NUTTEA (大明里) (Closed)

Nuttea 係一間行過好想試，但身邊嘅友人都話好重杏仁味唔好試，因為我都好唔鐘意杏仁露啊杏仁豆腐嘅味道，今次另一個友人就話其實係榛子味，exactly 金沙咁嘅味， 所以今次先會試佢奶蓋由5款果仁整成，榛子味偏重，質地厚實，冇芝士奶蓋咁咸，啱晒唔鐘意甘咸又果仁控嘅人✨奶蓋四季春 $35 奶蓋質地超級厚身，唔怪得要用小鏟子嚟食啦😂😂 望落同其他茶飲店差唔多厚度，但真係飲極都但奶蓋難啲淨係用飲管吸，邊飲邊攪勻杯野都仲有奶蓋，飲到一大半已經好飽😂😂 ✨滿杯葡萄 $39葡萄水果茶，當飲緊奶蓋啲邪惡野開始覺得heavy嘅時候，飲一啖水果茶係超級fresh🍇🤩 果糖成分高啲，一定係用新鮮葡萄啊！ 友人話佢食到啲提子皮🤣 …Read More

唸住大埔墟新開茶飲店，決定去試吓，叫左個台灣紅玉堅果奶茶，點知個店掛住覆訊息，落錯單，變左台灣紅玉堅果奶蓋茶，都唔緊要，我心諗應該差唔多掛，一陣間好快杯野飲就有，因為冇乜人買，得我一個，我行去想拎，因為我加左$1要個袋，我企左係度成分鐘，點知個店員冇理我，我出聲系未我架杯野，佢話系，就叫我拎走，我話我加左個袋，佢先拎個袋出嚟，佢由頭到尾眼都冇離開個電話，杯野一般丫～甘ge態度，真係唔會再買～早知買其他…Read More

網上優惠半價，落order足足要等我20分鐘，叫咗少冰半糖，但係味道係淡到冇甜味同完全一粒冰都冇，其實我落order佢係咪已經整定好；要個客等20分鐘先拎走？搞到杯奶茶勁難飲囉，好似飲緊粉狀奶茶，佢嘅飲品選擇又少又貴，應該唔會再幫襯，問咗收銀員兩次可否先收錢，佢話整咗杯嘢飲先再收錢未遲，因為上次app落order收咗錢先整嘢飲(有單據)，而今次覺得我冇張單杯嘢飲要等幾耐呢，咁好啦，聽佢講等埋杯嘢先再收錢，之後就聽到佢同啲同事係咁發脾氣話我煩，但佢唔知道我聽到，佢啲態度真係有待改善。杯野我真係足足等咗20幾分鐘，客又唔多，又話整其他飲品如果收咗錢就好亂，其實係咪因為半價優惠唔想買俾個客。…Read More

今日同同事講開nuttea，轉頭就見到大埔都新開咗分店～就即刻去買一杯試吓！我揀咗嘅係奶蓋茶排行榜上第二位嘅～四季春堅果奶蓋，微甜少冰舖頭唔多人，等咗大概3分鐘就有嘢飲！四季春茶茶味適中～甜度對我嚟講啱啱好但稍稍唔夠凍，下次會叫返正常冰度⋯堅果奶蓋好厚，飲到最後都仲有奶蓋剩！味道同果仁雪糕好相似奶蓋上面仲有些少果仁粒增加口感（讚！）店員仲好貼心咁俾咗一枝小匙羹～可以畢啲奶蓋出嚟直接食奶蓋嘅好夠杰，畢出嚟食完全冇問題！有得大啖大啖食真係好滿足（笑）…Read More