Noodle and Dog (Closed)

希慎food court向來是窮人恩物，應有盡有，選擇多。見到呢檔booth嘅menu都幾吸引，就試下佢個鮮蝦明太子湯麵。嘩...食第一啖即刻中伏，好難食雖然係幾特別，但一d都唔夾，明太子味道唔錯，可惜個麵唔好味，再配温泉蛋，更加唔夾。如果係冷湯，成件事會好唔同。雖則係唔好味，不過幾抵嘅，加$10有野飲同有沙律或者烚菜，仲要幾大碗下。好彩抵食，食完都無咁嬲。可能其他野會好味d掛，呢個明太子湯麵真心唔推介食。

平時食金百利都食到口淡淡，個日係誠品買完書就上多層睇下有冇野岩食。見到呢間係平時food court冇見過既餐廳，食物又幾特別，就叫左1個黎食😏⭕️辣汁滑雞飯餐 $60雞肉份量算多，勁滑，加上甜甜地辣辣既汁食，幾惹味！除左雞同飯之外，仲有隻流心蛋，堅流心！飯本身仲有小小類似豉油既汁加上蛋汁，成個飯係勁豐富又唔洗怕乾！餐除左飯，仲有水果or沙律同飲品。簡左水果，份量正常，西瓜勁甜勁多沙，蜜瓜就冇咩味。野飲要左羅漢果水，唔太甜，幾養身☺️☺️

在Hysan Place的food court覓食，意外發現Noodle and Dog有素食提供。Noodle and Dog顧名思意就是有麵和熱狗，當中有不少有趣的combinations。因為不知道熱狗的麵包是否純素，還是待稍後確認後才試。放棄熱狗後就轉投麵食，整個tomato soup noodle都很吸引。麵以蕃茄濃湯作湯底，味道十分濃郁，另有白菜、菇類和洋蔥作配料，感覺得有誠意，並非只是純粹為餐牌加上素食選擇。除了主食外，想不到在food court的餐點也有前菜和甜品。煎菜是一般的麻醬沙律，不過很多日式麻醬其實都非純素，走掉會比較安全。甜品是火龍果和西瓜，繼續走健康路線，整個set都很豐富，實在出乎意料之外。

週末陪朋友去銅鑼灣揀婚紗之前先醫醫肚，就去左Hysan Place 嘅food court，呢度嘅選擇都好大路，係平日見慣嘅連鎖食肆，只得Noodle and Dog 唔係，所以吸引左我嘅注意。叫得Noodle and Dog，就係賣麵食同熱狗（查實都有飯賣 XD)，食物選擇都幾多，而且幾特別（例如係腐乳口味嘅熱狗、鮮蝦明太子麵），但呢排經常喺街外食飯，想食得健康d，於是揀左個素食嘅套餐。個餐有芝麻醬沙律、蕃茄湯麵、生果同埋飲品（要咗羅漢果水），賣$65，喺呢區黎講算係幾抵食。講返味道，沙律嘅蔬菜夠新鮮，亦唔會「水呢呢」，芝麻醬嘅份量亦落得啱啱好。個麵用個煲仔載住，有懶人喺屋企煮即食麵嘅風味，但入面嘅材料就健康得多：蕃茄湯好濃郁，麵條就比較腍滑，食落都幾夾；白菜仔係白烚嘅，但我反而覺得少d調味比較好；另外仲有洋蔥炒雜菇，用左黑胡椒炒好惹味，洋蔥好香甜，菇夠juicy，但我覺得調味落得重手左少少。生果都新鮮，唔係浸過糖水嘅貨色。我欣賞飲品嘅羅漢果水冇加糖，雖然淡d但健康好多。呢間嘅性價比都幾高，味道又唔錯，可以encore!

工作放工後，去銅鑼灣行了一陣街。 於是在希慎廣場食了這間麵店， 對明太子有興趣，又想吃湯麵，於是點了這款鮮蝦明太子麵了 整餐一共用了65元， 如果單買鮮蝦明太子麵只需55元， 另加十元能有汽水飲和沙律食 一個套餐的價錢算中肯。湯底幾清新，但鮮蝦食落去不太新鮮，我覺得湯底份量不是太多， 沙律都算新鮮。整餐驚喜一般… 得過且過吧…

放lunch 發現food court 甜品店已經轉左手，見到咁多款熱狗同iconic hotdog 咁唔同，即管試下！經店員推介牛肉新鮮即叫即整喎，所以試左個牛油果醬牛排熱狗，牛肉係就係好食，不過唔好彩我有條咬唔開嘅皮由頭帶到落尾，根本無得一啖肉一啖包仲有我最鐘意嘅牛油果醬調製得酸酸地無左個份香味⋯⋯另外order左杯室温嘅羅漢果茶，點知可能唔係屋企煲個款返去勁去🚽⋯⋯值得一贊係個包好新鮮，唔係隔夜包。覺得下一次可以試下飯嘅。但一定會避開飲羅漢果茶！(身體無咁差嘅朋友可以繼續飲)

在得到了太太的御准之後，今天下午趁機溜出去銅鑼灣一帶秘密地去找今年太太的生日禮物....有一整個下午數小時給我去找心頭好，時間自然是非常的充裕。 此時心念一轉，打算先到別的地方去吃點東西來一個下午茶，之後才集中精神去找禮物....這着實是一個蠻不錯的idea呢....忽然很掛念美式熱狗, 於是乎試試上網查一查有什麼地方可以吃到好的出品.... 找呀找 , 最後找到來這裡....喵一喵menu，發現這裡的熱狗由款式、材料配搭以至取名都是極度有創意的 ---- 什麼腐乳狗、 秋田犬、純種狗等等的名字，令人一看便發出會心微笑....材料上的配搭亦不光只得沙律醬、生菜、番茄或香腸。 好像我今天點的這隻叫作 "蠔狗"的 , 裡頭就除了有辣肉腸之外便有兩只廣島蠔舖在熱狗包身上....舖上了不少罌粟籽的熱狗包說實在只是烘得微微發熱。對個人來講，温度夠熱的熱狗包着實是一隻出色hotdog的先決條件.... 在這一方面來說 , 這oyster dog是少不免要扣一點分數....切成片狀的辣肉腸是惹味的 ; 沾上蛋漿後煎過的廣島蠔亦十分飽滿juicy而味不見腥 ; 醬汁方面不是以尋常的茄醬作配而是用上了和

