460
13
3
2-min walk from Exit B6, Ngau Tau Kok MTR Station continue reading
Telephone
27830313
Opening Hours
Today
Closed
Mon - Thu
12:00 - 15:00
18:00 - 22:00
Fri
12:00 - 15:00
18:00 - 23:00
Sat
18:00 - 23:00
Sun
Closed
Public Holiday
18:00 - 23:00
Public Holiday Eve
12:00 - 15:00
18:00 - 23:00
Payment Methods
Visa Master AlipayHK Alipay Cash AE
Number of Seats
140
Other Info
Online Reservation
Wi-Fi
Alcoholic Drinks
May Bring Your Own Wine
Cake-cutting
VIP Room
Parking
Phone Reservation
Reward Dining Points
Delivery
10% Service Charge
TV Broadcast
Spot payment
About Reward Scheme
Review (490)
Level4 2020-06-20
1025 views
近排放工,想搵好西食。所以去咗依位於牛頭角嘅西式餐廳。個環境幾chill,有假嘅蠟燭燈光,佈滿咗好多白色又細粒嘅吊燈。環境空間都幾大,坐得都幾舒服😌。餐牌選擇嘅種類都幾多,有salad 丶snack 丶pasta同pizza等等。當然仲有佢地最出名嘅main(牛扒)丶甜品等。salad Alaska crab meat & Avocado tower $138亞拉斯加蟹肉牛油梨塔蟹肉同牛油果好夾,再配上黑魚子醬。酸甜鹹三種口感出晒嚟。清新嘅牛油果無擔去魚子同蟹肉嘅鮮味,反而互相配合,味道更有層次。chan -grilled U.S Angus steak $318炭燒安格斯西冷牛扒(五成熟)10oz西冷牛扒份量都幾大,雖然五成熟,但無咩血水,火侯處理都幾好。牛扒面層燒得好靚,井字嘅網格,無烤焦過頭。牛扒有蕃茄丶薯仔等配菜。蕃茄多汁爽甜,牛肉軟腍,筋同脂肪比較少,客易切開。食落去,牛扒十分juicy ,富有口感。smoked salmon pizza $138煙三文魚薄餅煙熏三文魚有著濃濃嘅煙熏味。三文魚唔腥而香郁,薄餅上層鋪滿新鮮而清新嘅火箭菜,雖然火箭菜帶點苦味,但同三文魚同沙律醬,好夾,帶點清爽。而薄餅皮薄而而外層脆口。Apple Tart $88蘋果撻撻皮香脆,而撻中嘅蘋果蓉都好多,配中雲呢拿雪糕,甜中帶甜。係一間幾chill,又具浪漫格調嘅西餐廳。 continue reading
(The above review is the personal opinion of a user which does not represent OpenRice's point of view.)
Level4 2020-06-19
585 views
好耐都無兩公婆出去撐枱腳啦😎終於撞啱時間一齊放假🎉可以出去食餐飯💕又有人帶我去食好西🤩今次竟然工廠大廈😱原來之前吳生係呢間餐廳食過Lunch😲覺得唔錯,於是今次既晚餐就揀左呢到😎🔸我地最後叫左個2人餐$548🔹餐包🍞:坐低無幾耐,野食都未叫,餐包就先到💕呢個真係值得一讚👍🏻餐包好好食,烘到外脆內軟食落仲有陣陣既香草味,超正😎仲要麵包條,同樣烤得夠香脆💕🔹凱撒沙律:沙律菜夠新鮮🥗又估唔到份量都幾多仲要係一人一碟❗️🔹餐湯:今日個湯係椰菜花忌廉湯🤩勁香椰菜花味😌仲要係你每飲一啖,都飲到有椰茶花蓉😍所以絕對飲得出個湯係精心製作👍🏻🔹意大利巴馬火腿薄餅:我極力推薦呢個Parma Ham Pizza‼️d Parma Ham多到好似唔使錢咁🤩真係食極都有🤤一d都唔孤寒呀👍🏻面頭仲加左火箭菜同埋黑醋醬汁呢兩樣野配Parma Ham簡直又係最佳組合💕餅底都做得唔錯❗️烤得唔會過火啱啱好做到外脆內軟👍🏻又唔會食到餅底d燶味🥰唔錯🔹炭燒安格斯西冷牛扒:一上枱果下,勁香炭燒味🤩見到個網紋好靚😍我地叫左7成,切開黎睇係啱啱好😎塊扒都有水準👍🏻食落肉質幼嫩,一d都唔韌💕仲好重牛味添🤤🔹甜品:甜品係拿破崙,唔會太甜個酥皮都脆口😊不過我嫌佢細舊左d😂唔夠喉🔹餐飲:不得不介紹呢杯「美人魚」😍其實即係橙汁🍊+芒果汁🥭+7up橙同芒果個味道本身溝埋都好夾👍🏻加埋7up,就好似變左有汽既果汁咁飲落又唔會太甜💕仲要係叫Set餐既話,呢杯野可以有半價優惠😍好抵飲‼️因為佢個size大到可以養金魚😂最後不得不講就係環境,座位同座位之間都好闊落👍🏻而且成個場都吊滿星星吊燈,氣氛好好‼️拍拖都真係一流💕味道:5/5服務:4/5環境:5/5抵食:4/5 continue reading
(The above review is the personal opinion of a user which does not represent OpenRice's point of view.)
