15
9
3
2-min walk from Exit B, Causeway Bay MTR Station continue reading
Telephone
2997 4605
Opening Hours
Mon-Sun: 08:30-23:00
Payment Method
Cash
Review (27)
食租金不是食點心! Featured Review
Level4 2017-03-06
63 views
港人深受自由行、水貨客禍害。搵食艱難,美食難求,貴貴貴同貴﹗致處都是珠寶首飾店、金舖、藥行、化妝品美容公司泛濫,小店、食肆、本土特色崩潰。病態市場租金及病態街舖種類,老闆幫業主、地產商打工,慘不忍睹。重災區上水、元朗、大埔、沙田,就連銅鑼灣都不能幸免!地球好危險,香港淪陷,危險,速逃!今晚出舖頭出糧、開票、找數,做完野自己嘆返個餐先。發現樓下地舖開左間麵檔,而且仲有點心食添喎。知已知彼,探個究竟先。走到門口,原來係地牢舖黎喎,經驗所得樓底必定好矮,內籠必定是非常侷促,慢慢走落樓梯,好快有結果喇。嘩,晚市時間只得兩個食客,真係見者流淚,心頭一酸。搵個開揚位置坐下,樓不未算過低,尚可以接受,裝潢似學生 canteen 多過潮州麵店,空氣流通,都算坐得舒服。為表誠意,等我細閱每張 menu 先。點心價錢費到有點冒汗,北菇棉花雞 $46、蝦餃 $40、糯米雞 $28,最平係叉燒包都要 $26,跟碗丸麵、蛋麵同價,牛麵全部過 $40 呢。單餸湯麵加一個點心加一杯凍飲 $96,雖然真係貴左少少,但係銅鑼灣區天價舖租之下,都不難理解呢,上水一盅蒸飯加一個點心加一杯飲都 $62 啦。藍蝴蝶,咩飲品黎架?食家最基本要有冒險精神,梗係要試試先!幾好飲喎,似巨峰提子流打味囉。牛腩片麵走蔥,都話走蔥咯,唉。老闆您好緊張咩?我估依位寫單連收銀既四眼哥哥係老闆啫。牛腩片?做左幾十年人都係第一次聽,又係大陸傳入黎架?湯麵當然由湯底試起先啦,淺嚐幾口熱湯,堅係夠晒熱!有料到,味道 good 喎!雖然並不是清湯腩黏黏膠膠湯底,不過牛味香甜突出,而且質感夠厚,好味可口!再加入大量炸蒜份外香口,但個人較喜歡原汁原味呢。牛腩片有點似坑腩又有點似爽腩喎,肉質軟棉又有少少膠口帶點爽滑,極濃牛味滲出一丁點羶味,食得過。賣相平平無奇又普通既麵條,估唔到食落非常爽口,而且比一般既麵掛湯力強,每啖都爽彈多汁,正。試埋辣椒油,賣相不討好,辣椒碎大大塊,難得散發出極香辣椒味,夠香而微辣,免強合格既。北菇棉花雞,久候的雞,萬眾期待,終於出場。雖然依碟棉花雞折左都要 38 蚊,但係我食過最好味既!即叫即蒸等足 25 分鐘,熱騰騰冒晒煙出場。第一眼望落去,咁孤寒得冬菇片?仲要批左個頭呢!即刻由您食起,靚冬菇好香好彈充滿水份,好好好味。魚肚滑嘟嘟,棉得黎又微爽,吸盡雞柳同冬菇既精華,燙住咀咁食非常美味!雞柳滑到不得了,肉質細緻滑滑又有彈性,不會乾不會鞋,醃得香甜味美!好想 encore 食多碟呢,唔通又等多 25 分鐘咩!滿足,埋單歸去。 continue reading
(The above review is the personal opinion of an user which does not represent OpenRice's point of view.)