接咗肥髀帶佢食飯，美食廣場店舖多！一定有啱食嘅食品，先搵好位，再同肥髀分開買食物。我一向喜歡發掘新食品，行咗一圈，見到一個好形格嘅櫃臺，黑底黃燈字，食物係熱狗同麵食為主，熱狗款式好奇特，連名稱都改得有趣，行埋櫃臺，店員哥哥好親切，我想佢介紹下啲熱狗，佢有禮逐一介紹，最後落好單，我影下啲餐牌佢麵都無阻止，仲送咗個襟章比我，店員在我面前整好交比我！一個托盤上有齊食物，放在金屬鐵盤上牛油狗（$65）好靚仔，店員仲好好咁比多啲牛油果醬比我（介紹時我講過）鬆軟麵包上有好多罌粟籽，增加口感，麵包外脆內軟！無骨牛肋條肉好靚仔，粗身又淋，肥瘦相間，有肉汁又醃得入味，加啲撈過醋汁嘅爽脆蔬菜，上面嘅牛油果好滑，幾香牛油味！好好味呀！意大利檸檬汽水連水果（跟餐$20）呢個汽水牌子未見過，店員話意大利果汁汽水，揀咗檸檬味，罐面有塊錫紙（平時飲罐裝飲料要抹下罐口，今次唔使）汽水酸酸地夠汽，好似平時嘅lemonade，好味，水果切方塊，西瓜爽口，火龍果微甜爽口！清爽好味！食物好味有特色，店員親切有禮，值得一試！

係foodcourt 口痕想食少少野，其他店大大份，所以揀左食hotdog! ~50蚊嘅特色熱狗，腸有梅菜豬肉(唔辣)&欖菜䜴角(辣) ，好有香港特包有gimmick ！又好多乜乜限定，好似牛油果牛柳熱狗！我有點選擇困難。。。叫左秋田犬配梅菜豬！加十蚊有set 羅漢果水同埋生果盤！ (hotdog 不是配fries架咩？) 個自家wasabi醬無得輸，辣得過癮！我一個女仔食得哂！扺食特別下午茶hotdog! 值得多d人食，其他foodcourt野好悶好普通囉！

個日行開 Hysan 搵食 因為想快食再去誠品搵書 點知去到food court 見到間新野 睇個名以為剩係食熱狗 行埋去就睇到 原來有其他野食 我叫左個牛肩扒配豬腩面 野飲可揀羅漢果茶同麥茶揀 羅漢果茶 出面餐廳比較少見 所以我揀左佢 等左五分鐘左右餐就攞得 個面黎到 豬腩片較少 但另外有幾片腸仔 牛肩扒熱騰騰 應該剛煎起 但較薄 不過都有好幾片 仲有一碗仔沙律 湯面普普通通 不過不失 類似拉面既面 配雞湯底 面食一次就夠 下次有機會會試下佢既熱狗

#Noodleanddog #秋田犬 大胃D去food court搵野食💁🏼😂我完全係因為個名而買(當然我都有問過老闆邊款受歡迎d)秋田犬$55 賣相唔錯 有西藏紅花同木魚絲舖面醬料係芥末醬 都幾嗆鼻😏比起出面既芥末醬更濃味 老闆話驚太嗆鼻 食唔到既話可以同佢講加沙律醬中和番👍熱狗腸味道ok 唔會過鹹 仲有一條長長蟹柳棒 甜甜地❤底層有新鮮沙律菜 作為下午茶唔錯既選擇👍食完老闆仲問我意見 態度又友善👍👍.Noodle and Dog (銅鑼灣)銅鑼灣軒尼詩道500號希慎廣場11樓1111號舖

今天返早班,放工打算吃餐好的.去到HYSAN 好多選擇, 最後選了這間因為是新的~店員十分有禮貌,而且笑容可加.選了廣島蠔豬腩片番茄濃湯.廣島蠔有3隻,即煎,煎得剛剛好. 蠔也新鮮,有蠔味.豬腩片好吃,但只有一片.番茄濃湯很夠味,有番茄蓉,不過略為多了點胡椒味.沙津和麥茶正常,沒驚喜.hkd70 一個套餐,有點貴.不過是好吃的. 最欣賞是食物立刻製作. 應該會再去試試熱狗.

Noodle and Dog was originally in Central. Their concept was to make Hong Kong comfort food and push it to the limit. It was weird enough for me to bookmark but with so many strange foodie things to distract me every day, I never got around to going to try them.Recently, they opened a branch in Causeway Bay. Inside Hysan Place's own food court. As it was now closer to me, I thought ... why not? Time to give it a go.They offer hotdogs and noodles along with other snacks. Items are in English and C

本身諗住上haysen food court睇下，見到呢間熱狗新開張，服務人員又幾有心機介紹，就膽粗粗試下啦⋯一點就點左個腐乳熱狗😂應該唔係個個都接受到價錢係$65⋯我覺得都幾貴熱狗腸有的辣 成個包太濃味 不過都真材實料既但係就禁一個包絕對係唔夠飽。呢間試完就算lu，應該都唔會再番黎除非佢平小小😆