮果配堅果奶是那麼好味,我下次一定要來一杯水果堅果奶自私飲,哈!------------------------------在疫情下,真的少了外出,今晚竟然可趁機覓飲,可重拾美味堅果奶的美味,為現在的生活添了一點甜,好滿足! continue reading
(The above review is the personal opinion of a user which does not represent OpenRice's point of view.)
我真係一個奶蓋控🤤不過都知道奶蓋真係好肥😢認識咗nuttea之後我覺得奶蓋都可以健康又好飲!呢晚嚟旺中掃街,就同一向話台式飲品好肥嘅男朋友一齊飲nuttea🤣店員哥哥好有禮貌,而且好有耐性咁向我哋介紹佢哋嘅人氣嘢飲👍🏻都幾多唔同嘅飲品選擇~我就梗係飲我最鍾意嘅奶蓋😌今次叫咗個三粒星嘅推薦飲品~粉紅莓好堅果奶蓋茶 ($47)🍓佢上面係士多啤梨味奶蓋嚟,淡淡香甜嘅味~撩上嚟食好好味!之後就傾斜將奶蓋同埋茶一齊飲,個味都好balance,我叫咗微糖,可以飲到新鮮嘅士多啤梨味同埋茶香味,呢個酸度我覺得好啱我飲,最後撈埋奶蓋一齊飲,我平時好驚士多啤梨味似藥水味,但都覺得呢個好飲😚男朋友就揀咗佢最鍾意嘅朱古力榛果堅果奶 ($40)🍫呢個感覺都好濃,飲落口朱古力同埋榛果味好平衡~叫咗半糖亦都啱啱好,如果平時鍾意飲朱古力,又唔抗拒nuts嘅我覺得好值得試!呢間店可能比起其他台飲店價錢會貴少少,但飲過就知佢哋係真材實料🤤飲過幾次唔同分店,次次都好有水準,抵讚!👍🏻 continue reading
(The above review is the personal opinion of a user which does not represent OpenRice's point of view.)
Level4 2022-05-21
0 views
今日經過旺中 ,行到好頸渴,見到有間比較健康嘅茶飲店,唔會係一般台式珍珠奶茶咁健康,依家去堅果奶,好適合素食者,乳糖不耐症人士我朋友買咗兩杯伯爵朱古力堅果奶蓋茶 滿滿一杯,顏色都係朱古力色,拎到手嘅時候,店員要俾埋小匙羹,飲之前可以食左面既奶蓋先。奶蓋多到就嚟滿瀉,面有超濃嘅朱古力粉朱古力味既堅果奶蓋灑上可可粉,配上微甜的伯爵茶, 食到好濃嘅榛子果仁朱古力味,好滑又綿密伯爵茶,真係清而香,除左飲到朱古力味,仲會感覺到好清嘅伯爵茶。再試下搖均飲,又係另一個口感,好好飲。飲完一杯真係飽賣相很有霸氣另一杯牛油果堅果奶,好原汁原味,滿一輩都係健康食材,甜度仲可以自己揀,咁落去會飲到啲堅果微粒,非常之有口感,配埋牛油果,呢個組合真係非常之特別唔係度度飲到,飲落去非常之幼滑 continue reading
(The above review is the personal opinion of a user which does not represent OpenRice's point of view.)