溢溢掂 香港味道 (Closed)

平時要買外賣都鍾意行去利園東街嗰邊，勝在夠多選擇其中一間好鍾意嘅外賣店就係溢溢掂，車仔麵啲餸選擇好多，而且價錢都好大眾化（雖然份量都相對地比較少）提提大家落完單之後要睇清楚，因為有時落單會落錯，拎到返公司先發現就😢喇

所有人都知道中環食一頓飯很貴，不帶飯的中環打工一族每天要外出吃午飯荷包很傷。這次發現一間性價比高的車仔麵店，適合打工仔光顧替荷包止血。這裡主打外賣，堂食只有非常小的立食位置。這裡除了有車仔麵，還有一些飯的款式，更有健康飲品和吸引的小食。這次外賣點了一碗三餸車仔麵，包括煎蓮藕餅、豆卜魚腐和掂叉燒油麵。店員很細心把湯另上，令麵條不會"淋"。三個餸都很好吃，蓮藕餅香口、豆卜魚腐有咬口、叉燒亦好味。油麵份量適中，麵條亦爽口。總結這個價錢可以在中環解決一頓午飯，味道還要是很不錯，絕對會再光顧。

溢溢掂的定價不貴，是中環鮮有的平靚正之選。這裡有一些平常少見的車仔麵餸，例如汁煮牛蒡、脆爽耳等，除了車仔麵外，午餐還有客飯和不少特色小食供應。店內沒有座位，只有足夠容納3人的企位。最欣賞店員的態度，有禮貌又貼心食物方面也不俗！3餸車仔麵（牛蒡、冬菇、雞翼）- 餸的份量不少，清湯的味道剛好不怕太淡或太咸，米粉吸收了湯底很夠味，同時保留到米粉應有的口感，炆過的冬菇很juicy，牛蒡很爽口、滷水雞翼入味而肉質亦很滑單點一份生菜，份量亦不少。另加$8就有一枝自家製健康飲料，要了一枝雞骨草，感覺天然沒有加額外糖份！

前後來了三次，覺得不錯。12:15前能來到的話一般不大用排隊，打後就可能要等十分鐘。接受八達通付款，十分方便。速度比隔壁餃子店快很多。外賣自取客陸續不斷。其中一個收銀姐姐很努力，會力推從三送變四送，加其他食品。拒絕也可以的。$35三送，$45四送車仔麵，有粗麵幼麵油麵米粉。個人喜歡米粉，試了油麵覺得麵身偏軟，還是去麥奀記或羅富記會好一點。加$8可以有中式健康飲品，味道不錯的。沒有蔥，只有芽菜。送之中覺得香煎魚餅最好吃，像日本魚餅蝦餅墨魚餅店能買到的一樣大大塊彈牙好吃。也試過釀豆腐卜、蓮藕餅（略嫌肉太多藕太少）、魚肉春捲（能媲美南記，而且更有自家製的味道）、煎釀茄子（也不錯，但是要算作兩個送，覺得有點不值，寧加來個青菜健康飽肚）、好掂叉燒（不知道是否當天的問題，但是唔太掂，肉很硬，不香，有筋難咬，不推薦）。喜歡中辣。

今日在中環返工，呢條小巷不嬲都出名多啲小食店，正正今日食lunch一點左右，未去到鋪頭已經見到有人排緊長龍問靚姐有乜好推介，佢話釀豆腐係招牌，次次都好快賣晒，咁我都唔輸蝕即刻叫咗一份我自己叫咗個幾餸車仔麵，有豬大腸，冬菇，雞翼同叉燒，大辣另外再叫多咗個海鮮炸豆腐添真係見到都流晒口水，唔使想叫埋佢個碗仔翅但我諗我已經食唔落啦🤣每一個餸都好入味價錢又唔貴全部都係有心機之作，絕對可以在encore本人極力推薦家鄉釀豆腐，豬腸同冬菇

今日星期五中環人頭湧湧，我還是去買外賣回公司吃好了。利原東街開了好幾間小店，我覺得是中環人的快、靚、正速食文化福地。其實有立食位我點選了《四餸車仔麵 $45 》（汁煮牛蒡、蘿蔔、豬軟骨、牛筋，配粗麵加腩汁）竟然有汁煮牛蒡做配料實在驚喜，仲要煮到好入味，甜甜地又薄身，好開胃，而且味道好百搭！蘿蔔就不是入味的那款，是清甜的，勝在大件。豬軟骨帶肉，好入味而且好夠腍，十分美味！牛筋腍中帶彈牙的口感，同樣入味！每碗車仔麵均附送荳芽菜湯分開另上，很細心。加$12買了支自家製雞骨草，清熱解毒，味道小甜不怕肥，哈哈。原來佢地仲推出左《有冬日暖笠笠套餐 （臘味糯米飯配花膠碗仔翅）$48》，天氣仲涼，下次可試！