觀塘多工廈餐廳係人都知,隨著發展越來越成熟,戰線已經延伸去牛頭角嗰邊,好朋友喺佢公附近發掘到呢間餐廳,由於之前去工廈餐廳仲過唔少伏,原本不抱太大期望,點知原來有驚喜!Menu都有唔少選擇,鍾意嘅可以加$48 upgrade做一個有餐湯餐飲嘅餐,或者加$98變成一個full set course,會多左個凱撒沙律同甜品!我哋咁鍾意食,梗係要upgrade做full course啦!一直都好鍾意食蒜片橄欖油意粉,貪佢蒜香味夠重!咁啱見到Menu有呢道菜,但有隻辣椒仔喺度喎,問可唔可以走辣,侍應好有禮貌咁答冇問題,就揀咗呢樣。另外朋友見到有個signature dish係吉列牛柳,就點一份黎試。首先嚟凱撒沙律,沙律菜食得出新鮮爽脆,配上脆卜卜嘅麵包粒,加埋凱撒沙律醬,好一個開胃嘅前菜!跟住嚟嘅係餐前麵包同餅乾條,配上香草牛油,係我鐘意嘅香草味,牛油味重,好似仲有少少忌廉,幾特別!再黎上嘅係餐湯,加左少少橄欖油,令到湯更加滑身,飲湯時感覺到粉粉地,我諗係加左薯仔?湯份量剛好,配上麵包夠晒match。侍應處理食物上枱都好有次序,每食完一道,唔使一陣間就會送上下一道菜,唔會要客人等太耐,轉眼間蒜片意粉已經到枱,一睇賣相我就知道一定好食! 捲起意粉,蒜香味撲鼻,橄欖油掛滿面身,非常油潤!唔需要多講,大蝦厚身而且爽彈!一數之下,竟然仲有七隻咁多,以$128一碟來講簡直係超值!好快朋友嘅黑松露吉列牛柳亦都到枱,擺放得好有藝術感,伴碟嘅沙律菜顏色繽紛,同深色嘅吉列牛柳形成強烈對比!日式吉列牛食得多,西式吉列牛都係第一次食,用到輕輕切開,聽到外層脆卜卜嘅聲音,牛柳入口軟淋,淡淡黑松露味喺口腔散發,非常特別,果然係呢度嘅signature!雖然望落細細份,但係兩個人share完都好飽!最後上埋甜品,我之所以鍾意呢間餐廳,因為佢每道菜都有花心思,even甜品只係一個雪糕泡芙,都會裝飾得好靚,噴上少許忌廉,加上幾片鮮甜嘅士多啤梨,仲有藍梅,灑上朱古力粉,又成為一幅美麗嘅圖畫。悠閒咁舀少少雪糕泡芙,沾上酸酸地嘅士多啤梨醬,配上一片鮮果,味道層次立即UP!呢度除咗食物好食之外,我覺得最重要就係個presentation 同service,估唔到工下餐廳都咁有心思,淨係睇擺盤已經胃口大開!比起一啲商場/地舖西餐廳,實在更加出色!服務更加到位! continue reading
(The above review is the personal opinion of a user which does not represent OpenRice's point of view.)