Level3 2017-02-11
166 views
每次去銅鑼灣補習,都會經過麵檔,所以今日見有時間,就嚟試下。Every time I have tuition in Causeway Bay, I pass by Noodle Stand. Today I was free, so I tried it.食物 Food:7.5環境 Environment:7.5服務 Service:7.5我叫咗Set A:海蝦雲吞麵,附一碟菜心同熱奶茶。I ordered Set A: Noodles with Fresh Shrimp Wonton in Soup, accompanied by a dish of Choy Sum and Hot Milk Tea.Set A 除咗海蝦雲吞麵,仲有其他選擇。雲吞味道唔錯,但得三隻,少咗啲。麵係生麵,另外可以揀粗麵、河粉或米粉。Besides Wonton, you can choose other toppings in Set A.The Wontons were quite good, but there were only three.I chose slang mein (raw noodles), but you can choose broad noodles, flat rice noodles or rice noodles. 油菜除咗菜心,仲可以揀生菜或白菜仔。Other than Choy Sum, you can choose lettuce or bok choy.不過不失。Average. continue reading
(The above review is the personal opinion of an user which does not represent OpenRice's point of view.)
Level3 2016-07-11
837 views
平日在銅鑼灣覓食主打日式、西式。今天沒甚麼胃口,也有好選擇。細蓉-雲呑麵 (4/10)麵夠爽口彈牙,有輕微䶨水味,可以接受的程度。雲呑鮮甜皮薄。價錢相對是便宜($26)但只有三粒有點不夠喉。豬手飯 (4/10)豬手炆得夠淋夠香,可惜飯不夠軟,但是可以接受的程度。菜 (5/10) 套餐加$8 ,份量不多但夠乾身,不會太油,蠔油另上,多少隨客人自己點。合桃露 (5/10)足料夠稠,送來時又糊又燙口,幻想要是冬天吃的話一定很滿足。個人覺得味道偏甜。 continue reading
(The above review is the personal opinion of an user which does not represent OpenRice's point of view.)
Level1 2016-07-10
542 views
星期日嘅銅鑼灣到到都多人,想一個人坐低食下嘢都唔易,咁啱經過呢鋪頭門口,見佢介紹嘅嘢食都幾吸引,就落去試下~環境:落到去鋪面都幾整潔,全店可坐約50人,可能下午茶時間,人唔算多,服務:全店員工都比較年青,雖然見佢地好開心咁傾計,但對住客人時有禮貌,呢方面值得一讚~食物:我選擇咗佢一個脆皮牛腩麵餐,等咗大約15分鐘,先試個麵,麵煮得剛剛好,唔會太硬,食落亦唔會一口鹼水味,再試脆皮牛腩,雖然份唔算好大,但一定係新鮮炸起,非常脆口,而牛腩亦適心處理過,入口即溶,好食,加埋麵同油菜就一定夠飽,可以再嚟食~~P.S.呢間鋪除咗麵食,重有點心,下次再試~~ continue reading
(The above review is the personal opinion of an user which does not represent OpenRice's point of view.)
Level1 2016-05-19
602 views
小弟係果頭返工的。收工好多時都要搵野食,好多時落到去都差唔多關門,阻人收工尤如殺人父母,呢個道理我又點會唔明丫,好多時我都係食十五分鐘就閃人。呢到有咩好食?其實點心都真係唔錯,即叫即蒸,仲有值得一提既係個蒸飯,同我平時食開既蒸飯好唔同,啲飯係好有口感,可能係即叫即蒸既關係啦🤔一啲都唔乾,岩岩試完個北菇蒸雞飯,係值得一試既👍🏿反而個排骨飯就麻麻地,啲肉痴牙痴到呀媽都唔認得😫呢間野叫麵檔,其實主打應該係細蓉先岩,個細蓉既鮮蝦雲吞都幾足料,真係有一隻蝦係入面,食落幾過癮,同旺果街邊果埋麵檔有好大既分別。仲有本人其實都好中意食貢丸,但係呢間既貢丸麵真係唔值得試😨一黎貴,二黎同我屋企打邊爐果啲無分別,我唔記得好似係3x蚊碗😥一啲都唔值!完 continue reading
(The above review is the personal opinion of an user which does not represent OpenRice's point of view.)