中環友又再次黎呢到買外賣lunch起寸金尺土既中環搵到啲30幾蚊既午餐真係好難得味道好又充滿港式味道仲難得今日叫埋同事一齊黎買返公司食今次食仲發現佢除左whatsapp落單，uber/網上外賣平台外賣速遞，車仔麵仲有英文落單紙真係夠哂潮今次都係食三餸麵次次黎都必點既掂叉燒+豬軟骨+黃金魚餅+腩汁米線（湯另上）+黑芝麻豆漿叉燒依然水準十足半肥瘦冇得輸豬軟骨好入味魚餅食落都好驚喜腩汁湯底好夠味加$12既野飲都一級棒低糖剛剛好啱哂OL飲芝麻味同黃豆味都好香冇蓋左任何一種味正

落完中環送完個貨辨比個客，見有啲肚餓，記得附近有間車仔麵，即時走去開餐。間鋪真係細細間，連坐位都無，好似喺日本食麵咁，要”立食” 。無呢一排，個menu 多左好多素食選擇，連素食都照顧埋。不過我係食肉獸，都係選返自己鍾意啲餸麵。掂叉燒一定要order，不過因為太好賣，唔多夠比我，老闆叫我加另一個餸，最後我碗車仔麵要左，掂叉燒、蘿蔔、牛腩、同煎藕餅。掂叉燒，真係掂，肥瘦適中。蘿蔔入味又無渣，牛腩夠稔，藕餅都好香口。車仔麵本身夠爽，唔會稔，成碗車仔麵，我相當滿意。 仲有老闆嘅服務真係好，佢好有耐性將啲餸一樣樣介紹比人客，今時今日真係要有咁嘅服務至得。

經過很多小檔的利源東街買東西,發現了這間港式車仔麵溢溢掂, 這個店名意頭好,新一年日日掂。中午食飯時間好多中環白領排隊,應該不錯。細看車仔麵啲餸,有一些跟平常食到的不一樣, 例如有牛蒡，煎藕餅,掂叉燒。下單後,我就站在舖頭的一角，一來不用跟大家站在街上等候, 二來一定聽到店員叫喊的號碼。鋪頭以外賣為主,所以立食的地方不多。廚房占了鋪頭的三分二面積,開放式廚房,店員為保持衞生全都戴上藍色手套工作。收銀員要一兼多職,又要收錢,又要接電話下單,連whatsapp下單都要兼顧,認真厲害啦。現在外賣店都改用袋鼠快遞網上外賣平台.下單後等了十分鐘左右,就拿到我的外賣了！我點了一個三餸車仔麵,選了煎藕餅,豬軟骨,汁煮牛蒡，粗麵。 熱湯時用發泡膠碗盛載，麵底跟餸另外用紙碗盛載，可見店主有考慮過環保的角度，避免使用過多發泡膠碗。汁煮牛蒡甜甜地，醬汁減卻了一般牛蒡的蔘味，牛蒡纖维高，常常被人推為健康食品，這個餸菜很不錯，值得推介。豬軟骨超冧，軟骨很容易咬斷，應該用了很多時間烹煮，炆得好入味。煎藕餅，豬肉跟蓮藕的比例應該是二分一。每食一啖肉餅,都會食到蓮藕粒。可惜只有一塊，略嫌煎得未夠香脆。粗麵的分量很多，

之前同事有講過中環公司附近有間小店味道吾錯而且價錢都合理,所以今日專登做完野就去試下先,去到十二點多都有吾少外賣單,而門口都好清楚見到有吾同食物而且仲有餐牌添….當然我一定會叫朋友話好食的豬手啦,而且再加上四個餸添,作為快捷簡單午餐.這裡竟然有我最愛吃的牛蒡,在面店得少有這款,食落去味道剛好而且夠淋身又入味,吾錯. 不可不講這裡的辣度味道夠香又辣度剛好,愛吃辣朋友一定會好鐘意食.午餐肉都煎得好香而已都幾厚身,啖啖肉.這款其他地方都少有的豆卜魚腐和豬手, 豆卜入面超足料又軟熟,吸晒辣汁好惹味,而這個豬手比心目中好食好多喎,皮好脆又夠淋身而味道夠濃郁,勁多骨膠原係入面勁膠口感….杞子六花茶飲落去有輕輕杞子味又似五花茶味,都幾足料吾太甜又吾苦.而入面都有吾同圖同食品可以睇到,原來仲有下午茶添,價錢都吾貴,可以下次同同事再過黎食過.

聖誕過後，荷包乾乾地，lunch就惟有食平小小啦呢間外賣店選擇多價錢又唔貴！睇咗一輪，決定食個四餸車仔麵再加個飲品，$57搞掂食物包得好企理，湯係另上的，唔會浸到碗米粉漲哂！一打開，見到咁多餸，開心腐皮魚卷好味，有啲南記的影子。豬軟骨都唔錯，又淋又入味！叉燒雖然瘦但都唔會硬。不過最正都係豬腸去哂肥膏而且夠哂淋！湯底淸清地，有小小甜味，唔會好咸整體水準唔錯，價錢又抵，老闆仲話其實lunch time 可以打電話落定單，黎到就可以俾錢拎嘢食走人，啱哂中環食晏趕頭趕命一族