Level4 2020-06-14
451 views
今日玩見家長,梗係要揀一間好少少又可以坐得耐嘅餐廳啦,呢間餐廳嘅環境幾好,啱晒幾個人一齊傾吓計。我哋嗌左個四人餐,落完單冇耐佢就俾咗啲餐包我哋,分別係每人一條餅乾條同埋一件好軟熟嘅麵包,佢條餅乾條係加咗香草,所以個味道都幾特別,而佢哋個麵包真係好軟熟,唔會乾爭爭硬掘掘,我覺得幾好食。個餐仲會包咗個沙律,雖然佢嘅材料好簡單,只係麵包粒同埋芝士碎,但係因為啲菜真係好新鮮,所以幾爽,唔錯。而佢哋個餐湯係羅宋湯,不過我自己覺得偏酸咗少少,但係我諗咁樣會幾開胃。睇佢個餐牌見到有一個好特別嘅食物,就係一支雪茄咁嘅樣,我哋仲天真地問咗個職員「呢支係咪真係雪茄嚟㗎」,咁其實佢係黑松露麵包粒扮煙灰,支雪茄就係薯蓉,所以其實成支都可以食落肚。另外仲嗌左一個薯蓉法式田螺,佢啲薯蓉真係好creamy,而成道菜都好香蒜蓉味,好好食。到主菜啦,我哋揀咗個香煎鱈魚扒,佢啲魚肉真係好滑,連個魚皮都煎得好香。另外一個就係西冷牛扒,我哋揀咗五成熟,佢嚟到又真係啱啱好,好腍。然之後仲有茄汁大蝦意粉,佢呢個就犀利啦,啲蝦仲多過意粉,隻隻蝦都大大隻,幾爽口彈牙。跟住仲有揀咗個火腿Pizza,佢係簡簡單單用黑醋做調味,而黑醋好香配合火腿,唔會太咸,味道幾夾,餅底鬆脆,唔會太實。然後我哋額外加咗一個白酒蜆肉意粉,佢啲蜆肉都好鮮甜,最重要係冇沙,而調味都好夠味,同樣地蜆肉多過意粉,好抵食。食到飽飽之後個餐仲有個甜品,係朱古力雪糕泡芙,泡芙外面包左層雲呢拿雪糕,而泡芙入邊呢係朱古力雪糕,雖然係咁,但唔會好甜,味道幾好。 continue reading
(The above review is the personal opinion of a user which does not represent OpenRice's point of view.)
Level4 2020-06-07
844 views
今次兩小口就嚟到觀塘工廠區搵食,睇下位於工廈入面的西餐廳有無意外驚喜先。餐廳有提供兩人/四人套餐和單點餐牌,這次我們想試些套餐以外的菜色,於是直接散叫。點好餐後,餐前麵包已很快送到我們面前。最喜歡口感鬆脆的麵包條,還有陣陣意式香草味,不過麵包稍為放涼了一點,如果是熱騰騰的會更好吃。接着是帶有濃郁菇菌香味的野菌忌廉湯,口感濃厚而且非常足料,每啖都吃得到一粒粒打碎的菇茸。來到今晚的主角,一大塊足12安士的炭燒美國特級牛肉眼扒出場!牛扒面層燒得十分漂亮,帶有井字網格紋,沒有烤得過焦。旁邊的小蕃茄一點都不馬虎,咬落去多汁爽甜很好吃。拿起餐刀輕輕一切,牛肉便能輕易切開,肉質軟腍沒有多餘的筋腱和肥肉,是名副其實的「啖啖肉」啊。男友鍾愛5成熟牛扒,切開便看到牛肉中間仍舊保持了漂亮的粉紅色,沒有煮得過熟,火侯控制得剛剛好。牛肉本身的肉汁也被牢牢鎖住,入口濕潤好吃。阿拉斯加蟹肉牛油果梨塔吃過濃味的牛扒後,來點酸甜的沙律清新一下味蕾。牛油果加上鮮甜蟹肉,兩者沒有搶去對方的味道,這個配搭果然合拍。鮮蜆意大利扁面麵質偏硬身食落更有口感,蜆肉鮮味但略為瘦小,用上酸酸地的醬汁煮成幾開胃。想不到工廠區中也有水準不俗的西餐廳,值得下次回頭再吃。 continue reading
(The above review is the personal opinion of a user which does not represent OpenRice's point of view.)