平時好少係中環食野，因為都偏貴，但今日係細街入面見到哩間車仔麵，岀面嘅翻工一族大排長龍，望一望價錢又真係幾平民，於是試試佢！好似平時嘅車仔麵咁，自己拎紙揀餸揀麵揀汁，寫好就排隊俾錢等拎外賣。佢個度有堂食，但主要係做外賣生意，堂食位置得好細，要企係度食。我個日由於唔洗翻工，所以堂食，感覺又幾有舊式車仔麵嘅feel。佢都好多餸可以揀，我叫咗四餸麵套餐，可以唔理價錢任揀四樣餸，都幾抵㗎！我揀咗叉燒，菜心，蝦餅同埋雞翼，要咗米粉。黎到好足料大大碗，仲另外俾多碗湯我，好正。佢哩度啲叉燒好正！咬落係爽口㗎！！！而且幾厚身，唔會起渣！我想買成條翻去食哈哈哈！蝦餅係一大塊，厚厚一舊，好有口感！仲有雞翼入曬味，好食！我試埋佢間鋪推薦嘅花膠碗仔翅，同樣好足料，每一啖都會食到花膠同翅，凍冰冰食翻碗真係好暖！大大碗都係十幾蚊！其實係中環哩啲高級地方有平民價嘅食物，真係唔多，唔怪得咁受翻工人士歡迎。

<溢溢掂 車仔麵 碗仔翅 舊式美味😃>喺中環d 出口側邊利源東街轉入去 經過好多綠色既鐵皮檔 賣住好多首飾飾物 而旁邊 有好多外賣小食店鋪😃 好多都唔錯 今次就黎到呢間溢溢掂 試下佢既車仔麵 食店係外賣 亦有少量坐位立食 由於成日冇食過野 急不及待要立食😂Menu都幾多選擇 但為左方便快d 食到起見我點左個🍴滷水什錦麵 50 蚊🍜(送汽水 或素湯) 🍲大大碗什錦麵 材料豐富 有煮得好林既蘿蔔🥕 入味生菜🌿 彈牙爽口既鴨腎🦆 味濃既雞翼尖🐤 滷水蛋 🥚 紅腸🐷 全部都用滷水湯底浸住 好入味 個人覺得滷水湯底最襯 最襯粗麵🍜 粗麵爽滑盡吸滷水湯汁 加上甜辣既辣椒醬 好惹味🌶😍附送既素湯 🍲湯全部用微豆節瓜蘿蔔 煲成🥕 感覺好清新同清甜🍴街頭花膠碗仔翅 20 蚊🍲 碗仔翅都算大碗 入面既肉絲 木耳 🐷 切得好碎 甘樣同粉絲既口感會配搭d 加麻油胡椒粉醋 調味 會更正 而花膠係睇唔到 因為飲得到碗仔翅較平時嗰d香滑好多 所以應該有落到 都幾好味😍Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor

要數香港地道美食, 一定少不了車仔麵. 今天在中環做野, 午飯剛好在附近經過, 比佢個餐廳名吸引, 這裡是典型車仔麵食店格局, 廚房係門口果種, 看了一陣發覺地方整潔, 我最怕有些車仔麵店一地滑沰沰又黑, 呢度絕對好 ok 呀. 溢溢掂位於中環心臟地帶, 人流多, 再加上美食當前, 排隊點餸的人更多. 排了十分鐘左右可點餸. 我 order 了大碗什錦麵, 同埋惹味小食拼盤. 呢度的湯底非常鮮味, 絕對唔覺味精; 而湯底我選了小辣, 辣度剛剛好亦一流, 真係食到口水長流, 又唔會辣到你食唔到. 碗麵有好多配料, 例如牛丸, 墨魚丸, 蘿蔔, 魚皮餃, 牛腩, 豬軟骨等. 我最喜歡是蘿蔔夠林, 又可以吸收碗麵的香味, 而牛丸又好有口感, 十分不錯. 另外, 我覺得食車仔麵始終油麵最正宗美味, 皆因夠爽口彈牙. 而又要提提個惹味小食拼盤, 我認為是必試, 入面有炸魚肉燒賣, 海鮮豆腐, 同埋腐皮魚卷.幾樣野都炸得軟硬適中十分難得, 而且彈牙, 配埋辣醬食真係一流.最後, 食店的員工態度值得一讚, 十分好禮貌. 而且廚房內的員工自己都有講有笑, 整出來的野食自然有 heart d.

中環的食店、餐廳最忙是星期一至五的午市時段， 去左間店叫"溢溢掂"見服務都幾好在忙的時候，真要加印象分，是一間提供地道港式麵食快餐的食店，見外賣都好快手比食客食物。咖哩湯油麵(自選配料)，以惹味的咖哩魚蛋、豬皮、墨魚丸及包心貢丸作主餸配料，質地嫩滑爽口的油麵條加上可口的辣辣油咖哩汁湯底，我好喜歡佢個咖哩湯底又不會太重香料味，是好合香港人的咖哩口味，魚蛋同豬皮都似食緊街邊檔小食幾好味， 成盒(外賣式)吃落就認真滋味呢。